Tokoniʻi ʻa e Ngaahi Kaungāmeʻá ke nau Moihū mo Kitautolu
ʻE lava ke fakailifia ʻa e ʻalu ki ha lotu foʻoú, ki he niʻihi tokolahi. Te ke lava ʻo tokoniʻi hoʻo ngaahi kaungāmeʻá ke nau maʻu ha aʻusia lelei ʻi he moihū fakataha mo e Kau Māʻoniʻoni ʻi he Ngaahi ʻAho Kimui Ní ʻi ha feituʻu pē ʻoku nau nofo ai, ʻaki hoʻomou ʻalu mo kinautolu ki he ngaahi houalotu ʻa e Siasí pe ko hono tokoniʻi kinautolu ke nau maʻu ha haʻofanga lotu ofi kiate kinautolú ʻo ngāue ʻaki ʻa e Tuʻuʻanga ʻo e Falelotú.
Tokoni ki ho ngaahi kaungāmeʻá ke nau ʻiloʻi e meʻa ke nau ʻamanaki atu ki ai lolotonga ʻa e ngaahi houalotu ʻi he Sāpaté. Tali ʻenau ngaahi fehuʻí. Lotua ke nau ongoʻi ʻoku talitali lelei kinautolu pea ke nau maʻu ha aʻusia lelei fakalaumālie ʻi he taimi te nau fuofua moihū fakataha ai mo kitautolú. ʻE lava ke kole ʻe hoʻo ngaahi kaungāmeʻá ke takimamataʻi ia ʻi he falelotú kimuʻa pea ʻalu ki he lotú pe ko haʻane lesisita ke fetaulaki mo e kau faifekaú ʻi he ʻapisiasí ʻi he Sāpaté, ʻo kapau te nau fiemaʻu.
Ko e taimi pē te ke ʻalu ai ki he lotú, fakasio mo fakafeʻiloaki koe ki he kakai foʻou ʻi hoʻomou haʻofanga lotú. Te tau lava fakataha ʻo ngaohi ʻetau ngaahi taimi moihuú mo e ngaahi falelotú ke fakamāfana mo talitali lelei e tokotaha kotoa. ʻOku ʻatā ʻa e Siasi ʻo Sīsū Kalaisí ki he tokotaha kotoa pē.
ʻI he ngaahi feituʻu kuo fakangofua ai ʻe he kau taki lakanga fakataulaʻeiki fakalotofonuá ha ngaahi fakatahaʻanga, ʻe lava ke ke fakaafeʻi ho ngaahi kaungāmeʻa ʻoku ʻikai lava ʻo kau tonu atu ki he ngaahi fakatahaʻangá ke nau hū ki he fehokotakiʻanga vitiō fakalotofonuá ʻi he Gospel Stream.