« 37. Te mau titi, te mau pāroita ’e te mau ’āma’a ta’a ’ē » Buka arata’i rahi : Te tāvinira’a i roto i Te ’Ēkālesia a Iesu Mesia i te Feiā Mo’a i te mau Mahana Hope’a nei (2020).
« 37. Te mau titi, te mau pāroita ’e te mau ’āma’a ta’a ’ē », Buka arata’i rahi.
37.
Te mau titi, te mau pāroita ’e te mau ’āma’a ta’a ’ē
37.0
’Ōmuara’a
E nehenehe te peresideni titi e ani ’ia ha’amauhia te mau titi, te mau pāroita, ’e te mau ’āma’a ta’a ’ē nō te tāvini i te mau melo. Nō te mau ha’amāramaramara’a nō ni’a i te ha’amaura’a i te mau ’āmuira’a ta’a ’ē i roto i te misiōni, hi’o 36.3.
E ha’amata te peresideni titi i te hō’ē anira’a ’āpī i ni’a Boundary and Leadership Proposals (Te mau anira’a nō te ’ōti’a ’e nō te fa’aterera’a). Mai te mea e’ita tāna e nehenehe e fa’a’ohipa i te rāve’a ’itenati, e nehenehe tāna e fa’auta uira mai i te mau parau nā roto i te patara’a i ni’a i te rēni tūreiara’a. Te Peresidenira’a Mātāmua ana’e te nehenehe e fa’ati’a i te anira’a.
Nō te pāturura’a i roto i te mau Hau ’Āmui nō Marite ’e Canada, ’a niuniu i te 1-801-240-1007. I rāpae i te fenua Marite ’e Canada, e niuniu i te piha tōro’a o te ārea.
37.1
Te reo o te mau pāroita ’e te mau ’āma’a
E nehenehe te peresideni titi e ani ’ia ha’amauhia hō’ē paroita ’aore rā hō’ē ’āma’a reo nō te mau melo o te titi (1) ’aita e paraparau i te reo tumu o te fenua ’aore rā, (2) ’o tē fa’a’ohipa i te reo vāvā.
E nehenehe ato’a te peresideni titi e ani ’ia ha’amauhia hō’ē pāroita ’aore rā, hō’ē ’āma’a reo nō te mau melo nō roto mai i te mau titi tāpiri mai. E fa’anaho ’e e fa’a’au māite te mau peresideni titi i te parau fa’ati’a. E riro te hō’ē o te mau titi ’ei ha’apa’o nō te reira pāroita ’aore rā, nō te reira ’āma’a.
Te mau tītaura’a raro roa nō te ha’amau i te hō’ē pāroita ’aore rā, ’āma’a reo i roto i te hō’ē titi
|
Pāroita |
’Āma’a | |
|---|---|---|
|
Rahira’a melo (itoito ’e te mea paruparu) | Pāroita 125 | ’Āma’a ’Aita e fāito raro roa |
|
Rahira’a taea’e itoito tei mau i te Autahu’ara’a a Melehizedeka, tē ’aufau ra i te tuha’a ’ahuru ti’a, ’e e nehenehe e tāvini i roto i te mau ti’ara’a fa’atere | Pāroita 1 nō e 20 melo (itoito ’e te mea paruparu). 15 a’e fāito raro roa. | ’Āma’a 4 |
Nō te mau ’ōti’a o te mau ’āmuira’a reo, i te rahira’a o te taime e pe’ehia te mau ’ōti’a o te mau pāroita, ’āma’a ’e titi tumu.
E ’āmui te mau tamari’i ’e te feiā ’āpī o te hō’ē ’unite reo i te mau piha ha’api’ira’a o te hō’ē ’unite tumu, mai te mea e hina’arohia (hi’o 29.2.8).
Hi’o 36.3 nō te mau ’āma’a reo i roto i te hō’ē misiōni. Hi’o 36.4.2 nō te mau arata’ira’a nō te topara’a i te i’oa o te pāroita ’e o te ’āma’a.
37.1.1
Rahira’a melo i roto i te hō’ē pāroita ’aore rā i te hō’ē ’āma’a reo
-
Tītauhia i te mau melo ’ia ora i roto i te mau ’ōti’a o te pāroita ’aore rā o te ’āma’a reo.
-
E nehenehe te mau melo e mā’iti ’ia riro ’ei melo nō te ’āmuira’a reo ’aore rā nō tō rātou ’āmuira’a tumu.
-
E tu’uhia te parau melora’a o te ta’ata tāta’itahi i roto i te ’āmuira’a tāna e haere atu.
37.1.2
Te fa’aterera’a i roto i te hō’ē pāroita ’aore rā i te hō’ē ’āma’a reo
-
Te ti’ara’a mau, e pi’ihia te ’episekōpo ’aore rā te peresideni ’āma’a ’e tōna nā tauturu i roto i te mau ’ōti’a o te ’āmuira’a reo. E nehenehe e fa’ati’a i te feiā fa’atere ’aita e ora ra i roto i te mau ’ōti’a o te ’āmuira’a, mai te mea tē ora ra rātou i roto i te titi e ha’apa’o ra i te reira.
-
E tītauhia te parau fa’ati’a a te Peresidenira’a Mātāmua hou ’a pi’i ai i te hō’ē ’episekōpo.
-
Te ti’ara’a mau, e pi’ihia te tahi atu feiā fa’atere ’e te mau ’orometua i rotopū i te mau melo o te pāroita ’aore rā o te ’āma’a.
37.2
Te mau pāroita ’e te mau ’āma’a Feiā ’Āpī Pa’ari ’Ōtahi i roto i te hō’ē titi tumu
E nehenehe te hō’ē peresideni titi e ani ’ia ha’amauhia hō’ē pāroita ’aore rā hō’ē ’āma’a feiā ’āpī pa’ari ’ōtahi (nō te mau melo 18–30 matahiti) mai te mea ’ua nava’i te feiā ’āpī pa’ari ’ōtahi i roto i te titi ’o tē hina’aro e haere atu i reira. ’Ia ferurihia teie mau mea i muri nei :
-
Te ’ohipa i tupu i ni’a i te haerera’a i mua o te ta’ata iho ’e te tupura’a pae vārua o te feiā ’āpī pa’ari ’ōtahi. Tei roto i te reira tō rātou ’aravihi ’ia ’āmui mai i roto i te mau tuha’a ato’a o te ’ohipa nō te fa’aorara’a ’e te fa’ateiteira’a (hi’o 1.2).
-
Te ’ohipa e tupu i ni’a i te mau ’āmuira’a tumu nō reira mai te ’āmuira’a feiā ’āpī pa’ari ’ōtahi i te rave-ra’a-mai i te mau melo.
-
Te taime nō te tere ’e nō te ha’amāu’ara’a i tītauhia i te feiā ’āpī pa’ari ’ōtahi ’e i te feiā fa’atere.
E nehenehe ato’a te mau peresideni titi e ani ’ia ha’amauhia hō’ē pāroita ’aore rā hō’ē ’āma’a nō te mau melo nō roto mai i te mau titi tāpiri noa mai. E feruri te mau peresideni titi ē, e pāhono ānei te mau ’ātivite titi i te mau hina’aro o te feiā ’āpī pa’ari ’ōtahi, hau atu i te fa’ati’ara’a i te hō’ē pāroita ’aore rā i te hō’ē ’āma’a. E riro te hō’ē o te mau titi ’ei ha’apa’o nō te reira pāroita ’aore rā nō te reira ’āma’a.
Te titi tumu tei nā ni’a iho tōna mau ’ōti’a i te hō’ē titi a te feiā ’āpī pa’ari ’ōtahi, e’ite ïa te reira titi e ha’amau i tāna iho ’āmuira’a feiā ’āpī pa’ari ’ōtahi.
Te mau tītaura’a raro roa nō te ha’amau i te hō’ē ’āmuira’a feiā ’āpī pa’ari ’ōtahi i roto i te hō’ē titi
|
Pāroita |
’Āma’a | |
|---|---|---|
|
Rahira’a melo itoito | Pāroita 125 | ’Āma’a 50 |
|
Rahira’a taea’e itoito tei mau i te Autahu’ara’a a Melehizedeka, tē ’aufau ra i te tuha’a ’ahuru ti’a, ’e e nehenehe e tāvini i roto i te mau ti’ara’a fa’atere | Pāroita 1 nō e 20 melo (itoito ’e te mea paruparu). 15 a’e fāito raro roa. | ’Āma’a 4 |
Tei mātauhia, ’eiaha te mau melo o te hō’ē pāroita feiā ’āpī pa’ari ’ōtahi ’ia hau atu i te 225 melo itoito
Hi’o 36.4.2 nō te mau arata’ira’a nō te topara’a i te i’oa o te pāroita ’e o te ’āma’a.
37.2.1
Parau melora’a i roto i te hō’ē pāroita ’aore rā ’āma’a feiā ’āpī pa’ari ’ōtahi i roto i te hō’ē titi tumu
-
E mau melo feiā ’āpī pa’ari ’ōtahi (18-30 matahiti) e ora ra i roto i te mau ’ōti’a o te pāroita ’aore rā o te ’āma’a feiā ’āpī pa’ari ’ōtahi.
-
E nehenehe te feiā ’āpī pa’ari ’ōtahi e mā’iti ’ia riro ’ei melo nō te ’āmuira’a feiā ’āpī pa’ari ’ōtahi ’aore rā nō tā rātou ’āmuira’a tumu.
-
E tu’uhia te parau melora’a o te ta’ata tāta’itahi i roto i te ’āmuira’a tāna e haere atu.
-
Mai te mea tē ’ite ra te peresideni titi ē, e riro ’ei tauturu nō te hō’ē feiā ’āpī pa’ari ’ōtahi paruparu o tāna titi, e nehenehe ’oia e fāri’i ’ia fa’a-haere-hia tāna parau melora’a i roto i te ’āmuira’a a te feiā ’āpī pa’ari ’ōtahi. ’Ia itoito ana’e mai te melo paruparu, e nehenehe ’oia e mā’iti e haere ānei ’oia i roto i te ’āmuira’a feiā ’āpī pa’ari ’ōtahi ’aore rā e fa’aea noa i roto i te ’āmuira’a tumu.
-
Te feiā ’āpī pa’ari ’ōtahi i riro mai ’ei metua (18-30 matahiti) e tamari’i tā rātou i te fare, e fa’aea noa rātou i roto i tā rātou ’āmuira’a tumu. Terā rā, e nehenehe te mau metua e ’āmui atu i roto i te mau ’ātivite a te ’āmuira’a a te feiā ’āpī pa’ari ’ōtahi.
-
E’ita te mau melo e haere i roto i te hō’ē ’āmuira’a feiā ’āpī pa’ari ’ōtahi ’ia fa’aipoipo ana’e rātou ’aore rā ’ua ti’a tō rātou matahiti i te 31. Hi’o 37.5 nō te mau melo feiā pa’ari ’ōtahi 31–45 matahiti.
37.2.2
Fa’aterera’a i roto i te hō’ē pāroita ’aore rā i te hō’ē ’āma’a feiā ’āpī pa’ari ’ōtahi i roto i te hō’ē titi tumu
-
E ta’ata fa’aipoipohia te ’episekōpo ’aore rā te peresideni ’āma’a, ’e e ta’ata ferurira’a pa’ari ’e te ’ite rau. E tītauhia te parau fa’ati’a a te Peresidenira’a Mātāmua hou ’a pi’i ai i te hō’ē ’episekōpo. Te ti’ara’a mau, e pi’ihia te ’episekōpo ’aore rā te peresideni ’āma’a i roto i te mau ’ōti’a o te ’āmuira’a feiā ’āpī pa’ari ’ōtahi. E mea ta’a ’ē ri’i nō te mau ’āmuira’a feiā ’āpī pa’ari ’ōtahi tei roto i te ’ōti’a o te mau fare ha’api’ira’a tuatoru ’e tuarua.
-
’Ia riro nā tauturu o te ’episekōpo ’ei melo nō te ’āmuira’a iho. ’Aore rā, ’ei mau tāne ’ōtahi ānei, tei fa’aipoipohia ānei, ’o tē ora nei i roto i te mau ’ōti’a o te ’āmuira’a. ’Ei mau tahu’a rahi rātou. Te ta’ata noa atu ’o tei pi’ihia ’ei tauturu i roto i te hō’ē ’episekōpora’a e ’ere i te tahu’a rahi, e ara te peresideni titi ’ia fa’atōro’ahia ’oia ’ei tahu’a rahi hou ’a fa’ata’a ai iāna.
-
’Ei mau tahu’a rahi ’aore rā peresibutero te hō’ē peresideni ’āma’a ’e tōna nā tauturu.
-
E pi’ihia te tahi atu feiā fa’atere ’e te mau ’orometua i rotopū i te feiā ’āpī pa’ari ’ōtahi e melo nō te ’āmuira’a.
37.3
Te mau titi feiā ’āpī pa’ari ’ōtahi ’e tō rātou mau pāroita ’e te mau ’āma’a
I te vāhi e mea rahi roa te feiā ’āpī pa’ari ’ōtahi e noho ra i reira, tei mātauhia, tei pīha’i iho i te mau fare ha’api’ira’a tuatoru ’aore rā tuarua, e nehenehe e ha’amauhia hō’ē titi ’aore rā hau atu, nō te feiā ’āpī pa’ari ’ōtahi.
Te mau tītaura’a raro roa nō te fa’ati’a i te hō’ē titi, hō’ē pāroita, ’aore rā hō’ē ’āma’a feiā ’āpī pa’ari ’ōtahi
|
Te titi feiā ’āpī pa’ari ’ōtahi |
|
|---|---|
|
Pāroita feiā ’āpī pa’ari ’ōtahi i roto i te hō’ē titi feiā ’āpī pa’ari ’ōtahi |
|
|
’Āma’a feiā ’āpī pa’ari ’ōtahi i roto i te hō’ē titi feiā ’āpī pa’ari ’ōtahi |
|
Te titi tumu tei nā ni’a iho tōna mau ’ōti’a i te hō’ē titi a te feiā ’āpī pa’ari ’ōtahi, e’ite ïa te reira titi e ha’amau i tāna iho ’āmuira’a feiā ’āpī pa’ari ’ōtahi.
E nehenehe te hō’ē ’āmuira’a feiā ’āpī pa’ari ’ōtahi i roto i te hō’ē titi tumu e tu’uhia i roto i te hō’ē titi feiā ’āpī pa’ari ’ōtahi mai te mea ē :
-
E mea piri noa tōna mau ’ōti’a i tō te titi feiā ’āpī pa’ari ’ōtahi.
-
E fa’ati’a nā peresideni o nā titi e piti i te reira fa’anu’ura’a.
Hi’o 36.4.1 ’e 36.4.2 nō te mau arata’ira’a nō te topara’a i’oa o te titi ’e o te pāroita.
37.3.1
Rahira’a melo i roto i te hō’ē titi feiā ’āpī pa’ari ’ōtahi ’e tōna mau pāroita ’aore rā mau ’āma’a
-
E mau melo feiā ’āpī pa’ari ’ōtahi (18-30 matahiti) e ora ra i roto i te mau ’ōti’a o te pāroita ’aore rā o te ’āma’a feiā ’āpī pa’ari ’ōtahi.
-
Te feiā ’āpī pa’ari ’ōtahi ato’a, te mea itoito ’e te mea paruparu, i roto i te mau ’ōti’a o te titi, ’aita e ora rā i te fare i pīha’i iho i tō rātou metua, e melo rātou nō te titi feiā ’āpī pa’ari ’ōtahi, maori rā, e mā’iti rātou e haere noa i roto i tā rātou ’āmuira’a tumu.
-
Te feiā ’āpī pa’ari ’ōtahi e ora rā i pīha’i iho i tō rātou metua, e nehenehe rātou e mā’iti ’ia riro ’ei melo nō te ’āmuira’a feiā ’āpī pa’ari ’ōtahi ’aore rā nō tā rātou ’āmuira’a tumu.
-
E tu’uhia te parau melora’a o te ta’ata tāta’itahi i roto i te ’āmuira’a tāna e haere atu.
-
Te feiā ’āpī pa’ari ’ōtahi i riro mai ’ei metua (18-30 matahiti) e tamari’i tā rātou i te fare, e fa’aea noa rātou i roto i tā rātou ’āmuira’a tumu. E nehenehe te mau metua e ’āmui atu i roto i te mau ’ātivite a te ’āmuira’a a te feiā ’āpī pa’ari ’ōtahi.
-
E’ita te mau melo e haere i roto i te hō’ē ’āmuira’a feiā ’āpī pa’ari ’ōtahi ’ia fa’aipoipo ana’e rātou ’aore rā ’ua ti’a tō rātou matahiti i te 31. hi’o i te 37.5 nō te mau melo pa’ari ’ōtahi (31–45 matahiti).
37.3.2
Te fa’aterera’a i roto te hō’ē titi feiā ’āpī pa’ari ’ōtahi ’e tōna mau pāroita ’aore rā mau ’āma’a
-
Te peresideni titi, te pātereāreha o te titi, te mau ’episekōpo ’e te mau peresideni ’āma’a ’ei feiā fa’aipoipohia rātou, ’ei mau ta’ata tei ’ī i te pa’ari ’e te ’ite ato’a. E tītauhia te parau fa’ati’a a te Peresidenira’a Mātāmua hou ’a pi’i ai i te hō’ē ’episekōpo. E nehenehe rātou e pi’ihia mai rāpae mai i te mau ’ōti’a o te titi mai tei fa’aotihia e te peresidenira’a ārea. Te feiā ’o tē hōro’a i te reira mau pi’ira’a, e fārerei atu rātou nā mua roa i te peresideni titi o te reira ta’ata, nō te fāri’i i te parau fa’ati’a. Nō te mau arata’ira’a, hi’o pene 30.
-
E nehenehe te mau tauturu o te peresideni titi, te mau melo ’āpo’ora’a teitei, te mau tauturu nō te ’episekōpora’a, ’e te mau tauturu nō te peresidenira’a ’āma’a ’ei mau tāne ’ōtahi ’aore rā’, ’ei mau tāne fa’aipoipohia. E nehenehe te mau peresideni Sōtaiete Tauturu ’e te mau tauturu titi ’ei mau vāhine ’ōtahi ’aore rā ’ei mau vāhine fa’aipoipohia. E nehenehe te mau peresideni Ha’api’ira’a Sābati ’e te mau tauturu o te titi ’ei mau tāne ’ōtahi ’aore rā ’ei mau tāne fa’aipoipohia. E nehenehe ato’a teie mau ti’a fa’atere ’ei mau melo nō te titi. ’Aore rā e nehenehe rātou e pi’ihia mai rāpae mai i te mau ’ōti’a o te titi mai tei fa’aotihia e te peresidenira’a ārea.
-
E ti’a i nā tauturu o te ’episekōpo ’ia riro ’ei tahu’a rahi. Mai te mea, te ta’ata ’o tei pi’ihia ’ei tauturu i roto i te hō’ē ’episekōpora’a e ’ere ’oia i te tahu’a rahi, e ara te peresideni titi ’ia fa’atōro’ahia ’oia ’ei tahu’a rahi hou ’a fa’ata’a ai iāna. ’Ei mau tahu’a rahi ’aore rā ’ei mau peresibutero te peresideni ’āma’a ’e tōna nā tauturu.
-
E tītauhia te parau fa’ati’a a te Tino ’Ahuru Ma Piti hou ’a pi’i ai i te hō’ē pātereāreha.
-
I roto i te mau pāroita ’e te mau ’āma’a, e pi’ihia te tahi atu feiā fa’atere ’e te mau ’orometua i rotopū i te feiā ’āpī pa’ari ’ōtahi e melo nō te ’āmuira’a.
37.4
Te mau titi ’e te mau pāroita nō te pīahi i fa’aipoipohia
E nehenehe e fa’ati’a i te mau titi ’e te mau pāroita nō te pīahi i fa’aipoipohia nō te tāvini i te mau melo pīahi i fa’aipoipohia e ora ra i pīha’i iho i te fare ha’api’ira’a tuatoru ’aore rā, te fare ha’api’ira’a tuarua.
Te mau tītaura’a raro roa nō te ha’amau i te hō’ē titi ’aore rā hō’ē pāroita nō te pīahi i fa’aipoipohia
|
Titi nō te pīahi i fa’aipoipohia |
|
|---|---|
|
Pāroita nō te pīahi i fa’aipoipohia |
|
Hi’o 36.4.1 ’e te 36.4.2 nō te mau arata’ira’a nō te topara’a i te i’oa o te titi ’e o te pāroita.
37.4.1
Te ti’ara’a melo i roto i te mau titi ’e te mau pāroita nō te pīahi i fa’aipoipohia
-
Te mau melo, o te mau pīahi ïa tei fa’aipoipohia e ora ra i roto i te mau ’ōti’a o te pāroita nō te pīahi i fa’aipoipohia.
-
E nehenehe te mau pīahi tei fa’aipoipohia e mā’iti ’ia riro ’ei mau melo nō te pāroita nō te pīahi i fa’aipoipohia ’aore rā, nō tā rātou iho ’āmuira’a tumu.
-
E vaiihohia te mau parau melora’a i roto i te ’āmuira’a e haerehia ra e te ’utuāfare.
37.4.2
Te fa’aterera’a i roto i te mau titi ’e te mau pāroita nō te pīahi i fa’aipoipohia
Hi’o 37.3.2 ’e ’a fa’a’ohipa ato’a i te reira mau arata’ira’a.
37.5
Te mau pāroita a te feiā pa’ari ’ōtahi
Tei mātauhia, e mes ha’apa’o-maita’i-hia a’e te mau melo pa’ari ’ōtahi (31- 45 matahiti) i roto i te mau ’āmuira’a tumu. ’Ei ta’a-’ē-ra’a, e nehenehe te hō’ē peresideni titi e ani ’ia ha’amauhia hō’ē pāroita feiā pa’ari ’ōtahi.
E nehenehe ato’a te hō’ē peresideni titi e ani ’ia ha’amauhia hō’ē pāroita nō te feiā pa’ari ’ōtahi, nō roto mai te mau melo i te mau titi tāpiri mai. E fa’anaho ’e e fa’a’au māite te mau peresideni titi i te parau fa’ati’a. E riro te hō’ē o te mau titi ’ei ha’apa’o nō te reira pāroita.
Te mau tītaura’a raro roa nō te ha’amau i te hō’ē pāroita feiā pa’ari ’ōtahi i roto i te hō’ē titi
|
Rahira’a melo (itoito ’e te mea paruparu) |
125 |
|---|---|
|
Rahira’a taea’e itoito tei mau i te Autahu’ara’a a Melehizedeka, tē ’aufau ra i te tuha’a ’ahuru ti’a, ’e te nehenehe e tāvini i roto i te mau ti’ara’a fa’atere |
1 nō e 20 melo (itoito ’e te mea paruparu). 15 a’e, fāito raro roa. |
Hi’o 36.4.2 nō te mau arata’ira’a nō te topara’a i te i’oa o te pāroita.
37.5.1
Te ti’ara’a melo i roto i te hō’ē pāroita feiā pa’ari ’ōtahi
-
E mau melo feiā pa’ari ’ōtahi (31–45 matahiti) e ora ra i roto i te mau ’ōti’a o te pāroita feiā pa’ari ’ōtahi.
-
E nehenehe te feiā pa’ari ’ōtahi e mā’iti ’ia riro ’ei melo nō te pāroita feiā pa’ari ’ōtahi ’aore rā nō tā rātou iho ’āmuira’a tumu.
-
E tu’uhia te parau melora’a o te ta’ata tāta’itahi i roto i te ’āmuira’a tāna e haere atu.
-
Te feiā pa’ari ’ōtahi i riro mai ’ei metua (31-45 matahiti) e tamari’i tā rātou i te fare, e fa’aea noa rātou i roto i tā rātou iho ’āmuira’a tumu. E nehenehe te mau metua e haere i te mau ’ātivite a te pāroita feiā pa’ari ’ōtahi.
-
E’ita te mau melo e haere i roto i te pāroita feiā ’āpī pa’ari ’ōtahi mai te mea ’ua fa’aipoipohia rātou ’aore rā e 46 matahiti tō rātou.
37.5.2
Te fa’aterera’a i roto i te hō’ē pāroita feiā pa’ari ’ōtahi
-
E tahu’a rahi fa’aipoipohia te ’episekōpo tei ’ī i te pa’ari nō te ha’avā ’e tei ’ī i te ’ite pa’ari. E tītauhia te parau fa’ati’a a te Peresidenira’a Mātāmua hou ’a pi’i ai i te hō’ē ’episekōpo.
-
E nehenehe nā tauturu o te ’episekōpo e riro ’ei melo nō te ’āmuira’a iho. ’Aore rā, ’ei mau tāne ’ōtahi ānei, tei fa’aipoipohia ānei, ’o tē ora nei i roto i te mau ’ōti’a o te ’āmuira’a. ’Ei mau mau tahu’a rahi rātou. Mai te mea, te ta’ata ’o tei pi’ihia ’ei tauturu i roto i te hō’ē ’episekōpora’a e ’ere ’oia i te tahu’a rahi, e ara te peresideni titi ’ia fa’atōro’ahia ’oia ’ei tahu’a rahi hou ’a fa’ata’a ai iāna.
-
E pi’ihia te tahi atu feiā fa’atere ’e te mau ’orometua i rotopū i te mau ta’ata pa’ari ’ōtahi, melo nō te pāroita.
37.6
Te mau pāroita ’e te mau ’āma’a nō te mau melo i roto i te mau hete ta’a ē
E nehenehe te hō’ē peresideni titi e ani ’ia ha’amauhia te mau pāroita ’aore rā te mau ’āma’a nō te mau melo i roto i te mau hete ta’a ’ē, mai ia rātou tei roto i te mau pū ’atu’atura’a, i roto i te mau fa’anahora’a utuutura’a, ’aore rā i roto i te mau fare tāpe’ara’a.
Tei mātarohia, te feiā fa’atere e pi’ihia nō te tāvini i roto i teie mau ’āmuira’a, tē ora ra rātou i roto i te titi ha’apa’o i te ’āmuira’a.
Hi’o 36.3 nō te mau ha’amāramaramara’a nō ni’a i te mau ’āma’a i roto i te hō’ē misiōni nō te feiā ’āpī pa’ari ’ōtahi ’aore rā te ta’ata pa’ari ’ōtahi ; te mau melo ’aita e paraparau i te reo tumu o te fenua ; te mau melo i roto i te mau pū ’atu’atura’a, te mau fa’anahora’a utuutura’a, ’aore rā, te mau fare tāpe’ara’a ; ’aore rā, te mau melo i roto i te nu’u fa’ehau.
Hi’o 36.4.2 nō te mau arata’ira’a nō te topara’a i te i’oa o te pāroita ’e o te ’āma’a.
37.7
Te mau pupu i roto i te mau titi, te mau misiōni, ’e te mau ārea
Te mau pupu, o te mau putuputura’a na’ina’i ïa o te mau melo tei ha’amanahia, tei ha’apa’ohia ’e te hō’ē ’episekōpo, peresideni ’āma’a, ’aore rā peresideni misiōni. E nehenehe te peresideni titi ’aore rā, te peresideni misiōni e ani ’ia ha’amauhia te hō’ē pupu ’ia au i te mau hete i muri nei :
-
E mea fifi te rāterera’a nō te mau melo nō te putuputu i roto i te hō’ē pāroita ’aore rā, hō’ē ’āma’a.
-
E paraparau te tahi mau melo i te hō’ē reo ta’a ’ē atu i te reo tumu o te pāroita ’aore rā, o te ’āma’a.
-
E ha’apa’o-maita’i-hia a’e te mau melo i roto i te ’āua fa’ehau nā roto i te fa’aeara’a i roto i te hō’ē pupu (hi’o 38.9.4).
Nō te ani ’ia ha’amauhia te hō’ē pupu, e fa’atae te peresideni titi ’aore rā te peresideni misiōni i te hō’ē anira’a i te Peresidenira’a Ārea. Te Peresidenira’a Ārea ana’e te nehenehe e ha’amana i te anira’a.
Tītauhia e piti a’e melo i roto i te pupu. Hō’ē e tahu’a ti’amā i roto i te Autahu’ara’a a Aarona ’aore rā hō’ē taea’e ti’amā tei mau i te Autahu’ara’a a Melehizedeka.
I roto i te mau titi, e fa’aue te peresideni titi i te hō’ē ’episekōpo ’aore rā i te hō’ē peresideni ’āma’a ’ia fanahonaho ’e ’ia ha’apa’o i te pupu. I roto i te mau misiōni, e fa’aue te peresideni misiōni i te hō’ē peresideni ’āma’a ’ia fa’anahonaho ’e ’ia ha’apa’o i te reira.
Tei mātarohia, e nehenehe e ha’amau i te hō’ē pupu nō te tāvini i te mau melo e ora ra i roto i te hō’ē ’āmuira’a ’aore rā hau atu, i roto i te hō’ē titi ’aore rā hō’ē mata’eina’a. ’Ua fa’ata’ahia te ti’ara’a melo i roto i te pupu, nō te feiā e ora ra i roto i te mau ’ōti’a o te ’āmuira’a ’aore rā o te mau ’āmuira’a e ’āmui mai. ’Aita te mau pupu e tāpū i te mau ’ōti’a o te titi ’aore rā o te mata’eina’a.
E pi’i te peresideni titi, te peresideni misiōni, te ’episekōpo ’aore rā te peresideni ’āma’a i te hō’ē tīa’i pupu ’e e fa’ata’a ato’a iāna. E fa’anaho ’e e arata’i te tīa’i pupu i te mau rurura’a a te pupu ’e tae noa atu i te fa’aterera’a i te ’ōro’a mo’a.
’Aita te fa’atere pupu e mau i te mau tāviri autahu’ara’a, ’e ’aita ’oia e fa’ati’ahia :
-
’Ia fāri’i i te mau tuha’a ’ahuru ’e te mau ō.
-
’Ia a’o i te mau melo nō ni’a i te mau hara rahi.
-
’Ia hōro’a i te mau ’ōpanira’a nō te ti’ara’a melo.
-
’Ia rave i te tahi atu mau ’ohipa e tītau i te mau tāviri autahu’ara’a.
Tei mātauhia, e fa’a’ohipa te mau pupu i te fa’anahora’a niu nō te ’āmuira’a (hi’o 36.6).
E vaiihohia te parau melora’a o te mau melo o te pupu i roto i te pāroita ’aore rā i te ’āma’a e ha’apa’o nei i te pupu.
’Aita te pū fa’aterera’a o te ’Ēkālesia e hōro’a i te hō’ē nūmera ’āmuira’a nō te mau pupu.
E nehenehe te peresideni titi ’aore rā te peresideni misiōni e ani ’ia riro mai hō’ē pupu ’ei ’āma’a mai te mea ’ua ti’a te mau tītaura’a ato’a.
37.8
Te mau ’āmuira’a a te ’Ēkālesia i roto i te ’āua fa’ehau
Nō te mau arata’ira’a nō ni’a i te ha’amaura’a i te mau pāroita, te mau ’āma’a ’e te mau pupu melo fa’ehau e putuputu rā i roto i te ’āua fa’ehau, hi’o 38.9.4.