mga lalaki nga nagaistoryahanay

32.

Paghinulsol kag mga Church Membership Council

32.0

Introduksyon

Kalabanan sang paghinulsol nagakatabo sa tunga sang indibidwal, sang Dios, kag sadtong mga apektado sang mga sala sang isa ka tawo. Pero, kon kaisa ang bishop ukon stake president kinahanglan nga magbulig sa mga miyembro sang Simbahan sa ila mga pagpaninguha nga maghinulsol.

Kon nagabulig sa mga miyembro nga maghinulsol, ang mga bishop kag stake president dapat magpakita sang pagpalangga kag pag-ulikid. Ginasunod nila ang ehemplo sang Manluluwas, nga nagtib-ong sang kada isa kag nagbulig sa ila nga magtalikod sa sala kag magliso pakadto sa Dios (tan-awa sa Mateo 9:10–13; Juan 8:3–11).

Sa nasulat sa idalom, ining kapitulo gin-organisar para giyahan ang mga lider sa tunga sang importante nga mga desisyon kag aksyon nga kinahanglanon para buligan ang isa ka tawo nga maghinulsol sa seryoso nga sala kag buligan nga maprotektahan ang iban.

• Ang Papel sang Simbahan sa Pagbulig sa Tawo nga Maghinulsol. Ang mga seksyon 32.1–32.4 nagapaathag sang doktrina sang Ginuo parte sa paghinulsol kag kapatawaran. Ining mga seksyon nagapaathag man sang tatlo ka mga katuyuan sang mga limitasyon kag pagbawi sang pagkamiyembro sang Simbahan. Dugang pa, ginapaathag sang mga ini ang papel sang mga bishop kag mga stake president sa pagbulig sa paghinulsol.

• Paghibalo sang mga Pamaagi para Mabuligan ang Tawo nga Maghinulsol. Ang mga seksyon 32.5–32.7 nagahatag sang pagsulundan sa pagdesisyon kon bala ang membership council ukon ang personal nga paglaygay amo ang nagakaigo nga pamaagi para buligan ang isa ka tawo nga maghinulsol.

• Pagpatuman sang Personal nga Paglaygay. Ang seksyon 32.8 nagapahamtang sang mga pagsulundan para sa personal nga paglaygay sang bishop ukon stake president. Ginapaathag man sini ang indi pormal nga mga limitasyon sa pagkamiyembro sang Simbahan.

• Pagpatuman sang mga Church Membership Council. Ang mga seksyon 32.9–32.14 nagapaathag kon sin-o ang responsable sa mga membership council, kon paano ini hiwaton, kag ang posible nga mga desisyon. Ang mga resulta sining mga desisyon ginapaathag man.

• Pag-uli sang mga Pribelihiyo sang Pagkamiyembro sa Simbahan. Ang mga seksyon 32.15–32.17 nagapaathag kon paano mabalik sa tawo ang mga pribelihiyo sang pagkamiyembro sang Simbahan paagi sa paghinulsol.

Kon wala ginahambal, ang mga pagtumod sa mga stake president nagatumod man sa mga mission president. Ang mga pagtumod sa mga bishop nagatumod man sa mga branch president.

Ang Unang Pangulohan nagapahamtang sang mga polisiya kag mga proseso sa paghinulsol sang seryoso nga mga sala. Ang Unang Pangulohan suportado sang Church Confidential Records Office. Ang stake president ukon bishop pwede magkontak sa sinang opisina para sa mga pamangkot administratibo kag polisiya. Ang ina nga opisina makahatag man sang mga instruksyon kon paano magpasa sang mga papeles sa Opisina sang Unang Pangulohan. Ang impormasyon kon paano sila makontak makita sa idalom:

Telepono: 1-801-240-2053 ukon 1-800-453-3860, extension 2-2053

Toll free (GSD phone): 855-537-4357

Email: [e-mail]

---

ANG PAPEL SANG SIMBAHAN PARA BULIGAN ANG ISA KA TAWO NGA MAGHINULSOL

---

32.1

Paghinulsol kag Kapatarawan

Ang Ginuo nagsiling nga “wala sang di-matinlo nga butang nga makapanubli sang ginharian sang langit” (Alma 11:37; tan-awa man sa 3 Nefi 27:19). Ang aton mga sala nagapahigko sa aton—indi bagay nga magtiner sa presensya sang aton Amay nga Langitnon. Nagadala man ang mga ini sa aton sang kalisod sa sini nga kabuhi.

Ang layi sang hustisya sang Dios nagapangayo sang konsikwensya kon makasala kita (tan-awa sa Alma 42:14, 17–18). Pero, ang Iya dako nga plano sang kaluoy “makasabat sang mga ginapangayo sang hustisya, kag nagalikop sa [aton] sa mga butkon sang kasigurohan” (Alma 34:16; tan-awa man sa Mosias 15:9).

Sa pagpahanabo sang [Iya] plano sang kaluoy, ang Amay nga Langitnon nagpadala sang Iya Bugtong nga Anak nga si Jesucristo, para magbayad para sa aton mga sala (tan-awa sa Alma 42:15). Gin-antos ni Jesus ang silot nga ginapangayo sang layi sang hustisya para sa aton mga sala (tan-awa sa Doktrina kag mga Kasugtanan 19:15–19; tan-awa man sa Alma 42:24–25). Paagi sa sining sakrispisyo, ang pareho Amay kag Anak nagpakita sang Ila wala dulunan nga pagpalangga sa aton (tan-awa sa Juan 3:16).

Kon magapakita kita sang “pagtuo padulong sa paghinulsol,” patawaron kita sang Amay nga Langitnon, nga nagahatag sang kaluoy paagi sa Pagbayad-Sala ni Jesucristo (Alma 34:15; tan-awa man sa Alma 42:13). Kon matinloan kita kag mapatawad, sa ulihi mapanubli gid naton ang ginharian sang Dios (tan-awa sa Isaias 1:18; Doktrina kag mga Kasugtanan 58:42).

Ang paghinulsol masobra pa sangsa pagliwat lamang sang pangginawi. Ini ang pagtalikod sa sala kag pagliso padulong sa Amay nga Langitnon kag kay Jesucristo. Nagatulod ini sang pagbag-o sang tagipusuon kag kaisipan (tan-awa sa Mosias 5:2; Alma 5:12–14; Helaman 15:7). Paagi sa paghinulsol, pwede kita mangin bag-o nga mga tawo, nga nakig-uli sa Dios (tan-awa sa 2 Mga Taga-Corinto 5:17–18; Mosias 27:25–26).

Ang oportunidad nga maghinulsol isa sa pinakadako nga bugay nga ginhatag sa aton sang Amay nga Langitnon paagi sa regalo sang Iya Anak.

32.2

Mga Katuyuan sang mga Limitasyon ukon Pagbawi sang Pagkamiyembro sang Simbahan

Kon ang tawo mabunyagan, sia mangin bahin sang “panimalay sang Dios” (Mga Taga-Efeso 2:19). Ang kasugtanan sa bunyag nagalakip sang promisa nga magtinguha sa pagpangabuhi suno sa mga pinanudlo kag kasuguan ni Cristo. Kon magkulang ang isa ka tawo, magapakita sia sang pagtuo kay Jesucristo kag maghinulsol, nga nagasalig sa Iya kaluoy sa pagpabakod kag pagpatawad.

Kon ang miyembro nakahimo sang seryoso nga sala, ang bishop ukon stake president nagabulig sa iya nga maghinulsol. Bilang parte sining proseso, mahimo nga kinahanglan niya limitahan anay sing temporaryo ang pila ka mga pribelihiyo bilang miyembro sang Simbahan. Sa iban nga mga sitwasyon, mahimo nga bawion niya sing temporaryo ang pagkamiyembro sang isa ka tawo.

Ang paglimita ukon pagbawi sang pagkamiyembro sang isa ka tawo wala ginatuyo bilang silot. Kundi, ini nga mga aksyon kon kaisa kinahanglanon para buligan ang isa ka tawo nga maghinulsol kag maeksperiyensyahan ang pagbag-o sang tagipusuon. Nagahatag man ini sa tawo sang tiyempo para magpreparar sa espirituhanon agud bag-uhon kag tumanon liwat ang iya mga kasugtanan.

Ang bishop ukon stake president ang nagapamuno sa mga paglimita ukon pagbawi sang pagkamiyembro nga nalista sa 32.5–32.14. Ining mga aksyon ginaupdan sang mga kondisyones sang paghinulsol. Kon matuodtuod ang tawo nga nagahinulsol, mahimo nga ang iya mga pribelihiyo sang pagkamiyembro sang Simbahan mapanumbalik.

Kon kinahanglanon gid ang paglimita ukon pagbawi sang pagkamiyembro, ang bishop ukon stake president nagasunod sa giya sang Balaan nga Espiritu kag sa mga instruksyon sa sining kapitulo. Nagaakto sia sa espiritu sang pagpalangga (tan-awa sa 32.3).

Ang mga limitasyon sa pagkamiyembro sang Simbahan pang-simbahan lang, indi sibil ukon kriminal. Nagaapekto lamang ini sa estado sang isa ka tawo sa Simbahan. (Tan-awa sa Doktrina kag mga Kasugtanan 134:10.)

Ang tatlo ka katuyuan sa paglimita ukon pagbawi sang pagkamiyembro amo ang masunod.

Tatlo ka Katuyuan sang Paglimita ukon Pagbawi sang Pagkamiyembro sa Simbahan

1. Buligan nga protektahan ang iban

2. Buligan ang tawo nga malab-ot ang nagatubos nga gahum ni Jesucristo paagi sa paghinulsol

3. Proteksyunan ang integridad sang Simbahan

32.2.1

Buligan nga Protektahan ang Iban

Ang una nga katuyuan amo nga buligan nga maprotektahan ang iban. Kon kaisa ang isa ka tawo isa ka pisikal ukon espirituhanon nga peligro. Ang batasan sang pagpanghalit, pisikal nga pagpanakit, sekswal nga pagpang-abuso, pag-abuso sang alkohol kag droga, pagpangdaya, kag apostasiya pila lamang sa mga paagi nga nagakatabo ini. Upod ang inspirasyon, ang bishop ukon stake president nagaakto para protektahan ang iban kon may tawo nga nagadala sang peligro sa sini kag iban pa nga seryoso nga mga paagi (tan-awa sa Alma 5:59–60).

32.2.2

Buligan ang Tawo nga Malab-ot ang Nagatubos nga Gahum ni Jesucristo paagi sa Paghinulsol

Ang ikaduha nga katuyuan amo nga buligan ang tawo nga malab-ot ang nagatubos nga gahum ni Jesucristo paagi sa paghinulsol. Paagi sa sining proseso, mahimo sia nga mangin matinlo kag nagakaangay liwat nga magbaton sang tanan nga mga bugay sang Dios.

Ang Manluluwas nagtudlo nga ang “[masinulub-on] nga tagipusuon kag mahinulsulon nga espiritu” amo ang sakripisyo nga Iya ginapangayo para sa kapatawaran sang sala (3 Nefi 9:20). Nagalakip ini sang sinsero nga paghinulsol sang mga sala kag sang mga konsikwensya sini (tan-awa sa 2 Mga Taga-Corinto 7:9–10).

Kon ang isa ka tawo nakahimo sang seryoso nga sala, ang paglimita ukon pagbawi sang pagkamiyembro makabulig sa pagpatigayon sang masinulub-on nga tagipusuon kag mahinulsulon nga espiritu nga kinahanglanon para maghinulsol, matuodtuod nga talikdan ang sala, kag maintiendihan ang mga konsikwensya sang sala. Ang pag-intiendi sini makabulig sa mga tawo nga mas hatagan bili ang ila mga kasugtanan sa Dios kag maghandum nga tumanon ina nga mga kasugtanan sa palaabuton.

32.2.3

Proteksyunan ang Integridad sang Simbahan

Ang ikatatlo nga katuyuan amo nga proteksyunan ang integridad sang Simbahan. Ang paglimita ukon pagbawi sang pagkamiyembro sang isa ka tawo sa Simbahan mahimo nga kinahanglanon kon ang iya ginahimo nagahatag sang dako nga halit sa Simbahan (tan-awa sa Alma 39:11). Ang integridad sang Simbahan wala ginaproteksyunan paagi sa pagtago ukon pagkapan-kapan sang seryoso nga mga sala—kundi paagi sa pag-atubang sini.

32.3

Ang Papel sang mga Hukom sang Israel

bishop nga nagaistorya sa isa ka lalaki

Ang mga bishop kag mga stake president gintawag kag ginset apart nga mangin mga hukom sang Israel (tan-awa sa Doktrina kag mga Kasugtanan 107:72–74). Nagakapot sila sang mga yabi sang priesthood bilang representante sang Ginuo sa pagbulig sang mga miyembro sang Simbahan nga maghinulsol (tan-awa sa Doktrina kag mga Kasugtanan 13:1; 107:16–18).

Masami ang mga bishop kag stake president nagabulig sa paghinulsol paagi sa personal nga paglaygay. Ini nga bulig mahimo nga magalakip sang indi pormal nga paglimita sang pila ka mga pribelihiyo sang pagkamiyembro sang Simbahan sing temporaryo. (Tan-awa sa 32.8.)

Para sa seryoso nga mga sala, ang mga lider nagabulig sa paghinulsol paagi sa paghiwat sang membership council (tan-awa sa 32.6 kag 32.9–32.14). Ini nga bulig mahimo nga magalakip sang pormal nga paglimita sang pila ka mga pribelihiyo sang pagkamiyembro sang Simbahan ukon pagbawi sang pagkamiyembro sang isa ka tawo sing temporaryo (tan-awa sa 32.11.3 kag 32.11.4).

Ang mga bishop kag stake president nagabulig sa mga miyembro sang Simbahan nga maintiendihan nga palangga sang Dios ang Iya mga anak. Tungod gusto Niya sila nga mangin malipayon kag makabaton sang mga bugay, dako man ang Iya pag-ulikid sa ila pagtuman kag paghinulsol.

Ang mga bishop kag stake president dapat mapinalanggaon kag maulikdon sa pagbulig nila sa mga miyembro nga maghinulsol. Ang inter-aksyon sang Manluluwas sa babayi nga naaktuhan nga nagapanglalaki isa ka giya (tan-awa sa Juan 8:3–11). Bisan pa nga wala Sia magsiling nga ginpatawad na ang iya mga sala, wala Niya sia ginpakalain. Kundi, ginsilingan Niya sia nga “indi na magpakasala liwat”—nga maghinulsol kag bag-uhon ang iya kabuhi.

Ining mga lider nagatudlo nga may “kalipay … sa langit tungod sa isa ka makasasala nga nagahinulsol” (Lucas 15:7). Pasensyoso sila, nagasuporta. kag positibo ang panan-awan. Nagainspirar sila sang paglaum. Nagatudlo sila kag nagapamatuod nga bangud sang nagabayad-sala nga pagsakripisyo sang Manluluwas, ang tanan pwede maghinulsol kag mangin matinlo.

Ang mga bishop kag stake president nagapangayo sang giya sang Espiritu kon paano buligan ang tagsa ka tawo nga maghinulsol. Para lang sa pinakaseryoso nga mga sala nga ang Simbahan nagpahamtang sang sulundan kon ano nga mga aksyon ang dapat himuon sang mga lider (tan-awa sa 32.6 kag 32.11). Wala sang palareho nga mga sitwasyon. Ang paglaygay nga ginahatag sang mga lider kag ang proseso sang paghinulsol nga ila ginapatigayon kinahanglan nga inspirado kag pwede nga lainlain ini sa kada tawo.

Ang Ginuo nakahibalo sang mga sirkumstansya, kapasidad, kag espirituhanon nga kahamtong sang kada tawo. Buligan sang Balaan nga Espiritu ang mga lider nga mahibal-an kon paano buligan ang mga miyembro nga maghimo sang kinahanglanon nga mga pagbag-o para mag-ayo sila kag mapakigbatuan ang tentasyon nga suliton ang sala.

Ang pagbulig sang isa ka tawo nga maghinulsol, magbalik sa Dios, kag mag-ayo paagi sa Pagbayad-Sala ni Jesucristo amo ang isa sa pinakamalipayon nga mga eksperiyensya sang isa ka tawo. Ang Doktrina kag mga Kasugtanan 18:10–13 nagapaathag:

“Dumduma nga dako ang bili sang mga kalag sa panan-awan sang Dios;

“Kay, tan-awa, ang Ginuo nga inyo Manunubos nag-antos sang kamatayon sa unod; karon, nag-antos sia sang kasakit sang tanan nga katawhan agud nga ang tanan nga tawo maghinulsol kag magkari sa iya.

“Kag nabanhaw sia halin sa kamatayon agud nga maluwas niya ang tanan nga tawo sa iya, sa mga kondisyon sang paghinulsol.

“Kag daw ano kadako ang iya kalipay sa kalag nga nagahinulsol!”

32.4

Pagkumpisar, Pagtipig sang Impormasyon, kag Pagreport sa mga Awtoridad sang Gobyerno

32.4.1

Pagkumpisar

Ang paghinulsol nagapangayo sang pagkumpisar sang mga sala sa Amay nga Langitnon. Si Jesucristo nagsiling, “Paagi sini mahibaloan ninyo kon nagahinulsol ang tawo sang iya mga sala—tan-awa, ikumpisar niya ang mga ini kag talikdan ang mga ini” (Doktrina kag mga Kasugtanan 58:43; tan-awa man sa Mosias 26:29).

Kon ang mga miyembro sang Simbahan makahimo sang seryoso nga mga sala, ang ila paghinulsol nagalakip man sang pagkumpisar sa ila bishop ukon stake president. Dayon pwede niya magamit ang mga yabi sang ebanghelyo sang paghinulsol para sa ila (tan-awa sa Doktrina kag mga Kasugtanan 13:1; 84:26–27; 107:18, 20). Nagabulig ini sa ila nga mag-ayo kag magbalik sa dalan sang ebanghelyo paagi sa gahum sang Pagbayad-Sala sang Manluluwas.

Ang katuyuan sang pagkumpisar amo nga paisugon ang mga miyembro nga haw-ason ang ila mga ginakarga para nga lubos nila mapangayo ang bulig sang Ginuo sa pagbag-o kag pag-ayo. Ang pagpatubo sang “masinulub-on nga tagipusuon kag mahinulsulon nga espiritu” ginabuligan sang pagkumpisar sang sala (2 Nefi 2:7). Ang boluntaryo nga pagkumpisar nagapakita nga ang tawo luyag nga maghinulsol.

Kon ang isa ka miyembro nagakumpisar, ang bishop ukon stake president nagasunod sa mga pagsulundan sa paglaygay sa 32.8. Mapinangamuyuon niya nga ginapangayo ang giya parte sa nagakabagay nga pamaagi para mabuligan ang miyembro nga maghinulsol (tan-awa sa 32.5). Ginabinagbinag niya kon bala ang membership council makabulig. Kon sa polisiya sang Simbahan ginapangayo ang membership council, ginapaathag niya ini (tan-awa sa 32.6 kag 32.10).

Kon kaisa ang miyembro nakaagrabyo sa asawa ukon bana ukon isa pa ka hamtong. Bilang bahin sang iya paghinulsol, dapat nagakumpisar sia sa sinang tawo kag nagapangayo sang kapatawaran. Ang lamharon nga nakahimo sang seryoso nga sala kasami ginapabakod nga makighambal sa iya mga ginikanan.

32.4.2

Seryoso nga mga Sala nga Wala Ginkumpisar ukon Ginpanginwala

Ang bishop ukon stake president sa masami makahibalo parte sa seryoso nga sala paagi sa pagkumpisar ukon halin sa iban nga tawo. Mahimo man sia makabaton sang pagpabatyag parte sa posible seryoso nga sala paagi sa Balaan nga Espiritu. Kon ginapabatyag sa iya sang Espiritu nga ang isa ka tawo ginabudlayan sa sala, pwede sia mag-iskedyul sang interbyu. Sa tion sang interbyu, ginahambal niya ang iya kabalaka sa malulo, may respeto nga paagi. Ginalikawan niya ang tono nga daw nagaakusar.

Kon ang miyembro nagapanginwala nga nakahimo sang seryoso nga sala nga may ihibalo ang bishop ukon stake president, pwede gihapon hiwaton ang membership council. Pero, ang espirituhanon nga pagpabatyag kulang para maghiwat sang konseho (tan-awa sa Doktrina kag mga Kasugtanan 10:37). Pwede ang lider magtipon sang dugang pa nga impormasyon kon kinahanglanon. Ginasunod niya ang pagsulundan sa 32.4.3 kag 32.10.2.

32.4.3

Pagtipon sang Impormasyon

Antes maghiwat sang membership council, ang bishop ukon stake president nagatipon sang tanan nga impormasyon nga kinahanglan niya. Ang impormasyon nga halin sa pagkumpisar sang miyembro masami hustohan na. Ang impormasyon pwede man nga maghalin sa miyembro sang pamilya, isa pa ka lider sang Simbahan, biktima, ukon partisipante sa sala.

Samtang nagatipon sang impormasyon, ang bishop ukon stake president dapat lamang maggamit sang mga pamaagi nga nagakabagay para sa isa ka lider sang priesthood. Indi sia dapat magpanilag sa balay sang tawo ukon irekord sia nga wala sang iya pahanugot. Indi man sia dapat maggamit sang mga pamaagi nga batok sa layi.

Talagsa lang ang mga patu-pato pero mahimo ini matabo. Dapat nga mangin mahinalungon ang mga lider sang priesthood kon limitado lang gid ang impormasyon luwas sa ginsugid lamang sang tawo. Halimbawa, ang miyembro nga gin-akusar nga nanglalaki ukon nangbabayi mahimo nga magpanginwala sini. Ang balaan nga mga kasulatan nagapaathag nga “palig-onon ang tagsa ka pulong batok sa iya sang duha ka saksi sang simbahan” (Doktrina kag mga Kasugtanan 42:80). Ang “duha ka saksi” nagakaluhugan sang duha ka separado nga ginhalinan sang impormasyon. Pwede ini maglakip sang ihibalo sang isa ka partisipante kag sang isa pa ka masaligan nga ginhalinan. Kon kaisa ang lider sang priesthoood kinahanglan nga maghulat tubtob nga may makuha sia nga dugang nga impormasyon.

Kon ang lider sang Simbahan nagapanipon sang impormasyon para sa membership council, dapat sia mag-untat gilayon kon mahibal-an niya nga ang pulis aktibo nga nagaimbestiga sang miyembro. Ginahimo ini para malikawan ang posible mga akusasyon nga ang lider nakasablag sa pagpatuman sang hustisya. Para sa legal nga laygay parte sa sining mga sitwasyon sa Estados Unidos kag Canada, ang stake president nagakontak sa Office of General Counsel sang Simbahan:

1-800-453-3860, extension 2-6301

1-801-240-6301

Sa gwa sang Estados Unidos kag Canada, ang stake president nagakontak sa area legal counsel sa area office.

Sa kinaandan ang membership council wala ginahiwat para hibal-on ang pangginawi nga ginaimbestigaran sang sibil ukon kriminal nga korte tubtob nga may pinal na nga desisyon ang korte sa kaso. Sa pila ka mga kaso mahimo nga nagakabagay nga ipaiway lang anay ang membership council tubtob nga naglampas na ang tion para sa legal nga pag-apela ukon ginbasura ang apela.

32.4.4

Pagtipig sang Impormasyon

Ang mga bishop, stake president, kag ang ila mga manuglaygay may sagrado nga obligasyon nga proteksyunan ang tanan nga tilipigan nga impormasyon nga ginasugid sa ila. Ining mga impormasyon mahimo nga magahalin sa mga interbyu, paglaygay, kag mga pagkumpisar. Ang pareho nga obligasyon sang pagtipig sang impormasyon nagakadapat man sa tanan nga nagapakigbahin sa mga membership council. Ang pagtipig sang impormasyon importante tungod ang mga miyembro pwede nga indi na magkumpisar sang mga sala ukon magpangayo sang giya kon ang ila ginasugid indi man pagtipigan. Ang pagpalapta sang impormasyon nagaguba sang pagsalig sang mga miyembro kag nagatulod sa ila nga madulaan sang pagsalig sa ila mga lider.

Santo sa ila obligasyon nga tipigan ang impormasyon, ang bishop, stake president ukon ang ila mga manuglaygay pwede lang magpagwa sang impormasyon sa masunod:

• Kinahanglan nila nga hambalan upod sa stake president, mission president, ukon bishop sang miyembro ang parte sa paghiwat sang membership council ukon kaangot sini nga mga butang. Ang stake president pwede man makighambal sa naasayn sa iya nga Area Seventy. Kon kinahanglanon, ginapasa sang Area Seventy ang stake president sa Area Presidency para magkonsulta. Ang stake president lamang ang nagadesisyon kon ang konseho dapat hiwaton ukon ano ang mangin resulta sini.

• Ang tawo nagasaylo sa bag-o nga ward (ukon gin-release ang lider sang priesthood) samtang ginahulat pa ang aksyon parte sa pagkamiyembro ukon iban pa nga seryoso nga mga problema. Sa sining mga kaso, ang lider nagapahibalo sa bag-o nga bishop ukon stake president parte sa mga butang nga dapat pa aksyunan (tan-awa sa 32.14.7). Ginapahibalo man niya ang lider kon ang miyembro mahimo nga makahalit sa iban.

• Ang bishop ukon stake president nakahibalo nga ang miyembro sang Simbahan nga nagaestar sa gwa sang ward ukon stake mahimo nga imbolbado sa seryoso nga sala. Sa sina nga punto, pribado niya nga ginakontak ang bishop sina nga miyembro.

• Kinahanglanon gid nga isugid ang impormasyon sa tion sang membership council. Ang tanan nga impormasyon nga natipon ukon ginsugid bilang bahin sang membership council ginatipigan.

• Ang miyembro nagapili nga maghatag sang pahanugot sa lider nga ipahibalo ang impormasyon sa partikular nga mga tawo. Mahimo nga magalakip ini sang mga ginikanan, mga lider sang Simbahan, ukon iban pa nga pwede maghatag sang suporta. Ang lider wala nagapagwa sang impormasyon sa gwa sang ginpahanugotan sang miyembro.

• Posible nga kinahanglan isugid ang limitado nga impormasyon parte sa desisyon sang membership council (tan-awa sa 32.12.2).

Sa tanan nga iban pa nga mga sitwasyon, ang lider dapat nga magbase sa 32.4.5. Ining mga kaso nagalakip kon ang layi nagapangayo nga ang isa ka krimen, pareho sang pagpang-abuso sang bata, dapat ireport sa mga awtoridad sang gobyerno.

Para buligan ang mga lider nga proteksyunan ang iban kag sundon ang layi, ang Simbahan nagahatag sang bulig halin sa eksperto nga mga propesyunal. Para mabaton ining giya, ang mga lider magatawag gilayon sa abuse help line sang Simbahan kon diin nga may ara sini (tan-awa sa 32.4.5 kag 38.6.2.1). Kon wala sang amo sini sa sina nga lugar, ang stake president magakontak sa area legal counsel sa area office.

Sa isa lamang ka sitwasyon nga ang bishop ukon stake president dapat nga magpagwa sang ginatipigan nga impormasyon nga wala anay nagapangayo sina nga laygay. Ini kon ang pagpagwa sang impormasyon kinahanglanon gid para malikawan ang halit sa kabuhi ukon seryoso nga kasamaran kag wala na sang oras para magpangayo sang giya. Sa sining mga kaso, ang obligasyon nga proteksyunan ang iban mas importante sangsa obligasyon nga tipigan ang impormasyon. Ang mga lider dapat nga magkontak gilayon sa sibil nga mga awtoridad.

Kon ang mga lider nagatago sang rekord ukon nagakomunikar sa kada isa sa elektronik nga paagi, ginabantayan nila ang pag-access sining impormasyon. Gina-delete ukon ginakakas nila ang impormasyon kon indi na nila ini kinahanglan. Wala nila basta-basta ginapang-istorya ang personal nga impormasyon.

Ang sibilyan nga mga awtoridad mahimo nga magahangkat sang pagtipig sang impormasyon nga ginapangayo sa isa ka lider sang priesthood. Kon matabo ini sa Estados Unidos kag Canada; ang stake president nagapangayo sang legal nga laygay sa Office of General Counsel sang Simbahan:

1-800-453-3860, extension 2-6301

1-801-240-6301

Sa gwa sang Estados Unidos kag Canada, ang stake president nagakontak sa area legal counsel sa area office.

32.4.5

Pagreport sa mga Awtoridad sang Gobyerno

May nagahinulsol nga mga tawo nga nagalapas sang sibil ukon kriminal nga mga layi. Sa pila ka mga kaso, ang mga awtoridad sang gobyerno wala makahibalo sini. Ang mga bishop kag stake president nagapaisog sa mga miyembro nga sundon ang layi kag ireport ang amo sini nga mga kaso kon kinahanglan. Nagalaygay man ang mga lider sa mga miyembro nga magpangayo sang masaligan nga laygay-legal sa pagreport. Ang polisiya sang Simbahan amo nga sundon ang layi.

Sa madamo nga lugar, ang mga lider sang priesthood ginaobligar sang kasuguan nga ireport ang pila ka ilegal nga mga pangginawi nga ila matukiban. Halimbawa, sa pila ka mga estado kag pungsod ginapangayo nga ireport ang pagpang-abuso sa kabataan sa mga nagapatuman sang layi.

Sa iban nga mga pungsod, ang Simbahan nagpahamtang sang kompidensyal nga talawgan parte sa pagpang-abuso para buligan ang mga bishop kag stake president. Ining mga lider dapat gilayon magtawag sa help line parte sa tagsa ka sitwasyon kon sa diin ang isa ka tawo mahimo nga gin-abuso—ukon may risgo nga maabusohan (tan-awa sa 38.6.2.1). Matawgan ini 24 oras kada adlaw, 7 ka adlaw kada semana.

Sa mga pungsod nga wala sinang help line, ang bishop nga makahibalo parte sa pagpang-abuso dapat nga magkontak sa iya stake president, nga amo ang magapangayo sang giya sa area legal counsel sa area office.

Para sa dugang nga impormasyon parte sa pagreport sang pagpang-abuso, tan-awa sa 38.6.2.1 kag 38.6.2.7.

---

PAGHIBALO SANG PAMAAGI SA PARA BULIGAN ANG TAWO NGA MAGHINULSOL

---

32.5

Mga Pamaagi para Buligan ang Tawo nga Maghinulsol

Pagkatapos nga makahibalo nga ang isa ka miyembro nakahimo sang seryoso nga sala, ang bishop ukon stake president nagahimo sang mga tikang para proteksyunan ang iban. Nagapangayo man sia sang giya sang Balaan nga Espiritu sa paghibalo sang pamaagi para buligan ang tawo nga maghinulsol kag magpalapit sa Manluluwas.

32.5.1

Paathag parte sa mga Pamaagi

Ang masunod nga tsart nagalista sang tatlo ka pamaagi para buligan ang tawo nga maghinulsol. Nagapalip-ot man ini sang pila ka mga konsiderasyon para sa mga lider sa pagdesisyon kon ano nga pamaagi ang gamiton.

Mga Pamaagi para Buligan ang Tawo nga Maghinulsol

Pamaagi	Pila ka Konsiderasyon (tan-awa man sa 32.7)
Pamaagi Stake Membership Council	Pila ka Konsiderasyon (tan-awa man sa 32.7) Para sa mga miyembro nga nakabaton na sang endowment sa templo. Kinahanglanon ini kon ang na-endow nga lalaki ukon babayi laban-laban nga bawian sang iya pagkamiyembro sa Simbahan tungod sang bisan ano nga seryoso nga mga sala ukon aksyon nga nahambalan sa 32.6.1, 32.6.2, ukon 32.6.3.
Pamaagi Ward Membership Council	Pila ka Konsiderasyon (tan-awa man sa 32.7) Para sa bisan sin-o nga miyembro. Ginapangayo ini sa seryoso nga mga sala nga ginhambal sa 32.6.1. Posible nga kinahanglanon sa seryoso nga mga sala kag mga aksyon nga ginhambal sa 32.6.2 kag 32.6.3. Indi ini bastante kon ang na-endow nga lalaki ukon babayi laban-laban nga bawian sang iya pagkamiyembro sang Simbahan tungod sa bisan ano nga seryoso nga mga sala ukon aksyon nga nahambalan sa 32.6.1, 32.6.2, ukon 32.6.3.
Pamaagi Personal nga Paglaygay (tan-awa sa 32.8)	Pila ka Konsiderasyon (tan-awa man sa 32.7) Para sa bisan sin-o nga miyembro. Pwede maglakip sang indi pormal nga mga limitasyon sa pagkamiyembro sang Simbahan. Mahimo nga indi ini bastante para sa seryoso nga mga sala ukon aksyon kon sa diin ang membership council mahimo nga makabulig sa proseso sang paghinulsol (tan-awa sa 32.6.2 kag 32.6.3). Indi ini bastante sa seryoso nga mga sala nga nagapangayo sang membership council (tan-awa sa 32.6.1). Indi ini bastante kon ang na-endow nga lalaki ukon babayi laban-laban nga bawian sang iya pagkamiyembro sa Simbahan tungod sang bisan ano nga seryoso nga mga sala ukon aksyon nga nahambalan sa 32.6.1, 32.6.2, ukon 32.6.3.

Ang personal nga paglaygay kag indi pormal nga mga paglimita sang bishop ukon stake president kon kaisa indi bastante para buligan ang isa ka tawo nga maghinulsol sa seryoso nga mga sala. Ang Ginuo nagpahamtang sang mga membership council para buligan ang isa ka hukom sang Israel sa sining mga sitwasyon. (Tan-awa sa Exodo 18:12–27; Mosias 26:29–36; Doktrina kag mga Kasugtanan 42:80–83; 102.) Sa pila ka seryoso nga mga sala, ang konseho kinahanglanon gid suno sa polisiya sang Simbahan (tan-awa sa 32.6.1). Ang paglapas sang mga kasugtanan sa templo nagapadako sang posibilidad nga kinahanglanon ang membership council (tan-awa sa 32.7.4).

Sa isa ka ward, ang mga manuglaygay sang bishop nagabulig sa mga membership council. Sa isa ka stake, nagabulig ang mga manuglaygay sang stake president. Sa pila ka mga stake membership council, nagapartisipar man ang high council (tan-awa sa 32.9.2). Sa membership council, ang bishopric ukon stake presidency nagapakigkita sa tawo sa espiritu sang pagpalangga.

32.5.2

Paghibalo sang Pamaagi kag Tiyempo

Sa pagdesisyon kon diin sining mga pamaagi ang makabulig gid sa tawo nga maghinulsol, ang mga lider nagapangayo sang giya sang Balaan nga Espiritu. Ginapamensar man nila ang masunod nga mga punto:

• Ang kadakuon sang sala kag polisiya sang Simbahan parte sa kon bala kinahanglanon ang konseho (tan-awa sa 32.6)

• Ang mga sirkumstansya sang tawo (tan-awa sa 32.7)

Ang bishop nagapakighambal sa stake president parte sa partikular nga mga sitwasyon. Kinahanglan niya nga makabaton sang pahanugot halin sa stake president antes maghiwat sang membership council.

Sa mabudlay nga mga kaso, ang stake president pwede nga magpangayo sang laygay sa Area Seventy nga naassayn sa iya. Ang stake president kinahanglan nga magkonsulta sa Area Presidency sa mga butang nga nahambal sa 32.6.3. Pero, ang stake president lamang ang makadesisyon kon bala ang konseho dapat nga hiwaton para hambalan ang ginhimo. Kon hiwaton ang konseho, ang stake president ukon bishop ang nagadesisyon sang resulta.

Kon ang bishop ukon stake president magdesisyon nga ang personal nga paglaygay bastante na, ginasunod niya ang mga pagsulundan sa 32.8. Kon magdesisyon sia nga kinahanglanon ang membership council, ukon kon ang polisiya sang Simbahan nagapangayo sang konseho, ang magahiwat sini magasunod sang mga proseso sa 32.9–32.14.

Antes maghiwat sang konseho, ang bishop ukon stake president mahimo nga magdesisyon kon bala ang indi pormal nga mga limitasyon sa pagkamiyembro makapaayo mientras. Nagahiwat sia sang konseho kon pinakamaayo ini para paisugon ang sinsero nga paghinulsol sang miyembro. Pero, indi niya dapat pagpabuyan-buyanan ang konseho kon kinahanglanon ini para protektahan ang iban.

32.6

Kadakuon sang Sala kag Polisiya sang Simbahan

Ang kadakuon sang sala isa ka importante nga konsiderasyon sa paghibalo sang pamaagi nga (1) magabulig protekta sa iban kag (2) magabulig sang tawo nga maghinulsol. Ang Ginuo nagsiling nga Sia “indi makatulok sa sala nga may bisan pinakadiutay nga pagtugot” (Doktrina kag mga Kasugtanan 1:31; tan-awa man sa Mosias 26:29). Ang iya mga alagad indi dapat nga magbale-wala sang ebidensya sang seryoso nga sala.

Ang seryoso nga mga sala ginhungod kag mayor nga paglapas sang mga layi sang Dios. Ang mga kategorya sang seryoso nga mga sala nalista sa idalom.

• Mapintas nga mga buhat kag pagpang-abuso (tan-awa sa 32.6.1.1 kag 32.6.2.1)

• Sekswal nga imoralidad (tan-awa sa 32.6.1.2 kag 32.6.2.2)

• Pagpangdaya (tan-awa sa 32.6.1.3 kag 32.6.2.3)

• Pagguba sang pagsalig (tan-awa sa 32.6.1.4 kag 32.6.2.4)

• Iban pa nga mga buhat (tan-awa sa 32.6.1.5 kag 32.6.2.5)

Ang masunod nga mga seksyon nagalaragway kon san-o kinahanglanon gid ang membership council, kon san-o posible nga kinahanglanon ini, kag kon san-o ini indi kinahanglanon.

32.6.1

Kon San-o nga Kinahanglanon Gid ang Membership Council

Ang bishop ukon stake president kinahanglan gid nga maghiwat sang membership council kon ang impormasyon nagapakita nga ang miyembro posible nga nakahimo sang bisan ano sa mga sala nga nalaragway sa sining seksyon. Sa sining mga sala, ang konseho ginapangayo gid wala sapayan sa lebel sang espirituhanon nga kahamtong kag pag-intiendi sang ebanghelyo sang miyembro.

Tan-awa sa 32.11 para sa posible nga mga resulta sang mga konseho nga ginahiwat para sa mga sala nga nalista sa sining seksyon. Ang indi pormal nga mga limitasyon sa pagkamiyembro indi opsyon sa sining mga konseho.

Mga Sala nga Nagakinahanglan sang Paghiwat sang Membership Council

• Pagpatay sang Tawo

• Pagpanglugos

• Napamatbatan sa Sekswal nga Pagpang-atake

• Pagpang-abuso sang bata ukon lamharon

• Pagpang-abuso sang asawa ukon bana ukon iban pa nga hamtong (nga ginplastar sa 38.6.2.4)

• Hungod nga pagpang-abuso (pagpamintas, sekswal, ukon pinansyal)

• Incest

• Pornograpiya nga gamit ang kabataan (sa naplastar sa 38.6.6)

• Pagpangasawa sang madamo

• Seryoso nga sala samtang nagakapot sang dako nga posisyon sa Simbahan

• Kalabanan sang ginpamatbatan nga mga krimen

32.6.1.1

Pagpamintas kag Pagpang-abuso

Pagpatay sang tawo. Ang membership council ginakinahanglan kon ang miyembro nakapatay sang tawo. Sa ginlaragway diri, ang pagpatay sang tawo amo ang hungod, wala sang rason nga pagkuha sang kabuhi sang tawo. Ginapangayo ang pagbawi sang pagkamiyembro sang tawo sa Simbahan.

Ang pagpatay sang tawo wala nagalakip sang mga binuhatan sang pulis ukon militar sa tion sang ila trabaho. Ang aborsyon wala ginapakahulugan nga pagpatay sang tawo sa sini nga konteksto. Kon ang kamatayon resulta sang aksidente ukon pagpangapin sang kaugalingon ukon sang iban, ang pagkuha sang kabuhi sang tawo indi mahimo nga ipakahulugan nga pagpatay sang tawo. Mahimo nga matuod man ini sa iban pa nga mga sitwasyon, pareho kon ang tawo may limitado nga ikasarang sang pamensaron.

Pagpanglugos. Kinahanglan ang membership council para sa pagpanglugos. Sa gingamit diri, ang pagpanglugos amo ang pilit nga pagpanghilawas sa tawo nga indi makahatag sang legal nga pahanugot tungod sang kakulang sang mental ukon pisikal nga ikasarang. Sa gingamit diri, ang pagpanglugos wala nagalakip sang pagpanghilawas nga may pahanugot sa tunga sang duha ka menor de edad nga lapitay lang ang edad.

Napamatbatan sa Sekswal nga Pagpang-atake. Ang membership council ginapangayo kon ang miyembro napamatbatan na sang sekswal nga pagpang-atake.

Pagpang-abuso sang Bata ukon Lamharon. Ang membership council ginapangayo kon ang isa ka tawo nagapang-abuso sang bata ukon lamharon sa ginpaathag sa 38.6.2.3.

Pagpang-abuso sang Asawa ukon Bana ukon Iban pa nga Hamtong. May lainlain nga klase ang kagrabe sang nagapang-abuso nga pamatasan. Tan-awa sa 38.6.2.4 kon kinahanglan ang membership council para sa pagpang-abuso sa asawa ukon bana ukon iban pa nga hamtong.

Hungod nga Pamatasan sang Kapintas. Ang membership council ginapangayo kon ang isa ka hamtong sulit-sulit nga nagapanghalit sa pisikal sa iban nga tawo paagi sa pagpamintas kag peligro man sa iban.

32.6.1.2

Sekswal nga Imoralidad

Incest. Ang membership council ginapangayo para sa incest nga ginpaathag sa 38.6.10. Ang pagbawi sang pagkamiyembro sa Simbahan sang isa ka tawo halos pirme ginapangayo.

Pornograpiya nga Gamit ang Kabataan Ang membership council ginapangayo kon ang isa ka tawo imbolbado sa pornograpiya nga gamit ang kabataan nga napaathag sa 38.6.6.

Pagpangasawa sang Madamo. Ang membership council ginapangayo kon ang tawo hungod sa buot nga nagapakasal sa masobra isa ka asawa. May mga pagpakasal sa madamo nga nagakatabo sing sekreto, nga ang asawa ukon bana wala makahibalo parte sa isa ukon pila pa ka mga asawa ukon bana. Ang pagbawi sang pagkamiyembro sa Simbahan sang isa ka tawo ginapangayo kon ang tawo hungod nga nagpakasal sa masobra sa isa.

Hungod nga Sekswal nga Pagpanghalit. Ang membership council ginapangayo kon ang hamtong sulit-sulit nga nagapanghalit sekswal kag peligro sia sa iban nga tawo.

32.6.1.3

Pagpangdaya

Hungod nga Pinansyal nga Pagpanghalit. Ang membership council ginapangayo kon ang isa ka hamtong may kasaysayan sang hungod kag sulit-sulit nga pagpanghalit sa mga tawo sa pinansyal kag peligro sia sa iban (tan-awa sa 38.6.2.4). Nagalakip ini sang pagpangdaya sa kapital kag kapareho nga mga hilimuon. Ang wala gintuyo nga mga kapiyerdihan pinansyal tungod sa kondisyon sang ekonomiya wala ginakabig nga pagpangdaya. Kon may kaso nga napasaka, ang mga lider sang priesthood pwede magdesisyon nga hulaton tubtob nga pinal na ang pamatbat. Tan-awa sa 32.6.3.3 kon ang isa ka miyembro imbolbado sa pagpalapaw sang pondo ukon propiyedad sang Simbahan.

32.6.1.4

Pagguba sang Pagsalig

Seryoso nga Sala Samtang Nagakapot sang Prominente nga Posisyon sa Simbahan. Ang membership council ginapangayo kon ang isa ka miyembro nakahimo sang seryoso nga sala samtang nagakapot sang prominente nga posisyon. Nagalakip ini sang General Authority, Pangkabilogan nga Opisyal sang Simbahan, Area Seventy, temple president ukon iya asawa, mission president ukon iya asawa, stake president, patriarka, ukon bishop. Wala ini nagasakop sang mga branch president. Pero, ang mga pribelihiyo sang pagkamiyembro sang Simbahan sang isa ka branch president pwede malimitahan ukon bawion pareho sang iban pa nga mga miyembro.

32.6.1.5

Iban Pa nga Mga Buhat

Ginpamatbatan tungod sa Krimen. Ang membership council ginapangayo sa kalabanan nga mga kaso kon ang isa ka tawo napamatbatan sa isa ka krimen.

32.6.2

Kon San-o nga Mahimo Nagakabagay ang Membership Council

Ang membership council mahimo nga kinahanglan sa masunod nga mga halimbawa.

32.6.2.1

Pagpamintas kag Pagpang-abuso

Ang Ginuo nagsugo, “Indi ka … magpatay, ukon maghimo sing bisan ano nga pareho sini” (Doktrina kag mga Kasugtanan 59:6; italics gindugang). Ang pagpamintas kag pagpang-abuso nga mahimo magapangayo sang membership council nagalakip sang (pero indi limitado sa) mga nalista sa idalom.

Plano sa pagpatay. Hungod nga pagtinguha nga magpatay sang tawo.

Sekswal nga Pagpang-abuso, Lakip na ang Pagpanakit kag Pagpangbastos. Ang sekswal nga pagpang-abuso may malapad nga nasakupan nga mga aksyon (tan-awa sa 38.6.18). Ang membership council mahimo nga ginapangayo para sa tawo nga sekswal nga nagpanghalit ukon nagpang-abuso sang iban. Ang konseho laban-laban nga kinahanglanon para buligan ang miyembro nga maghinulsol kon sia naglapas sa mga kasugtanan sa templo ukon ang sala sulit-sulit. Tan-awa sa 38.6.18.3 kon san-o ang konseho ginapangayo.

Pagpang-abuso sang Asawa ukon Bana ukon Iban pa nga Hamtong. May lainlain nga klase ang kalala sang pagpang-abuso (tan-awa sa 38.6.2.4). Ang membership council mahimo nga kinahanglanon para sa tawo nga nagpang-abuso sang asawa ukon bana ukon sang iban pa nga hamtong. Ang konseho laban-laban nga kinahanglanon para buligan ang miyembro nga maghinulsol kon sia naglapas sa mga kasugtanan sa templo ukon ang sala sulit-sulit. Tan-awa sa 38.6.2.4 kon ginapangayo ang konseho.

32.6.2.2

Sekswal nga Imoralidad

Ang layi sang kaputli sang Ginuo amo ang paglikaw sa sekswal nga mga relasyon sa gwa sang legal nga kasal sa tunga sang lalaki kag babayi (tan-awa sa Exodo 20:14; Doktrina kag mga Kasugtanan 63:16). Ang membership council mahimo nga kinahanglan para sa sekswal nga imoralidad nga nalaragway sa 38.6.5. Sa sining mga sitwasyon, ang konseho laban-laban nga kinahanglanon para buligan ang miyembro nga maghinulsol kon nalapas niya ang mga kasugtanan sa templo ukon ang sala sulit-sulit. Tan-awa sa 32.6.1.2 kon ginapangayo ang konseho.

32.6.2.3

Pagpangdaya

Ang Pulo ka Sugo nagatudlo, “Indi ka magpangawat” ukon “magsaksi sing binutig” (Exodo 20:15–16). Ang membership council mahimo nga kinahanglanon para sa mga buhat pareho sang pagpangholdap, pagpanaka sang balay para mangawat, pagpangawat, pagpalapaw sang pondo, pagbinutig sa sinumpaan, kag pagpangdaya. Tan-awa sa 38.8.2 para sa affinity fraud (pagpangdaya sa investment sang mga miyembro sa sulod sang isa ka grupo). Sa sining mga sitwasyon, ang konseho laban-laban nga kinahanglanon para buligan ang miyembro nga maghinulsol kon sia nakalapas sang mga kasugtanan sa templo ukon ang sala sulit-sulit.

Tan-awa sa 38.8.2 para sa affinity fraud. Tan-awa sa 32.6.1.3 kon ang konseho ginapangayo para sa mga pagpangdaya. Tan-awa sa 32.6.3.3 kon ang miyembro imbolbado sa pagpalapaw sang pondo kag propiyedad sang Simbahan.

32.6.2.4

Pagguba sang Pagsalig

Ang membership council mahimo nga kinahanglan kon ang miyembro:

• Nakahimo sang seryoso nga sala samtang nagakapyot sang posisyon nga may awtoridad ukon ginasaligan sa Simbahan kag sa komunidad.

• Nakahimo sang seryoso nga sala nga nahibal-an sang tanan.

Sa sining mga sitwasyon, ang konseho laban-laban kinahanglan para buligan ang miyembro nga maghinulsol kon sia nakalapas sang iya mga kasugtanan sa templo ukon ang sala sulit-sulit.

Tan-awa sa 32.6.1.4 kon ang konseho ginapangayo. Tan-awa sa 32.6.3.3 kon ang miyembro imbolbado sa pagpalapaw sang pondo ukon propiyedad sang Simbahan.

32.6.2.5

Iban Pa nga Mga Binuhatan

Si Haring Benjamin nagtudlo, “Indi ko masugid sa inyo ang tanan nga mga butang nga paagi sa sini mahimo kamo nga makasala; kay may nanuhay-tuhay nga mga paagi kag mga pahito, bisan sapagkadamo nga indi ko maisip ang mga ini” (Mosias 4:29). Ang konseho mahimo nga kinahanglanon kon ang tawo:

• Nagapakita sang sulit-sulit nga paghimo sang seryoso nga mga sala (tan-awa sa Doktrina kag mga Kasugtanan 82:7).

• Hungod nga nagapabaya sa mga responsibilidad sa pamilya, lakip na ang indi pagbayad sang sustento sa kabataan kag asawa.

• Nagapamahog sang pisikal nga kasakitan, sing atubangay ukon online (tan-awa sa 32.2.1).

• Nagabaligya sang ilegal nga droga.

• Nagahimo sang seryoso nga kriminal nga mga buhat.

Sa sining mga sitwasyon, ang konseho laban-laban nga kinahanglanon para buligan ang miyembro nga maghinulsol kon sia nakalapas sang iya mga kasugtanan sa templo ukon ang sala sulit-sulit.

Ang membership council mahimo nga kinahanglanon kon ang miyembro nagapasakop, nagahimo, nagapatigayon, nagabayad, ukon nagaduso sang aborsyon. Tan-awa sa 38.6.1 para sa mga pagsulundan.

Kon San-o ang Membership Council Ginapangayo ukon Mahimo nga Kinahanglanon

Klase sang Sala	Ang Membership Council Kinahanglanon Gid (tan-awa sa 32.6.1)	Ang Membership Council Mahimo nga Kinahanglanon (tan-awa sa 32.6.2)
Klase sang Sala Pagpamintas kag Pagpang-abuso	Ang Membership Council Kinahanglanon Gid (tan-awa sa 32.6.1) Pagpatay sang Tawo Pagpanglugos Napamatbatan nga nakasala sa sekswal nga pagpanakit Pagpang-abuso sang bata ukon lamharon Hungod nga pagpamintas	Ang Membership Council Mahimo nga Kinahanglanon (tan-awa sa 32.6.2) Plano sa pagpatay sang tawo Sekswal nga pagpang-abuso, lakip na ang pagpanakit kag pagpamahog (tan-awa sa 38.6.18 kon ginapangayo ang konseho) Pagpang-abuso sang asawa ukon bana ukon iban pa nga hamtong (tan-awa sa 38.6.2.4 kon ginapangayo ang konseho)
Klase sang Sala Sekswal nga Imoralidad	Ang Membership Council Kinahanglanon Gid (tan-awa sa 32.6.1) Incest Pornograpiya nga gamit ang kabataan Pagpangasawa sang madamo Hungod nga sekswal nga pagpanghalit	Ang Membership Council Mahimo nga Kinahanglanon (tan-awa sa 32.6.2) Pagpanglalaki ukon pagpangbabayi, pagpakighilawas, relasyon sa isigka-lalaki ukon isigka-babayi, kag ang tanan nga iban pa nga sekswal nga mga relasyon sa gwa sang legal nga kasal sa tunga sang lalaki kag babayi, lakip na ang sekswal nga mga buhat online kag sa telepono Pagpuyo-puyo, sibil nga mga pag-upod kag relasyon, kag kasal sa isigka-lalaki ukon isigka-babayi Sige-sige kag indi mapunggan nga paggamit sang pornograpiya nga nagatuga sang dako nga halit sa pag-asawahay ukon pamilya sang miyembro
Klase sang Sala Mga Buhat sang Pagpangdaya	Ang Membership Council Kinahanglanon Gid (tan-awa sa 32.6.1) Hungod nga pagpanghalit sa pinansyal, pareho sang pagpangdaya kag pareho sini nga mga buluhaton (tan-awa sa 32.6.3.3 kon ang miyembro imbolbado sa pagpalapaw sang mga pondo ukon propiyedad sang Simbahan)	Ang Membership Council Mahimo nga Kinahanglanon (tan-awa sa 32.6.2) Pagpangholdap, pagpanaka sang balay para mangawat, pagpangawat, ukon pagpalapaw sang pondo (tan-awa sa 32.6.3.3 kon ang miyembro imbolbado sa pagpalapaw sang pondo ukon propiyedad sang Simbahan) Pagbutig sa Sinumpaan
Klase sang Sala Pagguba sang Pagsalig	Ang Membership Council Kinahanglanon Gid (tan-awa sa 32.6.1) Seryoso nga sala samtang nagakapot sang prominente nga posisyon sa Simbahan	Ang Membership Council Mahimo nga Kinahanglanon (tan-awa sa 32.6.2) Seryoso nga sala samtang nagakapot sang posisyon nga may awtoridad ukon ginasaligan sa Simbahan ukon sa komunidad (tan-awa sa 32.6.3.3 kon ang miyembro imbolbado sa pagpalapaw sang pondo kag propiyedad sang Simbahan) Seryoso nga sala nga nahibal-an sang tanan
Klase sang Sala Iban Pa nga Mga Buhat	Ang Membership Council Kinahanglanon Gid (tan-awa sa 32.6.1) Kalabanan nga ginapamatbatan nga krimen	Ang Membership Council Mahimo nga Kinahanglanon (tan-awa sa 32.6.2) Aborsyon (magluwas sa wala madala sa 38.6.1) Sulit-sulit nga seryoso nga mga sala Hungod nga pagpabaya sang mga responsibilidad sa pamilya, lakip na ang indi pagbayad sang sustento sa kabataan kag asawa Pagbaligya sang ilegal nga droga Iban pa nga seryoso nga mga kriminal nga buluhaton

32.6.3

Kon San-o Nagapakig-angot ang Stake President sa Area Presidency parte sa kon Bala Nagakabagay ang Membership Council ukon Iban pa nga Aksyon

Ang pila ka mga butang nagapangayo sang dugang nga paghalong kag giya. Para mahibal-an kon paano makabulig sang pinakamaayo, ang stake president kinahanglan gid nga magkig-angot sa Area Presidency parte sa mga sitwasyon sa sini nga seksyon. Pero, ang stake president lamang ang makadesisyon kon ang konseho dapat hiwaton para aksyunan ang hinimuan. Kon ang konseho hiwaton, ang stake president ukon bishop ang nagadesisyon sang resulta.

Kon hiwaton ang membership council para sa isa sa mga butang nga nahambal sa sining seksyon, ang desisyon sang konseho dapat nga “nagapabilin nga maayo ang rekord,” “may pormal nga mga limitasyon sa pagkamiyembro,” ukon “pagbawi sang pagkamiyembro.” Ginakinahanglan ang pahanugot sang Unang Pangulohan para kakason ang pormal nga mga limitasyon ukon pagbaton liwat sang tawo sa Simbahan (tan-awa sa 32.16.1, numero 9).

32.6.3.1

Iba Pa nga Aksyon

Kon indi paghiwaton ang membership council, ang iban pa nga aksyon mahimo nga maglakip sang:

• Indi pormal nga mga limitasyon sa pagkamiyembro (tan-awa sa 32.8.3).

• Marka sa membership record (tan-awa sa 32.14.5).

• Limitasyon sa mga ordinansa, nga nagapugong sa tawo sa pagbaton ukon paggamit sang priesthood ukon pagbaton ukon paggamit sang temple recommend.

Ang stake president nagakonsulta sa Area Presidency antes himuon ang isa sining mga aksyon.

32.6.3.2

Apostasiya

Ang mga isyu sang apostasiya kasami may epekto bisan sa gwa sang dulunan sang ward ukon stake. Kinahanglan nga maaksyunan gilayon ang mga ini para proteksyunan ang iban.

Ang bishop nagakonsulta sa stake president kon pamatyag niya ang aksyon sang miyembro makabig nga apostasiya. Ang bishop ukon stake president mahimo nga magbutang sang indi pormal nga mga limitasyon sa pagkamiyembro sang miyembro (tan-awa sa 32.8.3). Angstake president gilayon nga magakonsulta sa Area Presidency. Pero, ang stake president lamang ang makadesisyon kon bala ang membership council ukon ang iban pa nga aksyon kinahanglanon.

Sa ginagamit diri, ang apostasiya nagatumod sa miyembro nga nagahimo sang masunod:

• Sulit-sulit nga nagaakto sa maathag kag hungod nga pagkontra sa publiko sang Simbahan, sa mga doktrina sini, mga polisiya, ukon mga lider

• Pagpadayon sa pagtudlo bilang doktrina sang Simbahan sinang indi doktrina sang Simbahan pagkatapos nga koreksyonan sang bishop ukon stake president

• Pagpakita sang hungod sa buot nga pagtinguha nga paluyahon ang pagtuo kag pagkaaktibo sang mga miyembro sang Simbahan

• Padayon nga pagsunod sang mga pinanudlo sang naghalalin na sa simbahan pagkatapos nga koreksyonan sang bishop ukon stake president

• Pormal nga pagpamiyembro sa iban nga simbahan kag pagduso sang mga pinanudlo sini (Ang lubos nga pag-untat sa pagsimba sa Simbahan ukon ang pagsimba sa iban nga simbahan indi makabig nga apostasiya. Pero kon ang miyembro pormal nga nagapamiyembro sa iban nga simbahan kag ginaduso ang mga pinanudlo sini, ang pagbawi sang iya pagkamiyembro mahimo nga kinahanglanon.)

Ang Manluluwas nagtudlo sa mga Nefinhon nga dapat sila nga magpadayon sa pag-alagad sa tawo nga nakasala. “Apang kon indi sia maghinulsol indi sia pag-isipon sa tunga sang akon katawhan, agud nga indi niya mahalitan ang akon katawhan” (3 Nefi 18:31).

32.6.3.3

Pagpalapaw sang Pondo sang Simbahan

Kon ang miyembro nagpalapaw sang pondo sang Simbahan ukon nagpangawat sang malahalon nga propiyedad sang Simbahan, ang stake president nagakonsulta sa Area Presidency kon bala kinahanglanon ang membership council ukon iban pa nga aksyon. Ang mga lider nagabinagbinag sang:

• Bili sang pinalapaw ukon kinawat.

• Kon bala ang pagpalapaw kis-a lamang natabo ukon sulit-sulit.

• Kon bala nabayran na ini.

• Lebel sang paghinulsol sang tawo.

• Ang posisyon nga ginakaptan sang miyembro (tan-awa sa 32.6.1.4 para sa mga miyembro nga nagakapot sang prominente nga posisyon sa Simbahan).

Ang stake president nagareport sang isa sa masunod sa Leader and Clerk Resources:

• Ang mga resulta sang membership council

• Nga nagapakig-angot sia sa Area Presidency kag nagpamat-od nga indi kinahanglanon ang membership council

Kon ang Church Auditing Department nakapamatuod nga ang isa ka lider ukon empleyado sang Simbahan nakapalapaw sang pondo ukon propiyedad sang Simbahan, ang Unang Pangulohan sa kabilogan nagahambal nga ang iya membership record pagamarkahan. Ang kahulugan sang “lider” amo ang tawo nga nagakapot sang prominente nga posisyon sa Simbahan, amo man ang mga manuglaygay, mga klerk, kag mga pangulohan sang branch. Kon kompleto na ang paghinulsol, ang stake president pwede magpangayo sang pagkakas sang marka sa rekord (tan-awa sa 32.14.5 kag 34.7.5). Ang marka sa rekord wala nagakahulugan nga ang membership council ukon iban pa nga aksyon natabo.

32.6.3.4

Transgender nga mga Indibidwal (Mga Indibidwal nga Nagbaylo sang Kasarian)

Ang mga bishop kag stake president nga nagahikot upod sa mga tawo nga nagapakilala nga transgender dapat magsunod sa mga pagsulundan sa 38.6.23.

32.6.4

Kon San-o nga ang Membership Council Indi Masami Kinahanglan

Ang membership council indi masami kinahanglanon sa masunod nga mga sitwasyon.

32.6.4.1

Indi Pagsunod sang Pila ka mga Sulukdan sang Simbahan

Ang membership council wala ginahiwat para sa mga aksyon nga nalista sa idalom. Pero, tandai ang eksepsyon sa katapusan nga aytem.

• Pagkaindi-aktibo sa Simbahan

• Indi pagtuman sang mga tulumanon sa Simbahan

• Indi pagbayad sang ika-pulo

• Mga sala sang indi paghimo

• Masturbasyon

• Indi pagsunod sa Pulong sang Kaalam

• Paggamit sang pornograpiya, magluwas sa pornograpiya nga gamit ang kabataan (sa napaathag sa 38.6.6) ukon sige-sige kag indi mapunggan nga paggamit sang pornograpiya nga nakatuga sang dako nga halit sa pag-asawahay ukon pamilya sang miyembro (sa napaathag sa 38.6.13).

32.6.4.2

Mga Kapaltahan sa Negosyo ukon Indi Pagbayad sang mga Utang

Indi dapat paggamiton sang mga lider ang mga membership council para husayon ang mga kaawayon sa negosyo. Ang pagkaputo sa negosyo kag indi pagbayad sang mga utang indi mga rason para maghiwat sang membership council. Pero, ang konseho kinahanglan gid nga hiwaton para sa mga buhat sang seryoso nga pagpangdaya ukon iban pa nga seryoso nga pagpang-ilad sa pinansyal (tan-awa sa 32.6.1.3).

32.6.4.3

Sibil nga mga Pag-ilinaway

Ang mga membership council wala ginahiwat para husayon ang sibil nga mga pag-ilinaway (tan-awa sa Doktrina kag mga Kasugtanan 134:11).

32.7

Mga Sirkumstansya sang Tawo

Ang Ginuo nagsiling, “Ang akon butkon sang kaluoy nauntay tuhoy sa inyo, kag kon sin-o man ang magakari, sia akon pagabatunon; kag bulahan yadtong mga magakari sa akon” (3 Nefi 9:14). Ang mga sirkumstansya sang tawo importante nga konsiderasyon sa paghibalo sang:

• Nagakabagay nga pamaagi para buligan sia nga maghinulsol sang seryoso nga mga sala (tan-awa sa 32.5 kag 32.6).

• Mga desisyon nga himuon sa personal nga paglaygay ukon mga membership council (tan-awa sa 32.8 kag 32.11).

Mga Konsiderasyon nga Pwede Mag-impluwesya sa mga Desisyon

• Kadakuon sang sala

• Mga interes sang biktima

• Ebidensya sang paghinulsol

• Paglapas sa mga kasugtanan sa templo

• Posisyon nga ginasaligan ukon may awtoridad

• Pagsulit

• Edad, kahamtong, kag eksperiyensya

• Mental nga kapasidad

• Boluntaryo nga pagkumpisar

• Ang lang-at sang sala kag pagkumpisar

Ang mga bishop kag mga stake president nagapangayo sang panghunahuna kag pagbuot sang Ginuo sa tagsa sining mga sitwasyon. Ginabinagbinag nila ang masunod nga mga punto sa paghibalo kon ano nga pamaagi ang gamiton kag kon ano ang mangin resulta. Ang ini nga mga punto wala nagadikta sang partikular nga desisyon. Kundi, mga bulig ini sa desisyon nga kinahanglan himuon sang mga lider nga ginaupdan sang pangamuyo kag sa giya sang Espiritu.

32.7.1

Kadakuon sang Sala

Ang kaseryoso sang sala ginatakos sa kadakuon sini. Mahimo nga nagalakip ini sang kadamuon kag pagsulit-sulit sang mga sala nga nahimo, ang kalala sang resulta sang halit tungod sang mga ini, kag ang kadamuon sang tawo nga nasakitan tungod sang mga ini.

32.7.2

Mga Interes sang Biktima

Ginapamensar sang mga lider ang mga interes sang mga biktima kag iban pa. Mahimo ini maglakip sang asawa ukon bana sang tawo kag iban pa nga mga miyembro sang pamilya. Ginapamensar man sang mga lider ang kalala sang halit.

32.7.3

Ebidensya sang Paghinulsol

Ginakinahanglan ang espirituhanon nga giya para mahibal-al kon bala ang tawo sinsero gid nga naghinulsol. Ang ini nga paghinulsol mas makita paagi sa matarong nga mga hinimuan sa kalawigon sang panahon indi sa dako nga kasubo sa isa lang ka interbyu. Ang mga bagay nga dapat binagbinagon nagalakip sang:

• Kabaskog sang pagtuo kay Jesucristo.

• Ang klase sang pagkumpisar.

• Ang kadalumon sang kasubo para sa sala.

• Pagpakig-uli sa mga nahalitan nga tawo.

• Pagsunod sa legal nga mga rekisitos.

• Kadalag-an sa pagsikway sang sala.

• Katutom sa pagtuman sang mga kasuguan sugod sang makasala.

• Pagsugid sang matuod sa mga lider sang Simbahan kag iban pa.

• Kahanda sa pagsunod sa mga laygay sang mga lider sang Simbahan.

babayi nga nagapangamuyo

32.7.4

Paglapas sang mga Kasugtanan sa Templo

Ang Ginuo nagsiling, “Kay sa iya nga madamo ang ginhatag, madamo ang ginapangayo” (Doktrina kag mga Kasugtanan 82:3). Ang tawo nga nakabaton na sang endowment sa templo naghimo sang mga kasugtanan nga magpangabuhi sa mas mataas nga sulundan. Ang paglapas sining mga kasugtanan nagapadako sang kaseryoso sang sala. Ginapataas sini ang posibilidad nga hiwaton ang membership council.

32.7.5

Position nga Salaligan ukon May Awtoridad

Ang kaseryoso sang sala mas nagadako kon ginhimo ini sang tawo samtang ara sa posisyon nga ginasaligan ukon may awtoridad, pareho sang ginikanan, lider, ukon titser.

32.7.6

Pagsulit

Ang gawi sang pagsulit sang pareho nga seryoso nga sala mahimo nga nagapakita sang madugay na nga kagawian ukon adiksyon nga nagapugong sang pagprogreso padulong sa matuodtuod nga paghinulsol. Dugang pa sa posible nga mga limitasyon sa pagkamiyembro, ang mga programa sang paglampuwas sa adiksyon kag propesyunal nga paglaygay mahimo nga makabulig (tan-awa sa 32.8.2).

32.7.7

Edad, Kahamtong, kag Eksperiyensya

Ang mga lider nagabinagbinag sang edad, kahamtong, kag eksperiyensya kon maglaygay sa miyembro ukon sa pagdesisyon sang resulta sang membership council. Ang pagpasensya masami nagakabagay para sa mga indi pa hamtong sa ebanghelyo. Halimbawa, ang pagpasensya mahimo nga nagakabagay para sa lamharon nga mga miyembro nga nagahimo sang imoral nga mga buluhaton kon ila sikwayon ang sala kag magpakita sang sinsero nga paghinulsol. Pero, mahimo nga mas seryoso nga aksyon ang kinahanglan kon padayunon nila ini nga buluhaton.

32.7.8

Kapasidad sang Pamensaron

Ang balatian sa pamensaron, adiksyon, ukon limitado nga mental nga ikasarang wala nagaabswelto sang tawo nga nakahimo sang seryoso nga sala. Pero, amo ini ang mga punto nga dapat binagbinagon. Bilang bahin sang pagbulig sa tawo nga maghinulsol. ang mga lider nagapangayo sang giya sang Ginuo parte sa pag-intiendi sang tawo sang mga prinsipyo sang ebanghelyo kag lebel sang pagkamay-salabton.

32.7.9

Boluntaryo nga Pagkumpisar

Ang boluntaryo nga pagkumpisar kag diosnon nga kasubo sa iya mga hinimuan nagapakita sang handum nga maghinulsol.

32.7.10

Lang-at sang Sala kag Pagkumpisar

Ang pagkumpisar bahin sang paghinulsol kag indi dapat pagpadugayan. Kon kaisa ang sala ginasundan sang malawig nga panahon sang pagpakig-uli kag matinuohon nga pagpangabuhi. Kon ang miyembro nagkumpisar sang sala kag wala na ini ginsulit, nagapakita ina nga ginsikway na niya ini. Sa sina nga hugada, ang pagkumpisar mahimo nga magakompleto imbes nga magasugod sang proseso sang paghinulsol.

32.7.11

Mga Sala nga Nagaimbolbar sang mga Miyembro nga Nagaistar sa Lainlain nga Ward ukon Stake

Kon kaisa ang mga miyembro nga nakahimo sang seryoso nga mga sala sing ululupod nagaistar sa lainlain nga mga ward ukon stake. Sa sining sitwasyon, ang mga stake president nagaistoryahanay parte sa kakinahanglan sang mga limitasyon sa pagkamiyembro ukon sang mga konseho. Ginahambalan man nila kon bala may balor ang mga limitasyon ukon mga desisyon sang konseho kon palareho ukon may iban pa nga mga butang nga mahimo magpatimaan sang kakinahanglan sang lainlain nga mga resulta.

---

PAGPATUMAN SANG PERSONAL NGA PAGLAYGAY

---

32.8

Personal nga Paglaygay kag Indi Pormal nga mga Limitasyon sang Pagkamiyembro

Ang personal nga paglaygay masami hustohan na para buligan nga maprotektahan ang iban kag buligan ang tawo nga mabaton ang nagatubos nga gahum sang Pagbayad-Sala ni Jesucristo paagi sa paghinulsol. Ang ini nga paglaygay makabulig man sa mga miyembro nga magbantay batok sa mas seryoso nga mga sala. Sa personal nga paglaygay, ang mga lider makahatag man sang indi pormal nga mga limitasyon sa pagkamiyembro para buligan ang miyembro nga maghinulsol sang mas seryoso nga mga sala (tan-awa sa 32.8.3).

Ang seryoso nga mga sala indi dapat pagkabigon nga daw wala lang (tan-awa sa Doktrina kag mga Kasugtanan 1:31). Ang paglapas sang mga kasugtanan sa templo nagapadako sang posibilidad nga pagahiwaton ang membership council (tan-awa sa 32.7.4).

Ang mga pagsulundan para buligan ang mga lider nga mahibal-an kon igo na ang paglaygay kag indi pormal nga mga limitasyon nalista sa idalom (tan-awa man sa 32.7):

• Tawo nga wala nakahimo sang sala nga magakinahanglan sang membership council (tan-awa sa 32.6.1).

• Tawo nga boluntaryo nga nagkumpisar kag tunay gid nga nagahinulsol.

• Tawo nga nagahinulsol sang seryoso nga sala nga wala pa gid niya nahimo sadto.

• Ang sala sang tawo wala maglapas sang mga kasugtanan sa templo.

• Ang tawo may nagapahaganhagan nga mga sirkumstansya.

32.8.1

Personal nga Paglaygay

Ang masunod nga mga pagsulundan magamit kon ang bishop ukon stake president nagalaygay sang miyembro para buligan sia nga maghinulsol.

• Magpamangkot lamang sang hustohan nga impormasyon para mahibal-an ang (1) panimuot sang miyembro sa sala nga pamatasan kag (2) ang klase, kon kada san-o, kag kalawigon sinang pamatasan. Indi magpamangkot sang mga detalye nga indi na kinahanglanon para maintiendihan ang sitwasyon. Indi magpamangkot sang mga pamangkot nga halin sa personal nga kuryosidad.

• Pamangkuta kon paano ang hinumuan nakaapekto sa iban.

• Magtutok sa positibo nga mga kondisyon nga nagapadalom sang pagbag-o sang miyemro kag debosyon sa Ginuo. Paisoga ang miyembro nga maghimo sang partikular nga mga tikang para matabo ang pagliwat sang pamatasan kag pagbag-o sang tagipusuon para maghinulsol. Imbitaha sia nga magpalapit sa Manluluwas, nga pangitaon ang Iya kusog kag batyagon ang Iya nagatubos nga pagpalangga.

• Paisoga ang nagapabakod nga aktibidades pareho sang pagpangamuyo, pagbasa sang balaan nga mga kasulatan, kag pagtambong sa mga miting sang Simbahan. Itudlo nga ang family history kag buluhaton sa templo makapaiban sang impluwensya sang kaaway. Paisoga ang pagserbisyo sa iban kag pagpaambit sang ebanghelyo.

Maayo nga Aktibidades nga Makabulig sa Paghinulsol kag Nagatukod sang Espirituhanon nga mga Pamakod

• Pangamuyo

• Pagtuon sang Balaan nga mga Kasulatan

• Pagsimba

• Adlaw-adlaw nga family history kag buluhaton sa templo, lakip na ang indexing sang mga ngalan

• Pagserbisyo sa iban

• Pagpaambit sang ebanghelyo

• Pagpaisog sang pagpakig-uli sa mga nahalitan sining mga sala kag pagpangayo sang kapatawaran

• Pagpaisog sang pagbiya sa malain nga mga impluwensya. Pagbulig sa mga miyembro nga maghimo sang mga aksyon nga mapakigbatuan ang partikular nga mga tentasyon.

• Pagkilala nga ikaw lider sa simbahan, indi propesyunal nga manuglaygay Dugang pa sa laygay nga imo mahatag, may mga miyembro nga makabenepisyo sa behavioral counseling. May iban nga nagaantos sa mental nga balatian. Kon kinahanglanon, laygayi ang mga miyembro nga magpangayo sang bulig sa medikal kag mental nga mga propesyunal (tan-awa sa 31.3.6).

• Mangin mapinangamuyuon kag magpangayo sang giya sa Espiritu antes maghatag sang indi pormal nga mga limitasyon sa pagkamiyembro. May mga miyembro nga mahimo makabenepisyo sa paggamit sang mga pribilehiyo sang pagkamiyembro sa Simbahan sing mas aktibo sangsa limitahan ang mga ini.

• Magfollow-up para maghatag sang pagpaisog, magpabakod sang espirituhanon nga kusog, kag bantayan ang ila progreso.

Pagkatapos nga magkumpisar ang miyembro sa bishop ukon stake president, ang nagasunod nga mga laygay mahimo nga matabo sa pila ka paagi. Ang lider mismo ang makahatag sini. Ukon, upod ang pahanugot sang miyembro, pwede niya i-asayn sa isa niya ka mga manuglaygay nga maghatag sini.

Upod ang pahanugot sang miyembro, ang bishop ukon stake president mahimo nga mag-asayn sang mga miyembro sang elders quorum ukon Relief Society nga magbulig sa partikular nga mga paagi. Para sa mga lamharon, pwede niya i-asayn ang pangulohan sang Young Women ukon mga manuglaygay sang korum sang Aaronic Priesthood para magbulig. Atong mga naasaynan nga magbulig may kinamatarong sa inspirasyon para matuman ina nga tulumanon (tan-awa sa 4.2.6).

Kon mag-asayn sang isa ka tawo sa pagbulig sa nagasunod nga paglaygay, ang lider nagahatag lamang sang hustohan nga impormasyon nga kinahanglan para mabuligan ang miyembro. Ang naasayn nga tawo kinahanglan gid nga magpadayon sa pagtipig sang impormasyon. Pahibal-on man niya ang bishop sang progreso kag mga panginahanglan sang miyembro.

babayi nga nagapangamuyo

32.8.2

Pagbulig sang mga Tawo nga may mga Adiksyon

Ang personal nga paglaygay kon kaisa nagasakop sang pagbulig sa mga miyembro nga maghinulsol sang mga sala nga may kaangtanan ukon gintuga sang mga adiksyon. Ini nga mga adiksyon mahimo nga magasakop sang droga ukon madamo nga mga pamatasan. Ang adiksyon nagahalit sa mga indibidwal, mga pag-asawahay, kag mga pamilya. Ang mga bishop pwede nga maglaygay sa mga miyembro nga magpangayo sang bulig sa mga programa sang Simbahan para sa paglampuwas sa adiksyon kag sa kalipikado nga mga propesyunal sa medikal kag mental nga ikaayong-lawas.

Ang paggamit sang pornograpiya nagaamat nga nangin kinaandan na. Ang sige-sige nga paggamit pwede nga indi na mapunggan ukon, sa tumalagsahon nga mga kaso, mangin adiksyon. Bisan ang paggamit sang pornograpiya sige-sige ukon panalagsa, makahalit ini. Ginatabog sini ang Espiritu palayo. Ginapaluya sini ang ikasarang nga maglab-ot sa gahum nga nagahalin sa pagtuman sang mga kasugtanan. Ginahalitan man sini ang malahalon nga mga relasyon.

Ang personal nga paglaygay kag indi pormal nga mga limitasyon sa pagkamiyembro masami hustohan na para buligan ang tawo nga maghinulsol sa paggamit sang pornograpiya. Kasami wala na ginahiwat ang mga membership council. Para sa mga eksepsyon, tan-awa sa 38.6.6 kag 38.6.13. Mahimo nga makabulig ang propesyunal nga paglaygay.

Ang mga stake president kag mga bishop nagasuporta sa mga miyembro sang pamilya kon kinahanglan. Pwede nga i-entra ang mga ginikanan kon maglaygay sa mga lamharon parte sa paggamit sang pornograpiya. Ang asawa ukon bana pwede nga i-entra kon maglaygay sang kasado nga tawo.

Para sa dugang nga impormasyon parte sa paglaygay sang mga miyembro nga imbolbado sa pornograpiya, tan-awa sa 38.6.13.

32.8.3

Indi Pormal nga mga Limitasyon sang Pagkamiyembro

Dugang pa sa pagpaisog sang positibo nga mga buhat samtang nagalaygay, ang bishop ukon stake president pwede magpatuman sang indi pormal nga mga limitasyon sa pila ka mga pribelihiyo sa pagkamiyembro sang Simbahan sing temporaryo. Kon maalam nga ginpatuman, ining mga limitasyon makabulig sa paghinulsol kag espirituhanon nga progreso. Ginakabig ang mga ini nga indi pormal tungod wala ini ginasulat sa membership record.

Ang indi pormal nga mga limitasyon mahimo nga maglawig sang pila ka semana, pila ka bulan, ukon mas malawig pa kon kinahanglan para ang tawo lubos nga makahinulsol. Sa indi kinaandan nga mga sirkumstansya, ang kalawigon pwede nga magsobra isa ka tuig.

Ang mga lider nagapangayo sang giya sang Espiritu parte sa kon ano nga limitasyon ang makabulig sang pinakamaayo sa tawo nga maghinulsol. Pwede ini maglakip sang (pero indi limitado sa) pagsuspinde sang pribelihiyo sa pagserbisyo sa calling sa Simbahan, paggamit sang priesthood, ukon pagsulod sa templo. Ang lider pwede man magdumili sang tawo sa paghambal sa pulpito, paghatag sang leksyon, ukon pangamuyo sa mga miting sang Simbahan. Kon ang lider magasuspinde sang kinamatarong sa pagsulod sa templo, ginakansela niya ang temple recommend sa Leader and Clerk Resources (LCR).

Ang pag-ambit sang sakramento isa ka importante nga bahin sang paghinulsol. Indi ini dapat ang mangin una nga limitasyon nga ginahatag sa nagahinulsol nga tawo nga may masinulub-on nga tagipusuon kag mahinulsulon nga espiritu. Pero, kon ang tawo nakahimo sang seryoso nga mga sala, ang lider pwede nga magsuspinde sining pribelihiyo sing temporaryo.

Ang mga lider kasami wala nagahambal sining indi pormal nga mga limitasyon sa bisan sin-o magluwas kon kinahanglan gid nga mahibal-an (tan-awa sa 32.12.2).

Ang bishop ukon stake president pwede nga magkakas sang indi pormal nga mga limitasyon suno sa giya sang Espiritu kon ang tawo nagahimo sang partikular nga progreso sa tunay nga paghinulsol. Kon ang miyembro nagapadayon sa pagpakasala, mahimo nga makabulig ukon kinahanglan gid nga maghiwat sang membership council.

---

PAGPATUMAN SANG MGA CHURCH MEMBERSHIP COUNCIL

---

Ang mga membership council ginahiwat kon pamatyag sang bishop ukon stake president nga makabulig ang mga ini ukon ginapangayo ini sang polisiya sang Simbahan (tan-awa sa 32.6). Ginahiwat ang mga ini sa lebel sang ward, stake, branch, district, ukon misyon. Ining seksyon nagapahamtang sang impormasyon parte sa kon paano ang mga ini ipatuman.

32.9

Partisipasyon kag Responsibilidad

Ang masunod nga tsart nagapakita kon sin-o ang masami nagapartisipar sa mga membership council.

	Mga Partisipante sa mga Membership Council
Ward Membership Council	Mga Partisipante sa mga Membership Council Ang tawo nga rason sang paghiwat sang konseho Ang bishop kag ang iya mga manuglaygay Ang klerk sang ward Ang presidente sang elders quorum ukon Relief Society (opsyonal; tan-awa sa 32.10.1)
Stake Membership Council	Mga Partisipante sa mga Membership Council Ang tawo nga rason sang paghiwat sang konseho Ang stake president kag ang iya mga manuglaygay Ang klerk sang stake Mga Miyembro sang High Council (sa pila lang ka mga sitwasyon suno sa ginpaathag sa 32.9.2) Ang bishop sang tawo nga rason sang paghiwat sang konseho (opsyonal; tan-awa sa 32.9.3) Ang presidente sang elders quorum ukon Relief Society (opsyonal; tan-awa sa 32.10.1)

32.9.1

Stake President

Ang stake president:

• May awtoridad sa mga stake membership council; pero, kalabanan sining mga konseho ginahiwat sang mga bishop.

• Kinahanglan maghatag sing pahanugot antes ang bishop mahimo nga maghiwat sang membership council.

• Nagahiwat sang stake membership council kon ang lalaki ukon babayi nga nakabaton na sang endowment sa templo laban-laban nga bawian sang iya pagkamiyembro sang Simbahan.

• Pwede maghiwat sang konseho kon ang miyembro nagaapela sang desisyon sang ward membership council.

• Kinahanglan nga maghatag sang pahanugot antes mangin pinal ang rekomendasyon sang ward membership council nga bawion ang pagkamiyembro sang wala pa ma-endow nga tawo.

32.9.2

High Council

Ang mga miyembro sang high council wala kasami nagapartisipar sa mga stake membership council. Pero, ang high council pwede nga magpartisipar sa mabudlay nga mga sitwasyon (tan-awa sa Doktrina kag mga Kasugtanan 102:2). Halimbawa, ang stake presidency mahimo mga mag-imbitar sang high council kon:

• May mga ginakwestyon nga mga ebidensya.

• Makadugang sila sang balor kag balanse.

• Ginapangabay sang miyembro ang ila partisipasyon.

• Ang miyembro sang stake presidency ukon ang iya pamilya imbolbado (tan-awa sa 32.9.7).

32.9.3

Bishop (ukon Branch President sa isa ka Stake)

Ang bishop:

• May awtoridad sa mga ward membership council.

• Nagakonsulta sa stake president kag nagapangayo sang iya pahanugot antes maghiwat sang konseho.

• Indi pwede maghiwat sang konseho kon ang lalaki ukon babayi nga nakabaton na sang iya endowment sa templo laban-laban nga bawian sang iya pagkamiyembro sa Simbahan. Ang stake membership council ang kinahanglan hiwaton sa sina nga mga sitwasyon.

• Mahimo nga imbitaron nga magtambong sa stake membership council para sa miyembro sang ward nga ang pagkamiyembro ginarebyu. Ang iya pagtambong kinahanglan nga aprubado sang stake president kag sang natungdan.

Ang ward ukon branch membership council pwede nga magrekomenda sang pagbawi sang pagkamiyembro sang tawo sa Simbahan kon wala pa sia ma-endow. Pero, ginakinahanglan ang pahanugot sang stake president antes mangin pinal ang desisyon.

Kon kaisa ang ward membership council ginahiwat para sa na-endow nga miyembro kag ang mga nagakatabo nagapakita nga ang miyembro laban-laban nga bawian sang iya pagkamiyembro. Sa sining mga sitwasyon, ang bishop nagapasa sini nga bagay sa stake president.

32.9.4

Mission President

Ang mission president:

• May awtoridad sa mga membership council sa mga branch kag district sang misyon.

• Kinahanglan nga maghatag sang pahanugot antes ang district ukon branch president makahiwat sang membership council.

• Nagahiwat sang membership council kon ang lalaki ukon babayi nga nakabaton sang endowment sa templo laban-laban nga bawian sang iya pagkamiyembro sa Simbahan. Kon indi ini pag-itugot sang tiyempo ukon kalayuon, pwede niya i-asayn ang isa sang iya mga manuglaygay nga pamunoan ang konseho. Gina-appoint niya ang duha pa ka mga nagakapot sang Melchizedek Priesthood nga magpartisipar.

• Kon diin posible, nagahiwat sang mga membership council para sa mga wala pa ma-endow. Kon indi pag-itugot sang tiyempo ukon kalayuon, pwede sia nga maghatag awtoridad sa tatlo ka mga nagakapot sang Melchizedek Priesthood sa paghiwat sini. Sa sini nga sitwasyon, ang district president ukon branch president sang miyembro amo ang nagahiwat sang konseho.

• Pwede maghiwat sang konseho kon ang miyembro nagaapela sang desisyon sang district ukon branch membership council.

• Upod ang pahanugot sang isa ka Pangkabilogan nga Awtoridad halin sa Missionary Department, nagahiwat sang membership council kon ang misyonero nakahimo sang seryoso nga sala sa misyon (tan-awa sa 32.9.8). Ginarebyu man niya ining butang upod sa isa ka miyembro sang Area Presidency kag nagakonsulta sa stake president sang ginhalinan nga stake sang misyonero.

• Kinahanglan maghatag sang pahanugot antes mangin pinal ang rekomendasyon sang district membership council nga bawian sang pagkamiyembro ang tawo nga wala pa ma-endow.

Kon ang misyonero magkumpisar sang seryoso nga sala nga nahimo niya antes pa magserbisyo sa misyon, ang mission president magakontak sa iya representante sa misyon sa Missionary Department para sa giya.

Kon magahiwat ang mission president sang membership council, nagatawag sia sang duha ka mga nagakapot sang Melchizedek Priesthood para magbulig sa iya. Sa indi kinaandan lamang sia nga mga sirkumstansya nga magatawag sang lamharon nga mga misyonero nga magbulig. Ginasunod niya ang pareho nga mga proseso sang stake membership council (tan-awa sa 32.10). Pero, ang high council ukon district council wala nagapartisipar.

32.9.5

District ukon Branch President sa isa ka Misyon

Ang district ukon branch president sa isa ka misyon pwede nga maghiwat sang membership council kon ginpahanugotan sang mission president. Ang district council wala nagapartisipar.

Ang district ukon branch membership council pwede lamang magrekomendar sang pagbawi sang pagkamiyembro sang natungdan sa Simbahan kon wala pa sia makabaton sang endowment sa templo. Pero, ginapangayo ang pahanugot sang mission president antes mangin pinal ang desisyon.

32.9.6

Stake ukon Ward Clerk

Ang klerk sang stake ukon ward:

• Nagatago sang rekord sang nagkalatabo sa konseho mientras kinahanglanon lamang para magsumite sang pormas nga Report of Church Membership Council.

• Nagahanda sang pormas kon pangayuon sang lider nga naghiwat sang konseho.

• Wala nagapartisipar sa diskusyon ukon desisyon sang konseho.

32.9.7

Partisipasyon sa Indi Kinaandan nga mga Sirkumstansya

Kon ang manuglaygay sa stake presidency indi makapartisipar sa membership council, ang stake president magapangabay sa isa ka miyembro sang high council ukon iban pa nga high priest sa pagbulos sa iya. Kon ang stake president indi makapartisipar, ang Unang Pangulohan pwede nga maghatag awtoridad sa isa sang iya mga manuglaygay nga magbulos sa iya.

Kon ang manuglaygay sa bishopric indi makapartisipar sa membership council, ang bishop pwede nga magpangabay sa high priest sa ward nga magbulos sa iya. Kon ang bishop indi makapartisipar, ginapasa niya ining bagay sa stake president, nga amo ang magahiwat sang stake membership council. Ang bishop indi pwede mag-asayn sang manuglaygay nga maghiwat sang membership council.

Kon ang membership council ginahiwat para sa miyembro sang pamilya sang bishop ukon sang isa sa iya mga manuglaygay, ginahiwat ini sa lebel sang stake. Kon ginahiwat ini para sa miyembro sang pamilya sang isa sa mga manuglaygay sang stake president, ang stake president magaasayn sang isa pa ka high priest nga magbulos sa manuglaygay. Kon ang konseho ginahiwat para sa miyembro sang pamilya sang stake president, ginakonsulta niya ang Opisina sang Unang Pangulohan.

Kon ang miyembro indi magpasugot nga magpartisipar ang bishop ukon ang iya mga manuglaygay, ang membership council ginahiwat sa lebel sang stake. Kon ang miyembro indi magpasugot nga magpartisipar ang isa sa mga manuglaygay sang stake president, ang stake president magaasayn sang isa pa ka high priest nga magbulos sa manuglaygay. Kon ang miyembro indi magpasugot nga magpartisipar ang stake president, ukon kon pamatyag sang stake president nga indi sia mangin patas, ginakonsulta niya ang Opisina sang Unang Pangulohan.

32.9.8

Paghibalo kon Sin-o nga Lider ang Nagahiwat sang Konseho sa Pinasahi nga mga Sirkumstansya

Ang mga membership council halos pirme ginahiwat sa yunit sang Simbahan kon sa diin natuon ang membership record sang natungdan.

Kon kaisa ang membership council kinahanglanon para sa tawo nga nagsaylo. Kon nagsaylo lang sa sulod sang mismo stake, ang stake president nagapakig-angot sa mga bishop sang duha ka ward kag nagadesisyon kon diin ini dapat hiwaton.

Kon ang miyembro magasaylo sa gwa sang stake, ang mga stake president sang duha ka stake nagapakig-angot kag nagadesisyon kon diin dapat hiwaton ang konseho. Kon magdesisyon sila nga dapat ini hiwaton sa daan nga ward ukon stake, ang membership record ginahawiran sa sina nga ward tubtob nga matapos ang konseho. Kon indi, ang rekord ginasaylo sa bag-o nga ward. Ang bishop ukon stake president mahinalungon nga nagapahibalo sa bag-o nga bishop ukon stake president kon ngaa kinahanglanon ang konseho.

Kon kaisa ang membership council kinahanglanon para sa miyembro nga temporaryo nga nagaestar sa malayo. Halimbawa, ang konseho mahimo nga kinahanglanon para sa estudyante ukon miyembro sang militar. Ang bishop kon sa diin ang miyembro temporaryo nga nagaestar makahatag sang laygay kag suporta. Pero, indi sia dapat maghiwat sang membership council magluwas kon ang membership record ara sa iya yunit kag nakig-istorya na sia sa bishop sa ginhalinan niya nga ward.

Kon kaisa ang misyonero nakahimo sang seryoso nga sala sa misyon nga wala mahibal-i kon wala pa sia ma-release. Ang bishop kag stake president nagaistoryahanay kon sin-o sa ila ang dapat maghiwat sang membership council. Ang isa sa ila nagakonsulta anay mission president antes ini hiwaton.

32.10

Mga Proseso sa mga Membership Council

32.10.1

Maghatag sang Pahibalo kag Maghanda para sa Konseho

Ang bishop ukon stake president nagahatag sa natungdan sang sinulat nga pahibalo nga pagahiwaton ang membership council para sa iya. Ginapirmahan niya ang sulat. Nagalakip ini sang masunod nga impormasyon:

“Ang [bishopric ukon stake presidency] magahiwat sang membership council para sa imo. Ang konseho pagahiwaton sa [petsa kag oras] sa [lugar].

“Ang ini nga konseho magabinagbinag sang [iplastar ang hinimuan sa pangkabilogan nga termino, pero indi maghatag sang mga detalye ukon ebidensya].

“Imbitado ka sa pagtambong sa konseho para maghatag sang imo nga sabat. Pwede ka maghatag sang sinulat nga panaysayon sang mga tawo nga makahatag sang importante nga impormasyon. Pwede mo hagaron ina nga mga tawo nga maghambal sa konseho para sa imo kon maaprubahan na ngadaan sang stake president ukon bishop. Pwede mo man hagaron [ang presidente sang Relief Society sa ward ukon ang presidente sang elders quorum] nga magkadto kag maghatag sing suporta.

“Ang tanan nga magatambong kinahanglan nga handa nga magsunod sa matinahuron nga sirkumstansya sang konseho, lakip na ang mga proseso kag pagtipig sang impormasyon. Ang abogado kag mga manugsuporta nga wala sa namitlang sa ibabaw indi pwede nga magtambong.”

Ang katapusan nga parapo pwede nga maglakip sang pagpahayag sang pagpalangga, paglaum, kag pag-ulikid.

Ang mga pagsulundan kon sin-o ang pwede agdahon sang natungdan nga maghambal sa konseho ginplastar sa 32.10.3, numero 4.

Kon ang sulat indi mahatag sing personal, pwede ini ipadala paagi sa registered ukon certified mail, nga may nalakip nga return receipt.

Ang bishop ukon stake president magaiskedyul sang membership council sa oras nga mahapos para sa natungdan. Ginasiguro man niya nga may hustohan nga tiyempo para magkolekta sang mga panaysayon sang mga biktima sang malain nga hinimuan kon gusto nila nga maghatag sang panaysayon (tan-awa sa 32.10.2).

Ginahanda sang bishop ukon stake president ang miyembro para sa konseho paagi sa pagpaathag sang katuyuan kag mga proseso sini. Ginapaathag man niya ang mahimo malab-utan nga mga desisyon sang konseho kag ang mga resulta sini. Kon ang miyembro nagkumpisar, ginapaathag sang lider nga ang ginkumpisar pagagamiton sa membership council.

32.10.2

Magtipon sang mga Panaysayon sang mga Biktima

Kon ang miyembro sang Simbahan biktima (pareho sa kaso sang incest, pagpang-abuso sang bata, pagpang-abuso sang asawa ukon bana, ukon pagpangdaya), ang bishop ukon stake president nagakontak sa nagapungko nga bishop ukon stake president sang natungdan. Ini nga mga lider nagahibalo kon bala makabulig kon hatagan ang biktima sang oportunidad nga maghatag sang sinulat nga panaysayon parte sa ginhimo sa iya kag ang mga epekto sini. Ining mga panaysayon pwede nga basahon sa membership council (tan-awa sa 32.10.3, numero 3). Ang mga lider sang Simbahan wala sing awtoridad nga magkontak sa mga biktima nga indi mga miyembro sang Simbahan.

Ang bisan ano nga komunikasyon sa biktima para sa sining katuyuan ginahimo sang iya nagapungko nga bishop ukon stake president. Kon ang biktima magahatag sang panaysayon, ihatag ini sining lider sa bishop ukon stake president nga magahiwat sang membership council. Ang mga lider kinahanglan gid nga magtratar sini nga may paghalong para malikawan ang pagpalala sang kasakit. Tan-awa sa 32.4.3 para sa iban pa nga mga paandam.

Ang bisan ano nga pag-usisa parte sa biktima nga wala pa mag 18 ginahimo paagi sa mga ginikanan ukon legal nga mga manugbantay sang bata, magluwas lang kon mabutang sini ang biktima sa risgo.

Para sa impormasyon parte sa mga bishop kag mga stake president nga nagabaton sang giya sa mga kaso sang pagpang-abuso, tan-awa sa 32.4.5 kag 38.6.2.1.

32.10.3

Maghiwat sang Konseho

Antes gid magsugod ang konseho, ang bishop ukon stake president nagahambal sa mga partisipante kon para kay sin-o ginahiwat ang konseho kag kon ano ang ginreport nga indi maayo nga hinimuan. Kon kinahanglanon, ginapaathag niya ang mga proseso sang konseho.

Dayon, kon ara na ang natungdan, ginapasulod sia sa kwarto. Kon ang bishop gin-imbitar nga magtambong sa stake membership council, ginapasulod man sia sa kwarto sa sini nga tion. Kon ang natungdan nag-imbitar sang presidente sang Relief Society sang ward ukon sang presidente sang elders quorum nga magtambong kag maghatag sang suporta, ginapasulod man sia sa kwarto.

Ang bishop ukon stake president nagahiwat sang konseho sa espiritu sng pagpalangga, sa napaathag sa idalom.

1. Ginahagad niya ang isa ka tawo nga maghatag sang pangbukas nga pangamuyo.

2. Ginahambal niya ang nareport nga indi maayo nga hinimuan. Ginahatagan niya ang natungdan (kon nagtambong) sang oportunidad nga kumpirmahon, ipanginwala, ukon klaruhon ang ini nga panaysayon.

3. Kon kumpirmahon sang miyembro ang indi maayo nga hinimuan, ang bishop ukon stake president magapadayon sa numero 5 sa idalom. Kon ipanginwala ini sang miyembro, ang bishop ukon stake president magapresentar sang impormasyon parte diri. Pwede ini maglakip sang pagpresentar sang masaligan nga mga dokumento kag pagbasa sang bisan ano nga sinulat nga mga panaysayon halin sa mga biktima (tan-awa sa 32.10.2). Kon basahon niya ining panaysayon, wala niya ginahambal kon sin-o ini nga biktima.

4. Kon ipanginwala sang miyembro ang indi maayo nga hinimuan, pwede sia magpresentar sang impormasyon sa konseho. Pwede ini nga sinulat. Ukon pwede ang miyemro magpangabay sa mga tawo nga makahatag sang mahiangot nga impormasyon nga maghambal sa konseho, sing tag-isaisa. Ining mga persona dapat mga miyembro sang Simbahan magluwas kon nadesisyunan antes sang bishop ukon stake president nga pwede magtambong ang indi miyembro. Mahulat sila sa separado nga kuwarto tubtob nga pangabayon sila nga maghambal. Ang tagsa ka tawo nagagwa sa kuwarto sang konseho kon matapos na sia. Kinahanglan handa sila nga magsunod sa matinahuron nga sirkumstansya sang konseho, lakip na ang mga proseso sini kag pagtipig sang impormasyon. Ang mga miyembro indi pwede nga magdala sang abogado. Kag indi man pwede magdala sang manugsuporta magluwas sa mga gintumod sa ikaduha nga parapo sa sini nga seksyon.

5. Ang bishop ukon stake president pwede magpamangkot sa miyembro sa matinahuron nga paagi. Pwede man sia magpamangkot sa iban nga mga tawo nga ginpangabay sang miyembro nga maghatag sang impormasyon. Ang mga manuglaygay sang bishopric ukon stake presidency pwede man magpamangkot. Ang bisan ano nga pamangkot dapat nga malip-ot lang kag limitado sa kinahanglanon lang gid nga mga katunayan.

6. Pagkatapos nga mapresentar ang tanan nga mahiangot nga impormasyon, ang bishop ukon stake president magadala sang miyembro sa gwa sang kuwarto. Ang klerk ginapagwa man, luwas lang kon ang high council nagapartisipar sa stake membership council. Kon ara ang bishop sang miyembro sa stake membership council, ginapagwa man sia. Kon ara ang presidente sang Relief Society ukon ang presidente sang elders quorum para maghatag sang suporta, ginapagwa man sia.

7. Ang bishop ukon stake president nagapangayo sang mga komento ukon panghunahuna sang iya mga manuglaygay. Kon ang high council nagpartisipar sa stake membership council, ginapangayo niya ang ila mga komento kag mga panghunahuna.

8. Upod ang iya mga manuglaygay, ang bishop ukon stake president mainampuon nga nagapangayo sang pagbuot sang Ginuo parte sa kaso. Ang pangulo lamang sang stake kag ang iya mga manuglaygay ukon ang bishop kag ang iya mga manuglaygay ang dapat ara sa kuwarto sa sini nga tion. Kon ang stake membership council nagalakip sang high council, ang stake presidency masamit nagakadto sa opisina sang stake president.

9. Ang bishop ukon stake president nagahambal sa iya mga manuglaygay sang iya desisyon kag ginapangabay sila nga sakdagon ini. Kon ang stake membership council nagalakip sang high council, ang stake presidency magabalik sa kuwarto kag pangabayon ang high council nga sakdagon ini. Kon ang manuglaygay ukon miyembro sang high council may lain nga opinyon, ang bishop ukon stake president magapamati kag magatinguha sa pagresolba sang kinalain sang mga opinyon. Ang responsibilidad sa pagdesisyon ara sa nagapamuno nga opisyal.

10. Ginaimbitar niya liwat ang natungdan sa kuwarto. Kon ang klerk ginpagwa man, ginapabalik man sia liwat sa kuwarto. Kon ang bishop sang miyembro nagtambong sa stake membership council, ginapabalik man sia sa kuwarto. Kon ang presidente sang Relief Society ukon presidente sang elders quorum nagatambong para maghatag sing suporta, ginapabalik man sia sa kuwarto.

11. Ang bishop ukon stake president nagapahibalo sang desisyon sang konseho sa espiritu sang pagpalangga. Kon ang desisyon amo nga pormal nga limitahan ang mga pribelihiyo sang pagkamiyembro sa Simbahan sang natungdan ukon bawian sang pagkamiyembro, ginapaathag niya ang mga kondisyones (tan-awa sa 32.11.3 kag 32.11.4). Ginapaathag man niya kon paano malampuwasan ang mga limitasyon kag nagahatag sang iban pa nga instruksyon kag laygay. Ang bishop ukon stake president pwede nga magpauntat anay sang konseho sing makadali para magpangayo sing dugang nga giya ukon impormasyon antes maghimo sang desisyon. Sa sina nga kaso, ginapaathag niya ini.

12. Ginapaathag niya ang kinamatarong sang natungdan para mag-apela (tan-awa sa 32.13).

13. Nagahagad sia sang isa ka tawo nga maghatag sang panghingapos nga pangamuyo.

Ara man ukon wala ang natungdan, ang bishop ukon stake president nagapahibalo gid sa iya sang nangin desisyon suno sa ginpaathag sa 32.12.1.

Wala sang partisipante sa membership council nga ginapahanugotan nga magrekord sa audio, video, ukon sa pagsulat. Ang klerk pwede nga magsulat sang mga hitabo sa katuyuan sang paghanda sang Report of Church Membership Council. Pero, ang ini nga sinulatan indi dapat nga ginbato-bato nga rekord ukon kopya. Pagkatapos nga maobra ang report, ginadispatsar niya dayon ang bisan ano nga mga rekord.

32.11

Mga Desisyon sa mga Membership Council

Ang mga desisyon sa mga membership council dapat nga ginagiyahan sang Espiritu. Dapat nagapakita ini sang pagpalangga kag paglaum nga ginatanyag sang Manluluwas sa mga nagahinulsol. Ang posible nga mga desisyon ginalaragway sa idalom. Sa paghimo sining mga desisyon, ang mga lider nagabinagbinag sang mga sirkumstansya nga nahamtang sa 32.7.

Pagkatapos sang bisan ano nga membership council, ang bishop ukon stake president gilayon nga nagasumite sang pormas sang Report of Church Membership Council paagi sa LCR (tan-awa sa 32.14.1).

Ang posible nga mga desisyon sa mga membership council naplastar sa masunod nga mga seksyon.

32.11.1

Magapabilin nga Maayo ang Rekord

Sa pila ka mga tinion, ang natungdan mahimo nga inosente kag magapabilin nga maayo ang rekord. Sa pila ka mga tinion, ang natungdan mahimo nga nakahimo sang sala, naghinulsol sing sinsero, kag magapabilin nga maayo ang rekord. Ang bishop ukon stake president pwede nga maghatag sing laygay kag paandam parte sa iya mga aksyon sa palaabuton. Pagkatapos sang konseho, padayon sia nga nagahatag sang suporta kon kinahanglan.

mag-asawa nga nagatupad pungko

32.11.2

Personal nga Paglaygay upod sa Bishop ukon Stake President

Sa iban nga mga membership council, ang mga lider mahimo magdesisyon nga ang miyembro may indi maayo nga rekord—pero indi kinahanglan sang pormal nga mga limitasyon sa pagkamiyembro. Sa sining mga kaso, ang konseho pwede nga magdesisyon nga ang natungdan dapat nga magbaton sang personal nga paglaygay kag pagtadlong halin sa bishop ukon stake president. Ang ini nga paglaygay pwede nga may upod nga indi pormal nga mga limitasyon sa pagkamiyembro sa napaathag sa 32.8.3.

Ang personal nga paglaygay kag indi pormal nga mga limitasyon sa pagkamiyembro indi opsyon kon ginahiwat ang konseho para sa mga sala nga nalista sa 32.6.1.

32.11.3

Pormal nga mga Limitasyon sa Pagkamiyembro

Sa pila ka mga membership council, ang mga lider pwede magbinagbinag kon pinakamaayo bala nga pormal nga limitahan sing temporaryo ang mga pribelihiyo sang pagkamiyembro sa Simbahan. Pwede nga insakto na ang pormal nga mga limitasyon para sa tanan nga mga sala magluwas sa pinakaseryoso nga mga sala ukon sitwasyon, kon sa diin pwede bawion ang pagkamiyembro (tan-awa sa 32.11.4).

Atong may pormal nga mga limitasyon sa pagkamiyembro, mga miyembro sang Simbahan gihapon. Pero, ang ila nga mga pribelihiyo sang pagkamiyembro sa Simbahan may mga limitasyon pareho sa masunod:

• Indi sila pwede nga magsulod sa templo. Pero, pwede sila nga magpadayon suksok sang temple garment kon na-endow. Kon ang miyembro may temple recommend, ginakansela ini sang lider sa LCR.

• Indi sila pwede nga maggamit sang priesthood.

• Indi sila pwede nga mag-ambit sang sakramento ukon magpartisipar sa pagsakdag sang mga opisyales sang Simbahan.

• Indi sila pwede maghatag sang pamulong-pulong, leksyon, ukon pangamuyo sa mga miting sang Simbahan. Indi man sila pwede magserbisyo sa isa ka calling sa Simbahan.

Ginabakod sila nga magtambong sa mga miting kag aktibidades sang Simbahan kon nagakabagay ang ila pangginawi. Ginapaisog man sila nga magbayad sang ikapulo kag mga halad.

Ang bishop ukon stake president pwede nga magdugang sang iban pa nga kondisyones, pareho sang magpalayo sa balasahon ukon talan-awon nga pornograpiya kag iban pa nga malain nga mga impluwensya. Masami nagadugang sia sang positibo nga kondisyones. Pwede ini maglakip sang regular nga pagsimba, regular nga pagpangamuyo, kag pagbasa sang balaan nga mga kasulatan kag iban pa nga balasahon sang Simbahan.

Kon pormal nga ginlimitahan ang mga pribelihiyo sang pagkamiyembro sa Simbahan sang isa ka tawo, ginabutang ini sa rekord sang iya pagkamiyembro.

Ang kalawigon sang pormal nga limitasyon masami pinakanubo na ang isa ka tuig kag pwede nga mas maglawig pa. Kon ang miyembro nagaprogreso sa tunay nga paghinulsol, ang bishop ukon stake president nagahiwat sang isa pa ka konseho para hambalan kon bala kakason na ang mga limitasyon (tan-awa sa 32.16.1). Kon ang miyembro padayon sa paghimo sang amo man nga kasal-anan, ang lider pwede nga maghiwat sang isa pa ka konseho para hambalan ang iban pa nga pwede himuon.

32.11.4

Pagbawi sang Pagkamiyembro

Sa pila ka mga membership council, ginabinagbinag sang mga lider kon bala pinakamaayo kon bawion ang pagkamiyembro sang tawo sa Simbahan sing temporaryo (tan-awa sa Mosias 26:36; Alma 6:3; Moroni 6:7; Doktrina kag mga Kasugtanan 20:83).

Ang pagbawi sang pagkamiyembro sang isa ka tawo sa Simbahan ginakinahanglan gid para sa sala nga pagpatay (sa ginplastar sa 32.6.1.1) kag pagpangasawa sang madamo (sa ginpaathag sa 32.6.1.2). Halos pirme ginapangayo ini sa incest suno sa ginpaathag sa 32.6.1.2 kag 38.6.10.

Sa giya sang Espiritu, ang pagbawi sang pagkamiyembro sang isa ka tawo pwede man nga kinahanglanon sa masunod:

• Sa mga tawo nga ang pangginawi nagabutang sang iban sa seryoso nga peligro.

• Sa mga nakahimo sang grabe kaayo nga mga sala.

• Sa mga wala nagapakita sang paghinulsol sa seryoso nga mga sala (tan-awa ang mga konsiderasyon sa 32.7).

• Sa mga nakahimo sang seryoso nga mga sala nga nagahalit sa ngalan sang Simbahan.

Ang ward, branch, ukon district membership council pwede nga magrekomenda sang pagbawi sang pagkamiyembro sa Simbahan sang tawo nga wala pa makabaton sang endowment sa templo. Pero, ang pahanugot sang stake president ukon misyon kinahanglanon antes mangin pinal ang desisyon.

Ang mga ginbawian sang pagkamiyembro sa Simbahan indi pwede nga magbaton sang mga pribelihiyo sang miyembro.

• Indi sila pwede nga magsulod sa templo ukon magsuksok sang temple garment. Kon ang tawo may temple recommend, ginakansela ini sang lider sa LCR.

• Indi sila pwede maggamit sang priesthood.

• Indi sila pwede nga mag-ambiit sang sakramento ukon magpartisipar sa pagsakdag sang mga opisyales sang Simbahan.

• Indi sila pwede nga maghatag sang pamulong-pulong, leksyon, ukon pangamuyo sa Simbahan ukon magpanguna sang aktibidades sa simbahan. Ukon magserbisyo sa calling sa Simbahan.

• Indi sila pwede nga magbayad sang ikapulo kag mga halad.

Ginapabakod sila nga magtambong sa mga miting kag aktibidades sa Simbahan kon nagakabagay ang ila panggawi.

Ang mga ginbawian sang pagkamiyembro sa Simbahan pwede nga makasulod liwat paagi sa bunyag kag kumpirmasyon. Masami, kinahanglan niya anay nga magpakita sang tunay nga paghinulsol sa pinakanubo isa ka tuig. Ang bishop ukon stake president nagahiwat sang isa pa ka membership council para hambalan ang pagbaton liwat sa simbahan (tan-awa sa 32.16.1).

Mga Desisyon kag Resulta sang Membership Council

Desisyon	Mga Resulta
Desisyon Magapabilin nga Maayo ang Rekord (tan-awa sa 32.11.1)	Mga Resulta Wala
Desisyon Personal nga Paglaygay sang Bishop ukon Stake President (tan-awa sa 32.11.2)	Mga Resulta Pwede nga indi pormal nga malimitahan ang pila ka mga pribelihiyo sang pagkamiyembro. Ang mga limitasyon masami manubo sa isa ka tuig; sa indi kinaandan nga mga sirkumstansya, pwede ini nga mas maglawig. Ang indi pormal nga mga limitasyon ginakakas pagkatapos sang tunay nga paghinulsol. Ang ining aksyon wala ginasulat sa membership record.
Desisyon Pormal nga mga Limitasyon sang Pagkamiyembro (tan-awa sa 32.11.3)	Mga Resulta Ang mga pribelihiyo sang pagkamiyembro pormal nga ginalimitahan. Ang mga limitasyon isa ka tuig sa pinakanubo kag pwede nga mas maglawig. Ang ining aksyon ginabutang sa membership record. Ang pormal nga mga limitasyon ginakakas pagkatapos sang tunay nga paghinulsol, membership council, kag, kon kinahanglanon, pahanugot sang Unang Pangulohan. Ang marka sa membership record ginakakas kon ang mga limitasyon kakason pagkatapos sang membership council (magluwas lang sang ginakinahanglan nga mga marka; tan-awa sa 32.14.5).
Desisyon Pagbawi sang Pagkamiyembro (tan-awa sa 32.11.4)	Mga Resulta Ang tanan nga mga ordinansa ginakansela. Ag tanan nga mga pribelihiyo sang pagkamiyembro ginabawi, masami sa pinakanubo isa ka tuig. Ang tawo pwede nga mabaton liwat paagi sa bunyag kag kompirmasyon pagkatapos lamang sang tunay nga paghinulsol, membership council, kag, kon kinahanglanon, panahugot sang Unang Pangulohan (tan-awa sa 32.16). Ang na-endow sadto nga tawo mahimo nga mangin bagay sa pagbaton sang pagpanumbalik sang mga bugay kon may pahanugot lamang sang Unang Pangulohan kag pagkatapos sang indi magnubo isa ka tuig halin sa pagbaton liwat sa Simbahan (tan-awa sa 32.17.2). Para sa tawo nga na-endow sadto, ang “Ginakinahanglan ang Pagpanumbalik sang mga Bugay” nga indikasyon ginakakas lamang sa membership record pagkatapos nga mahiwat ang ordinansa (ang ginakinahanglan nga mga marka magapabilin; tan-awa sa 32.14.5).

32.11.5

Mga Pamangkot parte sa Pagdesisyon sa Mabudlay nga mga Kaso

Ginapatuhoy sang mga bishop ang mga pamangkot parte sa libro sang pagsulundan para sa mga membership council sa stake president.

Sa mabudlay nga mga sitwasyon, ang stake president mahimo nga magpamangkot sa Area Seventy nga naassayn sa iya. Ang stake president dapat magkonsulta sa Area Presidency parte sa mga butang nga naplastar sa 32.6.3 Pero, ang stake president indi dapat magpamangkot sa Area Seventy ukon sa Pangkabilogan nga Awtoridad kon paano desisyonan ang mabudlay nga mga kaso. Ang stake president nagadesisyon kon hiwaton ang konseho agud hambalan ang ginhimo. Kon hiwaton ang konsejo, ang stake president ukon bishop nagadesisyon sang resulta.

32.11.6

Awtoridad sang Unang Pangulohan

Ang Unang Pangulohan ang may pinal nga awtoridad sa tanan nga mga limitasyon kag pagbawi sang pagkamiyembro sang Simbahan.

32.12

Mga Abiso kag Pahibalo

Ang desisyon sang membership council ginapalab-ot sa natungdan—kag sa iban kon kinahanglanon—sa napaathag sa idalom.

32.12.1

Pagpahibalo sang Natungdan parte sa Desisyon

Ang bishop ukon stake president kasami ang nagahambal sa tawo sang resulta sang konseho kon matapos na ini. Pero, pwede niya pauntaton anay ang konseho sang makadali para magpangayo sang dugang nga giya ukon impormasyon antes maghimo sang desisyon.

Ang ward, branch, ukon district membership council pwede magrekomendar sang pagbawi sang pagkamiyembro sang Simbahan sang tawo nga wala pa makabaton sang endowment sa templo. Pero, ang pahanugot sang stake president ukon misyon kinahanglan gid antes mangin pinal ang desisyon.

Ang bishop ukon stake president nagapaathag sang mga epekto sang desisyon nga nalista sa 32.11. Sa kinaandan nagahatag man sia sang laygay parte sa kondisyones sang paghinulsol para ang mga limitasyon pwede na makakas kag ang tawo pwede na batunon liwat sa Simbahan.

Ang bishop ukon stake president nagahatag gilayon sa tawo sang sinulat nga abiso parte sa desisyon kag sang mga epekto sini. Ining abiso nagalakip sang pagkabilogan nga pagsaysay nga ang aksyon ginhimo bilang sabat sa pangginawi nga wala nagasunod sa mga layi kag kahusay sang Simbahan. Pwede man ini maglakip sang laygay parte sa pagkakas sang mga limitasyon sa pagkamiyembro ukon parte sa pagbaton liwat sa Simbahan. Dapat pahibal-on man sini ang tawo nga pwede niya i-apela ang desisyon (tan-awa sa 32.13).

Kon ang tawo wala nagtambong sa konseho, ang sinulat nga abiso hustohan na para mapahibalo sia sang nangin desisyon. Ang bishop ukon stake president pwede man makigkita sa natungdan sing personal.

Ang bishop ukon stake president wala nagahatag sa natungdan sang kopya sang pormas nga Report of Church Membership Council.

32.12.2

Pagpahibalo sa Iban parte sa Desisyon

Kon ang bishop ukon stake president indi pormal nga magalimita sa mga pribelihiyo sang pagkamiyembro sang natungdan, masami wala niya ini ginapahibalo sa iban (tan-awa sa 32.8.3). Pero, ining mga lider nagapahibalo sa isa kag isa parte sa indi pormal nga mga limitasyon samtang ginabuligan nila ang mga miyembro.

Kon ang mga pribelihiyo sang pagkamiyembro sang tawo pormal nga ginlimitahan ukon ginbawi sa membership council, ang bishop ukon stake president nagapahibalo sang desisyon sa mga kinahanglan lang gid makahibalo. Ang masunod nga pagsulundan ang ginasunod.

• Ginabinagbinag niya ang mga panginahanglan sang mga biktima kag potensyal nga mangin mga biktima kag ang mga balatyagon sang pamilya sang natungdan.

• Wala niya ginapahibalo ang desisyon kon ang natungdan magaapela sini. Pero, pwede nya ipahibalo nga ginaapela ini kon pamatyag niya kinahanglan ini himuon para protektahan ang posible mangin mga biktima. Pwede man niya ipahibalo ini para suportahan ang pag-ayo sang mga biktima (bisan nga wala niya ginahatag ang mga ngalan sang mga biktima) ukon para protektahan ang integridad sang Simbahan.

• Kon kinahanglanon, ginapahibalo sang bishop sing sekreto ang desisyon sa mga miyembro sang konseho sang ward. Para ini mapahibalo ang mga lider nga basi magkabig sa natungdan nga bagay sa mga calling, sa pagtudlo sang mga leksyon, ukon paghatag sang mga pangamuyo ukon pamulong-pulong. Para man ini mapaisog ang mga lider nga magtanyag sang pag-atipan kag suporta sa miyembro kag sa iya pamilya.

• Upod ang pahanugot sang stake president, ang bishop pwede nga magpahibalo sang desisyon sa mga miting sang elders quorum kag Relief Society sa iya ward kon ang sitwasyon may upod nga:

  • Nagapanakit nga pangginawi nga posible makahalit sa iban.

  • Pagtudlo sang indi husto nga doktrina ukon iban pa nga porma sang apostasiya.

  • Hayag nga mga sala pareho sang pagsunod sang pagpangasawa sang madamo ukon paggamit sang mga pinanudlo sang kulto para magkuha sang mga sumulunod.

  • Pagkontra sa publiko sang mga aksyon ukon mga pinanudlo sang pangkabilogan ukon lokal nga mga lider sang Simbahan.

• Sa sining mga kaso, ang stake president mahimo nga magakinahanglan magpahanugot sang komunikasyon sa mga miyembro sang iban pa nga mga ward sa stake.

• Sa pila ka mga kaso, mahimo nga makabatyag ang bishop ukon stake president nga makabulig nga pahibal-on ang pila ukon tanan nga mga biktima kag ang ila nga pamilya nga ang membership council ginhiwat para sa natungdan. Ginahimo niya ini paagi sa ila mga bishop ukon stake president.

• Kon ang nagapanghalit nga kinaiya sang tawo nagabutang sang iban sa risgo, ang bishop ukon stake president pwede nga maghatag sang mga paandam para buligan nga maprotektahan ang iban. Wala niya ginapahibalo ang ginatipigan nga impormasyon kag wala nagahaumhaom.

• Sa tanan nga iban pa nga mga kaso, ang bishop ukon stake president nagalimita sang bisan ano nga komunikasyon sa pangkabilogan nga pahayag. Ginasiling lang niya nga ang mga pribelihiyo sa pagkamiyembro sang tawo ginlimitahan ukon ginbawi tungod sa mga binuhatan nga kontra sa layi kag kahusay sang Simbahan. Ginapangabay niya ang mga ara nga indi ini pag-istoryahan. Indi sia magpamangkot kon bala ginasakdag nila ukon ginakontra ang aksyon.

• Kon ang miyembro nagapabilin nga maayo gihapon ang tindog pagkatapos sang membership council (tan-awa sa 32.11.1), ang bishop ukon stake president pwede nga maghambal sina para malikawan ang mga tsismis.

32.12.3

Pagpahibalo sang Pag-untat sang Pagkamiyembro

Sa pila ka mga kaso, basi kinahanglan sang bishop nga ipahibalo nga ang isa ka tawo nag-untat sa iya pagkamiyembro sa Simbahan (tan-awa sa 32.14.9). Ang bishop wala na nagahatag sang iban pa nga detalye.

32.13

Pag-apela sang Desisyon

Ang miyembro pwede nga mag-apela sang desisyon sang ward membership council sa stake president sa sulod sang 30 ka adlaw. Ang stake president nagahiwat sang stake membership council para timbangon ang apela. Pwede man niya pangabayon ang bishop nga magtipon liwat sang konseho kag timbangon liwat ang desisyon, ilabi na gid kon may bag-o nga impormasyon.

Ang miyembro pwede nga mag-apela sang desisyon sang stake membership council paagi sa pagsulat sa Unang Pangulohan sa sulod sang 30 ka adlaw. Ginahatag sang miyembro ang sulat sa stake president para ihatag sa Unang Pangulohan.

Sa misyon, ang miyembro pwede nga mag-apela sang desisyon sang branch ukon district membership council sa mission president sa sulod sang 30 ka adlaw. Ang mission president nagahiwat sang membership council para timbangon ang apela. Kon indi pag-itugot sang oras ukon kalayuon nga himuon niya ini, ginasunod niya ang mga instruksyon sa 32.9.4.

Kon ang mission president ang naghiwat sang konseho, pwede ang miyembro mag-apela sang desisyon paagi sa pagsulat sa Unang Pangulohan sa sulod sang 30 ka adlaw. Ginahatag sang miyembro ang sulat sa mission president para ihatag sa Unang Pangulohan.

Ang tawo nga nagaapela sang desisyon nagasulat sang ginasiling mga sala ukon indi pagkapatas sa proseso ukon desisyon.

Kon ginahiwat ang membership council para timbangon ang apela, isa sa duha ka mga desisyon ang posible matabo:

• Magapabilin ang una nga desisyon.

• Bag-uhon diutay ang una nga desisyon.

Ang mga desisyon sang Unang Pangulohan pinal kag indi na maapela liwat.

32.14

Mga Report kag mga Membership Record

32.14.1

Report of Church Membership Council

Pagkatapos sang bisan ano nga membership council, ang bishop ukon stake president nagasumite gilayon sang pormas nga Report of Church Membership Council sa LCR. Pwede niya pangabayon ang klerk nga ihanda ang report. Ginasiguro niya nga wala sang sinulat sa papel ukon elektroniko nga kopya sang pormas ang magapabilin. Ginasiguro man niya nga ang bisan ano nga sinulatan nga gingamit sa paghanda sang report ginadispatsar gilayon.

32.14.2

Pormal nga mga Limitasyon sa Pagkamiyembro sang Simbahan

Ang pormal nga mga limitasyon sa pagpamiyembro sang Simbahan ginabutang sa membership record sang natungdan. Ang headquarters sang Simbahan nagabutang sining marka pagkatapos nga mabaton ang Report of Church Membership Council. Kon ang miyembro naghinulsol, ang lider kinahanglan nga maghiwat sang isa pa ka konseho para timbangon kon bala kakason ining mga limitasyon (tan-awa sa 32.16.1).

32.14.3

Mga Rekord pagkatapos sang Pagbawi sang Pagkamiyembro sang Tawo sa Simbahan

Kon ginabawi ang pagkamiyembro sa Simbahan sang natungdan, ang headquarters sang Simbahan nagakakas sang membership record pagkatapos nga mabaton ang Report of Church Membership Council. Kon handum sang tawo, buligan sia sang mga lider nga maghanda para mabaton liwat sa Simbahan paagi sa bunyag kag kumpirmasyon (tan-awa sa 32.16.1).

32.14.4

Mga Rekord pagkatapos sang Pagbaton-Liwat sa Simbahan

Pagkatapos nga mabaton liwat sa Simbahan, ang bishop nagasumite sang pormas nga Report of Church Membership Council. Wala nagahimo liwat sang Baptism and Confirmation Certificate. Kundi, ang bunyag kag kumpirmasyon ginarekord sa pormas nga Report of Church Membership Council.

Kon ang miyembro wala pa ma-endow, ang headquarters sang Simbahan nagahimo sang membership record nga nagapakita sang mga petsa sang iya orihinal nga bunyag kag iban pa nga mga ordinansa. Ang rekord wala nagasambit sang pagkadula sang pagkamiyembro sa Simbahan.

Kon ang miyembro na-endow, ang headquarters sang Simbahan naga-update sang membership record para makita ang bag-o nga mga petsa sang bunyag kag kumpirmasyon. Ang ining rekord nagalakip man sang mensahe nga “Pagpanumbalik sang mga Bugay Ginakinahanglan.” Pagkatapos nga mabalik ang mga bugay sang miyembro (tan-awa sa 32.17.2), ang membership record gina-update para makita ang mga petsa sang orihinal nga bunyag kag iban pa nga mga ordinansa. Wala ini nagasambit sang pagkadula sang pagkamiyembro sa Simbahan.

32.14.5

Mga Membership Record nga May mga Marka

Sa pahanugot sang Unang Pangulohan, ang headquarters sang Simbahan nagabutang sang marka sa membership record sang natungdan sa bisan diin nga mga sitwasyon nga nalista sa idalom.

1. Ang bishop ukon stake president nagasumite sang pormas nga Report of Church Membership Council nga nagapakita nga ang pagkamiyembro sang natungdan pormal nga ginalimitahan ukon ginabawi para sa masunod nga indi maayo nga hinimuan:

   1. Incest

   2. Sekswal nga pagpang-abuso sang bata ukon lamharon, sekswal nga pagpamintaha sang bata ukon lamharon, ukon seryoso nga pisikal ukon emosyunal nga pagpang-abuso sang bata ukon lamharon.

   3. Pagkaimbolbado sa pornograpiya nga gamit ang kabataan nga nalista sa 38.6.6

   4. Pagpangasawa sang madamo

   5. Hungod nga sekswal nga pagpanghalit sang hamtong

   6. Transgender—mga aksyon para magbaylo sang gender (kasarian) nga lain sangsa natawhan (tan-awa sa 38.6.23)

   7. Pagpalapaw sang pondo sang Simbahan ukon pagpangawat sang propiyedad sang Simbahan (tan-awa sa 32.6.3.3)

   8. Pag-abuso sang welfare sang Simbahan

   9. Peligroso nga pangginawi (pareho sang sekswal, mapintas, ukon sa pinansyal) ukon hinimuan nga nagahalit sang Simbahan

2. Ang bishop kag stake president nagasumite sang sinulat nga pahibalo nga ina nga tawo:

   1. Nag-ako ukon napamatbatan sang krimen nga nagalakip sang mga hinimuan nga nalista sa ibabaw.

   2. May salabton sa sibil nga kaso sang pagpangdaya ukon iban pa nga ilegal nga mga binuhatan nga nagalakip sang isa sa mga aksyon nga nalista sa ibabaw.

Kon ang bishop makabaton sang membership record nga may marka, ginasunod niya ang mga instruksyon sa marka.

Ang Unang Pangulohan lamang ang awtorisado sa pagkakas sang marka sa membership record. Kon ang stake president nagarekomenda nga kakason ang marka, ginagamit niya ang LCR (tan-awa sa 6.2.3). Ang Opisina sang Unang Pangulohan nagapahibalo sa iya kon ang rekomendasyon gin-aprubahan ukon wala.

32.14.6

Pagreport sang Pagpangawat sang Pondo sang Simbahan

Kon ang pagkamiyembro sang natungdan ginlimitahan ukon ginbawi tungod sa pagdispalko sang pondo sang Simbahan, ang bishop ukon stake president nagareport sini suno sa nalista sa 34.7.5.

32.14.7

Mga Limitasyon sa Pagsaylo sang mga Membership Record

Kon kaisa ang miyembro sang Simbahan nagasaylo samtang ginahulat ang aksyon sa pagkamiyembro ukon iban pa nga seryoso nga mga bagay. Kon kaisa kinahanglan gid sang bishop magpasa sang impormasyon sa bag-o nga bishop antes isaylo ang membership record sa bag-o nga yunit. Sa sining mga kaso, ang bishop (ukon klerk kon awtorisado) pwede magbutang sang limitasyon sa pagsaylo sang membership record. Ang rekord magapabilin sa yunit tubtob nga ang bishop (ukon klerk kon awtorisado) magakakas sang limitasyon. Ginahatagan sini ang bishop sang oportunidad nga mapalab-ot ang mga problema kag impormasyon.

32.14.8

Rekord Sadtong Mga Napriso

Ang iban nga mga miyembro napamatbatan sa krimen kag napriso. Ang bishop ukon stake president sang yunit kon sa diin nagaestar ang natungdan sang ginhimo ang krimen nagapadayon sang kinahanglanon nga aksyon para sa pormal nga paglimita ukon pagbawi sang pagkamiyembro. Kon ang mga pribelihiyo sang pagkamiyembro ginlimitahan, ang lider (ukon klerk kon awtorisado) nagapasa sang membership record sa yunit nga responsable sa lugar kon sa diin napriso ang tawo. Kon ginbawi ang pagkamiyembro, ang bishop ukon stake president nagakontak sang lider sinang yunit. (Tan-awa sa 32.15.)

32.14.9

Mga Petisyon para Mag-untat sa Pagkamiyembro

Kon ang miyembro mangayo nga mag-untat sang iya pagkamiyembro sa Simbahan, ginatan-aw sang bishop kon bala gusto niya hambalan ang mga problema kag tinguhaan nga sulbaron ang mga ini. Ang bishop kag miyembro pwede man makighambal sa stake president. Ginasiguro sang lider nga naintiendihan sang miyembro ang masunod nga resulta sang pag-untat sang pagkamiyembro sang Simbahan:

• Ginakansela sini ang tanan nga mga ordinansa.

• Ginakakas sini ang tanan nga mga pribelihiyo sang pagkamiyembro.

• Ang pagbaton liwat paagi sa bunyag kag kumpirmasyon matabo lamang pagkatapos sang maid-id nga interbyu kag, sa madamo nga mga kaso, sang membership council (tan-awa sa 32.16.2).

• Ang na-endow sadto nga tawo pwede lang magbaton sang pagpanumbalik sang mga bugay sang priesthood kag templo pagkatapos sang pagpahanugot sang Unang Pangulohan kag pagligad sang isa ka kompleto nga tuig pagkatapos batunon liwat (tan-awa sa 32.17.2).

Kon ang miyembro gusto gihapon mag-untat sa pagkamiyembro sang Simbahan, ginahatagan niya ang bishop sang sinulat kag pirmado nga pangabay. Ginasumite sang bishop ang sulat sa stake president paagi sa LCR. Dayon rebyuhon kag isumite sang stake president ang sulat paagi sa sina nga sistema. Dapat aktuhan dayon sang mga lider ang mga pangabay.

Ang tawo pwede man mag-untat sa pagkamiyembro paagi sa pagpadala sang pirmado, gin-notaryuhan nga sulat sa headquarters sang Simbahan.

Ang menor de edad nga gusto mag-untat sa iya pagkamiyembro sang Simbahan nagasunod sang pareho man nga proseso sang iya sang hamtong, nga may isa ka kinalain: ang sulat dapat nga pirmado sang menor de edad (kon lapaw sa edad nga 8) kag sang (mga) ginikanan ukon (mga) bantay nga may legal nga kustodiya sa bata.

Kon ang miyembro nga mauntat sa pagkamiyembro nagapamahog nga magpasaka sang kaso sa Simbahan ukon sa mga lider sini, ang stake president magasunod sang mga instruksyon sa 38.8.23.

Ang pangabay nga mag-untat sa pagkamiyembro dapat nga aktuhan bisan pa nga ang mga lider sang priesthood may impormasyon parte sa seryoso nga sala. Ang bisan ano nga impormasyon parte sa wala pa maresolbar nga mga sala ginasulat sa pagsumite sang pangabay sa LCR. Ginatugotan sini ang mga lider sang priesthood sa pagresolbar sini nga mga kaso sa palaabuton kon ang miyembro maga-apply para batunon liwat sa Simbahan (tan-awa sa 32.16.2).

Ang lider sang priesthood indi dapat magrekomenda sang pag-untat sa pagkamiyembro sa Simbahan para maglikaw sa paghiwat sang membership council.

Ang mga lider padayon nga magaminister sa mga nag-untat sa ila pagkamiyembro magluwas kon nangabay sila nga indi sila pagbisitahan.

---

PAGBALIK SANG MGA PRIBELIHIYO SANG PAGKAMIYEMBRO SANG SIMBAHAN

---

Kon ginlimitahan ukon ginbawi ang mga pribelihiyo sang pagkamiyembro sang Simbahan sang isa ka tawo, ang mga lider nagapakig-abyan, nagalaygay, kag nagasuporta sa tawo kon iya itugot. Ini nga seksyon nagapaathag kon paano mabalik ina nga mga pribelihiyo.

32.15

Padayuna ang Pagminister

Ang papel sang bishop ukon stake president bilang komon nga hukom wala nagatapos kon mabaton na sang miyembro ang mga limitasyon sang pagkamiyembro ukon ginbawi ang pagkamiyembro sa Simbahan. Padayon sia sa pagminister, kon itugot sang natungdan, para mabaton niya liwat ang mga bugay sang pagkamiyembro sa Simbahan. Ang bishop regular nga nagapakigkita sa tawo kag, kon makabulig kag kon nagakabagay, sa iya asawa ukon bana. Ang Manluluwas nagtudlo sa mga Nefinhon:

“Indi ninyo sia pagtabugon pa-gwa sa inyo mga … duog nga alampuan, kay sa mga subong nila magapadayon kamo sa pag-alagad; kay wala kamo makapakot nga basi magabalik sila kag magahinulsol, kag magakari sa akon nga may bug-os nga katuyuan sang tagipusuon, kag paayuhon ko sila; kag kamo ang mangin paagi sa pagdala sang kaluwasan sa ila.” (3 Nefi 18:32).

Ang tion pagkatapos gid sang paglimita ukon pagbawi sang pagkamiyembro sang tawo mabudlay kag kritikal para sa iya pamilya. Ang mga lider dapat sensitibo sa sining mga panginahanglan kag paisugon kag buligan ang mga miyembro sang pamilya.

Ang bishop nagasiguro nga maatipanon nga mga miyembro ang maasayn sa pagminister sa tawo nga ginlimitahan ukon ginbawian sang pagkamiyembro sang Simbahan, kon itugot sang natungdan. Nagaalagad man sila sa iban nga mga miyembro sang pamilya. Ang mga indibidwal nga may mga limitasyon ang pagkamiyembro mahimo nga makabenepisyo sa pagpartisipar sa indexing (tan-awa sa 25.4.3).

Kon ang natungdan magsaylo sa iban nga ward, ang bishop magapahibalo sang bag-o nga bishop kag ipaathag kon ano pa ang kinahanglan matabo antes makakas ang mga limitasyon sa pagkamiyembro sang Simbahan. Kon ang pagkamiyembro sang natungdan ginbawi sang Simbahan ukon ang tawo nag-untat sa pagkamiyembro, ang bishop nagapakig-angot gihapon kon ang tawo nagpasugot nga buligan sang mga lider sang Simbahan.

32.16

Pagkakas sang Pormal nga mga Limitasyon ukon Pagbaton-Liwat sa Simbahan

32.16.1

Mga Konseho sang Simbahan para Kakayon ang Pormal nga mga Limitasyon ukon Batunon-Liwat ang Tawo

Kon ang mga pribelihiyo sang pagkamiyembro ginlimitahan ukon ginbawi sa membership council, isa pa ka konseho ang dapat hiwaton para desisyunan kon kakason ang mga limitasyon ukon batunon liwat ang tawo sa Simbahan. Ang ini nga konseho dapat may pareho man nga lebel sang awtoridad (ukon mas mataas) sangsa una nga konseho. Halimbawa, kon ang stake president ukon misyon ang nagpamuno sang una nga konseho, ang stake ukon mission president ang magapamuno sa paghambalanay kon kakason ang mga limitasyon ukon batunon liwat ang tawo.

Ang nagapungko nga bishop ukon stake president ang magahiwat sang konseho. Una niya nga ginasiguro nga ang tawo naghinulsol kag handa na kag nagakabagay sa pagbaton sang mga bugay sang pagkamiyembro sang Simbahan.

Atong mga pormal nga ginlimitahan ang pagkamiyembro sang Simbahan masami nagakinahanglan nga magpakita sang tunay nga paghinulsol sa indi magnubo isa ka tuig antes sila tugotan nga kakasan sang mga limitasyon. Atong mga ginbawian sang ila mga pagkamiyembro sa Simbahan halos kinahanglan pirme nga magpakita sang tunay nga paghinulsol sa indi magnubo isa ka tuig antes sila tugotan nga batunon liwat. Sa miyembro nga nagakapot sadto sang prominente nga posisyon sa Simbahan sang paghimo sang seryoso nga sala, ang tion masami mas malawig (tan-awa sa 32.6.1.4).

Ang konseho nga magatimbang kon kakason ang mga limitasyon ukon batunon liwat ang tawo sa Simbahan magasunod sa pareho nga pagsulundan sang iban pa nga mga membership council. Ang bishop magakinahanglan sang pahanugot halin sa stake president nga maghiwat sang konseho. Sa misyon, ang branch ukon district president magakinahanglan sang pahanugot halin sa mission president.

Ang masunod nga mga pagsulundan ang sundon kon maghiwat sang membership council para timbangon ang pagkakas sang mga limitasyon sa pagkamiyembro sang Simbahan ukon pagbaton liwat sang tawo sa Simbahan. Indi tanan sining mga pagsulundan magamit sa tagsa ka kaso.

1. Rebyuhon ang una nga membership council. Ang bishop ukon stake president magarebyu sang pormas nga Report of Church Membership Council. Nagapangayo sia sang kopya paagi sa LCR. Pagkabaton sang pormas, pwede niya kontakon ang bishop ukon stake president kon sa diin ginhiwat ang una nga konseho para mangayo sang kaathagan.

2. Interbyuhon ang natungdan. Ang bishop ukon stake president magainterbyu sang natungdan sing maid-id para matungkad ang kusog sang iya pagtuo kay Jesucristo kag ang kadakuon sang paghinulsol. Ginahibalo man niya kon bala ang tawo nakatuman sang mga kondisyones nga naplastar sa una nga konseho.

3. Hibalua ang estado sang lakat sang kriminal ukon sibil nga kaso. Kon kaisa ang natungdan nagaako ukon napamatbatan sa isa ka krimen. Kon kaisa ang tawo naprubahan nga may salabton sa sibil nga kaso sang pagpangdaya ukon iban pa nga ilegal nga mga hinimuan. Sa sining mga kaso, ang lider masami wala nagahiwat sang konseho tubtob nga natuman sang tawo ang tanan nga kondisyones sang bisan ano nga pamatbat, sugo, ukon paghukom nga ginhimo sang legal nga mga awtoridad. Ining kondisyones mahimo nga magalakip sang pagkapriso, probasyon, parol, kag mga multa ukon bayad sa danyos. Ang tanan nga sa gwa sini nagakinahanglan sang pahanugot sang Unang Pangulohan antes maghiwat sang membership council. Ang mga ini pwede maglakip sang tawo nga nakakompleto na sang legal nga mga rekisitos kag nagpakita sang tunay nga paghinulsol pero ara sa bilog-kabuhi nga probasyon ukon may dako nga multa.

4. Kontakon ang mga lider sang priesthood sang mga biktima. Ang bishop ukon stake president magakontak sang nagapungko nga bishop ukon stake president sang bisan sin-o nga biktima (tan-awa sa 32.10.2).

5. Maghatag sang pahibalo parte sa konseho. Ginapahibalo niya ang natungdan sang petsa, oras, kag lugar sang konseho.

6. Hiwaton ang konseho. Ginahiwat niya ang konseho suno sa mga pagsulundan sa 32.10.3. Ginapamangkot niya ang tawo kon ano ang iya ginhimo para maghinulsol. Nagapamangkot man sia parte sa iya pangako kay Jesucristo kag sa Simbahan. Kon ang tanan nga naangot nga mga butang napresentar na, ginapagwa niya ang miyembro. Upod ang iya mga manuglaygay, nagapangamuyo sia para hibal-on kon ano nga tikang ang himuon. Ang tatlo ka posible nga mga desisyon amo ang:

   1. Padayunon ang mga limitasyon ukon pagbawi sang pagkamiyembro

   2. Kakason ang mga limitasyon ukon tugotan ang pagbaton liwat.

   3. Irekomenda sa Unang Pangulohan nga kakason ang mga limitasyon ukon pahanugotan ang pagbaton liwat (kon kinahanglan suno sa “Mag-apply para sa pahanugot sang Unang Pangulohan” sa idalom).

7. Ipahibalo ang desisyon. Pagkatapos nga magdesisyon ang konseho, ang nagapanguna nga opisyal magapahibalo sini sa natungdan. Kon kinahanglanon ang pahanugot halin sa Unang Pangulohan, ginapaathag niya nga ang desisyon isa ka rekomendasyon sa Unang Pangulohan.

8. Magsumite sang report. Ang bishop ukon stake president magapasa sang pormas nga Report of Church Membership Council paagi sa LCR. Pwede niya pangabayon ang klerk nga ihanda ining report. Ginasiguro niya nga wala sang sinulat sa papel ukon elektroniko nga kopya ang magapabilin. Ginasiguro man niya nga ang tanan nga mga sinulat nga gingamit sa paghanda sang report ginadispatsar gilayon.

9. Mag-apply para sa pahanugot sang Unang Pangulohan (kon kinahanglan). Sa masunod nga mga sirkumstansya, ang pahanugot sang Unang Pangulohan kinahanglanon para kakason ang pormal nga mga limitasyon sang pagkamiyembro ukon batunon liwat ang tawo sa Simbahan. Ining pahanugot kinahanglanon bisan pa nga ang hinimuan natabo pagkatapos nga pormal nga ginlimitahan ukon ginbawi ang pagkamiyembro sa Simbahan.

   Ang stake president nagasumite lamang sang pangabay sa Unang Pangulohan kon nagarekomenda sia nga aprobahan ang pahanugot (tan-awa sa 6.2.3).

   1. Pagpatay sang Tawo

   2. Incest

   3. Sekswal nga pagpang-abuso sang bata ukon lamharon, sekswal nga pagpamintaha sang bata ukon lamharon, ukon seryoso nga pisikal ukon emosyunal nga pagpang-abuso sang bata ukon lamharon sang hamtong ukon sang lamharon nga mas magulang sa iya sang pila ka tuig

   4. Pagkaimbolbado sa pornograpiya nga gamit ang kabataan kon diin may legal nga pamatbat

   5. Apostasiya

   6. Pagpangasawa sang madamo

   7. Paghimo sang seryoso nga sala samtang nagakapot sang prominente nga posisyon sa Simbahan

   8. Transgender—mga aksyon sang pagbaylo sa gender (kasarian) nga lain sangsa iya natawhan (tan-awa sa 38.6.23)

   9. Pagpalapaw sang pondo ukon propiyedad sang Simbahan

10. Maghatag sang sinulat nga abiso parte sa desisyon. Ang bishop ukon stake president nagasiguro nga mabaton gilayon sang natungdan ang sinulat nga abiso sang desisyon kag sang mga epekto sini.

11. Bunyagan kag kumpirmahon. Kon ang pagkamiyembro sang tawo sa Simbahan ginbawi sa una nga konseho, kinahanglan niya nga bunyagan kag kumpirmahan liwat. Kon kinahanglanon ang pahanugot sang Unang Pangulohan, ini nga mga ordinansa pwede lang himuon pagkatapos nga mabaton ini nga pahanugot. Wala na nagahimo sang Baptism and Confirmation Certificate (tan-awa sa 32.14.4).

32.16.2

Pagbaton-Liwat Pagkatapos nga Mag-untat sa Pagkamiyembro sang Simbahan

Kon ang tawo pormal nga nag-untat sa pagkamiyembro sang Simbahan, kinahanglan niya nga bunyagan kag kumpirmahan para mabaton liwat sa Simbahan. Para sa mga hamtong, ang pagbaton liwat wala kasami ginakonsiderar kon wala pa maglab-ot isa ka tuig pagkatapos nga mag-untat sang pagkamiyembro.

Kon ang tawo magapangayo nga batunon liwat, ang bishop ukon stake president nagapangayo sang kopya sang pormas nga Report of Administrative Action nga upod sang sulat nga pangabay para mag-untat sa pagkamiyembro. Makuha niya ini paagi sa LCR.

Dayon interbyuhon sang bishop ukon stake president sing maid-id ang tawo. Ginapamangkot niya ang mga rason sang orihinal nga pangabay kag ang handum sini nga batunon liwat. Sa espiritu sang pagpalangga, ginapamangkot niya ang parte sa seryoso nga mga sala nga posible nahimo sang tawo antes ukon pagkatapos nga mag-untat sa pagkamiyembro. Ang lider wala nagapadayon sa pagbaton liwat kon indi sia kumbinsido nga ang tawo naghinulsol kag handa na kag kaangay-angay nga magbaton sang mga bugay sang pagkamiyembro sang Simbahan.

Mga pagsulundan sa pagbaton liwat pagkatapos nga mag-untat sa pagkamiyembro:

• Ang membership council ginahiwat kon ang pagkamiyembro sang natungdan pormal nga ginlimitahan sa tion sang pag-untat.

• Ang membership council ginahiwat kon ang tawo nakahimo sang seryoso nga sala, lakip na ang apostasiya, antes mag-untat sa pagkamiyembro.

Sa iban nga mga sirkumstansya, ang membership council wala ginahiwat magluwas kon ang bishop ukon stake president nagdesisyon nga kinahanglanon ini.

Kon kinahanglanon ang membership council para sa tawo nga nakabaton na sang endowment sa templo, ang stake president ang nagahiwat sini. Kon kinahanglanon ang konseho para sa tawo nga wala pa ma-endow, ang bishop ang nagahiwat sini, upod ang pahanugot sang stake president.

Kon ang natungdan nagahimo sang bisan diin sa mga butang sa 32.16.1, numero 9, antes ukon pagkatapos nga mag-untat sa pagkamiyembro sang Simbahan, ginapangayo gid ang pahanugot sang Unang Pangulohan antes sia batunon liwat. Kon ang tawo nagahimo sang bisan diin sa mga butang sa 32.14.5, numero 1, antes ukon pagkatapos nga mag-untat sa pagkamiyembro, butangan sang marka ang iya membership record.

Ang tawo nga nagapangayo nga batunon liwat kinahanglan gid nga magtuman sang pareho nga mga kalipikasyon sang iban nga ginabunyagan. Kon ang bishop ukon stake president nakakita nga ang tawo kaangay-angay kag sinsero sa iya handum nga batunon liwat, ang tawo pwede mabunyagan kag kumpirmahan. Wala na nagahimo sang Baptism and Confirmation Certificate (tan-awa sa 32.14.4).

lalaki nga nagaambit sang sakramento

32.17

Pagkaaktibo sa Simbahan, Ordinasyon, kag Pagpanumbalik sang mga Bugay pagkatapos sang Pagbaton-Liwat

32.17.1

Pagkaaktibo sa Simbahan kag Ordinasyon

Ang masunod nga tsart nagapakita sang nagakabagay nga lebel sang pagkaaktibo sa Simbahan sang tawo nga ginbaton liwat paagi sa bunyag kag kumpirmasyon.

	Wala pa Sadto Ma-endow	Na-endow na Sadto
Mga Nagakapot sang Priesthood Sang Una	Wala pa Sadto Ma-endow Pagkatapos gid sang bunyag kag kumpirmasyon, pwede nga mahatag sa ila ang priesthood kag maordin sa palangakuan sang priesthood nga ila sadto ginakaptan sang ang ila pagkamiyembro sa Simbahan ginbawi ukon ginpauntat. Wala na sila ginapresentar para sa pagsakdag. Pwede nga maisyuhan sang temple recommend para sa bunyag kag kumpirmasyon sang mga napatay na.	Na-endow na Sadto Indi pwede nga maordin sa bisan ano nga palangakuan sang priesthood. Kon ginapanumbalik ang ila mga bugay sang priesthood kag templo, ang ila sadto palangakuan sa priesthood ginapanumbalik suno sa ginplastar sa 32.17.2. Indi sila pwede nga maghikot sang mga ordinansa antes sina nga tion. Mahimo magpartisipar sa bisan ano nga aktibidades sang Simbahan nga pwede sa wala pa ma-endow nga miyembro nga wala nagakapot sang priesthood. Indi pwede magsuksok sang temple garment ukon magbaton sang bisan ano nga temple recommend tubtob nga ginbalik na ang ila mga bugay.
Iban nga mga Miyembro	Wala pa Sadto Ma-endow Pwede magpartisipar sa aktibidades sa Simbahan pareho sang bag-o nga miyembro. Pwede maisyuhan sang temple recommend para sa bunyag kag kumpirmasyon para sa mga napatay.	Na-endow na Sadto Pwede magpartisipar sa bisan ano nga aktibidades sang Simbahan nga ginapahanugotan para sa wala pa ma-endow nga miyembro nga wala nagakapot sang priesthood. Indi pwede magsuksok sang temple garment ukon magbaton sang bisan ano nga temple recommend tubtob nga ang ila mga bugay napanumbalik na (tan-awa sa 32.17.2).

32.17.2

Pagpanumbalik sang mga Bugay

Ang mga tawo nga nakabaton na sadto sang endowment sa templo kag ginbaton liwat paagi sa bunyag kag kumpirmasyon makabaton sang ila mga bugay sang priesthood kag templo paagi lamang sa ordinansa sang pagpanumbalik sang mga bugay (tan-awa sa Doktrina kag mga Kasugtanan 109:21). Wala na sila ginaordin sa mga palangakuan sang priesthood ukon gina-endow liwat. Ining mga bugay ginapanumbalik paagi sa ordinansa. Ang mga lalaki ginapanumbalik sa ila sadto palangakuan sang priesthood, magluwas lamang sa palangakuan sang Seventy, bishop, ukon patriarka.

Ang Unang Pangulohan lamang ang makahatag sang pahanugot sa paghikot sang ordinansa sang pagpanumbalik sang mga bugay. Indi sila magbaton sang application para sa sining ordinansa kon wala pa isa ka tuig pagkatapos ginbaton liwat ang tawo paagi sa bunyag kag kumpirmasyon.

Ang bishop kag stake president magainterbyu sang tawo para hibaluon ang iya pagkaangayan kag kahanda. Kon pamatyag sang stake president nga handa na ang tawo, naga-apply sia sang pagpanumbalik sang mga bugay gamit ang LCR. Tan-awa sa 6.2.3 ang parte sa responsibilidad sang stake president sa pagsumite sang mga application sa Unang Pangulohan.

Kon aprubahan sang Unang Pangulohan ang pagpanumbalik sang mga bugay, nagaasayn sila sang Pagkabilogan nga Awtoridad ukon sang stake president nga mag-interbyu sang tawo. Kon ang tawo kaangay-angay, ining lider magahikot sang ordinansa para ipanumbalik ang mga bugay sang tawo.

Para sa impormasyon parte sa mga membership record kag sa pagpanumbalik sang mga bugay, tan-awa sa 32.14.4.