“27. Otenanti n te Tembora ibukiia Aika a Maiu,” Aeniboki ni Kabuta: Te Beku n Ana Ekaretia Iesu Kristo ibukiia Aika Itiaki ni Boong aika Kaitira (2025).
“27. Otenanti n te Tembora ibukiia Aika a Maiu,” Aeniboki ni Kabuta.
27.
Otenanti n te Tembora ibukiia Aika a Maiu
27.0
Kabwarabwaraana
Inanon taai ake ngkoa, ngke a mena aomata aika a kakaonimaki iaon te aba, e kakabwaiaiia te Atua ma berita ao otenanti aika tabu n te tembora. E a tia n tabetai ni kariai Ana otenanti aika a tabu bwa a na karaoaki itinanikun te tembora ngkana akea te tembora ae e tia ni katabuaki (taraa Karikani Bwai 28:12–22; Te Otinako 24; Te Otinako 25:8–9; Ita 3). Ma ngke e a tia te Uea ni katea Ana Ekaretia, E tuangiia Ana aomata bwa a na katea te auti “nakon [Arana].” Ikanne E katea Ana otenanti ao mimitongin Abanueana ao reireia te kawai ibukin te kamaiuaki. (Taraa 2 Rongorongos 3–5; 2 Nibwaai 5:16; Reirei ao Berita aika Tabu 97:10–16; 124:29–39.)
Te tembora bon Ana auti te Uea. E kairiira nakon ara Tia Kamaiu, Iesu Kristo. Inanon taian tembora, ti iri ni karaoi otenanti aika tabu ao ni karaoi berita aika tabu ma Tamara are i Karawa are e kabaeira nakon te Tia Kamaiu. Berita aika tabu ao otenanti a katauraoira n oki nako mweengan Tamara are i Karawa ao ni kabaeaki ni kabane bwa utu n aki toki.
Inanon taian tembora, kakabwaia aika moan te korakora a tauraoi naba nakoia natin te Atua aika a kakaonimaki n te maiu aei. Inanon berita ao otenanti aika a tabu, “Ngaia are, e kaotaki mwaakan te aro n Atua n taian otenanti mai iai” (Reirei ao Berita aika Tabu 84:20). Te tembora bon te tabo ae tabu te tabo ike a taromauri iai membwa, n reirei, ao ni karekea te kairiiri ao te raunnano (taraa Reirei ao Berita aika Tabu 109:13–16). Naake a nanako n te tembora a kona ni karekea mwaakan te Atua ni buoka ni kakoroa nanon Ana mwakuri (taraa Reirei ao Berita aika Tabu 109:22–23; taraa naba 3.5 inanon te aeniboki aei).
Berita aika tabu ao otenanti a tabu. Kanikinaa a irekereke ma berita aika tabu n te tembora a riai n aki maroroakinaki itinanikun te tembora. Ke ti na aki marooroakina te rongorongo ae tabu are ti berita iai n te tembora bwa ti na aki kaotia. E ngae n anne, ti kona ni maroroakina aan botoniango ao reirei ibukin berita aika tabu ao otenanti ao namakin n tamnei ake ti karekei inanon te tembora.
Taan kairiiri n te uoote ao n te titeiki a maroroakina te mwakoro aei ma membwa ke a katauraoi ni karekei aia entaumente ke otenanti ibukin te kabaeaki.
27.1
Karekean Otenanti n te Tembora
27.1.1
Katauraoi ni Karekei Otenanti n te Tembora
A riai membwa ni katauraoiia n tamneia ni karekei otenanti n te tembora ao ni karaoi ao ni karinei berita aika tabu n te tembora.
Kaaro iai moan tabeia ni buokiia natiia mwaane bwa a na tauraoi ni karekea te Nakoanibonga ae te Merekitereka. Taan kairiiri n te titeiki ao uoote, taari ao aine n ibuobuoki, utu ni kaan ae mwaiti kaaina a boutokaia kaaro n te katabeaki aei.
Taan kariiri n te titeiki ao uoote a katoa tai ni kaungaia membwa ni katauraoiia ni karekei oin aia otenanti n te tembora. A katuruturua taan kairiiri kakawakin karinean berita aika tabu ao n teimatoa n tau ibukin ao ni karekean te beba ni kariaia nakon te tembora.
Bwaai n ibuobuoki ni buokiia membwa ni katauraoiia ni karekei otenanti n te tembora a tauraoi n temples.ChurchofJesusChrist.org.
Ibukin rongorongon karaoan beeba ni kariaia nakon te tembora n aroaro aikai, taraa 26.1 and 26.3.3.
27.1.2
Kakoauaan Rekooti ao Karekean Beeba ni Kariaia nakon te Tembora ibukin Otenanti ibukiia Ake a Maiu
A na kaitibo membwa ma aia bitiobi ngkana a katauraoiia n:
-
Karekea oin aia entaumente (taraa 27.2).
-
A kabaeaki nakon kainnabaia (taraa 27.3).
-
A kabaeaki nakoia aia karo (taraa 27.4).
-
Kabaeaki natiia nakoia (taraa 27.4).
E na buoka te membwa te bitiobi ni kakoauai rongorongo aika a kakawaki n aron taian ara, bong ni bung, bongin otenanti ake mai i mwaaina, ao bongin te namwakaina are a mareaki iai. E karaoaki aio man kabonganan Otenanti ni Katauraoi LCR.
Te bitiobi ao te beretitenti n te titeiki a na intawiu ma te membwa ibukin karaoan ana beeba ni kariaia nakon te tembora ibukin otenanti ibukiia ake a maiu (taraa 26.3.3).
27.1.3
Membwa aika a aki Toamau Bwain Rabwataia
Membwa aika a tau ake aki toamau n rabwataia a na kona n reke aia otenanti ni kabane n te tembora (taraa 38.2.5). Naake a na kaea te tembora ake iai kainanoia ae onoti a kaungaaki bwa a na nakon te tembora ma kaain aia utu ke raraoia ake tii te arona rikiia ni kona ni buokiia ngkana a kainnanoia. Naake a ibuobuoki a riai n reke aia beba ni kariaia nakon te tembora ae tuai bane taina. Ngkana membwa aki kona n reke angan te nako n te tembora ma kaain te utu ke ma raoraoia, a na moantaai membwa n tareboonia te tembora n taraia bwa tera babaire ake a na kona ni karaoaki. Taraa temples.ChurchofJesusChrist.org ibukin te reitaki ibukin tembora n tatabeua nako.
Maan aika a kabonganaaki ibukin te taromauri ao maan aika a na boutoka aron te namakin aki kariaiakakaki inanon te tembora. A kona beretitenti n te titeiki n tareboonia te Tabo n Tararua ibukin te Tembora n TempleDepartment@ChurchofJesusChrist.org ngkana iai aia titiraki.
27.1.4
Te Ibuobuoki ibukin te Rairairi ke te Raitaeka
Ngkana membwa a kainnanoa buokaia n te raitaeka n te tembora, a riai ni moantaai n reitaki ma te tembora n taraia ngkana e tauraoi. Taraa temples.ChurchofJesusChrist.org ibukin te nambwa n reitaki ibukin tembora n tatabeua nako.
27.1.5
Kunnikai Aika A na Bwainaki Nakon te Tembora
Membwa ake a nakon te tembora a riai ni bwaina te aeka ni kunikai ae a bwainna nakon te botaki n toa. A riai n aki bwainii kuunikai n aki akaaka ke are e na aki kona ni kamanoa te kaamenti n te tembora. A riai naba n aki bwainii kunnikai ake a rangi n riao tarakiia, n aron te tuxedo. Te kaetieti aei e reiakinaki raoi irouia kaaro, taari mwane ao aine n ibuobuoki, ao taan kairiiri n te uoote ao titeiki ngkai a katauraoiia membwa n taromauri inanon te tembora.
Taraa 27.3.2.6 ibukin rongorongon kunnikaim ae ko na bwainna nakon te kabaeaki n te tembora.
Taraa 38.5 ibukin rongorongon taekan:
-
Kunnikaim ae kona bwainna n tain te entaumente ao otenanti ibukin te kabaeaki.
-
Karekean, bwainan, ao tararuan kunnikain te tembora ao kamenti ibukin te nebonebo.
27.1.6
Tararuakia Ataei
E riai n iai ikawai aika a na tararuaiia ataei ngkana a mena iaon tanon te tembora. Taan mwakuri n te tembora a tauraoi n tararuaiia ataei n aro aikana imwiina:
-
Ngkana a tia ni kabaeaki nakoia kaaro
-
Ngkana a mataku ni kabaeakia tariia ma mwaaneia aika a maiu, tariia ao mwaaneia kauaei, ke tariia ma mwaaneia bwa titebo tamaia ke titebo tinaia irouia aia karo
27.1.7
Boowi ma Membwa imwiin Karekean aia Otenanti n te Tembora
Angin te tai a na iai aia titiraki membwa imwin reken aia otenanti n te tembora. Kaain te utu ake a tia n entaute, te bitiobi, ke taan kariiri n te uoote ake tabeman, ao taari mwaane ao aine n ibuobuoki a na bootaki ni kaitibo ma membwa ni maroroakin aia taneiai n te tembora.
Taan kairiiri a kaungaia naba membwa bwa a na kakaei kaekaan aia titiraki rinanon ana kairi te Tamnei ae Raoiroi. Inanon te tembora, e kona te Tamnei ni katauraoi kaekaan titiraki aika a mwaiti mairouia membwa ibukin aia taneiai n te tembora.
Bwaai n ibuobuoki ni buoka kaekaan titiraki a tauraoi n temples.ChurchofJesusChrist.org.
27.2
Te Entaumente
Te taeka entaumente nanona te “bwaintangira.” Te entaumente n te tembora bon te bwaintangira mairoun te Atua are e a kakabwaiaiia iai natina. E tii kona n reke te entaumente inanon tembora aika a tabu. Tabeua bwaintangira ake a karekei membwa rinanon entaumente n te tembora e raonaki ma:
-
Te atatai ae moan korakora ibukin ana kantaninga te Uea ao ana reirei.
-
Te mwaaka ni karaoi bwaai ni kabane ake E tangiria Tamara are i Karawa bwa a na karaoia Natina.
-
Kaetieti mai ieta ngkana ko beku ibukin te Uea, aia utu, ao tabeman.
-
Karikirakea te kantaninga, raunnano, ao te rau.
Kakabwaia ni kabane ake a beritanaki ibukin te entaumente a kamatoaaki n te maiu aei ao n aki toki. Kakoroan bukin kakabwaia aikai a katan iaon te kakaonimaki nakon ana euangkerio Iesu Kristo.
Te entaumente e karekeaki naba inanon uoua mwakoro. N te moan mwakoro, e karekea te otenanti te aomata are e aranaki bwa te moan waaki. Te moan otenanti e raonaki ma te kaitiaki ao te katabuaki, n aron naba kaetieti i aon kabonganaan kaament n te tembora (taraa Te Otinako 29:4–9). E raonaki ma kakabwaia aika a onoti n irekereke ma rikin ao ana konabwai te aomata ae mairoun te Atua.
N tain karaoan te moan waaki, e anganaki te kaetieti te aomata bwa e na bwaina te kaamenti n te tembora. Te kaamenti bon te kanikinaa ae tabu iaon Iesu Kristo. Bon te kauring naba ibukin am berita aika tabu n te tembora. Ngkana a kawakin aia berita aika tabu membwa, n raonaki ma aroia ae tabu ni bwaina te kaamenti n aron ae baireaki, a na kona ni karekea ana nanoanga te Tia Kamaiu, te kamanoaki, te korakora, ao te mwaaka ae korakora. Ibukin rongorongo riki tabeua ibukin te kaamenti , taraa 38.5.
N te kauoua n itera ibukin te entaumente, e reiakinaki te babaire ni kamaiu, n raonaki ma te Karikibwai, Bwakan Atam ao Ewa, ao ana Mwakuri ni Kamaiu Iesu Kristo. A karekei naba kaetieti membwa bwa a na kanga aroia n oki nako matan te Uea.
N te entaumente, a kaoaki membwa bwa a na karaoi berita aika tabu n aron aikai:
-
Maiuakina tuan te ongeaaba ao ni kataia ni kawakin ana tua Tamara are i Karawa.
-
Ongeaaba n tuan te anga karea, are nanona te anga karea ni boutoka ana mwakuri te Uea ao n rairananom ma te uruaki n nano ao te tamnei ae raraoma.
-
Ongeaaba nakon tuan ana euangkerio Iesu Kristo, nanona:
-
Karikirakean te onimaki iroun Iesu Kristo.
-
Rairannano ni katoa bong.
-
Karaoi berita aika tabu ma te Atua man karekean otenanti ibukin te kamaiuaki ao te karietataaki.
-
Teimatoa ni uaa te toki man kawakinan berita aika tabu.
-
Kekeiaki ni kawakini moan tua ake a korakora ake uoua. Aikai are “ko na tangira Iehova ae Atuam n nanom ni kabane, ao n tamneim ni kabanea, ao ni wanawanam ni kabanea” ao “ko na tangira raom n ai aron tangiram i bon i roum”(Mataio 22:37, 39).
-
-
Kawakina tuan te itiaki, nanona bwa aki karaoan te wenenibure itinanikun te mare i marenan te mwaane ao te aine ni kaineti ma ana tua te Atua.
-
Kawakina tuan te anganano, are nanona bwa membwa anganano ni katabua aia tai, tarena, ao bwaai ni kabane ake e a tia te Uea ni kakabwaiaia iai nakon katean ana Ekaretia Iesu Kristo iaon te aba.
Imwiin te tai, e berita Tamara are i Karawa bwa naake a teimatoa ni kakaonimaki nakon aia berita aika tabu n te tembora a na bwaintangiraaki “ma te mwaaka mai eta” (Reirei ao Berita aika Tabu 38:32, 38; taraa naba Ruka 24:49; Reirei ao Berita aika Tabu 43:16).
27.2.1
Antai Ake A na Reke Aia Entaumente
Ni kabane kaain te Ekaretia ake a bukintaeka a kaoaki bwa a na katauraoiiia ibukin ao ni karekei oin aia entaumente. Ni kabane otenanti aika a na moan reke aika a kantaningaaki a riai ni karaoaki ao ni karinaki n te rekooti imwaain ae a na kona ni karekea aia entaumente membwa (taraa 26.3.3). Taraa 27.2.2 ibukin rongorongon taekan baireana nninngai ae e na reke iai te entaumente.
27.2.1.1
Membwa Aika A Tibwa Bwabetitoaki
A kona ni karekea aia entaumente membwa aika boou aika ikawai aika a tau imwin teuana te ririki ae bwanin man bongin te namwakaina are a kamatoaaki iai (taraa 26.5.1).
27.2.1.2
Membwa Ake A Tuai n Reke Aia Entaumente Buuia
Te membwa ae tau are e tuai n reke ana entaumente buuna e kona ni karekea oin ana entaumente teuanne ke neienne ngkana e iri nanon bwaai aikai:
-
Te buu are e tuai n reke ana entaumente teuanne ke neienne e na anga ana kariaia.
-
Te membwa, bitiobi, ao te beretitenti n te titeiki a na onimakinna raoi bwa te katabeaki e kantaningaaki ma berita aika tabu n te tembora e na aki riki bwa kakiriweean te mare.
A kaineti aro aikai ngkana te buu te membwa n te Ekaretia ke ngkana tiaki.
27.2.1.3
Membwa Ake Iai Mamaaran Aia Iango
A kona membwa aika iai mamaran aia iango ni karekei oin aia entaunmente:
-
A tia ni karekei ni kabane otenanti aika a na moan reke aika a kantaningaaki (taraa 18.1).
-
Iai konabwain aia iango n ota, ni karaoi, ao ni kawakin berita aika tabu aika a irekereke.
E na marooro te bitiobi ma te membwa ao, ngkana e kona, ana karo teuanne ke neienne. E mwakuri iaan ana kaetieti te Tamnei. E na marooro ma te beretitenti n te titeiki. Te beretitenti n te titeiki e na kanakoi titiraki nakon aia Aobiti te Moan Beretitentii ngkana e riai. Taraa 38.2.4.
27.2.2
E Baireaki Nningai ae na Karekeaki iai te Entaumente
Te babaire ni karekean te entaumente e onoti ao e riai ni karaoaki ma te tataromwaaka. Te entaumente bon te kakabwaia ibukin te mwaaka ao te kaotioti nakoia ni kabane ake a tauraoi ni karekea. Membwa a kona ni karekei oin aia entaumente ngkana a bane n iri nanon bwaai aikai:
-
A koro 18 aia ririki.
-
A tia ni kabwanina ke aikoa manga kaea te reirei ae rietata, kauarinan n reirei, ke ae ti tearona.
-
E a bane teuana te ririki ae bwanin n te tai are a kamatoaaki iai.
-
Iai nanoia ni kan karekea ao ni karinei berita aika tabu n te tembora ni maiuia ae bwanin.
N raonaki ma anne, e riai te mwaane n iai irouna te Nakoanibonga ae te Merekitereka i mwaain karekean ana entaumente.
Membwa are a karekei weteaia nakon te mwakuri ni mitinare ke a katauraoiia bwa a na kabaeaki n te tembora a riai moa n reke aia entaumente. E na marooro naba te bitiobi ma membwa aika a ikawai ake iai nanoia ni kan karekei aia entaumente.
Imwaain karaoan te beba ni kariaia nakon te tembora ibukiia membwa bwa a na reke aia entaumente, e riai te bitiobi ao te beretitenti n te titeiki n iai ana namakin bwa e a tauraoi te aomata anne n ota ao ni kawakin berita aika tabu ibukin te tembora. Te kona anne ni karekea te entaumente e baireaki ni kaonoti ibukin temanna ma temanna. Taan kairiiri aki kabonganageneralized criteria, n aron akana a karinanaki inanon, ngkana e baireaki bwa e a tauraoi te aomata anne ni karekea ana entamente:
-
Rokom n te roro ae riai
-
Kitanan te mweenga ibukin te kuura n reirei, te mwakuri, ke te mwakuri n te taanganibuaka
-
Tangiria ni mataku n tain kabaekiia kaain te utu n te tembora ke te raoraom
27.2.3
Babaire ao Bairean Tain te Entaumente
27.2.3.1
Butimwaean Beba ni Kariaia ibukin Otenanti Ibukiia aika a Maiu
Te rin n te tembora ao ni karekea te entaumente, e riai te membwa ni karekei bwaai aikai:
27.2.3.2
Reitaki ma te Tembora
Membwa ake a baireia bwa a na karekei aia entaumente a riai ni moantaai n reitaki ma te tembora ni babaire ibukin tain te otenanti. A na kona ni karaoa anne i mwiin kaitiboiia ma aia bitiobi (taraa 27.1.2). Te tembora e na katauraoi kaetieti, n raonaki ma rongorongon taekan kunnikain te tembora, ngke e baireaki taina.
27.2.3.3
Taan Tararua ibukiia Membwa Ake A Reke Aia Entaumente
Membwa ake a reke oin aia entaumente a kona ni kaoia membwa ae raoia ni mwaane ke n aine ake a tia n entaaute n riki bwa te tia tabeakina ao ni buokiia n tain te tetere ni karaoan aia entaumente. E riai te tia ibuobuoki n iai ana beba ni kariaia nakon te tembora ae tuai bane taina. E kona te tembora ni katauraoa te tia ibuobuoki ngkana e kainnanoaki.
27.3
Kabaeakin te Buu Mwaane ao te Buu Aine
“Te utu e riki n tabu iroun te Atua. Te mare imarenan te mwaane ao te aine e kakawaki ibukin Ana babaire ae akea tokina” (“Te Utu: Te Katanoata nakon te Aonaaba”). Te kabaeaki n te tembora e reita te buumwaane ao te buuaine ibukin taai ngkai ao te maiu ae akea tokina. Te taanga a kabaeaki nako aoia “karietaaia ao mimitongia ni bwaai ni kabane” (Reirei ao Berita aika Tabu 132:19–20; taraa naba 1.1 inanon te aeniboki aei). E beritani aikai Tamara are i Karawa ao kakabwaia riki tabeua nakoia taanga ake a teimatoa ni kakaonimaki nakon aia berita aika tabu n te tembora.
N te otenanti ni kabaebae, te mwaane ao te aine a kabaeaki imarenaia ibukin te maiu aei ao te maiu are akea tokina. A karaoa te berita ae tabu ma te Atua ao imarenaia bwa a na:
-
Nim imarenaia (taraa Mareko 10:7–9).
-
Marooro ao n ikarekebai ni mwakuri inanon te tangira ao te raoiroi (taraa Mote 5:1, 12).
-
A na kakoroa bukin tabeia are a rineaki mai i eta bwa te buu te mwaane ao te buu te aine, te karo ao te tina. A berita buu mwaane bwa a na tararua ma “te atataiaomata ao te nimamannei ao ma te tangira ae aki kewe” (Reirei ao Berita aika Tabu 121:41).
-
Kawakin tuua ni kabane ae te berita ae tabu ae akea tokina (Reirei ao Berita aika Tabu 66:2; 132:6–7, 21).
Taan kairiiri n te Ekaretia a na kaungaia membwa bwa aonga n tauraoi ibukin te mare n te tembora ao ni mareaki ao ni kabaeaki n te tembora. N taabo ake aki kinaki iaan te tua taian mare n tembora, a kona taan kairiiri ni karaoa te mare n te tua ake a rimwiaki ma te kabaebae n te tembora (taraa 38.3). E kona naba te banna aei n iraki ngkana te mare n te tembora e na karikiia kaaro ke aia utu aika kaan ma n namakinna ae a katukaki ibukina ngkai aki kona n ira te nebonebo n te tembora.
Ibukin rongorongon taekan kabaeakiia ataei aika maiu nakoia kaaro, taraa 27.4.
27.3.1
Antai ae E na Kabaeaki n te Tembora
Ni kabane kaain te Ekaretia ake a na bukintaeka ake a tuai ni mare a kaoakii bwa a na katauraoiia ni kabaeaki n te tembora. Naake a tia ni mare n te tua a kaungaaki bwa a na kabaeaki n te tembora ibukin ngkai ao n aki toki n te tai ae waekoa ngkana a tauraoi. A riai membwa n reke aia entaumente imwaain ae a kabaeaki (taraa 27.2).
Taanga ake a kabaeaki n te tembora a riai n (1) mare n te tua imwaain ae a kabaeaki ke (2) ni mare ao ni kabaeaki n te aro n nebonebo naba anne n te tembora. Taraa 27.3.2
27.3.1.1
Membwa Ake A Kabaeaki nakon Buuia are Mai Imwaaina
Taraa 38.4.1.
27.3.1.2
Membwa Ake Iai Mamaaran Aia Iango
Membwa ake iai mamaaran aia iango a kona ni kabaeaki nakon buuia, aia kabae te aine, aia kabae te mwaane ngkana:
-
A bane n tia n reke aia otenanti aika a kantaningaaki, n raonaki ma te entaumente (taraa 27.2.1.3).
-
Iai konabwain aia iango n ota, ni karaoi, ao ni kawakin berita aika tabu aika a irekereke.
E na marooro te bitiobi ma te membwa teuanne ke neienne buuna, ana kabae te mwaane, ke ana kabae te aine. E mwakuri iaan ana kaetieti te Tamnei. E na marooro ma te beretitenti n te titeiki. Te beretitenti n te titeiki e na kanakoi titiraki nakon aia Aobiti te Moan Beretitentii ngkana e riai. Taraa 38.2.4.
27.3.2
Bairean ao Kabaean Tain te Kabaebae n te Tembora
27.3.2.1
Karekean te Kariaia ibukin Otenanti ibukiia aika a Maiu ibukin Kabaean te Buu te Mwaane ao te Buu te Aine
Ni kabaeaki nakon buuia, a riai membwa n entaau. A riai n reke naba irouia aikai:
27.3.2.2
Reitaki ma te Tembora
Membwa ake a baireia bwa a na mare ke a na kabaeaki ma buuia a riai ni moantaai n reitaki ma te tembora ni bairea tain te otenanti. A kona ni karaoia i mwiin kaitiboia ma aia bitiobi (taraa 27.1.2). Te tembora e na katauraoi kaetieti, n raonaki ma rongorongon taekan kunnikain te tembora ngke e baireaki taina.
27.3.2.3
Karekan te Raitienti ibukin te Mare
Te tabo are e kariaiakaki iai n te tua, a kona membwa ni mareaki ao ni kabaeaki n te bukamaru ae teuana n te tembora. Imwaain ae a mareaki n te tembora, a riai taanga ni karekea aia raitienti iaan te tua ae boou ibukin mareakiia n te tabo are e karaoaki iai aia mare. E rinanoaki te raitienti ngkana e kakoauaki rongorongo rinanon Otenanti ni Katauraoi (taraa 27.1.2). A riai naba taanga ni uota aia raitienti ni mareaki nakon te tembora.
Taanga ake a kabaeaki mwiin mareakiia n te tua a aki kainnanoia bwa a na uota aia raitienti ibukin mareakiia nakon te tembora. Ma, a na katauraoa bongin te namwakaina ao te tabo ibukin aia mare n te tua rinanon Otenanti ni Katauraoi inanon LCR (taraa 27.1.2).
27.3.2.4
Taan Kairiia Taanga ake a Nang Mareaki
Te aine are e a tia n entaau e na raona te aine are e na kabaeaki ni buokia n te ruu n onoono. Te mwaane are e a tia n entaau e na karaoa naba anne ibukin te tari are e na kabaeaki. E riai te tia ibuobuoki n iai ana beba ni kariaia nakon te tembora ae tuai bane taina. E kona te tembora ni katauraoa te tia ibuobuoki ngkana e kainnanoaki.
27.3.2.5
Antai ae Karaoa te Kabaebae n te Tembora
E karaoaki n taainako te kabaebae n te tembora iroun te tia kabaebae are e mwiokoaki nakon te tembora ike a na kabaeaki iai taanga. Ngkana kaain te utu ke ae a kinaa iai irouna te kariaiakaki ni kabaebae ao ni mwiokoaki bwa e na mwakuri n te tembora are a na kabaeaki iai taanga, a kona te utu anne ni kaoa teuanne bwa e na karaoa te kabaebae.
Te tia karaoa te kabaebae e na ukora naba aia kariaia te Moan Beretitentii ni karaoa te kabaebae ibukin kanoaia ana bakatibu (ataei, tiibu ataei, ao tibumwamwanu ataei) n te tembora nakon riki teuana are e katabeaki iai. E riai ni karekea te reta ni kariaia mairoun te Moan Beretitentii ibukin kabaebae n tatabeua nako. E na kaota te reta aei n te tembora.
A aki kaungaaki membwa bwa a na butiia Taan Kairiiri ni Kabuta ni karaoan kabaeakia n te tembora.
27.3.2.6
Te Kunnikai ae Tau ibukin te Kabaeaki n te Tembora
Ana Kunnikai te Aine. E na bwaina kunikain te tembora ae kabonganaaki te aine are e na kabaeaki (taraa 38.5.1 and 38.5.2) ke te kunnikai ni mare n tain bukamaruan te kabaebae. Ni kabane kunnikai ake a bwainaki n te tembora a na bane ni mainaina, tararaoi karaoakiia ao bon te kunnikai, ao akea katikiraoakiia aika a bati. E riai naba ni katana te kaamenti n te tembora. Bon te kunnikai raoi ae riai n rainiiaki.
Ni kaboraoaki ma kunnikai ake tabeua ake a bwainaki n te tembora, e riai ni mwarairai bain ana kunnikai te tia mare ke te kunnikai ae te teniua-te kuata marain baina. A riai kunnikai n aki uaaki i aontano ti ngkana e kona ni kabaeaki nako eta ke ni kanakoaki n tain te nebonebo ae tabu n te tembora.
E na katauraoi kunikai te tembora ngkana e kainnanoaki ke n tangiraki.
Ana Kunnikai te Mwaane. E na bwaina kunikain te tembora ae kabonganaaki te mwaane are e na kabaeaki (taraa 38.5.1 ao 38.5.2). E kona ni bwaini kunnikai ake a bon tau itinanikun te tembora.
Kunnikain te Iruwa. A riai n bwainiia n kunikai n taromauri aomata ake a ira te bootaki ni kabaebae. A riai n aki bwainii kuunikai n aki akaaka ke are e na aki kona ni kamanoa te kaamenti n te tembora. A riai naba n aki bwainii kunnikai ake a rangi n riao tarakiia, n aron te tuxedo.
Membwa ake a roko ibukin te kabaeaki n te mare man te tetere ibukin te entaunmente a kona ni bwainiia ni kunnikain te tembora.
A riai taanga n tibwaa raoi te rongorongo aei ma iruwa i mwaain te kabaebae.
Taian Uee. A riai taanga ao iruwa n aki kabonganai taian uee n tain te kabaebae. A kona ni kabonganaaki taian uee itinanikun te tembora. A riai taanga n tibwaa raoi te rongorongo aei ma iruwa i mwaain te mare ke te kabaebae.
27.3.2.7
Kaibibitakin Mwaamwa i mwiin te Kabaebae n te Tembora
Kaibibitakin mwamwa bon tiaki mwakoron te nebonebo ibukin te kabaeaki n te tembora. E ngae n anne, a kona ni kaibibita aia mwamwa taanga imwiin te bootaki n te ruu ni kabaebae. A riai taanga n aki kaibibiti aia mwamwa n te tai teuana ke tabo inanon te tembora ke itinanikun te tembora. Karaoan aei e kona ni kameerea kakawakin te nebonebo.
Taanga ake a mareaki ao ni kabaeaki n te bootaki anne a kona ni kaibibiti aia mwamwa n te tai teuana i mwiina ni bootaki ma kaain te utu ake a aki roko ni kaea te kababae n te tembora. Karaoan kaibibitakin te mwamwa e na titebo ma kakaawakin aron te kabaebae n te tembora. Te kaibibiti aei e na aki katotoonga kanoan te bootaki are n te kabaebae n te tembora. A riai n aki kaibibiti aia berita i mwiin kabaeakiia n te tembora.
Taanga ake a mare n te ta imwaain kabaeakiia n te tembora a kona ni kaibibiti aia mwamwa n tain te nebonebo n te tua, n aia tai ni kabaeaki n te tembora, ke inanon nebonebo aika uoua aikai.
27.3.3
Te Mare n te Tembora Ti Ibukin te Maiu Aei
Te kantaninga ibukin te tembora bwa e na karaoi otenanti aika akea tokiia. Ibukin bukina aei, ao maare ibukin ti te tai aei aikoa kona ni manga karaoaki inanon tembora.
Te tua ibukin kabaeakiia taanga ake a mare n te tembora ti ibukin te maiu aei, taraa 38.4.1.7.
27.3.4
Antai Ae Riai n Ira te Kabaebae n te Tembora
A riai taanga ni kaoia aia utu ni kaan ao raoraoia nakon te kabaebae n te tembora. Membwa ake a bukintaeka a riai n entaute ao n iai aia beba ni kariaia nakon te tembora ae tuai bane taina bwa a na iria.
Tabeman membwa ake bungiaki ni iai aia rekooti a aki bwabetitoaki ni kaineti ma iremwen aia iango, ao tabeman a bwabetitoaki ma aki entaute ibukin naba riaina anne. E kona te beretitenti n te titeiki n anga te kariaia nakoia bwa a na mataku ni kabaeakiia taria ao mwaneia ake a maiu ke kaaro ngkana:
-
A tia ni koro 18 aia ririki ni maiu.
-
A kona n teimatoa n rau ma ni karinerine n tain te bootaki ae mimitong.
E na korea te reta te beretitenti n te titeiki ni kaotia bwa iai kariaiakan te aomata ni mataku n te kabaebae. Te reta aio e na uotaki nakon te tembora.
A riai membwa n entaute ao n iai aia beba ni kariaia nakon te tembora ni mataku ni kabaeakiia aia karo.
Ibukin rongorongona riki bwa antai ae kona n iira buakon kabaeakiia ataei aika a maiu nakoia kaaro, taraa 27.4.5.
27.3.5
Bootaki Ibukin Te Mare
Taraa 38.3.4 ibukin rongorongon karaoan bootaki ibukin te mare n ana kateitei te Ekaretia.
27.4
Kabaeakiia Naati Aika a Maiu Nakoia Kaaro
Ataei ake a bungiaki imwiin are e a tia ni kabaeaki tinaia nakon buuna n te tembora a bungiaki n te berita ae tabu n te kabaeaki anne. A aki kainnanoa karekean te otenanti ni kabaeaki nakoia aia karo.
Ataei ake aki bungiaki inanon te berita ae tabu a kona n riki bwa mwakoron te utu ae akea tokina man kabaeakiia nakoia ae bon oin aia karo ke ake a tabekaki irouia. Ataei aikai a na karekei aekan kakabwaia aikai n aroia naake a bungiakin te berita ae tabu.
Taraa 38.4.2 ibukin kaetieti n taekan kabaeakiia ataei nakoia aia karo.
27.4.1
Butimwaean Beba ni Kariaia ibukin Otenanti Ibukiia aika a Maiu
Taanga ake a tangiriia natiia bwa a na kabaeki nakoia a riai moa ni kabeaki i marenaia. A riai n iai irouia bwaai aikai:
-
Te beeba ni kariaia nakon te tembora ibukin otenanti ibukiia ake a maiu (taraa 26.3.3).
-
Te beeba ni kariaia nakon te tembora ae tuai bane taina ibukiia membwa ake a tia n entau (taraa 26.3.2).
Te taibora aei e kabwarabwarai kariaia are a kainnanoia membwa ngkana a kabaeaki nakoia aia karo. Ibukin rongorongon riki kariaia aikai, taraa 26.1.
|
Te Aomata are e Kabaeaki nakoia ana Karo |
Taian Kariaia aika Kainnanoaki |
|---|---|
Te Aomata are e Kabaeaki nakoia ana Karo Te ataei ae uarereke i aan 8 te ririki | Taian Kariaia aika Kainnanoaki |
Te Aomata are e Kabaeaki nakoia ana Karo Membwa ake imarenan te ririki ae 8 ao 11 ake a tia ni bwabetitoaki ao ni kamatoaaki | Taian Kariaia aika Kainnanoaki
|
Te Aomata are e Kabaeaki nakoia ana Karo Te membwa ae tuai n entaau ae i aan te ririki ae 21 ao tao 11 ao e a koro 12 ana ririki ngke e karaoaki ana otenanti | Taian Kariaia aika Kainnanoaki |
Te Aomata are e Kabaeaki nakoia ana Karo Te membwa ae e entaau (membwa ake 21 aia ririki ni maiu ke i aona a riai n tia n entaau bwa aonga ni kabaeaki nakoia aia karo) | Taian Kariaia aika Kainnanoaki |
Tabeman membwa ake bungiaki ni iai aia rekooti a aki bwabetitoaki ni kaineti ma iremwen aia iango, ao tabeman a bwabetitoaki ma aki entaute ibukin naba riaina anne. E kona te beretitenti n te titeiki n anga ana kariaia ibukiia ni kabaeaki nakoia aia karo. E na korea te reta te beretitenti n te titeiki ni kaotia bwa iai kariaiakan te aomata ni kabaebae. Te reta aio e na uotaki nakon te tembora.
Ibukin rongorongona riki bwa antai ae kona ni matakuakina kabaeakiia ataei aika a maiu nakoia kaaro, taraa 27.4.5.
27.4.2
Reitaki ma te Tembora
Taanga ake a tangiria ni kabaeaki ma natiia, ke ataei ae iai nanoia ni kan kabaeaki nakoia aia karo ake a tia ni mate, a riai ni moantaai n reitaki ma te tembora ni bairea tain te otenanti. A kona membwa ni karaoa anne i mwiin kaitiboia ma aia bitiobi (taraa 27.1.2). N tabeua kaeiti, tabeua otenanti n te tembora a na kainnanoa karaoakiia imwaain ae karaoaki te kabaebae.
27.4.3
Tararuakia Ataei
Taraa 27.1.6.
27.4.4
Antai ae Karaoa Kabaeakiia Naati aika a Maiu nakoia Kaaro
Kabaeakiia ataei aika a maiu nakoia aia karo e bon kakaraoaki iroun te tia kabaebae are e mwiokoaki bwa e na mwakuri n te tembora are e na karaoaki iai te kabaebae. Ngkana kaain te utu ke ae kinaaki iai irouna te kariaiakaki ni kabaebae ao ni mwiokoaki bwa e na mwakuri n te tembora are a na kabaeaki iai taanga, a kona te utu anne ni kaoa teuanne bwa e na karaoa te kabaebae.
Te tia karaoa te kabaebae e na ukora naba aia kariaia te Moan Beretitentii ni karaoa te kabaebae ibukiia ataei aika a maiu nakoia kaaro ibukiia ake bon kanoaia ana bakatibu (ataei, tiibu ataei, ao tibumwamwanu ataei) n te tembora nakon riki teuana are e katabeaki iai. E riai ni karekea te reta ni kariaia mairoun te Moan Beretitentii ibukin kabaebae n tatabeua nako. E na kaota te reta aei n te tembora.
A aki kaungaaki membwa bwa a na butiia Taan Kairiiri ni Kabuta ni karaoan kabaeakia natiia aika a maiu nakoia kaaro.
27.4.5
Antai ae E na Ira Kabaeakiia Naati nakoia Kaaro
Ni matakuakina kabaeakin mwaaneia ma tariia, ai mwaneia ma ai tariia, ke ai mwaneia ma ai tariia aika itera nakoia aia karo, membwa aika a tuai entaau ake a mena aia ririki iaan 21 a riai ni bungiaki inanon te berita ae tabu ke ni kabaeaki nakoia aia karo. Irarikin anne, ataei ake 8 aia ririki ao ake iaona a riai ni bwabetitoaki ao ni kamatoaaki ao n riai n iai aia beba ni kariaiakaia nakon te tembora ae tuai bane taina.
Te taibora aei e kabwarabwarai kariaia ake a kainnanoia membwa ngkana a na mataku ni kabaeakiia tariia ao mwaaneia, ai mwaneiia ma ai taraiia, ao ai mwaneia ao ai tariia nakoia aia karo. Ibukin rongorongon riki kariaia aikai, taraa 26.3.
|
Te Aomata ae Mataku n te Kabaebae |
TaianKariaia aika a Kainnanoaki |
|---|---|
|
Ataei aika a uarereke i aan 8 te ririki |
|
|
Membwa imarenan te ririki ae 8 ao 11 are e a tia ni bwabetitoaki ao ni kamatoaaki |
|
|
Te membwa ae tuai n entaau ae i aan 21 ao tao 11 ao e a koro 12 ana ririki n te ririki ae karaoaki iai ana otenanti | |
|
Membwa ake a tia n entaau (membwa ake a koro 21 ke a ikawai riki a riai n tia n entaau ni kona ni mataku ni kabaebae akanne) |
|