ulugalii o loo tatalo

16.

Ola i le Talalelei a Iesu Keriso

O le galuega a le Atua o le faaolataga ma le faaeaga e taulai atu i tiutetauave e fa na tofia mai le lagi (tagai i le 1.2). O le mea muamua o nei mea o le ola lea i le talalelei a Iesu Keriso. Tatou te ola i le talalelei a o tatou:

• Faaali atu le faatuatua ia Iesu Keriso.

• Salamo i aso taitasi.

• Osifeagaiga ma le Atua a o tatou mauaina sauniga o le faaolataga ma le faaeaga.

• Tumau e oo i le iuga e ala i le tausia o na feagaiga.

A tatou ola i le talalelei ma lagona le tosinaga a le Agaga Paia, tatou te mananao e fesoasoani i tagata o le aiga ma isi ia maua faamanuiaga a le Atua (tagai i le 1 Nifae 8:10–12). Tatou te a’oa’o mai ma a’oa’o atu le talalelei a Iesu Keriso i le aiga ma i le lotu. Tatou te saili foi ia tatou ola-tutoatasi i le sauniaina o mea mo i tatou lava ma o tatou aiga, i le faaleagaga ma le faaletino.

O le ola i le talalelei e aofia ai isi itu o le galuega a le Atua mo le faaolataga ma le faaeaga. O ia mea e aofia ai le tausiga mo i latou e le tagolima, valaaulia tagata uma ia talia le talalelei, ma tuufaatasia aiga mo le faavavau.