33.

Ol Rekot na ol Ripot

33.0

Introdaksen

Pasin bilong lukautim ol rekot em i impoten long Sios bilong Bikpela. Eksampel:

Adam i lukautim “wanpela buk bilong tingim” (Moses 6:5).

Moronai i tisim olsem ol nem bilong ol lain i baptais insait long Sios ol i bin rekotim bai “ol i tingim ol na givim ol gutpela kaikai long tok bilong God” (Moroni 6:4).

Joseph Smith i givim instraksen olsem wanpela man bilong mekim wok bilong rekot i mas stap long wanwan wod long “mekim rekot bilong tok tru long ai bilong Bikpela”Doctrine and Covenants 128:2).

33.1

Ovaviu bilong ol Sios Rekot

Ol Sios rekot em ol sekret samting. Ol inpomesen insait long ol i mas stap hait na long gutpela lukaut. Ol rekot sistem bilong Sios i givim tok orait long membasip inpomesen beis long ol koling.

Ol rekot i ken halivim ol lida:

• Luksave long husat i nidim gutpela lukaut.

• Luksave long wanem ol odinens bilong salvesen wanpela man o meri i kisim pinis o i nid long kisim.

• Painim ol memba.

Ol dispela kain rekot i save stap insait long ol Sios yunit:

• Ol ripot bilong memba patisipesen (lukim 33.5)

• Ol membasip rekot (lukim 33.6

• Ol rekot bilong bipo, lukim 33.7

• Ol rekot bilong yusim ol moni (lukim sapta 34)

33.2

Ol Jeneral Instraksen bilong ol Klek

Ol i mas gat karen temple rekomen.

Ol klek bai lukluk gut na bihainim ol polisi long lukautim ol moni bilong Sios na mekim sua olsem ol rekot bilong Sios i stap stret. Ol klek bai hariap tru toksave long ol prishud lida sapos i gat samting i no stret i kamap. Sapos ol hevi i kamap long stretim ol samting i rong ol klek i mas mekim kontek wantaim Opis bilong ol Ripot i Save Stap Hait o Konfidensel long Sios hetkota.

Telepon: 1-801-240-2053 or 1-800-453-3860, ekstensen 2-2053

Toll free (GSD phone): 855-537-4357

Imeil: [e-mail]

Taim bilong ol klek long mekim sevis wok olsem i mas inap long ol long lainim olgeta wok bilong ol na lukautim bai wok i mas go het yet. Bikos ol i no memba bilong stek presidensi o bisoprik, ol bai nogat nid long kisim rilis taim wanpela stek presidensi o bisoprik bai oganais gen.

33.4

Ol Wod Rekot na ol Ripot

33.4.1

Bisoprik

Bisop bai lukautim olgeta wok bilong holim gut ol rekot.

33.4.2

Wod Klek

Olgeta wod i mas gat ol gutpela klek i gat save, na i wok hat long long mekim ol wok. Bisoprik bai givim nem bilong em long wanpela memba bilong stek presidensi o wanpela hai kaunsila bai kolim em na setim em apat. Em i mas holim Melkisedek Prishud na i gat karen temple rekomen. Em i wanpela memba bilong wod kaunsil. Em bai kam long ol wod miting olsem i stap long 29.2.

Wod klek bai kisim instraksen long bisoprik na ol stek klek. Ol asisten wod klek ol bai singautim ol long halivim.

33.4.2.1

Ol Wok bilong Lukautim ol Rekot

Wod klek, o wanpela asisten klek, i gat ol dispela kain wok:

• Lukautim ol rekot bilong ol asainmen na ol disisen ol wod lidasip miting i mekim.

• Mekim sua olsem olgeta rekot na ripot i stret na i kamap long taim.

Wod klek i mas save gut long olgeta wok samting bilong lukautim ol rekot (lukim 33.0). Em bai yusim ol dispela wok samting long halivim ol lida i luksave long:

• Ol nid bilong ol memba na ol oganaisesen.

• Ol risos i stap olsem ol moni samting.

Ol wod klek bai sapotim ol memba long ripotim ol samting i no stret long ol membasip inpomesen.

Ol narapela wok bilong lukautim ol rekot olsem:

• Mekim sua olsem olgeta odinens bai rekotim gut na long taim em i kamap.

• Redim ol Officers Sustained form bilong wod konferens.

• Rekotim ol inpomesen bilong ol wod membasip kaunsil.

• Lukautim na stretim ol rekot bilong yusim moni (lukim 34.2.2).

33.5

Ol Ripot bilong Memba Patisipesen

Ol memba patisipesen ripot bai halivim ol lida long lukluk gut long wokabaut na nid bilong ol memba.

33.5.1

Ol Kain Ripot

33.5.1.1

Ol Atendens Ripot

Atendens long sakramen miting na Sande prishud na oganaisesen miting bai rekotim long onlain LCR o Memba Tuls.

Sakramen Miting Atendens long sakramen miting bai klek o asisten klek i rekotim long wanwan wik. Kauntim dispela namba i go kamap stret long miting o i kamap long pasin bilong konek long intanet, wantaim tu ol visita.

Ol Sande Kwarum na Oganaisesen Miting. Ol kwarum na oganaisesen sekreteri na advaisa bai rekotim atendens long wanwan wik. Ol yut lida i ken halivim tu long rekotim atendens. Kauntim dispela namba i go kamap stret long miting o i kamap long pasin bilong konek long intanet, wantaim tu ol visita. Ol memba husat i sev insait long praimeri o olsem ol yut lida insait long wod bai makim olsem ol i kamap.

Wod klek i ken rekotim atendens bilong ol oganaisesen.

33.5.1.2

Ol Ministaring Ripot

Lukim 21.3.

33.5.1.3

Kwatali Ripot

Olgeta namba insait long ripot i makim wanpela man o meri husat i gat kain kain nid (lukim Helaman 15:13).

Dispela Quarterly Report i gat ol yuspul inpomesen i kem givim ol lida gutpela lukluk taim ol i painim gutpela tingting long ol wok ministaring bilong ol.

Ol stek na wod lida bai go bek long dispela Kwatali Ripiot olgeta taim long sekim wokabaut bilong ol wanwan lain.

Olgeta wod bai pinisim na sabmitim wanpela Kwatali Ripot i go long Sios hetkwata. Klek bai lukluk gen long dispela ripot wantaim bisop na sabmitim pastaim long 15 de bilong mun bihain long pinis bilong wanwan kwata.

33.5.2

Ol Membasip Lis

Ol tuls bilong lukautim ol Sios rekot bai halivim ol lida long kisim ol membasip lis. Ol dispela lis bai halivim ol lida luksave long:

• Ol wanem memba i no yet kisim ol odinens we ol i ken kisim.

• Ol wanem yangpela man na meri i ken sevim misin.

• Ol wanem yut i gat nid long kisim karen temple rekomen.

• Ol wanem yut nid long mekim taim bilong miting wantaim memba bilong bisoprik.

Ol kwarum na oganaisesen lida i mas gat ol lis long ol husat lain i stap long wanem kwarum.

33.6

Ol Membasip Rekot

Ol membasip rekot i kam wantaim ol nem bilong memba, kontek inpomesen, ol liklik hap samting long odinens na ol narapela impoten inpomesen.

Ol membasip rekot i mas stap insait long wod we dispela memba i stap. Sampela samting, bai i kamap wanwan taim, bai nidim tok orait long ol bisop na stek presiden i klia long dispela. Long rikwes long dispela samting, stek presiden bai yusim LCR long sabmitim rikwes i go long Opis bilong Namba Wan Presidensi.

Em i impoten long mekim ol dispela hariap:

• Rekotim inpomesen bilong odinens.

• Surukim ol rekot bilong ol lain memba husat i surik i go aut long wod.

• Kamapim ol rekot bilong ol nupela memba na nupela pikinini bilong ol memba i papamama.

• Rekotim dai bilong wanpela memba.

• Rekotim marit na inpomesen bilong hauslain.

Bisop o stek presiden bai mekim sua olsem membasip rekot i stap long rait wod pastaim long memba i intaviu long kisim:

• Wanpela Sios Koling.

• Wanpela temple rekomen.

• Dispela Melkisedek Prishud o long odein i go long dispela prishud.

Em bai mekim sua olsem dispela rekot i nogat wanpela long ol dispela samting:

• Wanpela anotesen o nout

• Wanpela hap toktok long siling o odinens i tambu

• Ol membasip ristriksen o tambu

I tambu tru long givim o soim membasip rekot long ol narapela husat i no bisop o klek.

Ol memba i ken lukim ol inpomesen long membasip bilong ol na ol narapela pikinini ol i lukautim long Member Tools app. Ol bai rikwestim Wanwan Odinens Samari bilong ol i print i kam long klek. Sapos ol i painim mistek, klek bai mekim sua olsem olgeta mistek bai stretim long ol membasip rekot.

33.6.1

Ol Nem i Yus insait long ol Sios Rekot

Ligal nem bilong wanpela man o meri, olsem i stap long lo o kastom, i mas yusim long membasip rekot na odinens setifiket.

33.6.2

Memba bilong Rekot

Ol dispela lain manmeri em ol memba bilong rekot na i mas i gat membasip rekot:

• Ol husat i baptais na i konfem pinis

• Ol lain husat krismas i 9 i kisim blesing na i no baptais yet.

• Ol lain husat i no inap long save o klia gut bikos long sampela hevi ol i gat long tingting maski long krismas bilong ol.

• Ol pikinini i no kisim blesing yet aninit long krismas 9 long dispela kain taim:

  • Wanpela papamama o bubu man o meri i mas memba bilong Sios.

  • Papa na mama i givim tok orait long kamapim rekot bilong em. (Sapos wanpela papa mama i gat ligal kastodi long dispela pikinini, tok orait bilong dispela papa mama inap)

Wanpela man o meri krismas bilong em i 9 o moa husat i gat membasip rekot tasol i no bin baptais na i no bin kisim konpemesen i no memba bilong rekot. Tasol, wod we dispela man o meri i stap bai holim dispela rekot i go inap em i kamap 18. Long dispela taim, sapos em i no laik baptais, bisop bai kensolim dispela membasip rekot. Tok orait bilong stek presiden i mas stap.

I no inap long kensolim ol rekot bilong ol lain husat i no baptais bikos long sampela kain disabiliti inap wanpela ligal gadien, o papamama i laikim olsem.

33.6.3

Ol Rekot bilong ol Nupela Wod Memba

Wod klek o wanpela asisten bai mekim kontek wantaim ol nupela wod memba bihain long ol rekot bilong ol i kamap long lukluk long Odinens Samari bilong Wanwan bai i stap stret.

33.6.6

Ol Rekot bilong ol Memba i Sev Ausait long Wod long Ples bilong ol

33.6.6.2

Ol rekot bilong ol Pul-Taim Misinari.

Lukim 24.6.2.8.

33.6.13

Ol Rekot bilong ol Pikinini bilong ol Papamama Husat Marit bilong ol i Buruk

Olgeta membasip rekot bai yusim ligal nem bilong man o meri, olsem i stap long lo bilong gavman o ples o kastom. Dispela go wantaim tu ol pikinini bilong ol papamama husat marit bilong ol i buruk.

Ol pikinini bilong ol papamama husat marit i buruk planti taim i save go long Sios miting long ol wod bilong tupela. Taim wanpela yunit tasol bai holim na apdetim ol opisel membasip rekot bilong pikinini, ol i ken kamapim wanpela narapela rekot ol i kolim aut-op-yunit memba rekot long narapela wod em i save go long em. Dispela bai halivim long gat ol inpomesen bilong pikinini long ol wod lis na ol rol bilong klas.

Ol pikinini wantaim aut-op-yunit memba rekot bai ken kisim koling insait long dispela yunit.

33.6.15

Surukim Ol Ristriksen long ol Membasip Rekot

Sapos wanpela memba i suruk taim ol membasip ristriksen o tambu o narapela bikpela asua i stap, bisop o wanpela klek i gat tok orait bai putim wanpela ristriksen o tambu long em i laik suruk. Em bai yusim LCR long mekim dispela.

Wanpela rekot i gat dispela ristriksen o tambu long suruk i no inap long surukim long nupela yunit inap prishud lida husat i putim dispela tambu i givim tok orait long em i ken suruk.

33.6.16

Rekot i kam long Fail “Address Unknown”

Sampela taim yu ken painim wanpela memba taim rekot bilong em i stap long dispela “address unkown file” long Sios hetkwata. Long dispela, wod klek bai rikwestim rekot taim em i yusim LCR.

33.6.17

Rekotim na Stretim Odinens Inpomesen

Lukim sapta 18.

33.6.19

Ol Odit bilong ol Membasip Rekot

Long wanwan yia stek klek o wanpela asisten bai mekim sua olsem wanpela audit of membership records bai i mas kamap long wanwan wod long LCR. Ol odit i mas pinis long June 30 bilong wanwan yia.

33.7

Ol Olpela Rekot Bilong Bipo

33.7.1

Ol Olpela Stori bilong ol Wod na Stek

Bikpela i tok strong olsem “wanpela stori bilong bipo long olgeta impoten” samting long Sios bilong Em i mas raitim na lukautim gut (Doctrine and Covenants 69:3; lukim tu ves 5; Alma 37:2).

Wanwan yunit insait long Sios i mas raitim go daun olgeta impoten samting i kamap long dispela yunit.

Pasin bilong lukautim ol stori bilong bipo em i wok bilong spirit bai strongim ol bilip bilong ol lain husat i raitim na ritim.

Stek klek o wanpela asisten stek klek bai redim ol stori bilong bipo i kamap long stek. Bisoprik bai bihainim wankain rot bilong wod. Ol instraksen i stap long Stake, District, and Mission Annual Histories long ChurchofJesusChrist.org.

33.8

Ol Rekot I Mas Stap Hait

Ol rekot bilong Sios i mas stap hait, maski ol i stap long pepa o long masin. Em ol samting olsem:

• Ol Membasip Rekot

• Ol Rekot Bilong Moni

• Ol Nouts i kam long ol miting

• Ol opisel pepa na dokumen (wantaim ol rekot long membasip kaunsil).

Ol lida bai mekim sua olsem ol inpomesen i kam long ol memba i stap:

• Long mak bilong wanem Sios i makim.

• Yusim long ol as tingting bilong Sios i gat tok orait.

• Givim tasol long ol lain i gat tok orait long yusim.

Inpomesen i stap long komputa i mas stap gut na i gat gutpela lukaut (lukim 33.9.1).

33.9

Pasin bilong Menesim ol Rekot

33.9.1

Lukautim

Olgeta rekot bilong Sios, ol ripot, na ol data insait long komputa o masin i mas gat gutpela lukaut agens long ol birua bai kisim, senisim, bagarapim, o soim aut. Ol dispela inpomesen i mas stap long hap i seif.

Ol masin bilong Sios i lus o ol man i stilim i mas ripotim hariap long. incidents.ChurchofJesusChrist.org. Pasin bilong yusim ol Sios inpomesen long rong we tu i mas ripotim.

33.9.1.1

Ol Yusanem na ol Paswod

Ol stek presiden, bisop, na ol narapela lida i mas noken tru serim ol yusanem na paswod bilong ol wantaim ol kaunsela, klek, eksekutiv sekreteri, o ol narapela.

33.9.1.3

Data I Mas Stap Long Ples Hait

Planti kantri i gat ol lo long lukautim wei bilong yusim ol data bilong wanwan. Dispela em wantaim tu ol membasip rekot na ol narapela Sios rekot i gat inpomesen bilong ol wanwan man meri. Ol lida husat i gat ol askim long ol aplikesen bilong data proteksen lo long lokol menesmen bilong ol Sios rekot i ken kontektim Sios data praivesi opis long [e-mail].