මව සහ දියණිය සක්‍රමේන්තු රැස්වීමකදී

29.

සභාවේ රැස්වීම්

29.0

හැඳින්වීම

පසුදවස්වල ශුද්ධවන්තයින් එකට එකතු වී නමස්කාර කිරීමට, එකිනෙකාව වැඩි දියුණු කිරීමට, සහ ශුභාරංචිය ඉගැන්වීමට සහ ඉගෙන ගැනීමට නිතර හමුවෙති (බලන්න ඇල්මා 6:6; මොරෝනි 6:5–6). ගැලවුම්කරුවාණන් මෙසේ පොරොන්දු වූවේය, “දෙදෙනෙක් හෝ තුන්දෙනෙක් හෝ මාගේ නාමයෙන් යම් තැනක රැස්ව සිටිත් නම් මම එතැන ඔවුන් මැද සිටිමි” (මතෙව් 18:20). එකට එකතු වී හමුවීම අපගේ හදවත් “එකමුතුවෙන් හා ප්‍රේමයෙන් එකට බැඳිය හැකි” එක් මාර්ගයකි (මොසායා 18:21).

කෙසේවෙතත්, රැස්වීමක් පැවැත්වීම මගින් යේසුස් ක්‍රිස්තුස්වහන්සේ කළාක් මෙන් සේවය කිරීම හා දේවසේවය කිරීම මග නොහැරිය යුතුය.

29.1

රැස්වීම් සැලසුම් කිරීම සහ මෙහෙයවීම

නායකයින් රැස්වීම් සැලසුම් කර පවත්වනු ලබන්නේ “දෙවියන්වහන්සේගේ ආඥාවන් සහ එළිදරව් වලට අනුව ශුද්ධාත්මයාණන්ගේ මගපෙන්වීම මගින් ය” (දහම සහ ගිවිසුම් 20:45; තවත් බලන්න මොරෝනි 6:9; දහම සහ ගිවිසුම් 46:2). ඔවුන් තම රැස්වීම්වලට ආත්මයාණන්ගේ බලපෑමට ආරාධනා කිරීමට මාර්ග සොයති.

රැස්වීම් ගණන සහ ඒවායෙහි දිග සාමාජිකයින්ට හෝ ඔවුන්ගේ පවුල්වලට බරක් ඇති නොකරන බවට නායකයින් සහතික කරති.

29.2

කොට්ඨාශ රැස්වීම්

29.2.1

සක්‍රමේන්තු රැස්වීම

අරමුණු

සක්‍රමේන්තුවට සහභාගි වීමෙන් යේසුස් ක්‍රිස්තුස්වහන්සේව සිහිපත් කිරීම. වෙනත් අරමුණු අතරට නමස්කාර කිරීම, ඇදහිල්ල සහ සාක්ෂිය ගොඩනැගීම සහ කොට්ඨාශයේ කටයුතු මෙහෙයවීම ඇතුළත් වේ.

සහභාගිවන්නන්

සහභාගී වන ලෙස සැමට ආරාධනා කරනු ලැබේ.

වාර ගණන

සෑම ඉරිදාවකම.

29.2.1.1

සක්‍රමේන්තු රැස්වීම සැලසුම් කිරීම

සභානායකත්වය විසින් සක්‍රමේන්තු රැස්වීම සැලසුම් කර මෙහෙයවනු ලබයි. එම රැස්වීමේ අවධානය, සක්‍රමේන්තුව සහ යේසුස් ක්‍රිස්තුස්වහන්සේ තුළ ඇදහිල්ල ගොඩනැගීම කෙරෙහි යොමුවන බව ඔවුන් සහතික කරති.

සක්‍රමේන්තු රැස්වීම පැයක් පවතී. එයට පහත සඳහන් දෑ ඇතුළත් විය හැකිය:

1. පූර්විකා සංගීතය (මාර්ගෝපදේශ සඳහා 19.3.2 බලන්න).

2. සුභ පැතීම සහ සාදරයෙන් පිළිගැනීම.

3. සංචාරය කරන මුලසුන දරන අධිකාරීවරුන්ව හෝ වෙනත් නායකයින්ව පිළිගැනීම.

4. නිවේදන. මේවා අවම මට්ටමක තබා ගත යුතුය.

5. ආරම්භක ගීතිකාව සහ යාච්ඤාව. බලන්න 19.3.2 සහ 29.6.

6. පහත සඳහන් දෑ වැනි කොට්ඨාශ සහ ස්ටේක කටයුතු:

   • නිලධාරීන් සහ ගුරුවරුන්ව ස්ථිර කිරීම සහ නිදහස් කිරීම (බලන්න 30.3 සහ 30.6).

   • ආරෝනික පූජකත්වයේ කාර්යාලයකට නියම කිරීමට සහෝදරයන්ගේ නම් ඉදිරිපත් කිරීම (බලන්න 18.10.3).

   • මෑතදී හැරුණු අය ඇතුළුව නව කොට්ඨාශ සාමාජිකයින්ව හඳුනා ගැනීම.

7. දරුවන්ට නම් තැබීම සහ ආශිර්වාද කිරීම (බලන්න 18.6). මෙය සාමාන්‍යයෙන් සිදු කරනු ලබන්නේ නිරාහාර සහ සාක්ෂි රැස්වීමකදීය (බලන්න 29.2.2).

8. අලුතින් හැරී ආ අයව ස්ථිර කිරීම (බලන්න 18.8).

9. සක්‍රමේන්තු ගීතිකාව සහ සක්‍රමේන්තුව පරිපාලනය. සක්‍රමේන්තුව යනු මෙම රැස්වීමේ ප්‍රධාන අවධානයයි. මෙම නියෝගය සාමාජිකයින්ට ඔවුන්ගේ සිතුවිලි ගැලවුම්කරුවාණන් සහ උන්වහන්සේ ඔවුන් වෙනුවෙන් කළ කැප කිරීම දෙසට යොමු කිරීමට අවස්ථාවකි.

   සක්‍රමේන්තුව සූදානම් කිරීම, ආශිර්වාද කිරීම සහ බෙදා දීම පිළිබඳ වැඩි විස්තර සඳහා, බලන්න 18.9.

10. ශුභාරංචි පණිවිඩ සහ සභා ගායනය හෝ වෙනත් සංගීතය.

11. අවසාන ගීතිකාව සහ යාච්ඤාව.

12. පසු සංගීතය.

29.2.1.4

කථිකයන් තෝරා ගැනීම

සභානායකත්වය විසින් සක්‍රමේන්තු රැස්වීම සඳහා කථිකයන්ව තෝරා ගනු ලබයි. බොහෝ විට ඔවුන් යෞවනයින් ඇතුළු කොට්ඨාශ සාමාජිකයින්ට ආරාධනා කරයි.

කථිකයන් යේසුස් ක්‍රිස්තුස්වහන්සේ පිළිබඳව සාක්ෂි දරන අතර ශුද්ධලියවිලි භාවිතා කරමින් උන්වහන්සේගේ ශුභාරංචිය උගන්වයි (බලන්න දහම සහ ගිවිසුම් 42:12; 52:9).

29.2.2

නිරාහාර සහ සාක්ෂි රැස්වීම

අරමුණ

සක්‍රමේන්තුවට සහභාගී වී යේසුස් ක්‍රිස්තුස්වහන්සේ පිළිබඳව සහ උන්වහන්සේගේ ශුභාරංචිය පිළිබඳ සාක්ෂි දැරීමෙන් එකිනෙකාව ශක්තිමත් කිරීම. නිරාහාරව සිටීමට හැකි නම් නිරාහාරව සිටිමින්ම මෙම රැස්වීමට පැමිණෙන ලෙස සාමාජිකයින්ව දිරිමත් කරනු ලැබේ.

සහභාගිවන්නන්

සහභාගී වන ලෙස සැමට ආරාධනා කරනු ලැබේ.

වාර ගණන

මසකට වරක්, සක්‍රමේන්තු රැස්වීම යනු නිරාහාර හා සාක්ෂි රැස්වීමකි. සාමාන්‍යයෙන් මෙය සිදුවන්නේ මාසයේ පළමු ඉරුදිනයි.

නිරාහාර සහ සාක්ෂි රැස්වීමකදී, පවරන ලද කථිකයන් හෝ විශේෂ සංගීත තේරීම් නොමැත. ඒ වෙනුවට, මෙහෙයවන පුද්ගලයා කෙටි සාක්ෂියක් දරයි. ඉන්පසු ඔහු සභාවේ සාමාජිකයන්ට ඔවුන්ගේ සාක්ෂි දරන ලෙස ආරාධනා කරයි. සාක්ෂි දැරීම යන්නෙන් අදහස් කරන්නේ ශුද්ධාත්මයාණන්ගේ ආනුභාවයෙන් ශුභාරංචි සත්‍යයන් ප්‍රකාශ කිරීමයි.

29.2.3

කොට්ඨාශ සම්මන්ත්‍රණය

අරමුණ

කොට්ඨාශ සම්මන්ත්‍රණයේදී, ස්ටේක නායකයින් විසින් කොට්ඨාශ නායකයින්ට සහ සාමාජිකයින්ට උපදෙස්, සහාය සහ දේවසේවය ලබාදෙති. කොට්ඨාශ සාමාජිකයින් විසින් ප්‍රධාන සහ ප්‍රාදේශීය නායකයින්ව ස්ථිර කරනු ලබති.

සහභාගිවන්නන්

සහභාගී වන ලෙස සැමට ආරාධනා කරනු ලැබේ.

වාර ගණන

නිරාහාර ඉරිදා හැර වෙනත් ඉරිදාවක, වසරකට වරක්.

29.2.4

සභානායකත්ව රැස්වීම

අරමුණ

එකට එක් වී සාකච්ඡා කර, කොට්ඨාශය සම්බන්ධ කාරණා ගැන තීරණ ගැනීම.

සහභාගිවන්නන්

සභානායකත්වය, කොට්ඨාශ ලිපිකරු සහ විධායක ලේකම්.

වාර ගණන

සාමාන්‍යයෙන් සතිපතා.

සලකා බැලිය යුතු කරුණු සඳහා පහත ඒවා ඇතුළත් විය හැකිය:

• කොට්ඨාශයේ ගැලවීමේ හා උත්කර්ෂවත් වීමේ කටයුතු සම්බන්ධීකරණය කිරීම.

• කොට්ඨාශයේ සිටින පුද්ගලයින් සහ පවුල්—විශේෂයෙන් යෞවනයින් සහ ළමුන්ව ශක්තිමත් කිරීම.

• පූජකවර නියෝග ඇතුළුව, එම නියෝග ලබා ගැනීමට සූදානම් විය හැකි සාමාජිකයන්ව හඳුනා ගැනීම.

• කොට්ඨාශ තනතුරු සඳහා කැඳවීමට සාමාජිකයින්ව හඳුනා ගැනීම.

29.2.5

කොට්ඨාශ මන්ත්‍රණ සභා රැස්වීම

අරමුණ

කොට්ඨාශයේ ගැලවීම සහ උත්කර්ෂවත් වීමේ කාර්යය ඉටු කිරීමට උදව් කිරීම (බලන්න 1.2).

සහභාගිවන්නන්

• සභානායකත්වය, කොට්ඨාශ ලිපිකරු සහ කොට්ඨාශ විධායක ලේකම්.

• වැඩිහිටි ගණපූරණ, සහන සමිති, තරුණ ගැහැණු ළමුන්ගේ, ප්‍රාථමික, සහ ඉරිදා පාසලේ සභාපතිවරුන්.

වාර ගණන

සාමාන්‍යයෙන් සතිපතා (නමුත් ඊට වඩා අඩු වාර ගණනක් වුවද හමුවිය හැකිය).

සභානායකවරයා කොට්ඨාශ මන්ත්‍රණ සභා රැස්වීම් සැලසුම් කරයි, මුලසුන හොබවයි සහ මෙහෙයවයි. සභානායකවරයා නොමැතිව එම මන්ත්‍රණ සභාව ප්‍රධාන තීරණ නොගනියි.

කොට්ඨාශ සංවිධාන නායකයින් කොට්ඨාශ මන්ත්‍රණ සභා රැස්වීම් සඳහා අවස්ථා දෙකකින් සහභාගී වේ:

1. සියලුම කොට්ඨාශ සාමාජිකයින්ට ආශිර්වාද කිරීමට උපකාර කරන කොට්ඨාශ සාමාජිකයින් ලෙස.

2. ඔවුන්ගේ සංවිධානවල නියෝජිතයන් ලෙස.

ඔවුන් එකට එක් රැස් වූ විට, කොට්ඨාශ මන්ත්‍රණ සභා සාමාජිකයින් මුළු මන්ත්‍රණ සභාවේම ඒකාබද්ධ උත්සාහයෙන් ප්‍රයෝජන ගත හැකි කරුණු සාකච්ඡා කරති. මෙම කාරණා සම්බන්ධයෙන් ඔහුගේ හෝ ඇයගේ සිතුවිලි සහ ආනුභාවය බෙදා ගැනීමට සෑම මන්ත්‍රණ සභා සාමාජිකයෙකුවම දිරිමත් කරනු ලැබේ.

කොට්ඨාශ මන්ත්‍රණ සභා රැස්වීම් සාමාන්‍යයෙන් පැයකට වඩා වැඩි කාලයක් පවත්වන්නේ නැත. ඒවා යාච්ඤාවකින් සහ කලින් රැස්වීම්වල පැවරුම් පිළිබඳ කෙටි වාර්තාවක් සමඟ ආරම්භ කරනු ලබයි. සභානායකවරයා විසින් පුද්ගලයන්ට සහ පවුල්වලට ආශිර්වාද කිරීම සඳහා වැඩියෙන්ම අවශ්‍ය වන කරුණු සඳහා ප්‍රමුඛත්වය ලබා දෙයි.

• යේසුස් ක්‍රිස්තුස්වහන්සේගේ ශුභාරංචිය අනුව ජීවත්වීම. සියලුම සාමාජිකයින්ට ඇදහිල්ල ගොඩනගා ගැනීමට, ගැලවීමේ නියෝග ලබා ගැනීමට සහ ඔවුන්ගේ ගිවිසුම් පවත්වා ගැනීමට උපකාර කිරීම.

• අවශ්‍යතා ඇති අයව රැකබලා ගැනීම. පුද්ගලයන්ට, පවුල්වලට සහ ප්‍රජාවට ආශිර්වාද කිරීම සඳහා සම්පත් සහ කුසලතා බෙදාගැනීම. කොට්ඨාශ සාමාජිකයින්ට ස්වාධීන වීමට උපකාර කිරීම. (බලන්න 22 වෙනි පරිච්ඡේදය.)

• ශුභාරංචිය ලබාගැනීමට සැමට ආරාධනා කිරීම. ශුභාරංචිය ගැන ඉගෙන ගන්නා අයගේ මෙන්ම නව සහ නැවත පැමිණෙන සාමාජිකයින්ගේ ප්‍රගතිය සමාලෝචනය කිරීම. සාමාජිකයින්ට ශුභාරංචිය අන් අය සමඟ බෙදා ගත හැකි මාර්ග සාකච්ඡා කිරීම. (බලන්න 23 වෙනි පරිච්ඡේදය.)

• සදාකාලය සඳහා පවුල් එකට එකතු කිරීම. දේවමාළිගා නියෝග ලබා ගැනීමට සූදානම් වන සාමාජිකයින්ගේ ප්‍රගතිය සමාලෝචනය කිරීම. දේවමාළිගා නිර්දේශයක් සඳහා සුදුසු වීමට තව තවත් සාමාජිකයින්ට උපකාර කිරීමට ක්‍රම සැලසුම් කිරීම. දේවමාළිගා සහ පවුල් ඉතිහාස කාර්යය සඳහා සාමාජිකයින්ට සහභාගී විය හැකි ආකාර ගැන සාකච්ඡා කිරීම. (බලන්න 25 වෙනි පරිච්ඡේදය.)

මන්ත්‍රණ සභා සාමාජිකයන් කිසියම් පුද්ගලික හෝ සංවේදී තොරතුරක් රහසිගතව තබාගත යුතුය (බලන්න 4.4.6).

29.2.6

කොට්ඨාශ යෞවන මන්ත්‍රණ සභා රැස්වීම

අරමුණ

කොට්ඨාශයේ යෞවනයින්ව ශක්තිමත් කිරීම. ගැලවීමේ සහ උත්කර්ෂවත් වීමේ කාර්යයට සහභාගී වීමට ඔවුන්ට උපකාර කිරීම (බලන්න 1.2).

සහභාගිවන්නන්

• සභානායකත්වය.

• පූජක ගණපූරණයේ සභානායකවරයාගේ එක් සහායකයෙක් සහ ගුරු සහ උපස්ථායක ගණපූරණ සභාපතිවරුන්.

• තරුණ ගැහැණු ළමුන්ගේ පන්ති සභාපතිවරුන් (හෝ කොට්ඨාශයේ ඇත්තේ තරුණ ගැහැණු ළමුන්ගේ එක් පන්තියක් නම් මුළු සභාපතිත්වයම).

• තරුණ ගැහැණු ළමුන්ගේ සභාපතිනිය

වාර ගණන

සාමාන්‍යයෙන් මාසිකව.

සෑම රැස්වීමකටම පෙර, සභානායකවරයා සහ මෙහෙයවන පුද්ගලයා විසින් සාකච්ඡා කළ යුතු අයිතම සමාලෝචනය කරයි.

• ගැලවීමේ හා උත්කර්ෂවත් වීමේ කාර්යය.

• කොට්ඨාශයේ යෞවනයින්ගේ අවශ්‍යතා සහ ඒවාට විසඳුම් සෙවීමේ ක්‍රම.

• අඩු ක්‍රියාකාරී හෝ නව සාමාජිකයින් වෙත ළඟා වීමට දරන ප්‍රයත්න.

• අවශ්‍යතා ඇති අයට සේවය කිරීමේ අවස්ථා ඇතුළු, ක්‍රියාකාරකම්. බොහෝ සැලසුම්, ගණපූරණ හෝ පන්ති සභාපතිත්ව රැස්වීම්වලදී සිදු කෙරේ (බලන්න 20 වෙනි පරිච්ඡේදය).

• දේවසේවය (බලන්න 21 වෙනි පරිච්ඡේදය).

• අලුතින් කැඳවූ ගණපූරණය සහ පන්ති සභාපතිත්වයන් පුහුණු කිරීම.

29.2.8

ඉරිදා රැස්වීම් සඳහා කාලසටහන්

ඉරිදා රැස්වීම් සඳහා කොට්ඨාශ පහත සඳහන් පැය දෙකක කාලසටහන් වලින් එකක් භාවිතා කරයි.

සැලැස්ම 1

මින්ත්තු 60	සක්‍රමේන්තු රැස්වීම
මින්ත්තු 10	පන්ති වලට සහ රැස්වීම් වලට මාරුවීම
මින්ත්තු 50	සෑම ඉරිදාවකම: බාලාංශය ඇතුළුව, ප්‍රාථමිකය මාසයේ පළමු සහ තෙවන ඉරිදා: ඉරිදා පාසල දෙවන සහ හතරවන ඉරිදා: පූජක ගණපූරණ රැස්වීම්, සහන සමිති රැස්වීම්, සහ තරුණ ගැහැණු ළමුන්ගේ රැස්වීම් පස්වන ඉරිදා: යෞවනයන් සහ වැඩිහිටියන් සඳහා රැස්වීම්. සභානායකවරයා විසින් මාතෘකාව තීරණය කර ගුරුවරුන්ව පවරයි.

සැලැස්ම 2

මින්ත්තු 50	සෑම ඉරිදාවකම: බාලාංශය ඇතුළුව, ප්‍රාථමිකය මාසයේ පළමු සහ තෙවන ඉරිදා: ඉරිදා පාසල දෙවන සහ හතරවන ඉරිදා: පූජක ගණපූරණ රැස්වීම්, සහන සමිති රැස්වීම්, සහ තරුණ ගැහැණු ළමුන්ගේ රැස්වීම් පස්වන ඉරිදා: යෞවනයන් සහ වැඩිහිටියන් සඳහා රැස්වීම්. සභානායකවරයා විසින් මාතෘකාව තීරණය කර ගුරුවරුන්ව පවරයි.
මින්ත්තු 10	සක්‍රමේන්තු රැස්වීමට මාරුවීම
මින්ත්තු 60	සක්‍රමේන්තු රැස්වීම

29.3

ස්ටේක රැස්වීම්

29.3.1

ස්ටේක සම්මන්ත්‍රණ

අරමුණ

ස්ටේක සම්මන්ත්‍රණයේ මූලික අරමුණ වන්නේ සාමාජිකයින්ට යේසුස් ක්‍රිස්තුස්වහන්සේ කෙරෙහි ඇති ඇදහිල්ල ශක්තිමත් කිරීමයි.

සහභාගිවන්නන්

ප්‍රධාන සැසිවාරයට සහභාගි වන ලෙස සැමට ආරාධනා කෙරේ. පහත විස්තර කර ඇති පරිදි, අනෙකුත් සැසි විශේෂිත සහභාගිවන්නන් සඳහා වේ.

වාර ගණන

සෑම වසරකටම දෙවරක්.

29.3.2

ස්ටේකයේ ප්‍රධාන පූජකවර රැස්වීම

අරමුණ

පූජකවරය දරන්නන්ට ඔවුන්ගේ රාජකාරි සඳහා උපදෙස් සහ අනුභාවය ලබාදීම.

සහභාගිවන්නන්

ස්ටේකයේ සියලුම පූජකවරය දරන්නන්.

වාර ගණන

සෑම වසරකටම වරක්.

29.3.3

ස්ටේකයේ පූජක නායක රැස්වීම

අරමුණ

පූජක නායකයින්ට ඔවුන්ගේ යුතුකම් ඉගැන්වීම, ඔවුන්ගේ හැකියාවන් වැඩි කිරීම, සහ ඔවුන්ගේ ඇදහිල්ල ශක්තිමත් කිරීම.

සහභාගිවන්නන්

• ස්ටේක සභාපතිත්වය.

• උසස් මන්ත්‍රණ සභාව.

• ස්ටේක සහ කොට්ඨාශ ලිපිකරුවන් (සහ අවශ්‍ය පරිදි සහකාර ලිපිකරුවන්).

• ස්ටේක සහ කොට්ඨාශ විධායක ලේකම්වරු.

• ස්ටේක තරුණ පිරිමි ළමුන්ගේ සභාපතිත්වය (සහ කැඳවා ඇත්නම් ලේකම්වරයා).

• සභානායකත්වයන්.

• වැඩිහිටි ගණපූරණ සභාපතිත්ව සහ ලේකම්වරුන්.

• ආරෝනික පූජකවර ගණපූරණ උපදේශකයන්.

වාර ගණන

සෑම ස්ටේක සම්මන්ත්‍රණයකම කොටසක් ලෙස පූජකවර නායකත්ව රැස්වීමක් පවත්වනු ලැබේ.

29.3.4

ස්ටේකයේ නායකත්ව රැස්වීම්

අරමුණ

කොට්ඨාශ සංවිධානයේ නායකයින්ට ඔවුන්ගේ රාජකාරි ඉගැන්වීම, නායකයින් සහ ගුරුවරුන් ලෙස දියුණු වීමට ඔවුන්ට උපකාර කිරීම, සහ යේසුස් ක්‍රිස්තුස්වහන්සේ කෙරෙහි ඔවුන්ගේ ඇදහිල්ල ශක්තිමත් කිරීම. මෙම රැස්වීම් වලදී, නායකයින් ද එක්ව සාකච්ඡා කර අදහස් හුවමාරු කර ගනිති.

සහභාගිවන්නන්

සියලුම ස්ටේක සහ කොට්ඨාශ සහන සමිති වල, තරුණ ගැහැණු ළමුන්ගේ, ප්‍රාථමිකයේ සහ ඉරිදා පාසලේ සභාපතිත්වයන් සහ ලේකම්වරුන්. ස්ටේක සභාපතිත්වයේ සාමාජිකයෙකු හෝ පවරා ඇති උසස් මන්ත්‍රණ සභා සාමාජිකයෙකු සහභාගී වී මුලසුන හොබවයි. මෙම සංවිධානවලට අනුයුක්ත කර ඇති ගුරුවරුන්, උපදේශකයින්, උසස් මන්ත්‍රණ සභා සාමාජිකයින් සහ සභානායකත්ව සාමාජිකයන්ට ද ආරාධනා කළ හැකිය.

වාර ගණන

සෑම වසරකටම වරක්.

29.3.5

ස්ටේකයේ උත්තම පූජක ගණපූරණ රැස්වීම

අරමුණ

ගණපූරණ සාමාජිකයින්ට ඔවුන්ගේ යුතුකම් සහ පූජකවරයට අදාළ මූලධර්ම ඉගැන්වීම.

සහභාගිවන්නන්

ස්ටේක උත්තම පූජක ගණපූරණයේ සියලුම සාමාජිකයන්.

වාර ගණන

අවම වශයෙන් වසරකට වරක්.

29.3.6

ස්ටේක සභාපතිත්ව රැස්වීම

අරමුණ

එකට එක් වී සාකච්ඡා කර, ස්ටේකය සම්බන්ධ කාරණා ගැන තීරණ ගැනීම.

සහභාගිවන්නන්

ස්ටේක සභාපතිත්වය, ස්ටේක ලිපිකරු, සහ විධායක ලේකම්වරයා.

වාර ගණන

නිතිපතා (සාමාන්‍යයෙන් සතිපතා).

29.3.7

උසස් මන්ත්‍රණ සභා රැස්වීම

අරමුණ

ස්ටේකයේ ගැලවීමේ සහ උත්කර්ෂවත් වීමේ කාර්යය පිළිබඳ එකට එක් වී සාකච්ඡා කිරීම (බලන්න 1.2).

සහභාගිවන්නන්

• ස්ටේක සභාපතිත්වය.

• උසස් මන්ත්‍රණ සභාව.

• ස්ටේක ලිපිකරු සහ විධායක ලේකම්වරයා.

වාර ගණන

හැකි නම් මසකට දෙවරක්.

29.3.8

ස්ටේක මන්ත්‍රණ සභා රැස්වීම

අරමුණ

ස්ටේකයේ ගැලවීමේ සහ උත්කර්ෂවත් වීමේ කාර්යය පිළිබඳ එකට එක් වී සාකච්ඡා කිරීම (බලන්න 1.2).

සහභාගිවන්නන්

• ස්ටේක සභාපතිත්වය.

• උසස් මන්ත්‍රණ සභාව.

• ස්ටේක ලිපිකරු සහ විධායක ලේකම්වරයා.

• ස්ටේක සහන සමිතියේ, තරුණ ගැහැණු ළමුන්ගේ සහ ප්‍රාථමිකයේ සභාපතිවරුන්.

• ස්ටේකයේ තරුණ තනි වැඩිහිටි නායකයින් සහ තනි වැඩිහිටි නායකයින් (කැඳවා ඇත්නම්).

වාර ගණන

හැකි නම් මාසිකව.

29.3.9

ස්ටේකයේ වැඩිහිටි නායකත්ව කමිටු රැස්වීම

අරමුණ

ගැලවීමේ සහ උත්කර්ෂවත් වීමේ කාර්යයේ දී කොට්ඨාශ නායකයින්ට සහාය දෙන ආකාරය ගැන එකට එක්ව සාකච්ඡා කිරීම. ස්ටේකයේ මෙම කාර්යය සඳහා ස්ටේක නායකයින්ගේ දැක්ම ක්‍රියාවට නැංවීමට උපකාර වන මාර්ග සැලසුම් කිරීම.

සහභාගිවන්නන්

• ස්ටේක සභාපතිත්වය.

• ස්ටේක සහන සමිතියේ සභාපතිත්වය (සහ කැඳවා ඇත්නම් ලේකම්වරයා).

• වැඩිහිටි ගණපූර්ණ සමඟ වැඩ කිරීමට පවරා ඇති උසස් මන්ත්‍රණ සභා සාමාජිකයින්.

වාර ගණන

අවශ්‍ය පරිදි.

29.3.10

ස්ටේකයේ යෞවන නායකත්ව කමිටු රැස්වීම

අරමුණ

ගැලවීමේ සහ උත්කර්ෂවත් වීමේ කාර්යයේ දී යෞවනයින්ව සම්බන්ධ කර ගැනීමේදී කොට්ඨාශ නායකයින්ට සහාය දෙන ආකාරය ගැන එකට එක්ව සාකච්ඡා කිරීම. ස්ටේකයේ සිටින යෞවනයින් සඳහා ස්ටේක මන්ත්‍රණ සභාවේ දැක්ම ක්‍රියාත්මක කිරීමට උපකාර වන මාර්ග සැලසුම් කිරීම.

සහභාගිවන්නන්

• ස්ටේක සභාපතිත්වයේ සාමාජිකයෙක්.

• ස්ටේක තරුණ පිරිමි ළමුන්ගේ සභාපතිත්වය (සහ කැඳවා ඇත්නම් ලේකම්වරයා).

• ස්ටේක තරුණ ගැහැණු ළමුන්ගේ සභාපතිත්වය (සහ කැඳවා ඇත්නම් ලේකම්වරිය).

• තරුණ ගැහැණු ළමුන් සහ ප්‍රාථමිකය යන සංවිධානවලට අනුයුක්ත කරන ලද උසස් මන්ත්‍රණ සභා සාමාජිකයින්.

වාර ගණන

අවශ්‍ය පරිදි.

29.3.11

ස්ටේකයේ සභානායකවරුන්ගේ මන්ත්‍රණ සභා රැස්වීම

අරමුණ

විශේෂයෙන් සභානායකවරුන්ට අදාළ අත්දැකීම් බෙදාගැනීම සහ ප්‍රශ්න විසඳීම.

සහභාගිවන්නන්

ස්ටේකයේ සිටින සියලුම සභානායකවරුන් සහ ශාඛා සභාපතිවරුන් මෙම මන්ත්‍රණ සභාවේ සාමාජිකයන් වේ. ස්ටේක සභාපතිවරයාට මෙම රැස්වීම් කිහිපයකට හෝ සියල්ලටම සහභාගී වීමට තෝරා ගත හැකිය. පැවරුම් සහ තීරණ පිළිබඳ වාර්තාවක් තබා ගැනීමට ස්ටේක ලිපිකරුවෙකු ද සහභාගී වේ.

වාර ගණන

අවම වශයෙන් කාර්තුවකට වරක්.

29.5

මිය ගිය පුද්ගලයන් සඳහා අවමංගල්‍ය කටයුතු සහ අනෙකුත් සේවාවන්

29.5.1

පොදු මූලධර්ම

මියගිය අය සඳහා සභාවේ පවත්වන සේවාවන් හි වැදගත් අරමුණක් වන්නේ ගැලවීමේ සැලැස්ම, විශේෂයෙන්ම ගැලවුම්කරුවාණන්ගේ වන්දිගෙවීම සහ මරණයෙන් නැවත නැගිටීම ගැන සාක්ෂි දීමයි. මෙම සේවාවන් ගෞරවනීය, අධ්‍යාත්මික අත්දැකීම් ලබාදෙන ඒවා විය යුතුය.

සභාවේ නායකයින් වෙනත් ආගම්වල හෝ කණ්ඩායම්වල චාරිත්‍ර මිය ගිය අය සඳහා සභාවේ සේවාවන්ට ඇතුළත් නොකළ යුතුය.

29.5.2

එම පවුලට සහය ලබාදීම

යේසුස් ක්‍රිස්තුස්වහන්සේගේ ගෝලයන් ලෙස, සභා නායකයන් සහ සාමාජිකයන් “ශෝකවන්නන් සමඟ ශෝක [වෙති], … තවද සැනසිල්ල අවශ්‍ය අය [සනසවති]” (මොසායා 18:–9). සාමාජිකයෙකු මිය ගිය විට, සභානායකවරයා පවුලේ අයට සැනසීම ලබා දීම සඳහා ඔවුන්ව බැහැදකියි.

සභානායකවරයා වැඩිහිටි ගණපූරණය සහ සහන සමිතිය ඇතුළුව කොට්ඨාශ සාමාජිකයින්ගෙන් සහාය ලබා දෙයි.

29.5.4

අවමංගල්‍ය සේවා (සංස්කෘතික ලෙස)

සභා ගොඩනැගිල්ලක හෝ වෙනත් ස්ථානයක හෝ සභානායකවරයා විසින් පවත්වනු ලබන අවමංගල්‍යයක්, සභා රැස්වීමක් සහ ආගමික සේවාවකි. එය අධ්‍යාත්මික අවස්ථාවක් විය යුතුය.

අවමංගල්‍ය කටයුතු නියමිත වේලාවට ආරම්භ කළ යුතුය. සාමාන්‍යයෙන්, සහභාගී වන අයට අනුග්‍රහයක් ලෙස, ඒවා පැය 1.5 කට වඩා නොපැවැත්විය යුතුය.

අවමංගල්‍ය කටයුතු සාමාන්‍යයෙන් ඉරිදා දින වලදී සිදු නොවේ.

29.6

සභා රැස්වීම්වල යාච්ඤා

සභාවේ රැස්වීම්වල යාච්ඤා කෙටි, සරල සහ ආත්මයාණන් විසින් මෙහෙයවන ඒවා විය යුතුය. බව්තීස්ම වූ ඕනෑම සභා සාමාජිකයෙකුට ආරම්භක හෝ අවසාන යාච්ඤාවක් ඉදිරිපත් කළ හැකිය. බව්තීස්ම නොවූ දරුවන්ට ප්‍රාථමිකයේදී යාච්ඤා කළ හැකිය.

29.7

ප්‍රවාහ රැස්වීම් සහ අන්තර්ජාලය හරහා රැස්වීම් පැවැත්වීම

සභානායකවරයාට, ව්‍යතිරේකයක් ලෙස, රැස්වීම් ශාලාවේ පැවැත්වෙන සක්‍රමේන්තු රැස්වීම් සහ අවමංගල්‍ය සහ මංගල උත්සව සජීවී ප්‍රවාහයකට අවසර දිය හැකිය.

සක්‍රමේන්තු රැස්වීමක සජීවී ප්‍රවාහයකට සක්‍රමේන්තුව බෙදාහැරීම ඇතුළත් නොවිය යුතුය.

සමහර රැස්වීම් සඳහා, සභානායකවරයා හෝ ස්ටේක සභාපතිවරයාට, පෞද්ගලිකව සහභාගී විය නොහැකි සාමාජිකයින් සඳහා අන්තර්ජාලය ඔස්සේ සහභාගී වීමට අවසර දිය හැකිය. මෙම රැස්වීම්වලට ඇතුළත් විය හැක්කේ:

• සභාපතිත්ව හෝ සභා මන්ත්‍රණ සභා රැස්වීම් වැනි නායකත්ව රැස්වීම්.

• ගණපූරණ, සහන සමිති, සහ තරුණ ගැහැණු ළමුන්ගේ රැස්වීම්.

• ඉරිදා පාසල් පන්ති.

• ප්‍රාථමික පන්ති සහ ගායන කාලය.