7.

Dispela Bisoprik

7.1

Dispela Bisop na ol Kaunsela bilong Em

Bisop i holim dispela prishud ki long lidim dispela wok bilong Sios insait long wod (lukim 3.4.1). Em na ol kaunsela bilong em i kamapim bisoprik.

Dispela bisop i gat faivpela namba wan wok:

• Em i prisaiding hai pris insait long dispela wod.

• Em i presiden bilong Aronik Prishud.

• Em i wanpela komon jas.

• Em i kodinetim dispela wok bilong salvesen na eksaltesen, wantaim tu lukautim ol lain i gat nid.

• Em i lukautim ol rekot, fainens moni na ol yus bilong ol mitinghaus.

Bikpela wok bilong bisop em long ol lain i wok long kamap bikpela insait long wod (dispela ol pikinini, yut, na yangpela singel manmeri). Long mekim em i lukluk gut long dispela wok, em bai deligetim ol planti asainmen (lukim 4.2.5).

7.1.1

Prisaiding Hai Pris

Bisop em i namba wan spiritual lida bilong wod long praimari.

7.1.1.1

Ol Wod Oganaisesen na Ol Prishud Kwarum

Bisop i gat wok bilong Rilif Sosaiti na Yang Wimen Oganaisesen insait long wod. Em i asainim ol kaunsela bilong em long wok bilong Sande Skul na Praimari oganaisesen na ol narapela wod progrem.

Ol wok bilong bisop long Aronik Prishud kwarum i stap insait long 7.1.2. Ol wok bilong em bilong ol eldas kwarum i stap insait long 8.3.1.

7.1.1.2

Ol Odinens na Blesing

Bisop i dairektim edministresen bilong ol dispela odinens na blesing insait long:

• Sakramen

• Givim Nem na Blesing long ol pikinini

• Baptisim na konfemesen bilong ol pikinini i gat 8-pela krismas i stap long rekod (ol konvet, lukim 31.2.3.2)

• Konferim dispela Aronik Prishud na odinesen i go long opis bilong dikon, tisa na pris

7.1.1.3

Ol Kaunsil na ol Miting

Bisop bai lidim wod kaunsil na wod yut kaunsil (lukim 29.2:5 na 29.2:6).

Bisoprik bai plenim ol sakramen miting na ol narapela wod miting in stap long lis insait long sapta 29.

7.1.1.4

Ol Koling na ol Rilis

Ol wok bilong bisop long mekim ol koling na ol rilis i stap long insait long sapta 30.

7.1.2

Presiden bilong Aronik Prishud.

Bisop i gat ol dispela wok olsem presiden bilong Aronik Prishud insait long wod. Ol kaunsela bilong em bai hailivim em.

• Sapotim ol papamana tisim ol yut.

• Lukluk long ol Aronik Prishud kwarum na ol Yang Wimen klas. Bisop em i presiden bilong kwarum bilong ol pris (lukim Doctrine and Covenants 107:87–88). Namba wan kaunsela bilong em i gat wok bilong kwarum bilong ol tisa. Namba tu kaunsela bilong em i gat wok bilong kwarum bilong ol dikon.

• Kaunsel wantaim wod Yang Women presiden.

• Bung olgeta taim wantaim wanwan yut.

7.1.3

Komon Jas

Bisop em i komon jas insait long wod (lukim Doctrine and Covenants 107:71–74). Em i gat ol dispela wok:

• Halivim ol yut na bikpela manmeri kamap woti na inap long wanpela temple rekomen.

• Kondaktim ol intaviu olsem i stap insait long 31.2.

• Bung wantaim ol wod memba husat i painim spiritual gaidens, husat i gat ol hevi long ol yet, o husat i mekim ol bikpela sin, halivim ol kisim hiling pawa bilong Jisas Krais.

• Aninit long daireksen bilong stek presiden, holim membasip kaunsil taim i gat nid. Long ol gaidlain, lukim chapter 32.

7.1.4

Kodinetim dispela Wok bilong Salvesen na Eksaltesen

Bisop bai kodinetim dispela wok bilong salvesen na eksaltesen insait long wod (lukim chapter 1). Ol kaunsela bilong em na ol narapela wod lida bai halivim em.

7.1.4.1

Lidim ol Wok long Lukautim Ol Lain wantaim Nid

Long moa inpomesen long olsem wanem bisop i save lukautim ol lain i gat nid, lukim 22.6.1.

7.1.5

Ol Rekod, Fainens, na ol Mitinghaus

Long moa inpomesen long ol rekod, lukim sapta 33. Long moa inpomesen long ol fainens samting, wantaim ol taiting, lukim sapta 34. Long moa inpomesen long ol mitinghaus, lukim sapta 35.

7.3

Wod Eksekutiv Sekreteri na ol Asisten Wod Eksekutiv Sekreteri

Bisoprik bai rekomendim wanpela i holim Melkisedek Prishud bai sev olsem wod eksekutiv sekreteri.

Em i gat ol dispela wok:

• Bung wantaim bisoprik na redim ol agenda olsem i asain.

• Sev olsem wanpela memba bilong wod kaunsil na kam long ol wod kaunsil miting.

• Mekim ol apoinmen bilong ol bisoprik.

7.4

Wod Klek na ol Asisten Wod Klek

Ol wok bilong ol wod klek na ol asisten wod klek i stap insait long 33.4.2.