Stek Lidasip

6.1

Ol As Tingting bilong Stek

Isaiah i toktok long las-de Saion olsem wanpela haus sel o tabenakel i banis wantaim ol pos (lukim Isaiah 33:20; 54:2).

Bikpela i kamapim ol stek “dispela bungim wantaim” bilong ol pipol bilong Em na “bilong lukautim, na … wanpela hap bilong hait” long dispela wol (Doctrine and Covenants 115:6).

6.2

Stek Presidensi

Ol stek presidensi i holim dispela prishud ki long lidim dispela wok bilong Sios insait long stek (lukim 3.4.1). Em na ol kaunsela bilong em i kamapim dispela stek presidensi. Ol bai lukautim ol memba bilong stek wantaim lav, halivim ol long kamap ol trupela lain long bihainim Jisas Krais.

Stek presidensi i gat fopela namba wan wok:

Em i prisaiding hai pris insait long dispela stek.
Em i lidim wok bilong salvesen na eksaltesen insait long dispela stek.
Em i wanpela komon jas.
Em i lukautim ol rekot, fainens moni na ol propati.

6.3

Ol Samting i no Wankain namel long Atoriti bilong Distrik Presiden na Dispela bilong Stek Presiden

Insait long wanwan memba distrik, wanpela i holim Melkisedek Prishud bai kisim koling olsem distrik presiden. Em bai sev olsem stek presiden tasol wantaim ol sampela samting i narakain liklik olsem:

Em i no presiden bilong hai pris kwarum. Ol dispela kain kwarum i oganais insait long ol stek tasol.
Wantaim dispela tok orait bilong misin presiden, wanpela distrik presiden i ken intaviu wantaim wanpela brata long odein olsem elda. Wanpela distrik presiden o narapela aninit long daireksen bilong em bai (1) presentim wanpela brata bilong sastenim na (2) mekim dispela odinesen (lukim 18.10.1.3, 18.10.3, na 18.10.4). Tasol, wanpela distrik presiden i noken odeinim ol patriak, hai pris, o bisop.
Wantaim tok orait bilong misin presiden, wanpela distrik presiden bai setim apat brans presiden (lukim 18.11).
Em bai no inap long rilisim ol pultaim misinari.
Em bai no inap long kondaktim temple rekomen intaviu o sainim ol temple rekomen (lukim 26.3.1).
Em bai no inap long statim wanpela membasip kaunsil inap em i gat tok orait i kam long misin presiden.

6.5

Hai Kaunsil

Dispela stek presidensi bai singautim 12 pela hai pis long kamapim dispela stek hai kaunsil (lukim Doctrine and Covenants 102:1; 124:131).

6.5.1

Makim dispela Stek Presidensi

Dispela stek presidensi bai asainim wanpela hai kaunsil long wanwan wod insait long stek.

Dispela stek presidensi tu bai asainim wanpela hai kaunsila i go long wanwan eldas kwarum insait long dispela stek.

Dispela stek presidensi bai asainim ol hai kaunsilas long instraktim ol dispela lain pipol long wok bilong ol long temple na famili histori na misinari wok:

Ol Eldas kwarum presidensi
Ol wod misin lida
Ol wod temple na famili histori lida

6.7

Ol Stek Oganaisesen

Dispela ol oganaisesen bilong stek Rilif Sosaiti, Yang Women, Praimari, Sande Skul, na Yang Men em ol presiden i lidim ol. Dispela ol presiden i sev aninit long daireksen bilong stek presidensi.

Dispela ol namba wan wok bilong ol dispela lida em long halivim stek presidensi na instraktim na sapotim ol wod oganaisesen presidensi.

6.7.1

Ol Stek Rilif Sosaiti, Yang Women, Praimari, na Sande Skul Presidensi

Ol memba bilong ol dispela presidensi i gat ol dispela wok:

Sev long stek kaunsil (ol presiden tasol).
Givim save na inpomesen long ol nupela oganaisesen presidensi.
Go het long givim sapot na instraksen. Toktok wantaim ol wod oganaisesen presidensi long lainim long ol nid bilong ol, toktok long ol nid bilong ol memba ol i sevim, na givim toktok long dispela inpomesen i kam long stek presidensi.
Instraktim ol wod oganaisesen presidensi long taim bilong ol lidasip miting (lukim 29.3.4).

6.7.2

Ol Stek Yang Men Presidensi

Dispela stek Yang Men presidensi i gat ol dispela wok:

Sev olsem wanpela risos long ol bisoprik long wok bilong ol bilong ol Aronik Prishud bretren.
Sev long dispela stek yut lidasip komiti (lukim 29.3.10).
Aninit long daireksen bilong dispela stek presidensi, plen na kodinetim ol stek Aronik Prishud ektiviti na kemp.