Ol Henbuk na kolin
3. Ol Prishud Prinsipel

“3. Ol Prishud Prinsipel,” Ol Seleksen i kam long Jeneral Henbuk (2023).

“3. Ol Prishud Prinsipel,” Ol Seleksen i kam long Jeneral Henbuk

famili i wokabaut arere long temple

3.

Ol Prishud Prinsipel

3.0

Introdaksen

Dispela Prishud em i atoriti na pawa bilong God. Thru long dispela prishud, Papa long Heven i inapim olgeta wok bilong Em “long bringim kam dispela laip i nogat dai bilong en na laip oltaim bilong man” (Moses 1:39). God i givim atoriti na pawa i go long ol pikinini man na meri bilong Em long ples graun long karim aut dispela wok (lukim  Sapta 1).

3.2

Ol Blesing bilong Prishud

Thru long ol kavanen na ol prishud odinens, God i mekim ol bikpela blesing i kamap long olgeta pikinini bilong Em. Dispela ol blesing i olsem:

  • Baptisim na membasip insait long Sios bilong Jisas Krais bilong ol Seint long Las de.

  • Dispela presen bilong Holi Gos.

  • Pasin bilong kisim sakramen.

  • Atoriti na pawa long sev insait long Sios koling na asainmen.

  • Pasin bilong kisim ol patriakel blesing na ol narapela prishud blesing bilong hiling, kamfot na gaidens.

  • Kisim endaumen wantaim pawa bilong God insait long temple.

  • Kisim siling wantaim ol famili bilong laip oltaim.

  • Promis bilong laip oltaim.

3.3

Melkisedek Prishud na Aronik Prishud

Insait long Sios, dispela prishud i gat tupela hap: dispela Melkisedek Prishud na dispela Aronik Prishud (lukim Doctrine and Covenants 107:1).

3.3.1

Melkisedek Prishud

Dispela Melkisedek Prishud em i “dispela Holi Prishud, bihainim Oda bilong Pikinini bilong God” (Doctrine and Covenants 107:3 ). Em i dispela pawa wea i mekim ol pikinini man na meri bilong God i ken kamap olsem Em (lukim Doctrine and Covenants 84:19–21; 132:19–20).

Thru long dispela atoriti, ol Sios lida i dairektim na edministarim olgeta spiritual wok bilong Sios (lukim Doctrine and Covenant 107:18).

Stek presiden em i dispela hai pris husat i prisaid insait long stek (lukim Doctrine and Covenants 107:8, 10; lukim tu Sapta 6 insait long dispela henbuk). Bisop em i hai pris i prisaid insait long wod (lukim Doctrine and Covenants 107:17; lukim tu Sapta 7 insait long dispela henbuk).

Long inpomesen long ol dispela opis na ol wok bilong Melkisedek Prishud, lukim 8.1.

3.3.2

Aronik Prishud

Dispela Aronik Prishud em i “narapela hap bilong … dispela Melkisedek Prishud” (Doctrine and Covenants 107:14). Em i gat ol ki bilong:

  • Ministaring bilong ol ensel.

  • Gospel bilong tanim bel.

  • Edministarim bilong ol odinens i go aut, wantaim tu baptisim long rausim ol sin.

(Lukim Doctrine and Covenants 13:1; 84:26–27; 107:20.)

Bisop em i presiden bilong ol Aronik Prishud insait long wod (lukim Doctrine and Covenants 107:15).

Long inpomesen long ol dispela opis na wok bilong Aronik Prisshud, lukim 10.1.3.

3.4

Prishud Atoriti

Prishud atoriti em i dispela tok orait long makim God na mekim samting long nem bilong Em. Insait long Sios, olgeta prishud atoriti i kamap aninit long daireksen bilong ol lain husat i holim prishud ki.

3.4.1

Ol Pridhud Ki

Ol Prishud ki em dispela atoriti long dairektim yus bilong prishud bilong ol pikinini bilong God.

3.4.1.1

Ol Husat i Holim Prishud Ki

Bikpela i putim antap long wanwan ol Aposel bilong Em olgeta ki wea i mas go stap long dispela kingdom bilong God long ples graun. Dispela sinia Aposel i stap laip, em Presiden bilong Sios, em dispela man tasol long ples graun i gat atoriti long eksasaisim olgeta dispela prishud ki (lukim Doctrine and Covenants 81:1–2; 107:64–67, 91–92; 132:7).

Aninit long daireksen bilong Presiden bilong Sios, ol prishud lida bai kisim ol ki bai ol i ken prisaid insait long eria bilong ol long wok. Ol dispela lida i stap wantaim olsem:

  • Ol stek na distrik presiden.

  • Ol bisop na ol brans presiden.

  • Ol Melkisedek na Aronik Prishud kwarum presiden.

  • Ol Temple presiden.

  • Ol Misin presiden na ol misineri treining senta presiden.

Ol dispela lida i kisim ol prishud ki taim ol i setim ol apat long ol koling bilong ol.

Ol Prishud ki ol i no nap givim long ol narapela, olsem ol , kaunsela na ol lokal prishud lida o ol presiden bilong ol Sios oganaisesen. Ol presiden bilong ol Sios oganaisesen i prisaid aninit long daireksen bilong ol lain husat i holim ol prishud ki (lukim 4.2.4).

3.4.1.2

Oda i go long Wok bilong Bikpela

Ol Prishud ki i mekim sua olsem ol dispela wok bilong salvesen na eksaltesen bai kamap long wanpela oda na gutpela pasin (lukim Doctrine and Covenants 42:11; 132:8). Ol lain husat i holim ol prishud ki i dairektim wok bilong Bikpela insait long ol wok eria bilong ol. Dispela atoriti long prisaid em i bilong ol wanwan wok bilong koling bilong dispela lida. Taim ol prishud lida i kisim rilis long koling, ol bai no moa holim ol dispela ki.

3.4.2

Givim Prishud na Mekim Odinesen

Aninit long daireksen bilong ol lain husat i holim prishud ki, dispela Aronik Prishud na dispela Melkisedek Prishud ol bai putim antap long ol Sios memba man husat i woti (lukim Doctrine and Covenants 84:14–17). Bihain long ol i putim pinis dispela prishud i stret, dispela man bai odein long dispela opis long dispela prishud, olsem diken o elda. Wanpela i holim prishud bai eksasaisim dispela prishud bihainim ol rait na wok bilong dispela opis (lukim Doctrine and Covenants 107:99).

Long moa inpomesen long pasin bilong givim prishud na mekim odinesen, lukim 8.1.1 na 18.10.

3.4.3

Pasin bilong givim wok i go daun long Prishud Atoriti long Sev insait long Sios

3.4.3.1

Setim Apat

Taim ol man na meri i set apat aninit long daireksen bilong ol lain i holim prishud ki, ol bai kisim atoriti i kam long God long mekim wok long dispela koling. Taim ol i rilis long dispela koling, ol i no moa gat dispela atoriti i go wantaim dispela koling.

Olgeta Sios memba husat i set apat long sev bai kisim dispela atoriti bilong God long mekim koling bilong ol. Eksampel:

  • Wanpela meri husat i kisim koling na bisop i setim em apat olsem wod Rilif Sosaiti i gat atoriti long dairektim ol wok bilong Rilif Sosaiti insait long dispela wod.

Olgeta husat i kisim koling na set apat bai sev aninit long daireksen bilong ol lain husat i prisaid long ol (lukim 3.4.1.2).

3.4.3.2

Asainmen

Ol Sios lida husat i prisaid ken deligetim atoriti long asainmen. taim ol man na meri i kisim ol dispela asainmen, ol bai givim ol atoriti i kam long God long mekim wok. Eksampel:

  • Namba wan Presidensi na Kwarum bilong ol Twelpela Aposol i givim atoriti i go long ol Seventi husat i gat asainmen long edminista long ol eria na long prisaid long ol stek konferens.

  • Ol i givim atoriti i go long ol Sios memba long sev olsem ol ministaring brata na susa.

Atoriti i kam wantaim asainmen em i gat mak long taim bilong em na tu kain wok na asainmen bai kamap.

3.4.4

Eksasaisim Prishud Atoriti Long Stretpela Pasin

Dispela atoriti i mas yusim tasol long stretpela pasin (lukim Doctrine and Covenants 121:36). Bai eksasaisim long pasin bilong pulim tingting bilong ol man, karim hevi longpela taim, isi pasin, lav na gutpela pasin (lukim Doctrine and Covenants 121:41–42).

Ol lain husat i eksasaisim prishud atoriti i no save fosim laik bilong ol long ol narapela. Ol i no save yusim long selpis pasin.

3.5

Prishud Pawa

Prishud pawa em i dispela pawa God i blesim ol pikinini bilong Em. Prishud pawa bilong God i ron olsem wara i go long olgeta memba bilong Sios—meri na man—taim ol i kipim ol dispela kavanen ol i mekim wantaim Em. Ol memba i kisim ol dispela kavaanen taim ol i kisim ol prishud odinens. (Lukim Doctrine and Covenants 84:19–20.)

Dispela ol blesing bilong prishud pawa ol memba i ken kisim i olsem:

  • Gaidens long laip bilong ol.

  • Gutpela tingting long save long sevim ol famili memba na ol narapela.

  • Strong long stap i go long pinis na winim olgeta salens.

  • Presen bilong Spirt long mekim bikpela lon save bilong ol.

  • Revelesen long save olsem wanem ol bai inapim ol wok ol i odein, set apat, o kisim asainmen long mekim.

  • Halivim na strong long kamap moa olsem Jisas Krais na Papa long Heven.

3.5.1

Ol Kavanen

Kavanen em i wanpela tambu promis namel long God na ol pikinini bilong Em. God i givim ol kondisen bilong ol dispela kavanen, na ol pikinini bilong Em mas wanbel long bihainim ol dispela kondisen. God i promis long blesim ol pikinini bilong Em taim ol i inapim ol kavanen.

Olgeta husat i stap strong i go long pinis wantaim kavanen bilong ol bai kisim laip oltaim (lukim 2 Nephi 31:17–20; Doctrone and Covenants 14:7).

Ol Papamama,Sios lida, na ol narapela bai halivim ol wanwan manmeri long redi long mekim ol kavanen taim ol bai kisim ol dispela odinens bilong gospel. Ol bai mekim sua olsem dispela man o meri i save gut long dispela kavanen em bai mekim. Bihain long wanpela man o meri i mekim kavanen, ol bai halivim em long kipim. (Lukim Mosiah 18:8–11, 23–26.)

3.5.2

Ol Odinens

Odinens em i wanpela tambu wok ol i mekim wantaim atoriti bilong prishud.

Long planti odinens, wanwan manmeri i mekim kavanen wantaim God. Eksampel i olsem baptisim, sakramen, endaumen, na dispela marit siling odinens.

Ol odinens bilong salvesen na eksaltesen i impoten bilong laip oltaim. Long moa infomesen, lukim 18.1.

3.6

Dispela Prishud na Hom

Olgeta Sios memba husat i kipim ol kavanen bilong ol—meri, man, na pikinini—bai kisim blesing wantaim prishud pawa bilong God insait long hom bilong ol long strongim ol yet na ol famili bilong ol (lukim 3.5). Dispela pawa bai halivim ol memba mekim salvesen na eksaltesen wok bilong God insait long wanwan laip bilong ol na famili bilong ol (lukim 2.2

Ol man i holim Melkisedek Prishud i ken givim prishud blesing i go long ol famili memba long givim daireksen, hiling na kamfot. Taim i gat nid, ol Sios memba i ken painim na kisim ol dispela blesing tu long ol narapela famili memba, ministaring brata, o lokal Sios lida.