E Uiga i Mekasini a le Ekalesia
O Le Uo: O Se Mekasini mo Tamaiti i le Lalolagi Atoa
E Faatatau i le Uo

“O Le Uo: O Se Mekasini mo Tamaiti i le Lalolagi Atoa,” Ian. 2021.

O Le Uo: O Se Mekasini mo Tamaiti i le Lalolagi Atoa

Mulimuli Faatasi Ia Iesu

Ata
teineitiiti o loo uuina le mekasini o le Uo

O Se Mekasini i le Lalolagi Atoa

O le mekasini o le Uo e valaaulia ai tamaiti i le lalolagi atoa e mulimuli faatasi ia Iesu. O lomiga taitasi o loo i ai tala o tusitusiga paia, savali faauo a tamaiti mai perofeta ma isi taitai o le Ekalesia, taaloga ma itulau valivali, ma tala o tamaiti i le lalolagi atoa o e ua faatinoina lo latou faatuatua i le Faaola. O le Uo o loo i ai anotusi punouai ma le faatuatua e faaliliuina i gagana e 48.

Mo Fanau o Vaitausaga Uma

Faatasi ai ma vaega aemaise lava mo tamaiti matutua atu ma tamaiti laiti ifo, o lomiga taitasi o le Uo o loo i ai foi manatu e fai ai afiafi faaleaiga ma le Sau, Mulimuli Mai ia te A‘u o ni lesona malie mo tamaiti o vaitausaga uma. E mafai ona fesoasoani le Uo i tamaiti ma aiga e faaleleia atili tomai faitautusi, faateleina le malamalama i le talalelei, ma ola latalata atili ia Iesu Keriso, lo latou Faaola ma uo.

Mo Matua ma Faiaoga

E mafai e matua ma faiaoga ona faaaoga le mekasini e fesoasoani e aoao atu ai tusitusiga paia faatasi ai ma le Sau, Mulimuli Mai ia te A‘u. O tala i le mekasini e mafai ona faaaogaina o se meafaigaluega mamana faafaiaoga ma amata ai ni talanoaga ma tamaiti e uiga i o latou lava aafiaga.

Vitio ma Isi

Ua lolomiina le Uo tala faatusi paia ma vitio o pesepesega mo tamaiti, faapea foi ma tala faatekinolosi e uiga i autu maaleale. Saili vitio ma isi i le ChurchofJesusChrist.org po o le polokalama o le Gospel Library.

Matou Te Fia Faalogo Atu Ia Te Outou!

E fia faalogo le Uo i tamaiti i le salafa o le lalolagi! Faamolemole auina mai ia i matou soo se mea o mea nei:

  • se taimi na e filifilia ai le mea tonu, tusa lava pe na faigata.

  • se ata po o se atatusi o oe i le malumalu

  • o se taimi na e fesoasoani ai i se tasi

  • o se faataitaiga o le auala e faaaoga ai e lou aiga le Uo (e aofia ai se ata!)

  • o se ata tusi po o isi galuega faatusiata o loo faaalia ai se tala faatusipaia, o Iesu, malumalu, ma isi mea faapena.

Auina mai lau tala po o le ata i le friend@ChurchofJesusChrist.org.