Na iTokani:: Dua na Mekasini e Vuravura Raraba me baleti ira na Gonelalai

Muri Jisu Vata Tu

taura tiko na goneyalewa na mekasini na iTokani

Dua na Mekasini e Vuravura Raraba

Na mekasini na iTokani sa sureti ira na gonelalai e vuravura raraba me ra muri Jisu vata. E tiko ena lavelave yadua na italanoa ni volanikalou, tukutuku veitokani-vagone mai vei ira na parofita kei na iliuliu ni Lotu tale eso, qito kei na rokataki draunipepa, kei na kedra italanoa na gone e vuravura raraba ka sa vakadeitaka tiko na nodra vakabauta na iVakabula. Na iTokani e tiko kina na lewenivola qaqaco ka tara-vakabauta e vakadewataki tu ena 48 na vosa.

Me Baleti Ira na Gone ena Veitabayabaki Kece Sara

Ena veiwase e baleti ira saraga na gone qase toka kei ira na gone sobu, na lavelave yadua ni iTokani e tiko talega kina na vakasama eso me lasa tu kina na lotu vakamatavuvale kei na lesoni ni Lako Mai, Mo Muri Au me baleti ira na gonelalai ena veitabayabaki kece sara. Na iTokani e rawa ni vukei ira na gone kei na matavuvale ni vakavinakataka na kila matau ni wilivola, vakalevutaka na kilai matua ni kosipeli, ka toro volekati Jisu Karisito tu, na nodra iVakabula ka itokani.

Kivei Ira na iTubutubu kei na Qasenivuli

E rawa ni ra vakayagataka na itubutubu kei na qasenivuli na mekasini me vukea na vakavulici ni ivolanikalou vata kei na Lako Mai, Mo Muri Au. Na talanoa eso ena mekasini e rawa ni vakayagataki me yaya kaukauwa ni veivakavulici ka tekivutaki kina na veivosaki kei ira na gone ena veika era sotakaya.

Vidio kei na Ka Tale Eso

Sa tabaka na iTokani na vidio ni italanoa ni volanikalou eso kei na vidio ni lagasere me baleti ira na gonelalai, vakakina na talanoa duadua ga vakalivaliva ni ulutaga bibi eso. Raica na vidio kei na so tale ena ChurchofJesusChrist.org se app ni Gospel Library.

Keitou Via Rogoci Iko Tu!

Sa vinakata na iTokani me rogoci ira na gone e veiyasai vuravura! Yalovinaka vakauta mai vei keitou e dua vei ira oqo:

• dua na gauna o digitaka kina na dodonu, ni dredre tu mada ga

• dua na kemu yaloyalo se droini ena valetabu

• dua na gauna o vukea kina e dua

• dua na ivakaraitaki ni sala e vakayagataka kina na nomu matavuvale na iTokani (okata e dua na yaloyalo!)

• dua na droini se cakacakaniliga tale eso e vakaraitaka tiko e dua na italanoa ni ivolanikalou, Jisu, valetabu, kei na so tale.

Vakauta na nomu talanoa se cakacakaniliga ki na [e-mail].

Ena itukutuku ni volayaca tu ki na iTokani, sikova na sitoa ni initaneti ka digitaka na vosa e gadrevi.

Me kilai: E rawa ni taura e tolu na vula me vakadeitaki kina na volayaca.