“Me iSakisaki ni Tabagone: Dua na Mekasini Vou ni Tabagone,” Janu. 2021.
Me iSakisaki ni iTabagone: Dua na Mekasini Vou ni iTabagone
Kune Reki vei Karisito
Dua na Mekasini ni Tabagone e Vuravura Raraba me Baleti Iko Ga!
Me iSakisaki ni Tabagone sa dua na mekasini me baleti iko ga. Sa tiko ena lavelave yadua na itukutuku veilaveti vakayalo eso mai vei ira na Apositolo kei na iliuliu ni Lotu tale eso, na vakadinadina kei na veika era sotava na itabagone e vuravura taucoko, itaviqaravi lasa eso, kei na so tale. O na raica ena tabana yadua na veivakauqeti kei na kaukauwa e rawa ni vukei iko mo kune reki vaka e dua na tisaipeli i Jisu Karisito.
Veitokoni ni Lako Mai, Mo Muri Au
E vuqa na itukutuku kei na itaviqaravi ena Me iSakisaki ni Tabagone sa tokona na nomu vulica na ivolanikalou e tiko ena Lako Mai, Mo Muri Au ena veivula. Oqo ena rawa ni vukea na vaqaqacotaki ni nomu vuli ivolanikalou vakai iko ka vakamatavuvale ka semati iko vei ira na tabagone e veiyasai vuravura ni ra vulica na ivolanikalou vata ga. Se vanua cava ga o vakaitikotiko kina, era na vakauqeti ka vukei iko na itukutuku oqo ni o segata tu mo bulataka na ka o sa vulica tiko mai na ivolanikalou ena veisiga!
Vakauta Mai Vei Keitou Na Nomu Talanoa
Me iSakisaki ni Tabagone sa via rogoci iko! O rawa ni veivuke ni vakalougatataki ira na itabagone vakataki iko e veiyasai vuravura. Na wasei ni veika o sotava ena bulataki ni kosipeli sa rawa ni vakauqeti ira na itabagone ena veivanua kecega.
Yalovinaka vakauta mai e dua ga vei ira oqo:
-
dua na gauna o a bulataka vakaidina kina na kosipeli, ni dredre tu mada ga
-
dua na bolebole a vukei iko ni rawata kina na nomu vakabauta na Kalou
-
eso na raititobu ena kena vakacava tu na lewena na Lotu i Jisu Karisito ena vanua o tiko kina
-
dua na gauna a vakaraitaka kina vei iko e dua na loloma dina va-Karisito
-
nomu vakadinadina
-
na talanoa tale eso e vakaraitaka na sala e sa vakalougatataka kina na nomu bula na kosipeli
Vakauta na nomu talanoa ki na ftsoy@ChurchofJesusChrist.org.
Levu Tale na iTukutuku Vakalivaliva
O kila tu li ni sa tabaka na Me iSakisaki ni Tabagone e levu na lewenivola mai na ka o na raica ena mekasini tabaki? Na veikuri ni ka vakalivaliva oqo e rawa ni kune ena ChurchofJesusChrist.org se app ni Gospel Library.
Me baleta eso tale na lewenivola lasa ka veilaveti, tovolea na app ni Gospel Living! E tiko kina e dua na idoladola e vakatawani tu ena kilakila mada, vidio, iba ni vuli ivolanikalou, pepa ni lalaga, kei na so tale.
Raica na “Mosoni Vakalivaliva” ena ikuri ni vakamacala ni lewenivola vakalivaliva baleti ira na tabagone.