Appendix

Principles of Learning Glossary

Mataupu Faavae o le Aoaoina o le Lisi o Upu

Agency

Faitalia: I le avea ai ma fanau a le Atua, ua ia i tatou le faitalia, po o le mana, e fai ai a tatou lava faaiuga. E mafai ona tatou filifili mea tatou te talitonu i ai, mea tatou te faia, ma ituaiga tagata tatou te avea ai.

“O le faitalia o le mafai lea ma se avanoa ua tuuina mai e le Atua ia i tatou e filifili ma faatino ai mo i tatou lava” Autu o le Talalelei, “Faitalia ma le Tali Atu Mo Oe Lava Ia,” ChurchofJesusChrist.org).

“Ona e alofa o Ia ia te oe, na tuuina mai ai e le Atua ia te oe le faitalia, po o le saolotoga e fai ai faaiuga. O lou faitalia e mafai ai ona e faia filifiliga lelei e taitai atu ai i le fiafia; e te tali atu ai foi mo filifiliga leaga, lea e taitai atu ai i le le fiafia vave pe i se taimi mulimuli ane. O le a le faasalaveia e le Atua au filifiliga; Na te faatagaina oe e filifili mo oe lava ia ma aoao mai taunuuga. Ae ua Ia ofoina mai le fesoasoani silisili e faatoilalo ai mea sese ma agasala—le mana faaola o Iesu Keriso. E tusa lava po o le a le leaga o ou tulaga po o le tele foi o filifiliga sese atonu na e faia, e mafai lava ona e filifili e sui ma maua le filemu e ala ia Iesu Keriso” (“O Loo I Ai le Atua mo Oe,” ComeuntoChrist.org).

Agent

Sui: O se sui o se tagata e i ai le tomai po o le mana e galulue ai mo i latou lava. I le avea ai ma fanau a le Atua, o i tatou o ni sui; ua ia i tatou le faitalia, po o le mana, e fai ai a tatou lava faaiuga. E mafai ona tatou filifili mea tatou te talitonu i ai, mea tatou te faia, ma po o ai tatou te avea ai.

Bible

Tusi Paia: “O le Tusi Paia o se tusi e paia o loo i ai le afioga a le Atua. I ona itulau uma, ua aoaoina ai e le Tusi Paia e faapea, e lē taofia lava e le Atua le alofa i Ana fanau. …O le mulimuli i aoaoga o loo i le Tusi Paia, e fesoasoani iā i tatou e iloa ai po o ai le Atua … ma malamalama lelei i le auala e finagalo o Ia tatou te ola ai. …”

“O Iesu Keriso o le Alo o le Atua o lē na afio mai i le lalolagi e laveai i tatou mai le agasala, faanoanoa, tuuatoatasi, tiga, ma isi mea. Sa aoao atu e Iesu ni lesona matagofie e uiga i le auauna atu ma le alofa ma sa ia faia le tele o vavega a o i ai o Ia i le lalolagi. I le Tusi Paia, e mafai ona tatou faitau i nei tala ma amata ona iloa le auala e mafai ona tatou faatoilaloina ai mea faigata faatasi ai ma le fesoasoani mai ia Iesu” (“O Le A Le Tusi Paia?,” ComeuntoChrist.org).

Book of Mormon

Tusi a Mamona: “O loo i ai i le Tusi a Mamona tusitusiga paia mai soo o Iesu. E pei lava ona fetalai atu le Atua ia Mose ma Noa i le Tusi Paia, sa Ia fetalai atu foi i tagata i Amerika. O nei alii, na ta’ua o perofeta, na tusia i lalo le afioga a le Atua. Na iu lava ina tuu faatasia a latou tusitusiga i se tusi e tasi e se perofeta e igoa ia Mamona. …

“O le Tusi a Mamona o se faamaoniga lea e alofa le Atua i Ana fanau uma ma e aofia ai i o latou olaga. E avea o se molimau i upumoni o loo i le Tusi Paia ma le paia ma aoaoga a Iesu Keriso” (“O Le A Le Tusi a Mamona?,” ComeuntoChrist.org).

Doctrine and Covenants

Mataupu Faavae ma Feagaiga: “O le Mataupu Faavae ma Feagaiga o se tusi o tusitusiga paia ua i ai faaaliga mai le Alii i le Perofeta o Iosefa Samita ma i nai isi perofeta o aso e gata ai. E tulagaese i tusitusiga paia ona e le o se faaliliuga o ni tusiga anamua.

“O le Mataupu Faavae ma Feagaiga o se tasi o tustusiga paia faavae e fa ua faaaogaina i le Ekalesia a Iesu Keriso o le Au Paia o Aso e Gata Ai (o le isi tolu o le Tusi Paia, le Tusi a Mamona, ma le Penina Tau Tele)” (Autu o le Talalelei, “Mataupu Faavae ma Feagaiga,” ChurchofJesusChrist.org).

Faith

Faatuatua: “O le faatuatua o se mataupu faavae o le faatinoga ma le mana. Soo se taimi tatou te galulue ai agai atu i se sini ta’uaogaina, ua tatou faatinoina le faatuatua. E faaali atu lo tatou faamoemoe mo se mea e le o mafai ona tatou vaaia. …”

“O le i ai o le faatuatua ia Iesu Keriso o lona uiga o le faalagolago atoa atu lea ia te Ia—faalagolago i Lona mana, atamai, ma le alofa. E aofia ai le talitonu i Ana aoaoga. O lona uiga o le talitonu e tusa lava pe tatou te le malamalama i mea uma, e malamalama i ai o Ia. Ona sa oo o Ia i o tatou tiga, mafatiaga, ma lē atoatoa uma, ua Ia silafia ai le ala e fesoasoani ai ia tatou tutu i luga a’e o o tatou faafitauli i aso taitasi. …(tagai i le Alema 7:11-12; Mataupu Faavae ma Feagaiga 122:8).”

“O le faatuatua e sili mamao atu nai lo na o le talitonu. Tatou te faaali atu lo tatou fatuatua e ala i faatinoga—i le ala tatou te ola ai. …”

“O le faatuatua o se meaalofa mai le Atua, ae e tatau ona tatou fafaga lo tatou faatuatua ia tumau ai le malosi. O le faatuatua e pei o se maso. Afai e faagaoioia, e tuputupu malosi. Afai e le toe gaoioi, e vaivai” (Autu o le Talalelei, “Faatuatua ia Iesu Keriso,” ChurchofJesusChrist.org).

God/Heavenly Father

Atua/Tama Faalelagi: “O le Atua le Tama, o Ia o le Atua Silisiliese tatou te talitonu i ai, tatou te tapuai i ai, ma tatou te tatalo i ai. O Ia o Lē Foafoa, o le Pule sili, ma Lē Faasaosao o mea uma. E atoatoa o Ia, e i ai le mana uma, ma e silafia mea uma” (Autu o le Talalelei, “O Le Atua le Tama,”ChurchofJesusChrist.org).

“O le Atua o lo tatou Tama alofa o loo i le Lagi. … O Ia o le Tamā o [tatou] agaga. … E alofa atoatoa [le Tama Faalelagi] i Ana fanau uma, e aofia ai ma oe. … E finagalo o Ia ia i ai se sootaga ma oe” (“O Le Alofa o le Atua,” ComeuntoChrist.org).

I tusitusiga paia, o le upu Atua e masani ona faaaoga e faasino ai i le Tama Faalelagi po o Iesu Keriso aua ua tuufaatasia i laua i le faamoemoega. Tatou te tatalo i lo tatou Tama Faalelagi.

Holy Spirit

Agaga Paia: “O le Agaga Paia, o se molimau lea i le Atua ma Iesu Keriso. … E tuuina mai e le Agaga Paia ia i tatou le faamafanafanaga, fesoasoani ia i tatou ia iloa le upumoni, ma molimau ia Iesu. … O se tasi o auala e mafai ona fesootai mai ai le Atua ia i tatou e ala mai i le Agaga Paia. E fetalai mai le Agaga Paia i o tatou mafaufau ma o tatou loto e ala i mafaufauga ma lagona” (“O Le Agaga Paia,” ComeuntoChrist.org).

Jesus Christ

Iesu Keriso: “O Iesu o le Faaola o le lalolagi ma o la tatou faataitaiga atoatoa. A o tatou mulimuli ia te Ia, tatou te maua le filemu ma le fiafia sili atu i le olaga. …”

“O Iesu Keriso o le Alo o le Atua. Na auina mai e lo tatou Tama Faalelagi Lona Alo, o Iesu Keriso, ina ia tauave i Ona luga ia agasala a i latou uma o e o le a ola i luga o lenei fogaeleele ma ia mafai ona faamagaloina i tatou. …”

“Sa soifua Iesu i se olaga atoatoa e faaali mai ai ia i tatou le ala e toe foi atu ai i lo tatou Tama Faalelagi. …”

“Sa puapuagatia Iesu ma maliu mo a tatou agasala. O le misiona a Iesu i le afio mai i le lalolagi o le laveaiina lea o i tatou mai a tatou agasala. Sa naunau o Ia e puapuagatia ma ositaulagaina o Ia lava e totogi ai le tau o a tatou mea sese ina ia mafai ona tatou salamo ma faamagaloina. …”

“Sa toetu Iesu ina ia mafai ona tatou toe ola. I le tolu o aso talu ona mavae Lona maliu, na toetu mai ai Iesu mai le tuugamau ma faaali atu i le toatele o Ana uo ma soo. O Ia le tagata muamua na toetu, o lona uiga na toe faatasia Lona agaga ma Lona tino faaletino atoatoa ina ua mavae le oti. Ona sa faatoilaloina e Iesu le oti, o le a toetutu uma i tatou i se aso” (“Mulimuli ia Iesu Keriso, o La Tatou Faataitaiga Atoatoa,” ComeuntoChrist.org).

Prayer

Tatalo: O le tatalo o “se fesootaiga faaaloalo ma le Atua lea e tuuina atu ai e se tagata le faafetai ma ole atu mo faamanuiaga. O tatalo e tuuina atu i lo tatou Tama Faalelagi i le suafa o Iesu Keriso” (Taiala i Tusitusiga Paia, “Tatalo,” ChurchofJesusChrist.org).

“O le Atua o lo outou Tama alofa i le Lagi, ma e finagalo o Ia e faafofoga mai ia te outou” (“O Le Auala e Tatalo Ai,” ComeuntoChrist.org).

Prophet

Perofeta: “O se perofeta o se tasi ua valaauina e le Atua e tuuina atu le taitaiga i le lalolagi atoa. Mai ia Aperaamo ma Mose e oo atu i perofeta soifua i aso nei, ua mulimuli le Atua i se mamanu o le taialaina o Ana fanau e ala i perofeta” (“E Fetalai Mai le Atua ia i Tatou e ala i Perofeta,” ComeuntoChrist.org).

Savior

Faaola: “O lē e faaolaina. … ‘Faaola’ o se suafa ma se faalagiga o Iesu Keriso” (Taiala i Tusitusiga Paia, “Faaola,” ChurchofJesusChrist.org).

O Iesu Keriso o lo tatou Faaola aua na Ia tuuina mai Lona soifua ma toetu mai ina ia mafai ona tatou faatoilaloina aafiaga o le agasala ma le oti ma toe nonofo faatasi ma le Atua.

“Sa puapuagatia o Iesu ma maliu mo a tatou agasala. O le misiona a Iesu i le afio mai i le lalolagi o le laveaiina lea o i tatou mai a tatou agasala. Sa naunau o Ia e puapuagatia ma ositaulagaina o Ia lava e totogi ai le tau o a tatou mea sese ina ia mafai ona tatou salamo ma faamagaloina. …”

“Sa toetu Iesu ina ia mafai ona tatou toe ola. I le tolu o aso talu ona mavae Lona maliu, na toetu mai ai Iesu mai le tuugamau ma faaali atu i le toatele o Ana uo ma soo. O Ia le tagata muamua na toetu, o lona uiga na toe faatasia Lona agaga ma Lona tino faaletino atoatoa ina ua mavae le oti. Ona sa faatoilaloina e Iesu le oti, o le a toetutu uma i tatou i se aso” (“Mulimuli ia Iesu Keriso, o La Tatou Faataitaiga Atoatoa,” ComeuntoChrist.org).

Scripture

Tusitusiga Paia: “Pe a tusitusi pe tautala tagata paia o le Atua e ala i le Agaga Paia, o a latou upu ‘o tusitusiga paia ia, o le finagalo lea o le Alii, o le mafaufau lea o le Alii, o le afioga lea o le Alii, o le siufofoga lea o le Alii, ma o le mana lea a le Atua mo le olataga’ (Mataupu Faavae ma Feagaiga 68:4). …

“O le faamoemoega autu o tusitusiga paia o le molimau lea ia Keriso ma taialaina fanau a le Atua ina ia mafai ona latou o mai ia te Ia ma maua le ola e faavavau (tagai i le Ioane 5:39; 20:31; 1 Nifae 6:4; Mosaea 13:33–35)” (Autu o le Talalelei, “Tusitusiga Paia,” ChurchofJesusChrist.org).