Xtikibʼankil

Li hu re tzolok re EnglishConnect a’an li rochb’een li hu EnglishConnect 1 choq’ reheb’ laj tzolonel. Wan li hu a’in re aatenq’ankil chixtzolb’al li Ingles ut re xkawob’resinkil laa paab’aal rik’ineb’ li kok’ k’anjel ut li seraq’. Tatxtenq’a ajwi’ chixtzolb’aleb’ li aatin ut chan ru k’uub’anb’ileb’ li raqal sa’ EnglishConnect sa’ li kaahib’ chi seeb’al: ab’ink, aatinak, ilok ru hu, ut tz’iib’ak. Li junjunq chi raqal sa’ li hu a’in jachb’ileb’ ru sa’eb’ li tasal li ch’olob’anb’ileb’ arin.

Conversation(s) (Aatinak-ib’)

Sa’ xtiklajik li junjunq chi raqal wan jun malaj wiib’ oxib’ li aatinank-ib’. Li rajb’al a’an xk’utb’aleb’ li aatin, li jolomil na’leb’, ut chan ru k’uub’anb’il li raqal, ut re aatenq’ankil chi ab’ink ut chi ilok ru hu. Juntaq’eet lix tusulal li junjunq chi tasal re “Conversation.”

Listen. Ab’i chixjunil li nayeeman.
Listen and repeat. Ab’i li aatin chi tzoltzol, ut yaab’asi li nakawab’i.
Write the missing word. Tz’iib’aheb’ li aatin li sachenaqeb’ sa’ li raqal chi aatin. Sik’ ru sa’ xyanqeb’ li aatin sa’ li kaaxukuut.
Read aloud. Yaab’asiheb’ li aatin re naq tat-usaaq chi aatinak.
Answer the questions (moko wan ta sa’ chixjunileb’ li raqal) Li raqal a’in naxk’e reetal ma nakataw ru li xyeeman.

Activities 2–8 (Li kok’ k’anjel 2–8)

Jalan jalanq xk’ihaleb’ li kok’ k’anjel sa’ li junjunq chi raqal. Sa’eb’ li kok’ k’anjel wan li gramatica; kok’ k’anjel re ilok ru hu, tz’iib’ak, ab’ink, ut aatinak; ut eb’ li seraq’. Taaqe lix ch’olob’ankil li junjunq xraqalil li k’anjel. Sa’eb’ li kok’ k’anjel re ab’ink, k’e reetal rajlil ut xleetril li k’anjel sa’ li chapb’il audio—jo’ sa’ “Activity 2B.” Sa’eb’ li kok’ k’anjel re aatinak, chijultiko’q aawe aatinak chi kaw xyaab’ aakux. Naru taataw ma us laa sumenkil sa’ “Answer Key” sa’ xraqik li hu a’in.

Practice Partner Instructions (Xch’olob’ankil li aatinak sa’ ka’kab’il)

Li tasal a’in tatxtenq’a chi aatinak sa’ Ingles rik’in roksinkil li k’a’ru xatzol sa’ li raqal a’in. Rik’in jun laa wochb’een, tz’il rix li tasal “Vocabulary” sa’ xraqik li hu a’in, ut b’aanuhomaqeb’ li kok’ k’anjel sa’ li tasal a’in. Yaab’asi li jo’ k’ihal naru chawu sa’ li junjunq chi k’anjel. Oksi li hoonal a’in re xyalb’al aaq’e chi aatinak sa’ Ingles.

Expansion Activities (Li kok’ k’anjel re xnimob’resinkil laa seeb’al)

Eb’ li seraq’ ut kok’ k’anjel a’in tate’xtenq’a chixnimob’resinkil laa seeb’al chi ilok ru hu, aatinak, ut tz’iib’ak sa’ Ingles, ut chixnimob’resinkil laa paab’aal chirix li Jesukristo. Wan jun seraq’ li nawaklesin ch’oolej jo’ xch’oolil li junjunq chi tasal re “Expansion Activities.” Sa’ li tasal a’in, b’aanu a’in:

Learn the vocabulary. Tzol li naraj naxye li junjunq chi aatin ut ch’ol aatin sa’ li tasal a’in naq maji’ nakawil li seraq’. Xb’aanunkil a’an tatxtenq’a chixkawresinkil aawib’ chirilb’al li seraq’ ut chixtawb’aleb’ ru li jolomil aatin ut ch’ol aatin chi sa’.
Listen. Ab’i chixjunil li seraq’. Naru taab’aanu a’in jo’ k’ihal sut nakawaj.
Read aloud. Yaab’asi li seraq’ re tat-usaaq sa’ rilb’aleb’ ut xyeeb’aleb’ li aatin, ut re naq taataw ru li seraq’. Naru nakawab’i li seraq’ wi’chik ut nakayaab’asi naq yookat chirab’inkil.
Learn the vocabulary. Eb’ li aatin a’in tate’xtenq’a chixtawb’aleb’ ru li raqal ut aatin re li loq’laj hu li wankeb’ sa’ li seraq’. Tzol li naraj naxye li junjunq chi aatin ut ch’ol aatin naq maji’ nakawileb’ li raqal ut aatin re li loq’laj hu.
Read aloud. Re tat-usaaq sa’ rilb’aleb’ ut xyeeb’aleb’ li aatin, k’e reetal naq taayaab’asiheb’ li raqal ut aatin re li loq’laj hu naab’al sut.
Ponder. Eb’ li patz’om a’in tate’xtenq’a chixk’oxlankil li na’leb’ li k’utb’il sa’ li seraq’. K’e aahoonal chixk’oxlankileb’. Maare taawaj xtz’iib’ankil laa sumehom choq’ reheb’ li patz’om.
Write. Sa’ li tasal a’in taab’aanu jun k’anjel re tz’iib’ak li tatxtenq’a chixyu’aminkil li na’leb’ re li seraq’.
Speak. Sa’ li tasal a’in taab’aanu jun k’anjel re aatinak li tatxtenq’a chi aatinak chirix li seraq’ li xawil ut li na’leb’ li xatzol. Jo’ xcha’aleb’ li k’anjel a’an taaka’suti li seraq’, taaye jun aanumsihom, malaj taawotz jun na’leb’ ut meta rik’ineb’ jalan chik kristiaan.

Na’leb’ chirix li ch’olob’ank li natawman sa’ li hu a’in

Li tusleb’ a’in naxk’uteb’ li ch’olob’ank li neke’okisman chi kok’ aj xsa’ sa’ li hu a’in. Eb’ li eetalil neke’xk’ut k’a’ru li seeb’al li taa’oksimanq sa’eb’ li k’anjel. Il lix jaltesinkil ru li ch’olob’ank wi ink’a’ nakataw ru sa’ Ingles.

Listening

Li ab’ink

Listen.	Ab’ink.
Listen and repeat.	Ab’ink ut ka’sutink.
Listen to the question / example.	Ab’i li patz’om / eetalil.
Listen and read.	Ab’ink ut ilok ru hu.
Listen, and then answer the question.	Ab’i, toja’ naq taasume li patz’om.
You may listen more than once.	Naru taawab’i k’iila sut.

*Naru natawman li audio choq’ re li hu a’in sa’ li Biblioteca del Evangelio malaj sa’ englishconnect.org/audio.

Speaking

Li aatinak

Repeat.	Ka’sutink.
Answer aloud.	Sumen chi kaw xyaab’ akux.
Introduce __________.	Ch’olob’ li __________.
Retell the story.	Ye li seraq’ wi’chik.
Tell the story / scripture to _________.	Ye li seraq’ / li raqal re li loq’laj hu re _________.
Practice saying the questions aloud.	Yal xyaab’asinkileb’ li patz’om.
Say __________.	Ye __________.
Practice saying __________.	Yal xyeeb’al __________.

Reading

Rilb’al ru li hu

Read aloud.	Yaab’asink.
Read aloud, then listen.	Yaab’asink, ut ab’ink.
Read the question.	Il li patz’om.
Study the chart.	Tz’il rix li kaaxukuut.
Choose the correct response.	Sik’ ru li sumehom li yaal.
Choose all that are correct.	Sik’eb’ ru chixjunil li yaaleb’.
Say Answer the questions.	Sumeheb’ li patz’om.
Number the pictures.	K’e rajleb’ li jalam-uuch.
Learn the vocabulary.	Tzoleb’ li aatin.
Read the scriptures aloud.	Yaab’asiheb’ li loq’laj hu.
Ponder.	K’oxlak.

Writing

Li tz’iib’ak

Write the missing / correct word.	Tz’iib’a li aatin li maak’a’ / li yaal.
Rewrite the complete sentence.	Tz’iib’a wi’chik li ch’ol aatin.
Write what you hear.	Tz’iib’a li nakawab’i.
Fill in the blanks / missing words.	Tz’iib’a li aatin sa’ li yamyo / li maak’a’eb’.
Write an / the answer (in a complete sentence).	Tz’iib’a jun / lix sumenkil (sa’ jun tz’aqal ch’ol aatin).
Finish the sentence.	Tz’aqob’resi ru li ch’ol aatin.
Be creative.	K’anjela laa seeb’al.

Li xtzolb’al jun li ak’ aatinob’aal naraj hoonal, kuyuk, ut kawilal. Li Dios naru tatxtenq’a rik’ineb’ laa meta. Tijon re xk’ulb’al aatenq’. K’e aach’ool chixchoyb’aleb’ li k’anjel sa’ li hu a’in. Yu’ami li k’a’ru nakatzol. Wi taasik’ rik’in aapaab’aal lix tenq’ li Dios ut taayal aaq’e chi anchal aach’ool, laa seeb’al chi aatinak, ab’ink, ilok ru hu, ut tz’iib’ak sa’ Ingles taanimanq.

Sahil ch’oolejil choq’ aawe sa’ xtzolb’al li Ingles!