Maʻá e Kau Tokoní

Fakamālō atu ʻi hoʻo loto-fiemālie ke ngāue ko ha tokotaha tokoní. ʻI he fatongiá ni, te ke kau ai ʻi ha meʻa fakaofo. ʻE tokoni hoʻo ngaahi ngāué ke taki ha kulupu tokosiʻi ʻo ha niʻihi fakafoʻituitui ke nau hoko ʻo matuʻuaki fakaeloto ange ʻi heʻenau moʻui ʻaki e ngaahi tefitoʻi moʻoni ʻo e ongoongoleleí mo ako e ngaahi taukei ngāué. ʻOku ʻikai fiemaʻu ia ke ke hoko ko ha mataotao, pea ʻoku ʻikai ke ke haʻisia ki he meʻa ʻoku ʻohake ʻe he niʻihi kehé; muimui pē ki he naunaú pea fakafalala ki he ueʻi mei he Laumālié pea mo e kulupú.

ʻOku kehe hono tokoniʻi e kulupu ko ʻení mei he ngaahi kalasi kehe ki he moʻui fakafalala pē kiate kitá. Neongo ʻe lava ke ngāue ʻa e kalasi ko ʻení mo ha ngaahi kulupu kehekehe, ka kuo mahino mei he meʻa kuo aʻusiá ko e tokolahi lelei taha ki ha kulupu ʻi he kalasi ko ʻení ko e toko 8 ki he 10. ʻOku pelepelengesi e ngaahi tefito ʻi he tohi lēsoni ko ʻení, pea ʻe ʻi ai ha niʻihi te ne fuʻu ongoʻi loto-māfana ʻaupito. Kapau ʻe hoko ʻeni, kātaki ʻo maʻu ha mahino ki he lahi taha ʻe lavá. Ko e tokolahi taha ʻo kinautolu ʻe kau mai ki he kulupú te nau fakavave ke fai ha tokoni ki he niʻihi kehé.

Kapau ʻoku fakaʻaongaʻi e naunau ko ʻení ki ha ngaahi kulupu toʻutupu, ʻoku fokotuʻu atu ke taʻu 16 pe lahi ange ʻa kinautolu ʻe kaú pea ʻi ai mo ha kakai lalahi ʻe toko ua. Kapau ʻokú ke hohaʻa ki he tuʻunga malu ʻa ha toʻutupu koeʻuhí ko ha meʻa kuó ne vahevahe ʻi ha fakatahaʻanga, kātaki ʻo fakahā ke ʻilo ʻe he mātuʻá pe tauhi fānaú.

ʻOku ʻoatu ʻi lalo ha ngaahi tūkunga te ke ala fehangahangai mo ia pea mo ha ngaahi tali ʻe ala fakahoko.

Tūkunga	Tali ʻe Ala Fakahokó
Tūkunga ʻOku heva atu e feʻinasiʻakí ʻi he taimi kuo vahe angé.	Tali ʻe Ala Fakahokó Fili ha mēmipa ʻo e kulupú ke hoko ko ha tauhi-taimi. “ʻOku ou houngaʻia he mahuʻinga e meʻá ni kiate kimoutolú, ka ʻoku fiemaʻu ke tau hoko atu ke tau tauhi pē taimí.”
Tūkunga ʻOku fuʻu lahi e vahevahe ʻa ha tokotaha pe ʻokú ne fakaaoao ʻi he fealēleaʻaki fakakulupú.	Tali ʻe Ala Fakahokó “Fakamālō atu hoʻo vahevahé. ʻOku fiemaʻu ke tau ʻoange ha ngaahi faingamālie ki he niʻihi kehé ke nau vahevahe.”
Tūkunga ʻOku fakaʻaongaʻi ʻe ha tokotaha ʻoku kau mai ha fakaikiiki ʻoku fuʻu tōtuʻa ke fakamatalaʻi ʻaki ha tūkunga pe faingataʻa.	Tali ʻe Ala Fakahokó “ʻOku hangē ia ha tūkunga faingataʻá. ʻOku ou fie fakamanatu atu kiate koe, pea mo kitautolu kotoa, ʻoku ʻikai ke tau loko maʻu e taimi pe taukei ke fakaleleiʻi e palopalema ko iá.”

Ko Hono Tali e Ngaahi Tūkunga Faingataʻá

Kapau ʻe kei hokohoko atu pē ʻa e fakalalahi e ngaahi ongo fakaelotó lolotonga ha fakataha, fakakaukau ke fokotuʻu ange ke mou kiʻi mālōlō taimi nounou. Talanoa makehe mo e tokotahá. Te ke lava ʻo fehuʻi ange ki he tokotaha ʻoku kau maí, “ʻOkú ke sai pē? Hangē ʻokú ke fuʻu hohaʻá. ʻOku ʻi ai nai ha meʻa ʻe lava ke u fai ke tokoni ai?” ʻOku totonu ke vakaiʻi ʻe he tokotaha tokoní ʻoku malu e niʻihi kotoa ʻoku kau maí kimuʻa pea nau mavahe mei he fakatahá. Kapau ʻe fakamanamanaʻi pe fakalaveaʻi ʻe he tokotaha ʻoku kaú ha taha, kole ki he tokotahá ke mavahe, tā ki he kau polisí, pea fetuʻutaki ki he kau taki lakanga fakataulaʻeikí he taimi pē ko iá. Feinga ke ke maheni mo e Ngaahi Fakahinohino ki hono Maluʻi ʻo e ʻApisiasí, ʻa ia ʻoku lava ke maʻu atu mei hoʻo pīsopé.

Laukonga:

Ko e kulupu ko ʻení ki he ngaahi taumuʻa fakaako pē. ʻOku ʻikai ko ha kulupu talatalaifale pe faitoʻo fakapalōfesinale ia ki he ngaahi palopalema fakaeʻatamaí. Kapau ʻokú ke hohaʻa ki he malu ʻa ha taha ʻi he kulupú, feinga ke ke tokoniʻi ia ke fakapapauʻi ʻoku malu e tokotaha ko iá. Kapau ʻoku ʻikai ke ke lava ʻo fai ia, mahalo ʻe fiemaʻu ke ke fetuʻutaki ki hoʻo kau maʻu mafai fakalotofonuá ke fakapapauʻi ʻoku malu e mēmipa hoʻo kulupú.

FAKAHOKO

FAKAHOKO KIMUʻA HE FAKATAHA KOTOA PĒ Download e ngaahi vitioó. (Vakai, “Manuals and Videos” ʻi he srs.ChurchofJesusChrist.org.) Vakaiʻi pe ʻoku ngāue e naunau fakavitioó. Toe vakaiʻi nounou e vahé. Teuteuʻi fakalaumālie koe. LOLOTONGA E FAKATAHA KOTOA PĒ Kamata mo fakaʻosi he taimi totonu. Kamata mo fakaʻosi e fakataha kotoa ʻaki ha lotu. Poupouʻi e tokotaha kotoa ke nau vahevahe kapau te nau loto ki ai. Fili ha taha ke tauhi-taimi. Poupouʻi e tokotaha kotoa ke kau mai. Hoko ko ha mēmipa ʻo e kulupú. Fakahoko, tauhi mo lipooti hoʻo ngaahi tukupaá. Fiefia pea fakafiefiaʻi ʻa e lavameá. Falala mo muimui ki he tohi ngāué. HILI E FAKATAHA KOTOA PĒ Siviʻi koe ʻo fakaʻaongaʻi e “Siviʻi Fakafoʻituitui ʻe he Tokotaha Tokoní Ia” (hili ʻa e konga ko ʻení). Fetuʻutaki mo poupouʻi e kau mēmipá he lolotonga e uiké. ʻOatu ki he ki he tokotaha mataotao fakasiteiki ki he moʻui fakafalala pē kiate kitá e fakamatala fakamuimuitaha fekauʻaki mo e fakalakalaka ʻa e kulupú.

ʻOUA NAʻA FAKAHOKO

ʻOUA NAʻA FAKAHOKO KIMUʻA HE FAKATAHA KOTOA PĒ Teuteuʻi ha lēsoni. LOLOTONGA E FAKATAHA KOTOA PĒ Akoʻi pe hoko ko ha tokotaha taukei. Lea lahi ange ʻi he niʻihi kehé. Tali kotoa e ngaahi fehuʻí. Hoko ko e fakamaʻunga ʻo e tokangá. Nofo ʻi muʻa he tēpilé. Tuʻu ʻo fai ha tokoni. Hiki fakalaka mei he konga “Fakalaulaulotó”. ʻOatu hoʻo fakakaukaú ʻi he hili e tali takitaha. Liliu pe fakalahi e ngaahi ʻekitivitií.

Siviʻi Fakafoʻituitui pē ʻe he Tokotaha Tokoní Ia

Toe vakaiʻi ʻa e fakamatala ʻi laló, ʻi he ʻosi ʻa e fakataha fakakulupu kotoa pē. ʻOku lelei fēfē hoʻo ngāué?

ʻOku Fēfē ʻEku Fakahoko e Fatongia ʻo ha Tokotaha Tokoní?	ʻIkai ʻaupito	Taimi pē ʻe niʻihi	Taimi lahi	Maʻu pē
ʻOku Fēfē ʻEku Fakahoko e Fatongia ʻo ha Tokotaha Tokoní? 1. ʻOku tuʻunga tatau e taha kotoa pē ʻoku kau maí.	ʻIkai ʻaupito	Taimi pē ʻe niʻihi	Taimi lahi	Maʻu pē
ʻOku Fēfē ʻEku Fakahoko e Fatongia ʻo ha Tokotaha Tokoní? 2. ʻOku ou tuku ke tali ʻe he kau mēmipa ʻo e kulupú e ngaahi fehuʻí ʻo ʻikai ke tali pē ʻe au. ʻOku siʻi ange ʻeku leá ʻi he toenga e kau mēmipa ʻo e kulupú.	ʻIkai ʻaupito	Taimi pē ʻe niʻihi	Taimi lahi	Maʻu pē
ʻOku Fēfē ʻEku Fakahoko e Fatongia ʻo ha Tokotaha Tokoní? 3. ʻOku ou muimui ki he tohi ngāué hangē ko hono tohí pea fakakakato e ngaahi konga mo e ʻekitivitī kotoa pē.	ʻIkai ʻaupito	Taimi pē ʻe niʻihi	Taimi lahi	Maʻu pē
ʻOku Fēfē ʻEku Fakahoko e Fatongia ʻo ha Tokotaha Tokoní? 4. ʻOku ou fetuʻutaki ki he kau mēmipa ʻo e kulupú he lolotonga e uiké.	ʻIkai ʻaupito	Taimi pē ʻe niʻihi	Taimi lahi	Maʻu pē
ʻOku Fēfē ʻEku Fakahoko e Fatongia ʻo ha Tokotaha Tokoní? 5. ʻOku ou vahevahe ʻeku ongoʻi loto-vēkeveke mo e ʻofa ki he mēmipa takitaha ʻo e kulupú.	ʻIkai ʻaupito	Taimi pē ʻe niʻihi	Taimi lahi	Maʻu pē
ʻOku Fēfē ʻEku Fakahoko e Fatongia ʻo ha Tokotaha Tokoní? 6. ʻOku ou tauhi ki he taimi ʻoku fokotuʻu mai ki he konga mo e ʻekitivitī takitaha.	ʻIkai ʻaupito	Taimi pē ʻe niʻihi	Taimi lahi	Maʻu pē
ʻOku Fēfē ʻEku Fakahoko e Fatongia ʻo ha Tokotaha Tokoní? 7. ʻOku ou tuku ha taimi ki he konga “Fakalaulaulotó” ke lava ʻe he Laumālie Māʻoniʻoní ʻo tataki e kau mēmipa ʻo e kulupú.	ʻIkai ʻaupito	Taimi pē ʻe niʻihi	Taimi lahi	Maʻu pē
ʻOku Fēfē ʻEku Fakahoko e Fatongia ʻo ha Tokotaha Tokoní? 8. ʻOku ou tokoni ke fakapapauʻi ʻe lava ke lipooti ʻe he mēmipa kotoa ʻo e kulupú ʻoku loto ki aí ʻa ʻene ngaahi tukupaá.	ʻIkai ʻaupito	Taimi pē ʻe niʻihi	Taimi lahi	Maʻu pē

ʻOku Fēfē ʻa e Ako ʻEku Kulupú?	ʻIkai ʻaupito	Taimi pē ʻe niʻihi	Taimi lahi	Maʻu pē
ʻOku Fēfē ʻa e Ako ʻEku Kulupú? 1. ʻOku fakahaaʻi ʻe he kau mēmipa ʻo e kulupú ʻa ʻenau fefakalotolahiʻakí mo e fepoupouakí.	ʻIkai ʻaupito	Taimi pē ʻe niʻihi	Taimi lahi	Maʻu pē
ʻOku Fēfē ʻa e Ako ʻEku Kulupú? 2. ʻOku tauhi ʻe he kau mēmipa ʻo e kulupú ʻenau ngaahi tukupaá.	ʻIkai ʻaupito	Taimi pē ʻe niʻihi	Taimi lahi	Maʻu pē
ʻOku Fēfē ʻa e Ako ʻEku Kulupú? 3. ʻOku fakatou maʻu ʻe he kau mēmipa ʻo e kulupú ha ngaahi ola fakatuʻasino mo fakalaumālie.	ʻIkai ʻaupito	Taimi pē ʻe niʻihi	Taimi lahi	Maʻu pē
ʻOku Fēfē ʻa e Ako ʻEku Kulupú? 4. ʻOku fetuʻutaki mo fepoupouaki e ngaahi hoa ngāué he lolotonga e uiké.	ʻIkai ʻaupito	Taimi pē ʻe niʻihi	Taimi lahi	Maʻu pē