Fakalaulauloto—Taimi Lōloa Tahá: Miniti ʻe 5

Fakakaukau fakafoʻituitui ki he meʻa kuó ke ako he ʻaho ní, pea fakakaukauʻi ʻa e meʻa ne mei finangalo ʻa e ʻEikí ke ke faí. Lau ʻa e konga leá pea hiki ho tali ki he ngaahi fehuʻi ʻi laló.

“ʻOku tokolahi hatau niʻihi ʻoku fuʻu tōtuʻa ʻetau hohaʻa ki he ngaahi meʻa ʻoku ʻikai ke loko mahuʻingá. ʻOku faingofua ke fakaʻitaʻi kitautolu. Monūʻiá ka ko e tangata ʻokú ne lava ʻo tukunoaʻi e ngaahi lea fakaʻita ʻa e niʻihi kehé pea fai atu ʻi hono halá” (Gordon B. Hinckley, “Slow to Anger,” Liahona, Nov. 2007, 63).

Ko e hā e ngaahi meʻa mahuʻinga taha kuó u ako he ʻaho ní?

Ko e hā ha meʻa pē taha te u fai ko ha ola ʻo e meʻa ne u ako he ʻaho ní? (ʻE lava ke hoko ʻeni ko hoʻo tukupā fakataautaha ki he uiké. Kapau he ʻikai ke ke lava ʻo fakakaukau ki ha tukupā, ʻoku hiki atu ʻi lalo ha ngaahi fakakaukau ʻe niʻihi.)

Ngaahi Fakakaukau ki he Tukupaá:

• Fakakakato ʻa e “Ko ʻEku Ngāue ʻIloʻi ʻa e ʻItá” (mei he fika 5 ʻi he konga ki he “Akó”).

• Akoako fakahoko ha taukei ki he “mokomoko hifó” (mei he fika 2 ʻi he konga ki he “Akó”).

• Feinga ke ʻiloʻi e ngaahi ongo fakaeloto mo e ngaahi aʻusia he taimi kotoa pē ʻokú ke ongoʻi ʻita aí (mei he fika 3 ʻi he konga ki he “Akó”).