Oktòb 1830–Fevriye 1831

Newel ak Ann Whitney Rankontre Pwofèt Joseph

Priyè lafwa jwenn repons Senyè a

Ann ak Newel Whitney te mèt yon magazen nan Kirtland, Ohio. Ann pa t grandi ap mache nan yon legliz oswa ap aprann konsènan Senyè a, men li te vle konnen Li. Apre li menm ak Newel te marye, yo te priye anpil fwa epi yo te mande Senyè a gide yo.

Les Saints, 1:111–12

Yon swa pandan priyè yo, Ann ak Newel te wè yon vizyon. Nan vizyon an, yon nyaj te vin chita sou do kay yo. Lespri Bondye te ranpli yo. Nyaj la te antoure yo. Apresa, yo te tande yon vwa ki soti nan syèl la. Li te di yo: “Prepare pou resevwa pawòl Senyè a, paske li ap vini.”

Les Saints, 1:111

Apre yon ti tan, Parley Pratt te vini nan Kirtland. Limenm ak konpayon l yo te anseye levanjil Jezikri a. Osito Ann te tande sa yo te anseye yo, li te konnen sete laverite. Li te ale lakay li pou l pataje nouvèl la ak Newel. Tousuit yo te batize.

Les Saints, 1:112

De mwa apre, yon mesye ak yon fi te vin nan magazen Newel la. Newel pa t konnen yo, men mesye a te bay Newel lanmen epi li te rele Newel pa non li. Mesye a te di: “Mwen se Joseph pwofèt la.” Li te eksplike ke Senyè a t ap reponn priyè Newel yo. Li te voye Emma ak Jozèf al rankontre Ann ak Newel.

Les Saints, 1:113

Newel ak Ann te konnen vizyon yo te gen pou l akonpli. Yo te mande Joseph ak Emma pou yo rete avèk yo lakay yo. Ann ak Newel te renmen Jezi ak levanjil Li a. Yo te bay tout sa yo te genyen pou Sen yo ak pou Legliz Sovè a.

Doktrin ak Alyans 38:23–27, 34–42; Les Saints, 1:114