Fa’atanora’a ’āpī nō te ha’api’ira’a (2024)
Fa’atanora’a ’āpī nō te ha’api’ira’a
Fa’aara nō ni’a i te mau mātēria EnglishConnect tei fa’atano-’āpī-hia
I teienei tē vai ra te mau nene’ira’a nūmeri tei fa’atano-’āpī-hia nō te mau mātēria EnglishConnect, i ni’a i te fa’aaura’a rorouira Vaira’a buka ’evanelia ’e i ni’a ia ChurchofJesusChrist.org. E ’itehia i roto i teie mau fa’atanora’a ’āpī te tauturura’a maita’i atu ā nō te mau pīahi, te mau ’orometua ’e te feiā fa’atere. E ’itehia i roto i te mau hi’ora’a te mau mātēria nō te ha’api’ipi’ira’a tāmahana, te tauturu nō te hurira’a parau ’e te mau parau tumu nō te ha’api’ira’a nā roto i te ha’api’i ’e te fa’aro’o. Ha’api’i rahi atu ā i ni’a ia englishconnect.org/updates
Tē hurihia ra teie mau fa’atanora’a ’āpī nā roto e 40 ā reo ’e hau atu. E fa’aarahia atu te feiā fa’atere i reira ’ia ineine te mau nene’ira’a tāireuira ’e pāpie nā roto i tō rātou reo. E tāmau noa te mau melo ’e te mau misiōnare i te fa’a’ohipa i te mau nene’ira’a e vai nei nō te mau mātēria EnglishConnect ē tae noa atu e noa’a mai te mau nene’ira’a tei fa’atano-’āpī-hia.
Hi’o i te mau mātēria ’āpī nō te EnglishConnect i roto i te Vaira’a buka ’evanelia :
Tē fa’aitoitohia nei te fa’a’ohipara’a i te mau buka ha’api’ira’a nūmeri EnglishConnect nā te pīahi, ’e e nehenehe e poro’i i te mau mātēria pāpie ’ia noa’a mai te reira i roto i te toa natirara i ni’a ia store.ChurchofJesusChrist.org (Ha’api’ira’a ’evanelia > Buka ha’api’ira’a ’e buka tauturu > EnglishConnect).
Tē fa’aitoitohia nei te mau ’orometua ’ia hi’o i te mau video Teacher Training Videos ’a fa’aineine ai rātou nō te rautī i te mau ’āparaura’a pupu ma te mau mātēria tei fa’atano-’āpī-hia.
Mono i teie mau mātēria tahito EnglishConnect
E fa’a’orehia i teienei te mau nene’ira’a tahito nō te mau mātēria EnglishConnect. Noa atu ’ē ’ua tauihia teie mau mātēria, e nehenehe ā tā ’outou e ho’o i te mau nene’ira’a tahito ’a pu’e noa ai te reira i ni’a i te toa natirara, ’aore rā ’a tīa’i noa ai e nehenehe e ho’o mai i te mau nene’ira’a pāpie tei fa’atano-’āpī-hia.
E nehenehe te mau pupu EnglishConnect nei e tāmau i te fa’a’ohipa i te mau nene’ira’a tahito o te mau mātēria EnglishConnect ē oti noa atu tō rātou mau pupu, ’aore rā e nehenehe tā rātou e ha’amata i te fa’a’ohipa i te mau nene’ira’a nūmeri tei fa’atano-’āpī-hia, ’ia noa’a mai te reira.