O Faafouga o le Kosi (2024)
O Faafouga o le Kosi
Faasilasilaina o Punaoa ua Faafouina o le EnglishConnect
Ua maua nei lomiga faaeletonika o anomea o le EnglishConnect i le gagana Peretania i le polokalama o le Potutusi o le Talalelei ma le ChurchofJesusChrist.org. O faafouga e atagia mai ai faaleleiga e lagolago ai tagata aoao, faiaoga, ma taitai. O faataitaiga e aofia ai punaoa mo faataitaiga i aso taitasi, lagolago mo faaliliuga, ma mataupu faavae o le aoaoina e ala i le suesue ma le faatuatua. Aoao atili i le englishconnect.org/updates
O nei faafouga ua faaliliuina i le silia ma le 40 gagana faaopoopo. O le a logoina taitai i le lotoifale pe a maua lomiga faaeletonika ua toe faafouina ma lomiga lolomi i la latou gagana i le lotoifale. E tatau i tagata o le ekalesia ma faifeautalai ona faaauau pea ona faaaoga lomiga o loo i ai nei o anomea o le EnglishConnect seia oo ina maua lomiga ua faafouina.
Suesue i anomea fou o le EnglishConnect i le Potutusi o le Talalelei:
O le faaaogaina faaeletonika o tusi lesona a le tagata aoao o le EnglishConnect ua fautuaina, ma e mafai ona e okaina anomea e lolomiina pe a maua i le faleoloa i le initoneti i le store.ChurchofJesusChrist.org (Suesueina o le Talalelei > Tusi Lesona ma Taiala > EnglishConnect).
Ua fautuaina faiaoga e iloilo ia Vitio o Aoaoga a Faiaoga a o latou sauniuni e taitai vaega o talanoaga i punaoa ua faafouina.
Ia Suia Nei Anomea Muamua o le EnglishConnect
Ua le toe faaauauina lomiga muamua o le EnglishConnect. E ui lava ua suia nei punaoa, ae e mafai lava ona e faatauina lomiga muamua a o tumau ai sapalai i le faleoloa i le initoneti pe seia oo ina maua lomiga e lolomiina ua faafouina mo le faatauina.
E mafai e vaega o loo i ai nei o le EnglishConnect ona faaauau pea ona faaaoga lomiga muamua o anomea o le EnglishConnect seia oo ina faaiuina e la latou vaega, pe mafai foi ona amata ona latou faaaogaina lomiga faaeletonika ua faafouina i le taimi lava e maua ai.