បច្ចុប្បន្នភាពអំពីវគ្គសិក្សា ( ឆ្នាំ២០២៤ )
បច្ចុប្បន្នភាពអំពីវគ្គសិក្សា
ការប្រកាសស្តីពីធនធានកម្មវិធី EnglishConnect ដែលបានធ្វើបច្ចុប្បន្នភាព
កំណែឌីជីថលនៃសម្ភារកម្មវិធី EnglishConnect ដែលបានធ្វើបច្ចុប្បន្នភាព ឥឡូវនេះមានជាភាសាអង់គ្លេសនៅលើកម្មវិធីបណ្ណាល័យដំណឹងល្អ និងនៅលើគេហទំព័រ ChurchofJesusChrist.org ។ បច្ចុប្បន្នភាពនេះរួមបញ្ចូលនូវការកែលម្អ ដើម្បីគាំទ្រដល់អ្នករៀន គ្រូបង្រៀន និងថ្នាក់ដឹកនាំ ។ ឧទាហរណ៍នៃការកែលម្អទាំងនោះរួមមានធនធានសម្រាប់ការហាត់រៀនប្រចាំថ្ងៃ ជំនួយសម្រាប់ការបកប្រែ និងគោលការណ៍នៃការរៀនសូត្រដោយសារការសិក្សា និងដោយសារសេចក្ដីជំនឿ ។ សូមរៀនបន្ថែមនៅលើគេហទំព័រ englishconnect.org/updates
ការធ្វើបច្ចុប្បន្នភាពទាំងនេះកំពុងត្រូវបានបកប្រែជាង ៤០ ភាសាបន្ថែមទៀត ។ ថ្នាក់ដឹកនាំក្នុងមូលដ្ឋាននឹងទទួលបានការជូនដំណឹង នៅពេលដែលកំណែជាអេឡិចត្រូនិច និងជាសៀវភៅដែលបានកែសម្រួលរួច មានជាភាសាក្នុងមូលដ្ឋានរបស់ពួកគាត់ ។ សមាជិក និងពួកអ្នកផ្សព្វផ្សាយសាសនាគួរតែបន្តប្រើកំណែបច្ចុប្បន្ននៃសម្ភារកម្មវិធី EnglishConnect រហូតដល់ការបោះពុម្ពដែលបានធ្វើបច្ចប្បន្នភាពរួចរាល់ មានដាក់ចេញឲ្យប្រើប្រាស់ ។
ស្វែងយល់អំពីសម្ភារថ្មីៗនៃកម្មវិធី EnglishConnect ក្នុងបណ្ណាល័យដំណឹងល្អ ៖
យើងត្រូវបានណែនាំឲ្យប្រើប្រាស់សៀវភៅសិក្សាកម្មវិធី EnglishConnect សម្រាប់អ្នករៀនជាឌីជីថល ហើយអ្នកអាចបញ្ជាទិញសម្ភារបោះពុម្ពនៅពេលវាចេញឲ្យប្រើប្រាស់ នៅក្នុងហាងអនឡាញនៅលើគេហទំព័រ store.ChurchofJesusChrist.org ( Gospel Study > Manuals and Guides > EnglishConnect ) ។
គ្រូបង្រៀនត្រូវបានលើកទឹកចិត្តឲ្យពិនិត្យមើល វីដេអូបំពាក់បំប៉នសម្រាប់គ្រូបង្រៀន នៅពេលពួកគេរៀបចំដឹកនាំក្រុមសន្ទនាជាមួយនឹងធនធានដែលបានធ្វើបច្ចុប្បន្នភាព ។
ជំនួសសម្ភារកម្មវិធី EnglishConnect ពីមុនទាំងនេះ
ការបោះពុម្ពពីមុននៃសម្ភារកម្មវិធី EnglishConnect ត្រូវបានបញ្ឈប់នៅពេលនេះ ។ ទោះបីជាធនធានទាំងនេះត្រូវបានជំនួសក៏ដោយ អ្នកនៅតែអាចទិញការបោះពុម្ពពីមុនបានដែរ បើហាងអនឡាញនៅតែមានធនធានទាំងនេះ ឬរហូតដល់ការបោះពុម្ពដែលបានធ្វើបច្ចុប្បន្នភាពមានដាក់លក់ ។
ក្រុម EnglishConnect បច្ចុប្បន្នអាចនឹងបន្តប្រើប្រាស់ការបោះពុម្ពនៃសម្ភារកម្មវិធី EnglishConnect ពីមុនរហូតដល់ក្រុមរបស់ពួកគេបញ្ចប់ ឬពួកគេអាចចាប់ផ្តើមប្រើប្រាស់កំណែឌីជីថលដែលបានធ្វើបច្ចុប្បន្នភាពភ្លាមៗ ពេលធនធានទាំងនោះដាក់ចេញឲ្យប្រើប្រាស់ ។