Li k’a’ru ak’ sa’ li tzoleb’aal (2024)
Li k’a’ru ak’ sa’ li tzoleb’aal
Xyeeb’al resil naq ak’ob’resinb’ileb’ li k’anjeleb’aal re EnglishConnect
Wankeb’ anajwan sa’ internet li ak’ob’resinb’il k’anjeleb’aal re EnglishConnect sa’ Ingles; neke’tawman sa’ li aplicacion Biblioteca del Evangelio ut sa’ ChurchofJesusChrist.org. Xe’ak’ob’resiman li k’anjeleb’aal re xtenq’ankileb’ laj tzolonel, laj k’utunel, ut eb’ laj jolominel. Xe’ak’ob’resiman li k’anjeleb’aal re xtzolb’al li Ingles wulaj wulaj, li tenq’ choq’ re li jaltesink-u, ut eb’ li na’leb’ re tzolok rik’in tzolok ut rik’in paab’aal. Tzol xkomon chik sa’ englishconnect.org/updates
Li k’a’ru ak’ yoo chi jaltesiik ru sa’ numenaq 40 chi aatinob’aal. Taayeemanq reheb’ laj jolominel sa’ li junjunq chi na’ajej jo’q’e te’ruuq chixtawb’aleb’ li ak’il k’anjeleb’aal sa’ internet ut chiru hu sa’ raatinob’aaleb’ a’an. Eb’ li komon ut li misioneer toj te’roksiheb’ li k’anjeleb’aal re EnglishConnect ak wankeb’ toj reetal naq te’ruuq chixtawb’aleb’ li ak’ k’anjeleb’aal.
Tz’ileb’ rix li ak’ k’anjeleb’aal re EnglishConnect sa’ Biblioteca del Evangelio:
Us naq te’oksimanq li hu re tzolok re EnglishConnect li wankeb’ sa’ internet, a’ut naru te’loq’manq li hu sa’ internet sa’ store.ChurchofJesusChrist.org (Estudio del Evangelio > Manuales y guías > EnglishConnect).
Tz’aamanb’il naq eb’ laj k’utunel te’xtz’ileb’ rix li video re xkawresinkileb’ laj k’utunel naq yooqeb’ chixkawresinkil rib’ re xjolominkileb’ li ch’uut re aatinak rik’ineb’ li ak’ k’anjeleb’aal.
Xjalb’aleb’ li q’eel k’anjeleb’aal a’in re EnglishConnect
Ink’a’ chik te’oksimanq li q’eel k’anjeleb’aal re EnglishConnect. Us ta ink’a’ chik te’oksimanq li k’anjeleb’aal a’in, toj naru te’loq’manq toj reetal naq maak’a’aqeb’ chik sa’ li k’ayib’aal sa’ internet malaj toj reetal naq kawresinb’ilaqeb’ li ak’ hu re te’loq’manq.
Eb’ li ch’uut re EnglishConnect wankeb’ anajwan toj naru te’roksiheb’ li q’eel k’anjeleb’aal re EnglishConnect toj reetal naq taaraqe’q li ch’uut, malaj naru te’xtikib’ roksinkileb’ li ak’ k’anjeleb’aal tz’aqal sa’ li hoonal naq kawresinb’ilaqeb’.