Mga Update sa Kurso (2024)
Mga Update sa Kurso
Pahibalo sa Gi-update nga mga Kapanguhaan sa EnglishConnect
Ang gi-update nga digital nga mga bersiyon sa EnglishConnect nga mga materyal anaa na karon sa Iningles diha sa Librarya sa Ebanghelyo nga app ug sa ChurchofJesusChrist.org. Ang mga pag-update nagpakita sa mga pagpalambo aron suportahan ang mga tigkat-on, mga magtutudlo, ug mga lider. Ang mga ehemplo naglakip sa mga kapanguhaan alang sa inadlaw nga pagpraktis, suporta sa paghubad, ug mga baroganan sa pagkat-on pinaagi sa pagtuon ug pinaagi sa hugot nga pagtuo. Pagkat-on pa og dugang diha sa englishconnect.org/updates
Kini nga mga pag-update gihubad ngadto sa sobra sa 40 ka dugang nga mga pinulongan. Ang mga lokal nga mga lider pahibaloon kon ang gi-update nga mga bersyon sa elektronik ug giprinta anaa na sa ilang lokal nga pinulongan. Ang mga miyembro ug mga misyonaryo kinahanglan nga magpadayon sa paggamit sa kasamtangan nga mga bersyon sa mga materyal sa EnglishConnect hangtod nga ang gi-update nga mga edisyon mahimong maanaa.
Susiha ang bag-ong mga materyal sa EnglishConnect diha sa Librarya sa Ebanghelyo:
Ang digital nga paggamit sa mga manwal sa tigkat-on sa EnglishConnect girikomendar, ug mahimo ka nga mag-order sa giprinta nga mga materyal sa higayon nga maanaa na sa online nga tindahan sa store.ChurchofJesusChrist.org (Gospel Study > Manuals and Guides > EnglishConnect).
Giawhag ang mga magtutudlo sa pagrebyo sa Mga Bidyo sa Pagbansay sa Magtutudlo samtang nangandam sila sa pagpanguna sa mga grupo sa panag-istoryahanay gamit ang gi-update nga mga kapanguhaan.
Pulihi Kini nga mga Nahauna nga mga Materyal sa EnglishConnect
Ang mga nahaunang mga edisyon sa mga materyal sa EnglishConnect karon gipahunong na. Bisan kon kini nga mga kapanguhaan giilisan na, mahimo ka gihapon nga makapalit sa nangaging mga edisyon samtang ang mga suplay anaa pa diha sa online store o hangtod ang gi-update nga giprinta nga mga edisyon mahimong anaa na alang sa pagpalit.
Ang kasamtangan nga mga grupo sa EnglishConnect mahimong magpadayon sa paggamit sa miaging mga edisyon sa mga materyal sa EnglishConnect hangtod matapos ang ilang grupo, o mahimo silang magsugod sa paggamit sa gi-update nga mga digital nga bersyon sa diha nga kini maanaa na.