Ngaahi Liliu ʻo e Kalasí (2024)
Ngaahi Liliu ʻo e Kalasí
Fanongonongo Fakamuimui Taha ʻo e Ngaahi Maʻuʻanga Tokoni ki he EnglishConnect
ʻOku maʻu e ngaahi tatau fakaʻilekitulōnika fakamuimui taha ʻo e naunau EnglishConnect ʻi he Gospel Library app pea mo e ChurchofJesusChrist.org. ʻOku ʻasi ʻi he ngaahi liliu fakamuimui tahá ʻa e ngaahi meʻa ne fakaleleiʻi maʻá e kau ako tokoní, kau faiakó mo e kau takí. ʻOku kau ʻi he ngaahi sīpingá ʻa e ngaahi maʻuʻanga tokoni ki he akoako fakaʻahó, tokoni fakaliliu leá, mo e ngaahi tefitoʻi moʻoni ʻo e fekumi ʻi he ako pea ʻi he tuí. Ako lahi ange ʻi he englishconnect.org/updates
ʻOku liliu ʻa e ngaahi liliu fakamuimui taha ko ʻení ki ha lea fakafonua ʻe 40 tupu. ʻE fakahaaʻi ki he kau taki fakalotofonuá ʻa e taimi ʻe maʻu ai e ngaahi tatau fakaʻilekitulōnika mo ʻosi paaki kuo toe vakaiʻí ʻi heʻenau lea fakafonuá. ʻOku totonu ke hokohoko atu hono fakaʻaongaʻi ʻe he kāingalotú mo e kau faifekaú ʻa e ngaahi tatau lolotonga ʻo e naunau EnglishConnect kae ʻoua kuo maʻu e ngaahi tatau fakamuimui tahá.
Vakaiʻi e naunau EnglishConnect foʻoú ʻi he Gospel Library:
ʻOku fokotuʻu atu ke fakaʻaongaʻi ʻa e ngaahi tohi lēsoni fakaʻilekitulōnika maʻá e tokotaha akó, pea ʻe lava ke ke ʻota ʻa e naunau pākí ʻi haʻane ʻatā ke fakatau ʻi he ʻinitanetí ʻi he store.ChurchofJesusChrist.org (Ako ʻo e Ongoongoleleí > Ngaahi Tohi Lēsoní mo e Ngaahi Fakahinohinó > EnglishConnect).
ʻOku poupouʻi ʻa e kau faiakó ke toe vakaiʻi e Ngaahi Vitiō Ako maʻá e Kau Faiakó ʻi heʻenau teuteu ke tataki ha ngaahi kulupu fepōtalanoaʻaki ʻi he ngaahi maʻuʻanga tokoni ne toki liliú.
Fetongi e Ngaahi Naunau EnglishConnect Kimuʻa Ko ʻEní
Kuo fakangata hono ngāue ʻaki ʻo e ngaahi pulusinga kimuʻa ʻo e naunau EnglishConnect. Neongo kuo fetongi e ngaahi maʻuʻanga tokoni ko ʻení, te ke kei lava pē ʻo fakatau e ngaahi pulusinga kimuʻá lolotonga hono kei maʻu ke fakatau ʻi he ʻinitanetí pe kae ʻoua leva ke ʻatā e ngaahi pulusinga fakamuimui tahá ke fakatau.
ʻE lava ke hokohoko atu hono fakaʻaongaʻi ʻe he ngaahi kulupu EnglishConnect lolotongá e ngaahi pulusinga kimuʻa ʻo e naunau EnglishConnect kae ʻoua kuo ʻosi ʻenau kulupú, pe te nau kamata fakaʻaongaʻi e ngaahi tatau fakaʻilekitulōnika fakamuimui tahá ʻi heʻenau ʻatā pē ke fakaʻaongaʻí.