Āpitihanga D

Mō ngā Kōrama o te Tohungatanga o Arona me ngā Akoranga Taitamāhine—Ko te Rārangi Take

Te rā o te hui:

Kaiwhakahaere (mema o te akomanga, o te kōrama rānei):

Whakatūwheratanga

Hīmene (kei a koe te tikanga):

Inoi:

Tākina te Kaupapa Taitamāhine, te Kaupapa Kōrama o te Tohungatanga o Arona rānei.

Rūnanga tahi

Ka 5 ki te 10 miniti te hui, te akomanga, te kōrama rānei e noho ki te rūnanga i ō rātou haepapa i roto i te mahi whakaoranga me te whakateiteitanga, mā te kaiwhakahaere tēnei e ārahi. He wā anō tēnei mō te akomanga, mō te tumuakitanga o te kōrama rānei ki te whaiwhai ake i ngā take i kōrerohia ngātahitia i te hui tumuakitanga, i te hui rūnanga taiohi rānei.

Ka karawhiua hoki ētahi o ēnei pātai e te kaiwhakahaere:

Te whakatīnana i te rongopai

• He aha ngā mea i ngā rā tata nei kua whakakahangia ō koutou whakaaturanga mō Ihu Karaiti me Tana rongopai?

• He aha tā tātou hei whakatata atu ki te Kaiwhakaora? He aha tā tātou kia rite ake ki a Ia?

• Ināhea koe rongo ai i tā te Ariki ārahi i roto i ō koutou oranga?

E ātawhai ana i te hunga e hiahiatia ana

• Kua ārahina atu koe ki te āwhina, ki te mahi ki a wai? He aha ngā tono a te pīhopatanga ki a tātou hei āwhina i tētahi e hapa ana?

• Me pēhea tātou e tautoko tētahi i tētahi i roto i ngā mea e pā ana ki a tātou?

• Kātahi anō tētahi ka hunuku mai ki roto ki tō wāri, ka uru mai rānei i te Hāhi? He aha tā tātou hei manaaki nei i a rātou?

E pōhiri ana i te katoa kia whiwhi i te rongopai

• He aha tā tātou hei āwhina i ētahi atu kia rongo ai i te aroha o te Atua?

• He aha atu ngā mahi e kainamu mai ana, nā, e taea ana te tuku tono atu ki ō tātou hoa kia haere mai?

• He aha ngā mahere tohatoha rongopai i kōrerotia ai i roto i ngā hui rūnanga taiohi? Me aha tō tātou akomanga, kōrama rānei hei tautoko?

E whakakotahitia ana ngā whānau mō te oranga tonutanga

• He aha ētahi atu huarahi e pai ake ai tā `tātou whakahono atu ki ngā mema o te whānau, tae atu ana ki ngā kaumātua me ngā whanaunga?

• He aha tā tātou hei rapu i ngā ingoa tūpuna kāore anō kia whiwhi i ngā tikanga tapu o te temepara? He aha tā tātou hei āwhina i ētahi atu kia rapu ai i ngā ingoa o ō rātou tūpuna?

• Me pēhea tātou e kaha ake ki te mahi i ngā mahi temepara—takitahi, ā, taki–akomanga, taki–kōrama rānei?

Ako tahi

Mā tētahi pakeke, mā tētahi mema o te kōrama rānei, o te akomanga rānei e whakahaere i ngā tohutohu mō te pānuitanga Haere Mai, Whai Mai i Ahau i tēnei wiki. E whakamahia ana e rātou ngā tīwhiri ako i Haere Mai, Whai Mai i Ahau—Mō te Kāinga me te Hāhi E hāngai ana te tīwhiri ako me tēnei tohu ki te hemenari, ā, e hāngai pū ana anō ki te hunga taiohi. Heoi anō, e taea ana ngā tīwhiri katoa te whakamahi. Ka āhua 35 ki te 40 miniti te roa mō tēnei wāhanga o te hui.

Whakakapinga

Mā te kaiwhakahaere o te hui:

• E whakaatu atu e pā ana ki ngā tikanga i whakaakongia ai.

• E kōrero e pā ana ki ngā mahi e mahia ai e te akomanga, e te kōrama rānei e hāngai ana ki ngā mea i akona ai—takirōpū, ā, takitahi rānei.

Inoi: