Kia Mōhio ai Koutou, nā Gary L. Kapp

Tīhema 16–22: “Haere mai ki te Karaiti, ā, Kia Whakatikaina Rawatia ake i a Ia.”

Moronai 10

Kei te tūwheratanga o te Pukapuka a Moromona te whakaari o Nīwhai ki te whakaatu mai ki a tātou “kei runga te aroha o te Ariki i te hunga katoa nāna nei i kōwhiri, he mea nā te whakapono” (1 Nīwhai 1:20). Ka whakakapia te pukapuka ki tētahi tono nā Moronai: “Kia mahara anō te nui o te aroha o te Ariki” (Moronai 10:2–3). He aha ngā tauira o te aroha o te Ariki kua kite nei koe i te Pukapuka a Moromona? Ka huri pea ō whakaaro ki te aroha o te Atua i Tana ārahi i te whānau o Rīhai i roto i te koraha, whakawhiti atu ana i te moana nui, Tana aroha ki a Īnohi i te wā i hiakai ai tana wairua ki te murunga hara, Tana aroha rānei ki a Arami, he hoariri kino nei ki te Hāhi kātahi ka meinga hei kaitiaki wehi kore mōna. Ka huri pea ō whakaaro ki te aroha i whakaaturia iho e te Kaiwhakaora whai muri i Tana whakaaratanga ki te iwi i Tana mahu, ā, i Tana manaaki i ā rātou tamariki. Ko te mea nui pea, ka whakamahara tēnei i a koe i te mea “anō te nui o te aroha o te Ariki” ki a koutou, nā te mea kua tuhia te Pukapuka a Moromona hei tono i a tātou katoa ki te whiwhi i te aroha o te Atua—he tono kua kōrerotia nei i roto i ngā kupu poroporoākī a Moronai, “Haere mai ki te Karaiti, ā, whakatikaina rawatia ake i a ia” (Moronai 10:32).

He Whakaaro mō te Ako ki te Kāinga me te Hāhi

Moronai 10:3–7

Ka huraina mai ngā mea pono ki ahau mā runga i te mana o te Wairua Tapu.

Kua panonitia te oranga o ngā tāngata tokomaha huri noa i te ao e te whakaari i Moronai 10:3–7. Me pēhea tērā i panoni ai i tō oranga? I a koe e pānui ana i Moronai 10:3 –7, ā, me kaha ake tō āta pānui i tāu o mua. Māu e tātari ia rerenga, e uia ana ki a koe anō ngā momo pātai pēnei: He aha te tikanga o tēnei? Me pēhea e pai ake taku mahi i tēnei? He aha ngā mea pēnei kua pā nei ki a ahau?

I a koe e whakaarohia ana tō ake rapu i ngā mea pono o te wairua, ka āwhina pea mēnā ka ako koe e pā ana ki tā ētahi atu rapu i ngā mea pono nā runga i te mana o te Wairua Tapu. I whakamāramahia e Erata Mathias Held ngā mea i pā ai ki a ia i tana kuhunga mai ki te Hāhi (tirohia “Seeking Knowledge by the Spirit,” Liahona, May 2019, 31–33). I whakamāramahia e Erata David F. Evans ngā mea i pā ai ki a ia i tana whakatupuranga i te Hāhi engari he pātai tonu āna (tirohia “The Truth of All Things,” Liahona, Noema 2017, 68–70). Me pānui tētahi, ngā mea e rua rānei o ēnei karere me te tuhi iho i ngā mea e ako ai koe nā ā rāua rapunga i te pono e āwhina ai i a koe i tāu rapu.

Māu rānei e tiro tā te Atua i whakaako mō ngā mea pono mā te pānui i ētahi rerenga i te Pukapuka Aratohu ki ngā Karaipiture, ”Truth” (Wharepukapuka Rongopai). He aha ngā karaipiture tino pai rawa ki a koe? Me kōwhiri tētahi hei toha atu ki tētahi atu e rapu ana i ngā mea pono i runga i te Wairua.

Tirohia anōtia tā Henry B. Eyring, “The Faith to Ask and then to Act,” Liahona, Noema 2021, 74–76; “Let the Holy Spirit Guide,” Hymns, nama 143; Ngā Kaupapa Rongopai, “Seeking Truth and Avoiding Deception,” Wharepukapuka Rongopai.

Tuhia ngā whakaaro. Ko te tikanga o te whakatahuritanga ki te rongopai o Ihu Karaiti, arā, ko te mōhio me te whakatīnana i te rongopai. Ka tino mahi koe i ngā mea e ako nei koe mehemea ka tuhia ērā mea ki raro. Mehemea kei te whakaako koe, tonoa ngā tāngata e whakaakona ana e koe kia tuhia ngā whakaaro wairua ki raro.

Moronai 10:8–25

Kua homai e te Atua ngā takoha wairua ki ahau.

He maha ngā huarahi e “whakakore … i ngā takoha a te Atua” (Moronai 10:8). Kāore e whakapono ana ētahi he mea tūturu ēnei takoha. Ka whakakorea e ētahi ā rātou takoha mā te aro kore atu me te kore hoki e whakapakari i aua takoha. I a koe e pānui ana i Moronai 10:8–25, kimihia ngā mea pono e āwhina ai i a koe kia kite i ō takoha wairua me te whakamahi i ērā hei manaaki i ngā tamariki a te Atua. Ka āwhina ngā pātai pēnei: He aha ngā takoha a te wairua? Ka hoatu ēnā ki a wai? He aha e hoatu ai ēnā? Me pēhea tātou e whiwhi ai i ēnā? Ka taea e koe te whakaaro ake i ngā tauira mō ngā tāngata e whakamahia ana ngā takoha kua whakarārangihia nei i Moronai 10:9–16?

Moronai 10:30–33

Ka whakatikaina rawatia au mā roto i te aroha o Ihu Karaiti.

He nui atu tā Moronai tohutohu kia “haere mai ai ki te Karaiti” i te ako, i te whakaaro Mōna. He tono kē tēnei kia haere mai ai ki te Karaiti i runga i tō ngākau katoa—kia meinga kia rite ki a Ia. I a koe e pānui ana i Moronai 10:30–33,me aro atu ki ngā rerenga e āwhina nei i a koe kia mārama ki te tikanga o te kōrero haere mai ki te Karaiti, me pēhea e taea ai, ā, me ngā hua anō mō te pērā.

Me titiro whakamuri ki tō rangahau i te Pukapuka a Moromona i tēnei tau, kātahi ka whakaarohia tāu i rongo ai, me tāu i ako ai mō Ihu Karaiti. Hei tauira, me pēhea te Pukapuka a Moromona \i āwhina i a koe kia haere mai ai ki a Ia? Me pēhea i āwhina i a koe kia whakawhirinaki ai ki Tana aroha? Me pēhea i āwhina i a koe kia “kaua e whakakore” i te mana o te Kaiwhakaora? Me tohatoha atu i tō ake whakaaturanga mō te Pukapuka a Moromona ki tētahi e tika ana kia rangona, tae atu ana ki ngā mea arohaina me ngā hoa kāore anō kia rongo i tana karere.

Tirohia anōtia “Moroni Invites All to Come unto Christ” (whitiāhua), Wharepukapuka Rongopai.

Moroni Invites All to Come unto Christ | Mormon 8–9; Moroni 1, 10; Title Page

Tirohia iho te whakaputanga mō tēnei marama mō ētahi atu whakaaro Liahona me For the Strength of Youth makahīni.

He Whakaaro mō te Whakaako Tamariki

Moronai 10:3–4

Māku e mōhio mōku ake anō mehemea he pono te Pukapuka a Moromona.

• Me pēhea koe e āwhina ai i āu tamariki kia whiwhi ai i tā Moronai tono ki te inoi ake ki te Atua mehemea he pono te Pukapuka a Moromona? Me tukutuku atu ki a rātou ngā pepa iti kei runga rā ēnei kupu Pānui, Mahara, Whakaaro, me te Inoi. Mā ō tamariki e kimi i ēnei kupu i Moronai 10:3–4. Me pānui, me mahara, me whakaaro, ā, me inoi ake tātou i te aha hei whakakaha i ō tātou whakaaturanga mō te Pukapuka a Moromona? Me kimi anō ō tamariki i ngā ōritetanga i roto i ēnei whiti me te waiata “Search, Ponder, and Pray” (Children’s Songbook, 109).

• Ka meatia e ō tamariki te pikitia kei te pito whakamutunga o tēnei whakatakotoranga hei kōrero mō Moronai e tanumi ana i ngā papa (tirohia anōtia “Chapter 54: The Promise of the Book of Mormon,” Book of Mormon Stories, 156). Ka pai pea ki ngā taitamariki te whakataruna anō nei ko Moronai rātou e tuhi anai runga papa, ā, e tanumia ana hoki ngā papa. Tohaina atu tētahi i tētahi ō koutou whakaaturanga mō te Pukapuka a Moromona.

  Chapter 54: The Promise of the Book of Mormon

Moronai 10:8–19

Ka homai e te Matua i te Rangi ngā takoha wairua ki ahau.

• Me tuhi ngā nama 9 ki te 16 ki runga i ngā pepa, tākaia ia pepa anō nei he taonga hei whakaako i ō tamariki e pā ana ki ngā takoha wairua. Mā ō tamariki e tango i ngā tākai taonga, e pānui ana i ngā whiti mai i Moronai 10:9–16 e hāngai ana ki ngā nama, ā, e tohua ana ia takoha wairua. Kātahi ka kōrero mō tā te Matua i te Rangi hiahia kia meatia ēnei takoha hei manaaki i Āna tamariki. Māu anō ō tamariki e āwhina kia kite ai rātou i ngā takoha kua homai nei e te Matua i te Rangi ki a rātou.

Moronai 10:32–33

E hiahia ana a Ihu Karaiti kia haere mai ahau ki a Ia.

• E mōhio ana rānei ō tamariki ki te tino tikanga o te kōrero kia “haere mai ki te Karaiti”? Tērā pea māu e pānui Moronai 10:32 kātahi ka tonoa rātou ki te tōai tahi i taua rerenga me koe. Kātahi pea rātou ka kapia ō rātou karu i a koe e whakanoho iho ana i tētahi pikitia o Ihu ki tētahi wāhi i te ruma. Kātahi ka tukuna rātou kia tūwhera ake i ō rātou karu, me te rapu i taua pikitia, hui ki reira, kātahi ka kōrero mō ngā huarahi e haere mai ai tātou ki te Karaiti. Ka āwhina pea me ka tuhia iho te pātai He aha te tikanga kia haere mai ai ki te Karaiti? Āwhinatia rātou ki te rapu i Moronai 10:32–33 ngā whakautu (tirohia anōtia Ngā Tikanga Whakapono 1:3–4). Me mahitahi kia hangaia ai tētahi rārangi kupu mō ngā mea e hiahia ana te Karaiti hei meatanga mā tātou, ā, me Tāna e whakaari nei he mahi ki a tātou.

• Ka pai pea ki ō tamariki te hanga tohupiri he ngākau te āhua kei runga rā ngā kupu “E aroha ana au ki te Atua i runga i tōku kaha, ōku whakaaro me tōku mārohirohi” (tirohia Moronai 10:32). I a rātou e pēnā ana, me āta kōrero ki a rātou me pēhea tātou e whakaatu ai ki te Atua e aroha ana tātou ki a Ia.

Hei whakaaro anō, tirohia te terenga mō tēnei marama o te Friend makahīni.

I mua i tana tanu i ngā papa kōura, i tonoa tātou e Moronai kia “mahara ki te aroha o te Ariki” (Moronai 10:3)