Ko Arami Tamaiti e Kauhau ana, nā Gary L. Kapp

Hune 3–9: “I Tākare Tonu, ā, i Toka Tū Moana Rātou.”

Mōhia 29–Arami 4

Tērā pea ka whakaaro ētahi ko tā Kīngi Mōhia tono kia whakaurua iho ngā kaiwhakawā kōwhiria hei whakakī i ngā kīngi anō nei he rautaki tōrangapū pai. Engari ki ngā Nīwhai, arā, ki te hunga i noho ai i raro i te whakahaere o Kīngi Noa te mea kino, he mea nui ā–wairua tēnei panonitanga. Kua kite nei rātou i tā te kīngi kino kukume i tana iwi, i te “tino hiahia” rātou kia herekoretia ai i tōna mana. Mā tēnei panonitanga e tuku ai i a rātou te mana mō tō rātou ake tika me te “utua mō [ō rātou ]ake hara” (Mōhia 29:38).

E tika ana, ehara i te mea nā te mutunga o ngā kīngi i mutu anō ai ngā raruraru i roto i ngā Nīwhai. I whakatairangatia e ngā tangata tinihanga pērā i a Nīhoro rāua ko Amariki ngā whakaaro teka, i whakahāweatia te Hunga Tapu e te hunga whakapono kore, ā, i whakapehapeha haere ngā mema tokomaha o te Hāhi, ā, ka taka atu. Heoi, i ū tonu ngā “kaiaru māhaki a te Atua”, ā, “i tākare tonu, ā, i toka tū moana” ahakoa i ahatia huri noa i a rātou (Arami 4:15; 1:25).

He Whakaaro mō te Ako ki te Kāinga me te Hāhi

Mōhia 29:26–27; Arami 2:1–7

Ka taea e au taku hapori te kukume mai ki te pai.

Ka rima tau noa te roa o te whakahaeretanga a ngā kaiwhakawā, kātahi ka tupu ake tētahi aituā e whakamātauria ai te whakapuakitanga a Mōhia e mea ana mā te reo o te iwi e kōwhiria mai nei te tika (tirohia Mōhia 29:26). Rangahaua a Arami 2:1–7 kia kitea ai he aha kē ia te take, ā, he aha hoki tā ngā Nīwhai mō taua take. Kua ahatia pea me i kore “te iwi o te hāhi” i meatia ō rātou reo kia rangona ai? He aha atu tāu e ako ai i tēnei kōrero mō tā te Ariki hiahia māu hei mahi i roto i tō hapori? (tirohia anōtia a Mōhia 29:26–27).

He aha ngā take matua e wero ana i tō hapori i tēnei wā? He aha kē tāu, pērā i ngā Nīwhai, e mea ai kia rangona tō reo i roto i te “reo o te iwi.” He aha atu ngā mahi e mea ai koe, i te mea he kaiaru koe nā Ihu Karaiti, hei kukume mai i tō hapori ki te mahi pai?

Tirohia anōtia a Dallin H. Oaks, “Love Your Enemies,” Liahona, Noema 2020, 26–29.

Arami 1

Mā te kupu a te Atua e mōhio ai au he aha ngā tikanga teka.

Ahakoa i whāki mai a Nīhoro he teka tāna, i kukume tonu āna whakaakoranga i ngā Nīwhai mō ngā tau maha. Ki ōu ake whakaaro, he aha ngā tāngata i pai ai ki tā Nīhoro whakaakoranga? I Arami 1:2–6, kimihia ngā teka i roto i ngā whakaakoranga a Nīhoro—me ngā mea pono nāna nei i mahi hei huna i aua teka.

I tū atu a Kiriona ki a Nīhoro “ki ngā kupu a te Atua” (Arami 1:7, 9). Anei ētahi pikitia e whakakore ana i ngā teka a Nīhoro: Matiu 7:21–23; 2 Nīwhai 26:29–31; Mōhia 18:24–26; me Heramana 12:25–26. Me whakarāpopoto e koe aua whiti karaipiture. He aha tāu i ako ai i ngā poropiti ora e whakakorehia ana ngā whakaakoranga teka i ēnei rā?

Arami 1:19–31; 4:6–15

He “kaiaru māhaki o te Atua” ngā apataki pono a Ihu Karaiti.”

E kōrero ana te upoko 1 me te 4 o Arami mō ngā wā i kake nui te Hāhi, engari he rerekē ngā mahi a ia mema o te Hāhi nā taua kakenga nui. Hei tauira, whakatauritetia a Arami 1:19–30 ki a Arami 4:6–15 kia kitea ai ngā panonitanga a ngā mema o te Hāhi i roto i ngā tau ruarua. Nā runga i tāu i pānui ai, e pēhea ana, he aha ngā whakaaro tūturu o ngā kaiaru pono a Ihu Karaiti ki ngā tāngata e rerekē ana ō rātou whakapono? He aha ngā whakaaro a ngā kaiaru pono a te Karaiti ki ngā taonga me te kakenga? He aha ngā mea e hihiko ana i tō ngākau hei panoni i ō ake whakaaro ki tēnā?

Whakatauritetia ngā karaipiture ki a koe anō. Me huri ō whakaaro ki te hāngaitanga o ngā paki kōrero me ngā whakaakoranga o ngā karipiture ki tō oranga. Hei tauira, tērā pea ka kite koe i ngā tauritetanga i roto i ngā raruraru o nāianei me ngā raruraru o ngā Nīwhai i Arami 1–4.

Arami 4:6–20

Ka panoni ngā ngākau i aku mahi me taku whakaaturanga.

Tērā pea e mārama ana koe ki te pōuritanga o Arami i tana kitenga atu i ngā mea i roto i tana iwi. Kimihia ngā raruraru i kitea ai e ia i Arami 4:6–15. Kua kite koe i ētahi raruraru pēnā? Tērā pea, e āwangawanga ana koe ki tētahi o te whānau e raruraru ana nā ngā āhuatanga pēnei. Kua whakaaro ake koe ki tāu e mea ai hei āwhina atu?

Ka kīa ake e ētahi, i te mea ko Arami te kaiwhakawā nui, ko ia hoki te tangata pai hei whakatau i ēnei raruraru. Engari i whakaaro ake a Arami, nā, he huarahi pai ake. I a koe e pānui ana i ngā whiti 16–20, he aha ngā mea e pai ana ki a koe e pā ana ki te āhua o tana āwhina i tana iwi?

I nui te whakapono o Arami i te kupu a te Atua me te “whakaaturanga tika” (whiti 19). He aha ngā tauira i kitea ai e koe mō te mana o te whakaaturanga tika? I a koe e whakaarohia ana ngā momo huarahi e tukuna atu ai tō whakaaturanga mō Ihu Karaiti me Tana rongopai, tērā pea me pānui anō i a Arami 4:6–14. He aha ngā mea e kitea ai e koe i roto i ngā mahi a ngā mema o te Hāhi i ēnei whiti e pā ana ki te āhua o ō rātou whakaaturanga mō Ihu Karaiti me Āna whakaakoranga? He aha ngā hua o ā rātou mahi—ki a rātou anō, ā, ki ētahi anō hoki? Me huri anō ō whakaaro ki ō manaakitanga i whiwh ai nā te whakaaturanga tika a tētahi atu, ahakoa i tukuna mai mā roto i te kupu, mā roto rānei i te mahi.

Me huri ō whakaaro ki ngā huarahi e taea ai e koe te tuku i tō whakaaturanga mō Ihu Karaiti—i roto i te kupu, i roto rānei i te mahi. Ko wai ngā mea e whaihua ana i tō whakaaturanga?

Tirohia anōtia tā Gary E. Stevenson, “Nourishing and Bearing Your Testimony,” Liahona, Noema 2022, 111–14; “Testimony,” Hymns, nama 137; “Alma the Younger Steps Down as Chief Judge” (whitiāhua), Wharepukapuka Rongopai; Ngā Kaupapa Rongopai, “Revelation,” Wharepukapuka Rongopai.

Alma the Younger Steps Down as Chief Judge | Mosiah 29; Alma 4

Tirohia iho te whakaputanga mō tēnei marama mō ētahi atu whakaaro Liahona me For the Strength of Youth makahīni.

He Whakaaro mō te Wha kaako Tamariki

Arami 1:2–9

Mā te Atua e mōhio ai au he aha ngā whakaakoranga teka.

• Ko tētahi huarahi hei rangahau i a Arami 1:2–4 ngātahi me ō tamariki, arā, ko te āwhina i a rātou ki te hanga i tētahi whakamātautau pono, teka rānei e whakamahia ana ngā kōrero i whakaakona ai e Nīhoro, ko ia tētahi kaiako teka. Kātahi ka taea e koe te kōrero tahi ki a rātou mō te take e hanumi ai a Hātana i ngā mea pono ki ngā mea teka. Āwhinatia ō tamariki kia whakaarohia ake ētahi tauira. I roto i ngā whiti 7–9, he aha tā Kiriona hei tū atu ki ngā teka a Nīhoro? (Tirohia anōtia “Upoko 20: Alma and Nehor,” Book of Mormon Stories, 54–55.)

  Chapter 20: Alma and Nehor

Arami 1:19–25

I te mea he mema au nā te Hāhi o Ihu Karaiti, e aroha ana, e mahi ana ahau ki ētahi atu.

• He ngākau nui ō ētahi o ngā mema o te Hāhi o te Ariki i te wā i a Arami, ki te tohatoha rawa, ā, he ngākau mārō, ā, e whakahīhī ana anō ō ētahi atu. Hei āwhina i ō tamariki kia ako ai i ēnei āhuatanga, me pānui tahi koutou i a Arami 1:27, 30 kātahi ka mea tētahi rārangi kupu mō ngā tūmomo tāngata i āwhinatia ai e ngā mema o te Hāhi o te Ariki. Ko wai ngā mea e mōhio nei tātou “e hiahia ana” (Arami 1:30) i tō tātou aroha me tā tātou āwhina? Me waiata ngātahi e koutou tētahi waiata mō te aroha me te mahi aroha, pērā i ”Kindness Begins with Me” (Children’s Songbook, 145), āwhinatia ō tamariki ki te hanga ā–ringa mō te waiata.

• Ka aha tātou ina ngākau mārō ētahi ki a tātou? Pānuitia ngātahitia koutou ko ō tamariki ngā mahi i mahia ai ki ngā kaiaru a te Karaiti i Arami 1:19–20. Kōrero tahi e pā ana ki ā rātou mahi i ngā whiti 22 and 25. Tērā pea me parakatihi koutou i ngā mahi e taea ana ina ngākau mārō ngā mahi a tētahi ki a koutou.

Arami 4:8–20

Ka whakakahangia ētahi atu e taku whakaaturanga.

• Kumea rawatia ai ētahi atu e te “whakaaturanga tika” (Arami 4:19) o tētahi tamaiti. Hei āwhina i ō tamariki kia kitea ai tēnei, me pānui tahi i Arami 4:8–12, 15, e āwhina ana i a rātou kia tohua ngā raruraru i roto i te Hāhi i taua wā. He aha tā Arami hei whakatau i ēnei raruraru? Āwhinatia rātou kia kitea ai he aha tā Arami i mahi ai i Arami 4:16–20. Māu pea e kōrero atu mō te kaha o tō tētahi atu whakaaturanga mō te Karaiti hei whakakaha i a koe.

• Mehemea e hiahia ana ō tamariki ki ētahi tauira e mārama ai he aha te tikanga o te whakaaturanga, me whakaata atu ki a rātou tētahi whitiāhua poto mō tētahi kaikōrero e tuku whakaaturanga ana i roto i te huihuinga whānui o te Hāhi. Māu rānei e whakamahi i te whārangi mahi mō tēnei wiki, e waiata rānei i tētahi waiata pērā i ”Testimony” (Hymns, nama 137). He aha ngā mea e ako ai tātou mō ngā whakaaturanga i roto i ēnei rauemi? Tukua ō tamariki kia whakaharatau i ā rātou whakaaturanga.

Hei whakaaro anō, tirohia te terenga mō tēnei marama o te Friend makahīni.

Arami rāua ko Amariki, nā Scott Snow