Te Aroha o te Atua, nā Sabrina Squires

Hānuere 22–28: Kua Whakakākahuria ki te Tika me te Mana o te Atua.”

1 Nīwhai 11–15

Mēnā he mahi nui tā te Atua mō Tana poropiti, tukuna ai e Ia tētahi whakakitenga nui ki taua poropiti. He whakakitenga pērā tonu a Mohi rātou ko Hoani, ko Rīhai, ko Hōhepa Mete—he whakakitenga nāna nei ō rātou hinengaro i whakapuare kia kitea ai e rātou te tūturutanga mīharo o ngā mahi a te Atua.

I whiwhi anō a Nīwhai i tētahi i aua whakakitenga nui. I kite ia i te minitatanga o te Kaiwhakaora, te anamata o ngā uri o Rīhai i te whenua o te kupu whakaari, me ngā mahi a te Atua i ngā rā o muri nei. Whai muri iho i tēnei whakakitenga, kua tino rite a Nīwhai mō ngā mahi e takoto ake ana i tōna aroaro. Mā te pānui i tēnei whakakitenga e āwhina i a koe ki te whakarite—nā te mea he mahi anō tā te Atua māu i roto i Tōna kīngitanga. Kei waenganui koe i ngā “hunga tapu o te hāhi a te Reme” e kitea ai e Nīwhai, “i whakamararatia atu i runga i te mata katoa o te whenua; ā, i whakakākahuria rātou ki te tika me te mana o te Atua i runga i te korōria nui” (1 Nīwhai 14:14).

Tirohia anōtia “Ka Kite a Nīwhai i ngā Heipūtanga Anamata” (whitiāhua), Wharepukapuka Rongopai.

Nephi Sees a Vision of Future Events | 1 Nephi 10–15 

He Whakaaro mō te Ako ki te Kāinga me te Hāhi

1 Nīwhai 11

I tukuna e te Atua a Ihu Karaiti hei tohu mō Tōna aroha.

I te wā i ui atu a Nīwhai ki te anahera e pā ana ki te tikanga o te rākau i tō Rīhai whakakitenga, kua māmā noa iho kia kī ake ai te anahera, “koia te tohu o te aroha o te Atua.” Heoi, i whakakite kē atu ia ki a Nīwhai ētahi tohu me ētahi mahinga nō te oranga o te Kaiwhakaora. Kimihia ēnei tohu me ēnei mahinga i a koe e pānui ana, e whakaaroaro ana 1 Nīwhai 11. He aha tāu e kite nei mā konā āwhina ai i a koe kia mārama he aha e kīa ai ko Ihu Karaiti te tino tohu o te aroha o te Atua?

Tērā pea ka mātakitaki koe i ngā whitiāhua Paipera i roto i te Wharepukapuka Rongopai e hāngai ana ki ngā mea i kite ai a Nīwhai. Me pēhea te Kaiwhakaora i āwhina ai i a koe kia rongo ai i te aroha o tō Matua i te Rangi?

Tirohia anōtia a Susan H. Porter, ”God’s Love: The Most Joyous to the Soul,” Liahona, Noema. 2021, 33–35.

1 Nīwhai 12–14

Ka taea e au te “whakakākahuria ki te tika” me te mana.

Kāore a Nīwhai e kite i tōna oranga te nuinga o ngā mea i kite ai ia i tana whakakitenga. He aha koe e whakaaro ai he whakahirahira nui kia mōhio a Nīwhai ki ēnei mea? He aha e whakahirahira nui ana kia mōhio anō koe ki aua mea? Uia ēnei pātai ia taima e pānui ai koe mō tētahi mea i kite ai a Nīwhai i tana whakakitenga (tirohia 1 Nīwhai 12–14). He aha ōu nā whakaaro mō tāu mahi i roto i tā te Ariki “mahi whakamīharo nui”? (1 Nīwhai 14:7) He aha ētahi o ngā mea whakamīharo nui nāna nei i mahi mōu?

Me āta whakaaro ki te whakaari i 1 Nīwhai 14:14. Me pēhea te Kaiwhakaora i whakatutuki i tēnei whakaari i roto i tō oranga? Tirohia a David A. Bednar mō ētahi atu tauira, ”With the Power of God in Great Glory,” Liahona, Noema 2021, 28–30, me tino tiro ngā wāhanga e rua kei te pito whakamutunga.)

1 Nīwhai 13:1–9; 14:9–11

He aha te “hāhi mōrikarika nui” i kite ai a Nīwhai?

I whakamāramahia mai e Tumuaki Dallin H. Oaks, koia, ko te “hāhi mōrikarika nui” i kite ai e Nīwhai, arā, koia ”tētahi akoranga, huihuinga tāngata rānei e whakakore ana i te whakapono ki te Atua. Ā, ko te hereherenga e whai nei tēnei ʻhāhiʻ kia kumea iho ai te hunga tapu ki roto, ehara i te mea he herenga ā–tīnana engari he herenga ā–whakaaro teka kē” (“ Stand as Witnesses of God,” Ensign, Māehe 2015, 32). Me pēhea te Kaiwhakaora e āwhina i a koe ki te karo—me te māwhiti atu—te hereherenga o ngā whakaaro teka

1 Nīwhai 15:1–11

Mā te Atua au e whakautu ki te inoi ake au i runga i te whakapono.

Kua whakaaro koe i ētahi wā me te mea nei kāore koe e whiwhi ana i te whakakitenga mōu ake—nā, kāore te Atua e kōrero ana ki a koe? He aha te kōrero a Nīwhai i mea atu ai ki ōna tuākana i te wā e pēnei ana rāua? (Tirohia 1 Nīwhai 15:1–11.) Me pēhea koe e whakamahi i tā Nīwhai kōrero i tō ake oranga?

1 Nīwhai 15:23–25

Mā te pupuri ki te kupu a te Atua e āwhina ai i ahau kia kaua e tuohu i te kaha o Hātana.

He rite tonu tā Nīwhai kōrero whakaohooho ki ōna tuākana. Engari i tino ngākau hihiko ia mō ngā mea i kōrero ai ki a rāua 1 Nīwhai 15:23–25. He aha te ngako o tā Nīwhai kōrero, ā, he aha ia i ngākau hihiko ai mō taua kōrero?

I whakaako a Erata David A. Bednar, arā, e hāngai ana “te kupu a te Atua” ki ngā karaipiture, ki ngā kupu a ngā poropiti e ora ana, ā, ki a Ihu Karaiti ake anō. He aha te tikanga o te kōrero “puritia kahatia” ki ngā karaipiture me ngā kupu a ngā poropiti ora? He aha pea te tikanga o te “puritia kahatia” ki a Ihu Karaiti? Tērā pea me kimi whakautu koe ki ngā pātai nei i tā Erata Bednar kōrero ” But We Heeded Them Not” (Liahona, Mei 2022, 14–16).

Mā te pupuri ki te kupu a te Atua e āwhina ai i a koe kia kaua e tuohu i te kaha o Hātana. Mā te whakakī i tētahi tēpara pēnei e māmā ake tāu whakarite whakaaro:

	… āwhinatia mai au kia toa ai i runga i te pōuritanga o te whakawainga? (tirohia 1 Nīwhai 12:17)	… āwhinatia mai au kia “kaua e aro” ki ngā mea horihori me ngā mea whakahīhī o te ao? (1 Nīwhai 12:18)
Me pēhea te pupuri kaha ki ngā karaipiture me ngā kupu a ngā poropiti ora e …
Me pēhea te pupuri kaha ki te Kaiwhakaora …

Tirohia anōtia ”The Iron Rod,” Hymna, no. 274; Jorge F. Zeballos, “Building a Life Resistant to the Adversary,” Liahona, Noema 2022, 50–52.

E rite ana ngā karaipiture ki tētahi tokotoko rino e ārahina atu ana i a tātou ki te rākau o te ora.

Tirohia iho te whakaputanga mō tēnei marama mō ētahi atu whakaaro Liahona me For the Strength of Youth makahīni.

He Whakaaro mō te Whakaako Tamariki

1 Nīwhai 11:16–33

I tukuna mai a Ihu Karaiti e te Matua i te Rangi nā Tōna aroha ki ahau.

• I whakakite atu tētahi anahera ki a Nīwhai ētahi tohu me ētahi mahinga nō te oranga o te Kaiwhakaora hei whakaako i a ia mō te aroha o te Atua. Māu anō e pēnā mō āu ake tamariki—tohaina atu ki a rātou ētahi whakaahua mō ngā mea i9 kite ai a Nīwhai i 1 Nīwhai 11:20, 24, 27, 31, me 33(tirohia Gospel Art Book, nama 30, 35, 39, 42, 57). I a koe e pānui ana i ēnei whiti, āwhinatia āu tamariki kia kimihia ai te whakaahua e hāngai ana. He aha ngā mea e ako ai tātou mō Ihu Karaiti i roto i ēnei whiti me ēnei whakaahua?

  

• Mā tētahi waiata pērā i “He Sent His Son” (Children’s Songbook, 34–35) e āwhina i ō tamariki kia rongo ai i te aroha o te Atua. Ina mutu tā koutou waiata, uia atu ō tamariki he ngā mea i ako ai rātou i roto i te waiata. He aha atu ngā mea e ako ai tātou mō te aroha o te Atua i roto i 1 Nīwhai 11:22–23?

Meatia ngā mahi toi hei āwhina i ō tamariki ki te ako. I a koe e whakaako ana i ō tamariki i tētahi paki kōrero karaipiture, āwhinatia rātou kia whakaahuahia i roto i ō rātou hinengaro. Mā te whakamahi i ngā pikitia, whitiāhua, karetao, kākahu whakaari, me te mea, te mea.

1 Nīwhai 13:26–29, 35–36, 40

Ka whakaako te Pukapuka a Moromona i ngā mea pono utu nui.

• Ka taea e koe te tā pikitia me te tono i ō tamariki kia haere mai me te tīni, te tango rānei i ētahi wāhanga o te pikitia hei āwhina i ō tamariki kia mōhio ai ki ngā “mea pono ”mārama utu nui” i roto i te Pukapuka a Moromona. Mā konei whakaako ai i te panonitanga me te tangohanga o ngā mea i te Paipera i roto i ngā tau. Pānuitia ngātahitia 1 Nīwhai 13:40 kātahi ka kōrero tahi me pēhea te Pukapuka a Moromona (”ngā tuhituhinga whakamutunga”) e āwhina ana i a tātou kia mārama ki ngā mea “mārama utu nui” i ngaro ai i te Paipera (ngā tuhituhinga “tuatahi”). He aha ngā mea pono “mārama utu nui” kua akona nei koe i te Pukapuka a Moromona?

• Mā te whitiāhua ”The Book of Mormon—a Book from God”(Wharepukapuka Rongopai) e whakamārama ki ō tamariki ki te hiranga nui kia mau ai te Paipera me te Pukapuka a Moromona. Ka rata pea ngā tamariki ki te waihanga anō i te whakaahua i kite ai rātou i te whitiāhua.

  The Book of Mormon—a Book from God

Ko te Pukapuka a Moromona te poutokomanawa, arā, te kohatu kī o tō tātou whakapono.

1 Nīwhai 15:23–24

Mā te pupuri ki te kupu a te Atua e āwhina ai i ahau kia kaua e tuohu i te kaha o Hātana.

• Tukuna āu tamariki kia kōrero mai ai ngā mea i ako ai rātou mō te Kitenga o Rīhai. Mā te whakamahi pikitia pea, pērā i te mea i roto i ngā whakamāramatanga nō tērā atu wiki e āwhina ai. He aha te mea i whakararu nei i ngā tāngata kia tae atu ki te rākau? He aha te mea i āwhina nei i a rātou kia tae atu rā? Ka uia atu pea kei hea te tokotoko rino i roto i te whakaahua. Pānuitia ngātahitia 1 Nīwhai 15:23–24 kia mōhio ai ki te tikanga o te tokotoko rino, me pēhea hoki tērā e āwhina nei i a tātou.

Hei whakaaro anō, tirohia te terenga mō tēnei marama o te Friend makahīni.

Tō Nīwhai kitenga mō Mere , nā James Johnson