Roksinkil li b’ichleb’aal

Li rajb’al li b’ichleb’aal a’in, a’an xk’utb’al lix evangelio li Jesukristo chiruheb’ li kok’al rik’in li b’ichank.

Chan ru xk’utb’al jun li b’ich chiruheb’ li kok’al

Eb’ li kok’al neke’xtzol xb’ichankil jun li b’ich rik’in rab’inkil chi b’ichamank k’iila sut. Re xtikib’ankil xk’utb’al jun li b’ich, taab’icha chiruheb’ li kok’al. Naru taapatz’ li na’leb’ reheb’ li kok’al chirix li b’ich re te’ok chixk’oxlankil.

1. Xb’een wa, taanaw li b’ich laa’at. Taanaw ru li raatinul ut lix yaab’al li b’ich rik’in xwajb’ankil sa’ li teclado, rab’inkil li chapb’il aatin, malaj rik’in ani chik nanawok re li b’ich. K’oxla k’a’ru li esil wan sa’ li aatin. K’oxla chan ru naru roksinkil li aatin sa’eb’ li loq’laj hu li tz’iib’anb’il resil rub’el li b’ich, re aatenq’ankil sa’ xk’utb’al li b’ich.

   Sik’eb’ li aatin li neke’xch’olob’ xyaalalil li b’ich, jo’ ajwi’ li aatin li junaqikeb’ xyaab’, ut li aatin li maare ink’a’ te’xnaw li kok’al, malaj ink’a’ te’xnaw xyeeb’al. K’e reetal chanru naxik li junjunq raqal re li b’ich, re taanaw b’arwan chi raqal tixtenq’aheb’ li kok’al chixtzolb’al. Numsi xb’ichankil li b’ich k’iila sut toj reetal taanaw chi us.

2. K’uub’ aana’leb’.

   1. Tenq’aheb’ li kok’al chi ab’ink—maare rik’in k’a’ruhaq wanq sa’ laa wuq’, jun jalam-uuch, jun aatin sa’eb’ li loq’laj hu, resil li k’a’ru xak’ul, malaj k’a’ruhaq taaye sa’ hasb’.

   2. Tenq’aheb’ li kok’al chirab’inkil li b’ich. Patz’ li na’leb’ re xtenq’ankileb’ li kok’al chixtawb’al ru li resil li evangelio—ye li patz’om re te’ruuq li kok’al chixtawb’al lix sumenkil naq nakab’icha li b’ich.

   3. Ye reheb’ li kok’al naq te’xb’icha li aatin li naxsume li patz’om. Taajal xkawil ut xjunpaatil li b’ich re xk’utb’al xyaalal. Ye reheb’ li kok’al naq te’rab’i rib’ chi b’ichank chi maak’a’ li wajb’. Ye reheb’ li kok’al naq te’xk’ojob’ rib’ chi chaab’il, ut naq tate’ril chi us.

   4. Ye lix nawom aach’ool chirix li yaal, malaj yeheb’ li aatin ch’olob’anb’il sa’eb’ li loq’laj hu.

Chan ru naru xjalb’al b’ayaq xk’utb’esinkil li b’ich

1. Wan naq naru xjalb’al ru b’ayaq li aatin a’ yaal jo’ li yoo chi k’ulmank. (Chi’ilmanq “Yoo li hab’ sa’ k’aleb’aal” sa’ li perel 117.)

2. Naru xk’utb’aleb’ li b’ich li neke’xb’aanu li k’utb’esink, malaj ut eb’ li kok’al neke’ru chatenq’ankil chixk’oxlankil k’a’ru taak’utb’esimanq rochb’een li b’ichank.

3. Naru taapatz’ re kok’ ch’uut naq te’xb’icha jun raqal re li b’ich.

4. Naru taawoksi li b’ich li wiib’ xja’ajil re xb’ichankil sa’ xkab’ichal.

5. Naru taajunaji wiib’ oxib’ li b’ich li neke’aatinak chirix li jun chi na’leb’.

6. Naru naq jun ajwi’ reheb’ li kok’al tixb’icha jun raqal li b’ich xjunes, malaj jun ch’uuteb’ li kok’al neke’ru chixb’ichankil sa’ komonil lix sumenkil li b’ich.

7. K’eheb’ li kok’al chixjananinkil malaj chixb’ichankil junjunq li b’ich sa’ xtiklajik li ch’utam.

Chan ru xb’eresinkil jun li b’ich

Wi anchal aach’ool ut kawresinb’ilat, ut wan aapaab’aal, te’kawresiiq xnawomeb’ xch’ool li kok’al chirix li evangelio.

Naq eb’ li kok’al neke’ok chixtzolb’al jun li b’ich, tenq’aheb’ chixtaaqenkil xjayal lix ja’ajil li b’ich rik’in xtaqsinkil ut xkub’sinkil laa wuq’ a’ yaal jo’ lix yaab’al li b’ich. Naru ajwi’ taaweek’asi b’ayaq aawuq’ re xk’utb’al xjunpaatil lix yaab’, ut chi jo’kan te’ril xxikik li b’ich jo’ ajwi’ lix yaab’al.

Naq ak xe’xtzol li kok’al li b’ich, naru taawoksi lix toonal li tenok, jo’ k’utb’il sa’ li perel jun chik, malaj naru ajwi’ naq rochb’een a’an taataqsi ut taakub’si b’ayaq aawuq’ re xk’utb’al lix yaab’al.

Chan ru xwajb’ankil li b’ich naq te’bichanq

Eb’ li kok’al te’xb’icha jun li b’ich a’ yaal jo’ chanru toch’b’ileb’ xch’ool xb’aan lix wajb’ankil. Sa’ li wajb’ak, na’ajman naq taatenq’aheb’ lix yaab’ xkuxeb’ ut ink’a’ tatnumtaaq sa’ xb’eeneb’.

Naab’al reheb’ li b’ich sa’ li hu a’in, jo’eb’ li b’ich chirix li tijok, neke’ru chi oksimank naq maji’ natikla li ch’utam. Wi nach’e’man li b’ich te’xtzol li kok’al naq maji’ natikla li ch’utam, te’ok chi k’ayk rik’in lix yaab’al.

Risinkil reetalileb’ li b’ich

Eb’ li b’ich wan wi’ li aatin © (chihab’) IRI chi tz’iib’anb’il rub’el li b’ich, malaj eb’ li b’ich maak’a’ wi’ li aatin chirix xk’ulub’il, neke’ru chi isimank reetailileb’ re te’oksimanq sa’ iglees malaj sa’ ochoch chi ink’a’ patz’b’il xtz’aq; jo’kan ajwi’ eb’ li jalam-uuch ut li k’a’aq chik re ru wan sa’ li hu. Eb’ li b’ich wan wi’ li aatin “Naru risinkil reetalil li b’ich a’in re roksinkil sa’ iglees malaj sa’ ochoch chi ink’a’ patz’b’il xtz’aq” neke’ru ajwi’ chi isimank reetalileb’ jo’ chanru yeeb’il. Wi nak’utun resil lix k’ulub’il rub’el li b’ich, tento naq taawanq li esil a’an sa’ li junjunq perel isinb’il wi’ reetalil.

Eb’ li b’ich sa’ li perel 23, 113, 148, ut jun li b’ich sa’ li perel 143 ramrookeb’ xb’aan li chaq’rab’, ut ink’a’ naru risinkil reetalil.

Junjunq k’anjeleb’aal sa’ li b’ichleb’aal

Reetalil li junpaatil

Sa’ xtz’e li junjunq chi b’ich wan li eetalil re xk’utb’al chanru xjunpaatil lix xikik. Jo’ eetalil,

= 56–72 naraj naxye naq us xb’ichankil chi 56 toj 72 tenok sa’ li jun k’asal (li kaajachil tz’iib’ naxk’am li jun tenok). Naru taawoksi jun reloj. Li ch’ina ru’uj taa’eek’anq 60 tenok sa’ li jun k’asal.

Reetalil lix tikib’ankil li b’ich

Beginning introduction

Introduction ending

K’eeb’il li tz’apleb’ xuk

re xk’utb’al k’a’ru raqal naru chi oksimank jo’ xtikib’ankil li b’ich, wi ink’a’ ak tz’iib’anb’il jun xtikib’ankil.

Reetalil ru’uj uq’ej

Wankeb’ li kok’ ajl sa’ xtz’e ut rub’el lix tz’iib’ul li xyaab’, ut a’aneb’ reetalil li b’arwan chi ru’uj uq’ej taa’oksimanq re xch’e’b’al li wajb’. Lix tusb’al li ru’uj uq’ej tatxtenq’a chixnawb’al chan ru xk’eeb’al laa wuq’ sa’ xtiklajik li b’ich, jo’q’e taajal xna’aj, ut naxk’ut ajwi’ chan ru xch’e’b’al li jar raqal li ch’a’aj xch’e’b’al.

Fingering markings

Xcholob’ankileb’ li eetalil ut li aatin

Bass clef

Li tasal wan wi’ li reetalil li FA naxk’ut li k’a’ru ch’e’b’il rik’in li tz’e uq’ej, rub’el li C wan sa’ xyi.

Treble clef

Li tasal wan wi’ li reetalil li SOL naxk’ut li xb’een xja’ajil li b’ich ut li jun jachal nach’e’man rik’in li nim uq’ej, li wan sa’ xb’een li C sa’ xyi.

Time signature

Li reetalil li rajlil li b’ich wan sa’ xtiklajik li junjunq b’ich. Li ajl sa’ xb’een naxk’ut jarub’ tenok wan sa’ li jun b’isleb’. Li ajl wan rub’el naxye k’a’ru chi tz’iib’ul naxk’ul li jun tenok.

Li sostenio # naxtaqsi b’ayaq xyaab’al li tz’iib’. Li bemol b naxkub’si b’ayaq xyaab’al. Li becuadro

naxq’ajsi li tz’iib’ sa’ xyaab’al li ak re.

Triplet

Naq nak’eeman li oxib’ ruhil tz’iib’, naraj naxye naq wan oxib’ chi tz’iib’ sa’ li jun tenok. (Chi’ilmanq “Lemtz’un”, perel 96.)

8va

Li eetalil 8va sa’ xb’een li jun tasal naraj naxye naq neke’ch’e’man li tz’iib’ jun octavo chik sa’ xb’een li k’a’ru tz’iib’anb’il.

Fermata

Jun li calderon naxk’ut jun li b’ayok malaj jun li ch’ina xaqliik. Na’ajman xb’ayb’al b’ayaq xxikik li b’ich sa’ li jun tz’iib’ a’an.

Accents

Li acento naraj naxye naq na’ajman xk’eeb’al b’ayaq chik xmetz’ew li tenok a’an.

Staccato

Jun li reetalil li staccato sa’ xb’een malaj rub’el jun li tz’iib’ naraj naxye naq laj wajb’ yal tixtochi li jun tz’iib’ a’an.

Slur

Jun li laq’leb’ k’aam naxk’ut naq te’ok wiib’ li tz’iib’ choq’ re yal jun xjachal li aatin.

Repeat bars

Lix cha’al li b’ich li wan sa’ xyanqeb’ li wiib’ chi reetalil li sutq’ijik nach’e’man xkab’ sut. Wi ka’ajwi’ wan jun reetalil li sutq’ijik sa’ xraqik, nach’e’man xkab’ sut chalen chaq sa’ xtiklajik li b’ich.

Tie

Jun li b’ak’leb’ k’aam (li naxjunaji wiib’ li tz’iib’ li juntaq’eeteb’ xna’ajil) naxk’ut naq jun sut ajwi’ taach’e’manq li jun tz’iib’ a’an, a’ut taayaab’asi chiru xhoonal li wiib’ chi tz’iib’. Wan naq b’ak’b’ileb’ li tz’iib’ sa’ jun raqal re li b’ich, ut ink’a’ sa’ li jun raqal chik.

Crescendo

Li crescendo naraj naxye naq naniman lixyaab’ li b’ich.

Decrescendo

Li decrescendo naraj naxye naq nach’inan lix yaab’ li b’ich.

More than one ending

Sa’ junjunq li b’ich, wan numenaq jun lix raqb’al. Li xb’een sut taach’e’ li b’ich, oksiheb’ li jar b’isleb’ sa’ li xb’eenil xraqb’al. Tatsutq’iiq sa’ xtiklajik jo’ yeeb’il, a’ut li xkab’ sut tatpisk’ok sa’ xb’een li xb’eenil xraqb’al, ut taawoksi li xkab’il xraqb’al jo’ chanru k’utb’il.

fine

Li aatin a’in naraj naxye “xraqik”.

D.C. al fine

Li aatin Da capo al fine naraj naxye naq tatsutq’iiq sa’ xtiklajik, ut taach’e’ toj reetal taataw li aatin fine.

D.S.

Dal segno al fine

al fine

Li aatin Dal segno al fine naraj naxye naq tatsutq’iiq toj b’ar wi’ natawman li eetalil

ut taach’e’ toj reetal taataw li aatin fine.

rit.

Li aatin ritardando naraj naxye naq timil timil taak’os xjunpaatil li b’ich. (Chi’ilmanq “Kixtaqla li Ralal”, perel 20.)

a tempo

Li aatin a’in naraj naxye naq na’ok wi’chik li b’ich sa’ xjunpaatil xxikik jo’ xwan sa’ xtiklajik.

descant

Jun li descant naraj naxye jun chik xja’ajil li b’ich, li jalan wi’ raatin rik’in li yoo chi b’ichamank. Naru ajwi’ xch’e’b’al li descant chiru junaq wajb’.

obbligato

Jun li obbligato naraj naxye jalan chik lix ja’ajil li b’ich’ ch’e’b’il chiru li wajb’ chi taqenaq sa’ xb’een li xb’een xja’ajil li b’ich. Wan naq naru ajwi’ taab’ichamanq li ja’ajil a’in rik’in li aatin li wan sa’ li b’ich.

ostinato

Jun li ostinato naraj naxye jun li yaab’ li nak’iilasutink (kok’ sa’ nawiib’an xyaab’) ut nab’ichaman rochb’een li b’ich. (Chi’ilmanq “Tikto tinb’aanu”, p. 71.)

sumenk-ib’ b’ichank

Jun ch’uuteb’ li kok’al neke’xtikib’ li b’ich, ut chirix li jar b’isleb’ k’eeb’il wi’ li ajl, li junjunq ch’uut chik neke’tikla. Us naq taab’ichamanq li sumenk-ib’ b’ichank chi maak’a’ li wajb’—a’eb’ li jachb’il ja’ajil li te’k’anjelaq choq’ ruuchil li wajb’ sa’ li b’ich.

b’ich re ka’ tasal

Sa’ jun li b’ich re ka’ tasal, wan wiib’ lix ja’ajil, li neke’ru chi b’ichamank sa’ wiib’al.

Phrase mark

Li laq’leb’ k’aam arin naxk’ut naq eb’ li tz’iib’ a’in neke’ch’e’man chi junajinb’ileb’ b’ayaq sa’ xxikik.

Rolled effect

Li arpegio naraj naxye naq taach’e’eb’ li tz’iib’ chi junjunqil; xb’een wa li wan taq’a toj reetal li wan taqe’q.

Eb’ lix toonal li tenok

Xtoonal li wiib’ tenok

Two-beat pattern

Na’oksiman choq’ reheb’ li b’ich li wan rajlil sa’ 2/2, 2/4, malaj 6/8

Xtoonal li oxib’ tenok

Three-beat pattern

Na’oksiman choq’ reheb’ li b’ich li wan rajlil sa’ 3/4 malaj 9/8

Xtoonal li kaahib’ tenok

Four-beat pattern

Na’oksiman choq’ reheb’ li b’ich li wan rajlil sa’ 4/4 malaj 12/8

Xtoonal li waqib’ tenok

Six-beat pattern

Na’oksiman choq’ reheb’ li b’ich li wan rajlil sa’ 6/8

Reetalil li junajinb’il tz’iib’

Wi maak’a’ li teclado, naru na’oksiman jun li guitarra malaj jalan chik li wajb’. Oksiheb’ li junajinb’il tz’iib’ li eetanb’il sa’ xb’een lix ja’ajil li b’ich.

Chord Chart