Khaolo ea 9

Lehae le Lecha Lefatśeng la Pallo

Sekepe se neng se jarile lelapa la Lehi se ile sa ts´ela leoatle ´me sa fihla lefatśeng la pallo. Batho ba ile ba hloma litente tsa bona.

1 Nefi 18:23

Ba ile ba hlophisa mobu ´me ba jala lipeo tseo ba neng ba tlile le tsona.

1 Nefi18:24

Ha ba ntse ba tsamaea lefats´eng la bona le lecha, ba ile ba fumana mefuta e mengata ea liphoofolo. Hape ba ile ba fumana khauta, selivera, le koporo.

1 Nefi 18:25

Molimo o ile a bolella Nefi ho etsa matlapa a tśepe ho ngola ho oona. Nefi o ile a ngola ka lelapa labo le maeto a bona. A boela a ngola le mantsoe a Molimo.

1 Nefi 19:1, 3

Lehi a tsofala. Pele a shoa o ile a bua le bara ba hae ´me a ba bolella ho mamela melao ea Molimo. A boela a hlohonolofatsa litloholo tsa hae.

2 Nefi 1:14, 16; 4:3–11

Kamorao ho hore Lehi a shoe Lamane le Lemuele ba ile ba halefela Nefi ´me ba batla ho mo bolaea. Ba ne ba sa rate ha moena oa bona Nefi, eba moetapele oa bona.

2 Nefi 4:13; 5:2–3

Morena a bolella Nefi ho etella pele batho ba neng ba lokile ho ea lefelleng. Ba ile ba tsamaea matsatsi a mangata ´me qetellong ba fihla lefatśeng leo ba ileng ba le reha Nefi.

2Nefi 5:5 - 8

Batho ba ileng ba latela Nefi ba ne ba mamela Molimo. Ba ne ba sebetsa ka thata ´me ba ile ba hlohonolofatsoa. Nefi o ile a ruta batho ba habo ho aha ka lifate le tśepe. Ba ile ba aha tempele e ntle.

2 Nefi 5:10 – 11, 15 - 16

Balateli ba Lamane le Lemuele ba ile ba bitsoa Ba-Lamane.

2 Nefi 5:14

Ba-Lamane ha ba ka ba mamela Molimo ´me ba khaola ho tloha pontśeng ea hae. Moea oa Morena o ne o ke ke oa ba le bona ho fihlela ba baka.

2 Nefi 5:20; Ethere 2:15

Ba-Lamane ba ne ba tletse bobe ´me hangata ba loantśa Ba-Nefi.

2 Nefi 5:24, 34