Khaolo ea 46

Jesu Kreste o Ruta le Ho Rapela le Ba-Nefi.

Ba-Nefi ba ileng ba bona Jesu Kreste ba ile ba bolella metsoalle ea bona hore o tla khutla letsatsi le hlahlamang. Batho ba bangata ba ile ba sebetsa ka thata ho ea fihla moo Jesu a tla ba hona teng.

3 Nefi 19:2 - 3

Letsatsi le hlahlamang Nefi le barutuoa ba bang ba ile ba ruta sehlopha se neng se bokane. Barutuoa ba ile ba rapela hore ba fumane Moea o Halalelang.

3 Nefi 19:6 - 9

Nefi o ile a kena ka metsing ´me a kolobetsoa. Eaba o kolobetsa barutuoa ba bang.

3 Nefi 19:11 - 12

Kamorao ho hore ba kolobetsoe, ba ile ba fumana Moea o Halalelang. Mollo o ile oa bonahala o ba potapotile, ´me mangeloi a ile a theoha maholimong ´me a ba sebeletsa.

3 Nefi 19:13 - 14

Ha mangeloi a ntse a ena le barutuoa, Jesu o ile a fihla a ema har´a bona.

3 Nefi 19:15

Kreste o ile a bolella Ba-Nefi ho khumama fatśe. O ile a bolella barutuoa ba hae hore ba rapele.

3 Nefi 19:16 - 17

Ha ba ntse ba rapela, Jesu o ile a leba sebakana ho batho ´me a khumama ´me a rapela ho Ntate a Maholimong.

3 Nefi 19:18 - 20

Jesu o ile a leboha Ntate ea Maholimong ka ho fa barutuoa ba hae Moea o Halalelang. Eaba o kopa hore Moea o Halalelang o fuoe bohle ba lumelang mantsoe a barutuoa ba hae.

3 Nefi 19:20 - 21

Jesu o ile a hlohonolofatsa barutuoa ba hae ha ba ntse ba rapela. O ile a bososela le bona ´me ba ile ba eba basoeu joaloka sefahleho le liaparo tsa hae.

3 Nefi 19:25

Jesu o ile a boela a rapella barutuoa ba hae. O ne a thabile ke tumelo ea bona e matla.

3 Nefi 19:29, 35

Kreste o ile a bolella batho hore ba emise ho rapela empa ba tsoele pele ho rapella ka lipelong tsa bona. Eaba o ba fa selallo.

3 Nefi 20:1 - 5

Ho ne ho sena motho ea tlileng le bohobe kapa veine, empa Mopholosi o ile a fana ka tsona ka tsela ea mohlolo.

3 Nefi 20:6 - 7

Jesu Kreste o ile a bolella Ba-Nefi hore evangeli ea hae e tla khutlela lefatśeng matsatsing a ho qetela.

3 Nefi 21:1, 3, 7, 9

O ile a ba bolella hore ba ithute mangolo a halalelang, ´me o ile a etsa hore Nefi a ngole ka har´a lingoliloeng phethahatso ea litśenolo tsa Samuele oa Mo-Lamane.

3 Nefi 23:1, 9 - 13

Eaba Jesu o ruta batho ho tsoa ka mangolong a halalelang. O ile a ba bolella hore ba rutane lintho tseo a ba rutileng tsona.

3 Nefi 23:14

Jesu o ile a khutlela maholimong, ´me barutuoa ba hae ba ile ba ruta batho. Bao ba neng ba lumela ba ile ba kolobetsoa ´me ba fumana Moea o Halalelang.

3 Nefi 26:15, 17

Ba-Nefi ba ile ba qalella ho mamela litaelo tsohle.

3 Nefi 26:20