“iKuri ni TTW,” Janu. 2021.
iKuri ni TTW (Taro Tarogi Wasoma)
Au na taroga vakacava na veika me baleta na noqu volayaca?
Me baleta na taro eso ni nomu volayaca, sikova na store.ChurchofJesusChrist.org ka raica na naba ni nomu vanua ena ruku ni “Veitaratara kei Keitou.”
O cei e rawa ni ciqoma e dua na ilavelave tawasaumi ni volayaca?
Ratou sa vakauqeti ira na veiliutaki ni tabanalevu kei na tabana na Mataveiliutaki Taumada me ra vukei ira na lewenilotu me rawa ni ra tabaka na ilavelave se lewenivola ni mekasini vakalivaliva mai na Lotu ena veisala oqo:
Dolea na mekasini eso vei ira na lewenilotu papitaisotaki vou: Ni ra sa papitaiso oti na lewenilotu vou, sa dodonu me vakaraitaki vei ira na sala mera rawata kina na mekasini ni Lotu ena icurucuru ni Gospel Library se initaneti. Ke ra vinakata e dua na lavelave ni mekasini, sa rawa ni soli vei ira na lewenilotu vou e dua na yabaki ni volayaca tawasaumi ena vakayagataki ni lavo ni tabanilotu.
Vakarautaka na mekasini vei ira na tabagone kei na gonelalai: Ni vakayagataki na ilavo ni tabanilotu, sa dodonu me rawa tu na volayaca vei ira taucoko na gonelalai kei na tabagone ka dau lotu ka sega nodra itubutubu se dauveisusu.
Au na vakauta vakacava e dua na itukutuku, vakasama, se tukutukulesu ki na mekasini eso?
Me vakau e dua na itukutuku, vakasama, se tukutukulesu ki na mekasini eso, vakayagataka na isema e ra:
Liaona: Vakauta na itukutuku, vakasama, kei na tukutukulesu ki na Liaona initaneti.
TQ Vakamacawa: Vakauta na itukutuku, vakasama, kei na tukutukulesu ki na TQ Vakamacawa initaneti.
Me iSakisaki ni Tabagone: Vakauta na itukutuku, vakasama, kei na tukutukulesu ki na Me iSakisaki ni Tabagone initaneti se imelitaki keitou ena ftsoy@ChurchofJesusChrist.org.
iTokani: Vakauta na itukutuku, vakasama, kei na tukutukulesu ki na iTokani initaneti se imelitaki keitou ena friend@ChurchofJesusChrist.org.
Cava na vuna e veisautaki kina na Ensign kei na New Era ?
Ena vuqa na yabaki, sa tabaka tu na Lotu e tolu na mekasini ena vosa vaka-Valagi (Friend, New Era, kei na Ensign), vakakina e dua na mekasini e vakadewataki ena vosa tale eso (Liaona).
Tekivu ena Janueri 2021, sa sosomitaki na veitabaivola oqo ena tolu na mekasini e qaravi ira na lewenilotu e vuravura raraba ena vosa duidui eso: na iTokani me baleti ira na gone yabaki 3–11, Me iSakisaki ni Tabagone me baleti ira na tabagone yabaki 11–18, kei na Liaona me baleti ira na uabula.
Na veimekasini e vuravura raraba oqo ena vukea vakalevu na wasei ni tukutuku veivakaduavatataki eso kivei ira na ilawalawa levu dauwilivola. Na kena caka oqo ena vakatara talega na Lotu me vakauta vakalevu sara na lewenivola ki na vanua duidui eso e vuravura mai na kena eliu.
Au na volayaca vakacava?
O rawa ni volayaca ena store.ChurchofJesusChrist.org, ena nomu tabana ni voli veikauyaki, se veitaratara kei na Global Services Department. E rawa ni qirita o ira e Amerika kei Kenada na 1-800-537-5971.
E vakacava tu na levu ni gauna au na taura kina e dua na mekasini?
Tekivu ena Janueri 2021, sa na tiko ena veivula na mekasini tabaki ka vakalivaliva ena vosa eso oqo: Cebuano, Jaina, Jaina Vakarawarawataki, Denisi, Daji, Valagi, Finnish, Varanise, Jamani, Hungarian, Itali, Japani, Korea, Nowei, Potukali, Rusia, Samoa, Sipeni, Suwiteni, Tagalog, Thai, Toga, kei na Ukrainian.
Ena vosa eso oqo, sa na tiko ena veivula rua na mekasini tabaki ka vakalivaliva (ono na gauna ena dua na yabaki): Albania, Armenia, Bislama, Bulgaria, Cambodia, Croatia, Czech, Estonian, Viti, Kiriki, Icelandic, Idonesia, Kiribati, Latvia, Lithuanian, Malagasy, Marshallese, Mongolian, Poladi, Romania, Slovenian, Swahili, Tahiti, kei na Vietnamese. Me kena ikuri, na lewenivola digitaki ni mekasini sa na tiko ena veivosa oqo vakalivaliva ena vula eso e sega ni tiko kina e dua na mekasini tabaki.
Ena vosa eso oqo, na lewenivola digitaki ni mekasini sa na tiko duadua ga vakalivaliva ena veivula: Aferika, Amharic, Arapea, Burmese, Chuukese, Efik, Fante, Georgian, Haitian, Hiligaynon, Idia, Idia (e Viti), Hmong, Igbo, Ilokano, Kinyarwanda, Kosraean, Laotian, Lingala, Maleya, Maltese, Nepali, Palauan, Pohnpeian, S. Sotho, Serbian, Shona, Sinhala, Slovak, Tamil, Telugu, Tshiluba, Tswana, Turkish, Twi, Urdu, Xhosa, Yapese, Yoruba, kei Zulu.