Fakamāloó

Kuo liliu ʻe he Fakamoʻui Fakafou ʻi he Fakamoʻuí: Ko e Fakahinohino Sitepu ʻe 12 ki he Polokalama Fakaakeake mei he Maʻunimaá ʻa e ngaahi sitepu totonu ʻe 12 ʻo e Alcoholics Anonymous World Services, Inc. ki ha faʻunga ʻo e ngaahi tokāteline, ngaahi tefitoʻi moʻoni, mo e ngaahi tui ʻa e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. ʻOku ʻoatu heni ʻa e ngaahi sitepu totonu ʻe 12, pea ʻoku hā ʻi he toenga ʻo e fakahinohino ko ʻení ʻa e ngaahi sitepu ʻe 12 ʻi hono fakaʻaongaʻi ʻi he polokalamá ni.

ʻOku toe paaki mo fakafenāpasi e ngaahi sitepu ʻe 12 ʻi hono fakangofua ʻe he Alcoholics Anonymous World Services, Inc. (AAWS). ʻOku ʻikai ʻuhinga e fakangofua ke toe paaki mo fakafenāpasi e ngaahi sitepu ʻe 12 kuo vakaiʻi pe tali ʻe he AAWS ʻa e pulusinga ko ʻení pe tali lelei ʻe he AAWS ʻa e ngaahi fakakaukau ʻoku fakamatalaʻi hení. Ko e Alcoholics Anonymous (AA) ko ha polokalama fakaakeake ia mei he maʻu kavamālohí pē. ʻOku ʻikai toe kehe hono fakaʻaongaʻi e ngaahi sitepu ʻe 12 ʻi he ngaahi polokalama mo e ngaahi ʻekitivitī ʻoku sīpinga tatau mo e AA ka ʻoku fakataumuʻa ia ki ha ngaahi palopalema kehe pe ʻi ha tūkunga ʻoku ʻikai kaunga ki he AA. ʻIkai ngata aí, neongo ko e AA ko ha polokalama fakalaumālie, ka ʻoku ʻikai ko ha polokalama fakalotu ia. Ko ia ai, ʻoku ʻikai fengāueʻaki pe fekauʻaki ʻa e AA mo ha faʻahinga siasi, kulupu, pe tui fakalotu pau.

Ko e ngaahi sitepu ʻe 12 ʻo e Alcoholics Anonymous:

1. Naʻa tau fakahā ʻoku ʻikai haʻatau mālohi ki he kavamālohí—kuo ʻikai toe lava ʻo mapuleʻi ʻetau moʻuí.

2. Naʻa tau tui ʻe lava ʻe ha Mālohi ʻoku mālohi ange ʻiate kitautolu ʻo fakafoki kitautolu ki he fakakaukau leleí.

3. Fai ha fili ke fakatafoki hotau lotó mo ʻetau moʻuí ke tauhi ʻe he ʻOtuá ʻi heʻetau maʻu ha mahino kiate Iá.

4. Fai ha fakamatala hangatonu mo loto-toʻa ʻo fekauʻaki mo hotau tuʻunga angatonú.

5. Fakahā ki he ʻOtuá, kiate kitautolu, pea ki ha tangata ʻe taha ʻa e natula totonu ʻo ʻetau ngaahi fehālākí.

6. Naʻa tau mateuteu kakato ke toʻo ʻe he ʻOtuá ʻa e ngaahi mele kotoa ko ʻeni ʻi he ʻulungāngá.

7. Naʻa tau kole ʻi he loto-fakatōkilalo ke Ne toʻo ʻetau ngaahi tōnounoú.

8. Faʻu ha lisi ʻo e kakai kotoa pē naʻa tau fakalaveaʻí, pea loto-fiemālie ke fakalelei mo kinautolu.

9. Kole fakamolemole fakahangatonu ki he kakai ko iá ʻi ha feituʻu pē ʻe malavá, tuku kehe taimi ʻe fakalaveaʻi ai kinautolu pe ko ha niʻihi kehe ʻi hono fai iá.

10. Hokohoko atu hono hiki e ngaahi meʻa ʻokú ke fakahoko fakatāutahá mo fakahā taimi totonu ʻetau ngaahi fehālākí.

11. Feinga ʻi he lotu mo e fakakaukauloto ke fakaleleiʻi ʻetau fetuʻutaki ki he ʻOtuá ʻi heʻetau maʻu ha mahino kiate Iá, ʻo lotua pē ke ʻiloʻi Hono finangaló pea mo e mālohi ke fakahoko iá.

12. ʻI hono maʻu ha fakaake fakalaumālie ko e ola ʻo e Ngaahi Sitepu ko ʻení, naʻa mau feinga ke ʻave ʻa e pōpoakí ni ki he kau maʻu kavamālohi kotoa pē, pea fakaʻaongaʻi e ngaahi tefitoʻi moʻoni ko ʻení ʻi heʻemau ngaahi fengāueʻaki kotoa pē.

Alcoholics Anonymous World Services, Inc.®