Dua na Matavuvale ni Mekasini e Vuravura Raraba

mekasini

Tekivu ena Janueri 2021, sa tekivu tabaka na Lotu e tolu na mekasini e vuravura raraba: na iTokani (me baleti ira na gone yabaki 3–11), Me iSakisaki ni Tabagone (me baleti ira na tabagone yabaki 11–18), kei na Liaona (me baleti ira na uabula). Na mekasini eso oqo sa sosomitaka na va na mekasini ni Lotu eliu, e tolu vei ira a tabaki tu ena vosa ga vaka-Valagi.

Ni ratou kacivaka tu na veimekasini vou oqo, sa vakadeitaka na Mataveiliutaki Taumada, “Sa neitou gagadre mera na volayaca na lewenilotu ena veivanua kecega ka kidavaka na veivakayarayarataki tokoni ni vakabauta oqo ki na lomadra kei na nodra itikotiko” (ivola ni Mataveiliutaki Taumada, 14 ni Okosita, 2020).

Keitou sa cakacaka vakaukauwa tiko me vakadeitaka se o ni tiko mai Slovenia se Sipeni, Madagascar se Massachusetts, na mekasini eso oqo e sa baleti kemuni. Se o vosa tu va-Korea se va-Kirivasi, e simede tu se bitu na nomu itikotiko, se o a papitaiso ena 80 na yabaki sa oti se nanoa ga, na itukutuku oqo e vakatakila na nomu vakadinadina, na ka o sotava, kei na nomu vuvale vakabauta. Sa dua vei ira na veivakalougatataki levu oqo ni mekasini eso e vuravura raraba: era sa vakaduavatataki keda ka vakananumi keda ni da sa lewena taucoko e dua na matavuvale Lotu e vuravura raraba.

Na kena tiko na tolu na mekasini e vuravura raraba ena vakatara e rauta ni 97 na pasede ni lewenilotu me ra taura e dua na mekasini tabaki ena veivula se ena veivula rua. (Ena gauna e liu, eso na vosa e ciqoma walega e dua na mekasini ena dua na yabaki!) Raica na tabana ni TTW oqo ena ikuri ni sala ena tabaki totolo kina na lewenivola ni mekasini ena vosa duidui eso.

Ena kumuni ni Mekasini ena Gospel Library, o na raica e dua na yatu ni tolu na mekasini yadua e vuravura raraba, vakakina e dua na yatu ni tabaivola vou duadua ga vakalivaliva me baleti ira na tabagone qase cake ka vakatokai na TQ Vakamacawa. O rawa ni vulica eke eso tale na ka baleta na tabaivola yadua ena iwase “Me Baleta na Mekasini ni Lotu”.