პირველი ხილვა

შეგიძლიათ წაიკითხოთ ეს ამბავი ჯოზეფ სმითი — ისტორია 1:1–20-ში.

ჯოზეფ სმითი უყურებს ადამიანს, რომელიც შეკრებილი ხალხისთვის ქადაგებს

ჯოზეფ სმითი ახალგაზრდა რომ იყო, მრავალი ეკლესია სხვადასხვა რამეს ასწავლიდა იესო ქრისტეს შესახებ. ჯოზეფმა არ იცოდა, რომელ ეკლესიას შეერთებოდა.

ერთხელ, მან წაიკითხა იაკობი 1:5 ბიბლიაში. იქ ნათქვამი იყო, რომ თუ სიბრძნე გვჭირდება, შეგვიძლია ღმერთს ვთხოვოთ. ჯოზეფმა გადაწყვიტა, ასე მოქცეულიყო.

გაზაფხულის მშვენიერ დღეს ჯოზეფი წავიდა პატარა ტყეში, რათა მამაზეციერისადმი ელოცა.

ჯოზეფმა დაიჩოქა და ლოცვა დაიწყო. მაგრამ შემდეგ სიბნელე იგრძნო მის ირგვლივ. ჯოზეფს შეეშინდა. მან ღმერთს მიმართა დახმარებისთვის.

ზეციური მამისა და იესო ქრისტეს ჯოზეფ სმითისადმი გამოცხადება

უეცრად ჯოზეფმა იხილა ციდან ჩამომავალი კაშკაშა სინათლე. მან მამაზეციერი და იესო ქრისტე იხილა ჰაერში მდგომები. მამაზეციერმა ჯოზეფს სახელით მიმართა. შემდეგ იესო ქრისტეზე მიუთითა და თქვა: „ეს არის ჩემი საყვარელი ძე. მოუსმინე მას!“

იესომ უთხრა ჯოზეფს, არ შეერთებოდა არცერთ ეკლესიას.

ჯოზეფი დაეხმარებოდა დედამიწაზე სახარების აღდგენაში.

ჯოზეფი აღარ იყო დაბნეული. იგი სიხარულით აღვსილი იყო! მან იცოდა, რომ ღმერთს უყვარს იგი. ზოგს არ სჯეროდა, რომ ჯოზეფმა მამაზეციერი და იესო ქრისტე იხილა, მაგრამ მან იცოდა, რომ ეს მართალი იყო.