Դառնալ վկա

Մորոնին Մերի Ուիթմերին ցույց է տալիս ոսկե թիթեղները

1829 թ.-ի գարնանը Մերի և Փիթեր Ուիթմերները իրենց տուն ընդունեցին Ջոզեֆ և Էմմա Սմիթներին և Օլիվեր Քաուդերիին, որպեսզի կատարվեր ոսկե թիթեղների թարգմանությունը: Մերին շատ զբաղված էր և նրա ժամանակը սուղ էր։ Իր տանը նա խնամում էր ինը հոգու, նաև օգնում էր ամուսնացած երեխաներին, որոնք ապրում էին մոտակայքում:

Մերիի հինգ որդիները և նրա երկու (վերջնական) փեսաները 1829 թվականի հունիսին դարձան ոսկե թիթեղների պաշտոնական վկաներ: Նույն ամսին Մերին ստացավ իր սեփական վկայությունը։

Նրա տան մոտ մի ալեհեր տղամարդ ուսապարկն ուսին մոտեցավ Մերիին և ասաց. «Իմ անունը Մորոնի է: Դուք բավականին հոգնած եք ողջ լրացուցիչ աշխատանքից, որ պետք է անեք»։ Ուսից իջեցնելով ուսապարկը՝ Մորոնին շարունակեց. «Դուք շատ հավատարիմ և ջանասեր եք եղել ձեր աշխատանքում: Ուստի տեղին է, որ դուք պետք է վկայություն ստանաք, որ ձեր հավատքն ամրապնդվի»։ Այնուհետև նա բացահայտեց իր ուսապարկի պարունակությունը՝ ոսկե թիթեղները:¹

Մերին դարձավ ոսկե թիթեղների վկան, ինչպես Երեք Վկաները և Ութ Վկաները, որոնց վկայությունները գտնվում են Մորմոնի Գրքի ներածական էջերում: Մերիի խոնարհությունն ու ջանասիրությունը պատրաստեցին նրան, որ վկա լինի։ Նրա վկայությունը գրված չէ Մորմոնի Գրքի ներածական էջերում, և նրա անունը չկա հուշատախտակների, հուշարձանների կամ շատ Սրբերի մտքերում, ովքեր եկել են նրանից հետո: Թեև նրա ամենօրյա ներդրումը տանը և ընտանիքում, հավանաբար, աննկատ մնացին շատերի կողմից, դրանք հայտնի էին Աստծուն։

Տասներկու Առաքյալների Քվորումից երեց Դիտեր Ֆ. Ուխդորֆն ուսուցանել է.

«Տիրոջ դատը մեծապես տարբերվում է այն եղանակից, որով մենք ենք դատում: Նա գոհ է ազնվական ծառայից, ոչ թե եսակենտրոն ազնվականից։

Նրանք, ովքեր խոնարհ են այս կյանքում, փառքի պսակներ կկրեն հաջորդ կյանքում»:²

Մորոնիի հիշատակարանը այժմ թարգմանված է Մորմոնի Գրքում, և մենք կարող ենք վկայություն ստանալ դրա ճշմարտացիության մասին՝ համաձայն այն խոստման, որը Մորոնին թողել է իր վերջին էջերում. «Ես կկամենայի հորդորել ձեզ, որ դուք հարցնեք Աստծուն՝ Հավերժական Հորը, Քրիստոսի անունով, թե արդյոք այս բաները ճիշտ չեն. և եթե դուք հարցնեք մաքուր սրտով, անկեղծ միտումով, հավատք ունենալով առ Քրիստոս, նա կհայտնի ձեզ դրանց ճշմարտության մասին՝ Սուրբ Հոգու զորությամբ» (Մորոնի 10.4):

Երբևէ զգացե՞լ եք, որ ձեր բեռները մեծ են, բայց ձեր ջանքերն անտեսված են: Երկնային Հայրը ճանաչում է ձեզ, և Նա գիտի այն բարի գործերի մասին, որ դուք եք կատարում: Երբ շրջում եք՝ բարիք գործելով (տես Գործք Առաքելոց 10.38), ծառայելով առանց աղմուկի և ուսումնասիրելով սուրբ գրությունները, Սուրբ Հոգին կարող է հաստատել ձեզ ավետարանի ճշմարտացիությունը:

Մերի և Փիթեր Ուիթմեր Ավագի երեխաները.

Քրիստիան Ուիթմեր	Ջեյկոբ Ուիթմեր	Ջոն Ուիթմեր	Դեյվիդ Ուիթմեր	Քեթրին Ուիթմեր (Փեյջ)	Փիթեր Ուիթմեր	Էլիզաբեթ Էն Ուիթմեր (Քաուդերի)
Ութ Վկաներից մեկը	Ութ Վկաներից մեկը	Ութ Վկաներից մեկը	Երեք վկաներից մեկը	Ամուսնացել է Հայրամ Փեյջի՝ ութ վկաներից մեկի հետ	Ութ Վկաներից մեկը	Ամուսնացած է Օլիվեր Քաուդերիի՝ երեք վկաներից մեկի հետ