Lokal nga mga panid

Mga Kabatan-Onan ug nga Lider sa Area sa Pilipinas Nangandam alang sa Akk [Fsy] Nga Mga Komperensiya Nga Nakasentro Kang Jesukristo

“Mahimo ko ang tanang butang pinaagi kang Kristo nga nagapalig-on kanako” (Mga Taga-Filipos 4:13).

Kining gamhanan nga kasulatan mao ang tema karong tuiga sa Alang sa Kalig-on sa mga Kabatan-onan (AKK). Pinasubay sa 2023 nga Plano sa Area sa Pilipinas nga nagdapit sa tanang miyembro sa Simbahan nga “moduol ngadto kang Kristo”, ang Young Men ug Young Women giawhag sa pagtan-aw ngadto kang Jesukristo isip ilang tinubdan sa kusog sa tanan nga ilang gibuhat.

Ang Kabatan-onan ug ang mga Young Single Adult (YSAs) mahinamong nag-andam ug nanglantaw ngadto sa AKK [FSY] nga mga komperensiya sugod niining bulana diin sila makapalambo sa ilang mga pagpamatuod ug mangandam alang sa takos nga mga tumong sama sa misyonaryo nga buhat ug mahangtorong kaminyoon samtang sila maglakaw sa dalan sa pakigsaad.

“Akong gilaoman nga ang AKK niining tuiga nga makatabang nako ug sa ubang Young Men nga mas makapakita sa among hugot nga pagtuo diha ni Jesukristo ug motabang sa ubang tawo nga moduol ngadto kang Kristo,” nagpaabot ang desisayis anyos nga si Jully Mar Tabinas gikan sa Daet Philippines Stake. Isip usa ka naghupot sa Aaronic nga Pagkapari, naglaom siya nga moapil sa mga kalihokan sa pagpalig-on sa grupo uban sa iyang isig ka Young Men, usa ka butang nga iyang unang nasinati sa usa ka miagi nga kalihokan sa AKK.

Nagserbisyo isip usa ka kaabag nga koordinitor sa AKK, si Gerard Estandarte sa Pasig Philippines Stake nakahimo sa pagdapit sa usa ka maulawon nga Young Woman sa pagparehistro alang sa kalihokan. “Nagporsigi ko sa pag-awhag kaniya ug gani mihimo ko og pipila ka pagbisita ngadto sa ilang panimalay, siya mipakigbahin, “bisan pa man sa katinuod nga ako adunay AKK nga mga miting, mga pagbansay, ubang mga calling, ug mga butang nga kompletohon.”

“Naglaom kami sa pagpasarang sa kabatan-onan usab, mohatag kanila og espirituhanon nga mga kinaiya nga mopalambo sa ilang espirituhanon, emosyonal, sosyal, ug pisikal nga kusog,” mipakigbahin si Sister Sharon Perez, kinsa uban sa iyang bana nga si Edmond nagserbisyo isip Session Directing Couple (SDC) alang sa General Santos Philippines Stake ug Marbel Philippines District. Si Sister Perez naglaom nga ang kabatan-onan makakaplag og “pagsalig sa mga kasulatan ug sa mga pakigpulong sa Kinatibuk-ang Komperensiya ug gamiton kini isip usa ka himan samtang sila mangita og tubag sa ilang importante kaayo nga mga pangutana.”

Sa kataposan, si Elder Jose Antonio San Gabriel, kinsa mao ang Area Seventy nga gitahasan alang sa mga area sa misyon sa Iloilo ug Bacolod, mihatag og gibug-aton nga ang FSY nga mga komperensiya mao ang “usa ka ‘kinahanglan apilan’ nga kalihokan alang sa tanan natong kabatan-onan, nga walay eksepsiyon. Ang AKK usa ka undanon nga pagpangandam sa tanang gikinahanglan nga mga pagpangandam alang sa pagserbisyo og usa ka full-time nga misyon ug sa pagtabang sa atong kabatan-onan nga magpabilin diha sa dalan sa pakigsaad.”