Վերականգնման վաղ շրջանի կանայք

Վստահելով Տիրոջը

Բրենթ Մ․ Ռոջերս

Եկեղեցու Պատմության Բաժին

Քանի որ Մերի Էն Յանգը Տիրոջ մասին գիտեր սուրբ գրություններից, նրա խորը հավատքը պահպանում էր նրա զգացմունքները, և դրանք «բավական հանդարտ էին փոթորկի ողջ ընթացքում»:¹

Նկարը՝ Թոնի Օկայի

Մերի Էն Անջելը բախտ է ունեցել մեծանալու այնպիսի ընտանիքում, որտեղ առաջնահերթություն է եղել սուրբ գրությունների ուսումնասիրությունը: Նրան հատկապես դուր էր գալիս կարդալ Փրկիչի ուսմունքների մասին։² Նա իր կյանքի վաղ տարիներին արդեն գիտեր, որ կարող է սուրբ գրությունների միջոցով լսել Տիրոջ ձայնը և սփոփանք գտնել Նրա ուսմունքներում:

Նա լսեց Հիսուս Քրիստոսի վերականգնված ավետարանի մասին Ռոդ Այլենդում (ԱՄՆ) 1831 թվականին, իսկ Մորմոնի Գիրքը կարդալուց հետո դարձի եկավ դեպի ավետարանը:

1833թ․ նա տեղափոխվեց Կիրթլենդ, Օհայո։ Այնտեղ Մերի Էնը հանդիպեց Բրիգամ Յանգին և 1834 թվականի սկզբին նրանք ամուսնացան։ Հաջորդ 48 տարիներին անցնելով բազմաթիվ տեղափոխությունների և փորձությունների միջով, Մերի Էն Անջել Յանգը շարունակում էր լսել Տիրոջը սուրբ գրությունների միջոցով և իր անսասան վստահությունը դնել Նրա վրա:

Օրինակ, նրա ամուսինը 1839թ․ մեկնեց միսիայի՝ Մեծ Բրիտանիա, իրենց դուստր Ալիսի լույս աշխարհ գալուց 10 օր անց: Հաջորդ 20 ամիսներին Մերի Էնն ու նրանց վեց երեխաները ծանր կացության մեջ էին: Նրանք տառապում էին հիվանդությունից և գոյատևում էին հիմնականում եգիպտացորենի հացով, կաթով և այգում աճող մի քանի բանջարեղենով:³ Մերի Էնին հաջողվեց մի փոքր աշխատանք գտնել իր ընտանիքը պահելու և իր ու հիվանդ երեխաների մասին հոգ տանելու համար: Այնուամենայնիվ, Տերը նրանց օգնում էր այդ փորձությունների ժամանակ: «Հրաշալի բան է,- գրել է նա իր ամուսնուն,- Տիրոջը վստահելը»:⁴

Ապավինելով սուրբ գրությունների իր գիտելիքներին՝ Մերի Էնը կարծես խոր համոզմամբ հասկանում էր, որ Տերը միշտ իր հետ է, սիրում և հասկանում է իրեն, հատկապես բազմաթիվ փորձությունների ընթացքում: Նրա աղոթքն այսպիսին էր․ «Թող Տերն ուղղորդի մեզ ամեն բանում և սփոփանք տա ամենախավար ու դժվար ժամերին»։⁵

Հղումներ

1. Mary Ann Angell Young letter to Brigham Young, June 30, 1844, Brigham Young Office Files, 1832–1878, Church History Library, Salt Lake City (CHL).

2. See “Biography of Mrs. Mary Ann Young,” Woman’s Exponent, Sept. 1, 1887, 53–54; Emmeline B. Wells, “In Memoriam,” Woman’s Exponent, July 15, 1882, 28–29.

3. See Matthew C. Godfrey, “‘You Had Better Let Mrs Young Have Any Thing She Wants’: What a Joseph Smith Pay Order Teaches about the Plight of Missionary Wives in the Early Church,” BYU Studies, vol. 58, no. 2 (2019), 63–64.

4. Mary Ann Angell Young letter to Brigham Young, Apr. 15, 1841, Brigham Young Office Files, 1832–1878, CHL.

5. Mary Ann Angell Young letter to Brigham Young, Mar. 21, 1840, George W. Thatcher Blair Collection, 1837–1988, CHL.