Foto wa diledibua ngua kudi Niltza Beatriz Santillan Castillo; foto wa dipa ngua ku bimfuanyi bia Getty

Nshindamenu ya Buambi, Ngondo wa Dikumi ne Muibidi 2020

Kutangalaja kua Bukenka bua Musungidi mu Tshikondu tshia Diledibua dia Kilisto

Tuaku baudi usadila mushinga. Mushindu kayi uudi mua kusaka bakuabu bua basemena kudi Kilisto mu Tshikondo tshia Diledibua diende?

Nunku, mutudi tuvuluka Musungidi Yezu Kilisto tshidimu tshionso, Diledibua dia Kilisto didi dikala tshikondo tshitudi tusekelela dipa ditamba bunene dia kafidibua: “Bualu Nzambi wakatamba kunanga ba pa buloba, wakafila Muanende mulele umuepele” (Yona 3:16). Patudi tusadila mu Tshikondo tshia Diledibua dia Kilisto, tuetu petu tudi mua kufila mapa adi mua kuambuluisha bakuabu bua basemena kudi Musungidi. Bidi bikala bimpa patudi tuela meji se tudi bikala dipa didi Tatu wa mu Diûlu mufila.

Ntshidi Anu Munanga Dipa

Susan Hardy wa ku Californie, mu Etats Unis wa Amelika

Pamvua ne bidimu 11, mulongeshi wanyi wa Kalasa ka Dialumingu, Tatu Deets, wakambila kalasa ketu kajima bua se bituakuata ku moyo Tunungu tua Ditabuja ne kumumvuijatu, yeye neatusumbile yetu mifundu.

Tatu Deets ne Mamu Deets bavua bikala baselangana, bikala ku mbangilu kua dibaka. Ntshivua muikala mutuishibua to bua se Tatu Deets udi mua kusumbila muntu dipa. Kadi ngakapangadika bua se bikalaye wela meji ne Tunungu tua Ditabuja tuvua ne mushinga wa kukumbana bua kukuata ku moyo, nunku ngakadifunyina panyi bua kuenza.

Pangakajikija tonso 13, diba dia kapita ne ngakapua moyo dilaya diende.

Kadi, mu Dituku dia Tshikondo tshia Diledibua dia Kilisto, ngakapeta dibuki dikala ne dina dianyi pamutu. Pangakadibulula ngakapeta mifundu yonsu yanyi nkayanyi, ne kabeji kafunda kankankamika bua kuyibala misangu yonso. Biakenzeka mu tshidimu tshia 1972, ne lelu ewu ntshidi anu ne mifundu ayi. Idi mikala ya mushinga mukola buanyi.

Katshivua tshikala mushinga wa makuta wa dipa, kadi buimpe buvuaye mundeja ne didifila ku disua diende kebiakanshila dijinga dinene dia kulonga dîyi dia Nzambi. Ndi ndonda tshilejelu tshia Tatu Deets mu kuenza kua buambi mu kufila kua mapa kudi aba badi banyunguluke, ntekemena se ndi mua kubenesha mioyo ya bakuabu bumuvuaye mubenesha wanyi.

Dibikila bua Kunaya Peba

Richard M. Romney wa ku Utah mu Etats Unis wa Amelika

Pavua aba balongolodi ba Dituku dia Diledibua dia Kilisto mu tshikongu tshietu bandomba bua kukumbula tshimua tshidimba tshiteketa mu ditabuja ne kutshibikila bua tshibuela mu bulongolodi, ndi ngitaba se mvua ne kudikanda. Mvua mumona Darren anu musangu umua kumpala, pavuaye mubuela mu tshibilu tshishala tshia tshikongu. Uvua musuika tshilamba tshia bendeshi ba moto ku mutu wende. Nsuki yende mila mitoka ivua misuika tshimua panyima, uvua ne muedi mutoka wabungi ne maboko ende avua muuja ne mifundu ya nsalu.

Mpindiewu, banshindikija kudi tshidimba tshia tshikongu, mvua muimana ku tshîbi tshia Darren, ndikonka tshidiye mua kuamba. Wakatuitabila bua tubuela ne tuakamuambila tshituvua baluila. Wakamba se, “Oh, Ndi musua kutshienza!”

Wakenza mudimu muimpa, kuambuluishaye bua tshibilu tshikala tshia mushinga kudi babungi. Panyima pa matuku, mulunda wanyi wa buambi ne mema tuakalombibua bua tuikala tukumbula Darren. Uvua anu ne disanka pavuaye utumona, ne tuvua tuyukila miyuki mimpe. Ndi ne disanka dia muvua ngumvuilu wa dimubikila dietu bua kubuela mu bulongolodi bua tshibilu tshia tshikongu mulombola ku malanda mimpa.

Kuenza Buambi Kudi Bakuabu mu Tshikondu tshia Diledibua Dia Kilisto

Ebi bidi bimua bintu biudi mua kuenza bua kumanya se baudi usamba nebamanya se udi ubelela meji, nangananga mu tshikondu etshi tshia tshidimu.

1. Imua misangu dibikila dia ku telefona anyi kufunda bidi bifila disanka. Kubangisha muyuki ne miaku mikesa bumudi “Wetuau, udi bishi?” bidi mua kufila dishilangana.

2. Semena mu masekelela abu badibio bikumbana. Dituku dia Diledibua dia Kilisto didi mua kuikala tshikondu tshia kulonga pa malu mafuanangana atudi bitabuja. Paudi wamba malu audi muitabuja ne uteleja bakuabu, udi unzulula tshîbi ku diumvuangana dinena.

3. Sambila Mu Mena Abu. Lomba kudi Tatu wa mu Diûlu bua akuambuluisha bua umanya njila ya kubasemeja pabuipi ne Muanende.

4. Mapa a mushinga mukese ke atu atamba kuvulukibua. Mapa kaena ajinga ku akaja bikola bua anangibua to. Dipa dia diba, dipa dia kumvua, ditangalaja dia foto anyi tshivulukilu—ebi bidi mua kuikala mapa a ku moyo.

5. Fila dipa dia bujadiki. Balomba bua bakuambila mudi dinanga diabu dia Musungidi dikala, ne bambila peba dieba dinanga Buenda.

6. Bikila bakuabu bua balua mu mudimu wa Diledibua dia Kilisto. Bamua bantu mbasua kutendelela kadi kabena bamanya kua kuya to. Babikila bua balua kutendelela neba.

7. Uwuja nzubu yabu ne ditalala. Baleja bua bamanya se mishionyi idi ne mukenji wa pa buawu wa Diledibua dia Kilisto udibu mua kutangalaja, udi mua kubapesha ditekemena ne dinanga mu mioyo yabu.

Kuenza buambi kudi Bonso bu Tshisumbu

Majinga a tshisumbu tshionso adi wawu mushindu. Bimua bipeta bimpa bia dienza dia tshibilu tshinena. Bimua bisumbu bidi mua kupeta bipeta bimpa kupitshila ku malu makesa ne mateketa. Aba badi badibuika mu dilongolola ne dienza dia bibilu, badi bajingulula mu kusambila mushindu wa kuandamuna ku majinga adiku.

• Bidimba bia mu makunji asatu a mu Paris, France, biakambuluisha mu kutua mpanda ku Dilolu dia Dikenkesha Buloba Bujima divua dikala diangata tshipolu tshia kuleja bipedi ne ndejelu wa diluata. Bavua balongolola bintu bivua bifidibua kudi bena tshimuanyi ne bantu bavua kabayi ne nzubu.

• Dikunji dia Pankatshi dia Charlotte dia ku Carolina wa ku mutu dia kenza “Diledibua dia Kilisto mu Buloba Bujima” tshikuma mu nsangilu, ne bantu bua kusekelela Kilisto kupitshila ku biadidia, manaya a matunga makuabu pa Diledibua dia Kilisto, misambu, mapangadika a mudimu, ne manaya a bana pa diledibua.

• Bidimba bia mu Dikunji dia ku Vero Beach mu Florida biakaya bua kuvuluija nsangilu bua tshinyi tudi tusekelela Diledibua dia Kilisto. Bia dinaya nabio bia kabanyibua kudi bena midimu ya diambuluisha nsangilu. Nkuaya wa Kalasa ka Bana wakimba, ne ekelezia yabungi ivua ne bikandakanda bileja mamanyisha.

• Dikunji dia Jacksonville dia ku Florida wa kuinshi diakenza dinaya dia Musungidi wa Buloba bua nsangilu.

© 2020 Kudi Intellectual Reserve, Inc. All rights reserved. Mupatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Ministering Principles, December 2020. Tshiluba. 16727 760

Pabuipi ne Musungidi

“Patudi tudiambula mu lungenyi too ne ku muaba wa ku Betelehema, ‘muaba uvua Nzambi munkatshi mua butuku mulala pa bisosa,’ tudi mua kupeta dimanya dimpa dia Musungidi bu dipa dia kudi Tatu wa mu Diûlu mulengela ne wa dinanga.”

Mukulu Dale G. Renlund wa mu Tshisumbu tshia Bapostolu Dikumi ne Babidi, “That I Might Draw All Men unto Me,” Liahona, Ngondo Muitanu 2016, 40.