ចំទៅនឹងគោលដៅ
តើវាមិនចំឡែកទេឬអី សម្រាប់បងរបស់យ៉ារេឌក្នុងការសុំព្រះអម្ចាស់ធ្វើឲ្យ ថ្មភ្លឺ ?
ជាដំបូង បងរបស់យ៉ារេឌ បានអធិស្ឋានដោយសេចក្តីជំនឿ ដោយជឿថាគាត់នឹង « អាចទទួលនូវអ្វីៗដែល [ គាត់ ] ប៉ងប្រាថ្នា » ( អេធើរ ៣:២ ) ។ ចំណុចនេះមានន័យថា លោកទុកចិត្តថា « ការអ្វីដែលព្រះទ្រង់ធ្វើពុំបាន នោះគ្មានសោះឡើយ » ( លូកា ១:៣៧ ) ។ ហើយព្រះអម្ចាស់ ទទួលស្គាល់សំណូមពរដ៏ស្មោះត្រង់របស់លោក ។
ទីពីរ បងរបស់យ៉ារេឌ ប្រហែលអាចនឹងធ្វើតាមគំរូជំនាន់មុន ៖ ទូករបស់ណូអេ ។ ព្រះអម្ចាស់បានប្រាប់បងរបស់យ៉ារេឌ ថាភេត្រារបស់គាត់មិនអាចមានភ្លើង ឬបង្អួចទេ ( សូមមើល អេធើរ ២:២៣–២៤ ) ប៉ុន្តែព្រះគម្ពីរប៊ីប បាននិយាយថា ទូករបស់ណូអេមាន « បង្អួច » ( លោកុប្បត្តិ ៦:១៦ ) ។ ទោះបីជាពាក្យនោះបានបកប្រែថា « បង្អួច » តែប្រហែលជាមិនមែនជា បង្អួចពិតនោះទេ ។ ទស្សនៈ វិទូ និង អ្នកប្រាជ្ញា មួយចំនួនបាននិយាយថា « បង្អួច » របស់ ទូក គឺ ជាថ្មដ៏មានតម្លៃមួយ ដែលបញ្ចេញពន្លឺនៅក្នុងទូក ។ ដំណើររឿងទូករបស់ណូអេ ប្រហែលជាបងរបស់យ៉ារេឌ បានដឹង ។ ( កំណត់ត្រាសាសន៍យ៉ារេឌ រួមមានដំណើររឿងទាំងអស់ចាប់តាំងពីការបង្កបង្កើតរហូតដល់ប៉ម បាបិល [ សូមមើល អេធើរ ១:៣–៤ ] ) ។ ដូច្នេះសំណើបងរបស់យ៉ារេឌ មិនមែនខុសប្រក្រតីនោះទេ ។