មនុស្សម្នាក់នឹងបាត់ខ្លួនឆ្នាំក្រោយ
នៅល្ងាចមុនថ្ងៃបុណ្យគ្រីស្ទម៉ាស់ ខ្ញុំបានគិតថាតើខ្ញុំស្រឡាញ់ក្រុមគ្រួសាររបស់យើងខ្លាំងប៉ុណ្ណា ។ បន្ទាប់មកខ្ញុំ ទទួលអារម្មណ៍បញ្ជាក់យ៉ាងច្បាស់ ។
រចនារូបភាពដោយ ឃីនត្រា ប៊ីននី
វាគឺនៅល្ងាចមុនថ្ងៃបុណ្យគ្រីស្ទម៉ាស់ ។ យើងទើបតែទទួលសម្លៀកបំពាក់គេងយប់ថ្មីរបស់យើង ជាប្រពៃណីក្នងគ្រួសាររបស់យើង ។ ក្មេងៗលេងតន្រ្តីបុណ្យគ្រីស្ទម៉ាស់ ហើយមនុស្សគ្រប់គ្នារាំពេញក្នុងបន្ទប់ ។ គ្មាននរណាម្នាក់មួម៉ៅទេ គ្រប់គ្នាសប្បាយរីករាយ ញញឹម និងលេងសប្បាយជាមួយគ្នា ។ ដោយដឹងថាខ្ញុំកំពុងពរពោះ កូនម្នាក់ទៀត ខ្ញុំបានគិតអំពីសេចក្ដីស្រឡាញ់ដ៏ខ្លាំងរបស់ខ្ញុំចំពោះគ្រួសាររបស់យើង អំពីការរំភើបចិត្តដែលខ្ញុំមានកូនម្នាក់ទៀត បម្រុងនឹងចាប់កំណើតមក ។
បន្ទាប់មកខ្ញុំ ទទួលអារម្មណ៍បញ្ជាក់យ៉ាងច្បាស់ ។ ព្រះវិញ្ញាណបានខ្សឹបប្រាប់ខ្ញុំថា សមាជិកម្នាក់នៃគ្រួសាររបស់យើង នឹងមិន នៅជាមួយយើង ទេឆ្នាំក្រោយ ។
ក្រោយមកនាយប់នោះ ពេលដែលស្វាមីរបស់ខ្ញុំ ធីម និងខ្ញុំរៀបចំដាក់អំណោយក្រោមដើមឈើ គាត់បានប្រាប់ខ្ញុំថា គាត់បានទទួលអារម្មណ៍បញ្ជាក់កាលពីព្រលប់ថា សមាជិកគ្រួសាររបស់យើងម្នាក់នឹងមិននៅជាមួយយើងទេ នៅល្ងាចមុនថ្ងៃបុណ្យគ្រីស្ទម៉ាស់ឆ្នាំក្រោយ ។ ខ្ញុំបានប្រាប់ធីមថា អូនក៏បានទទួលការបញ្ជាក់ដូចគ្នាដែរ ។
មុនពេលយើងចាកចេញក្នុងដំណើរកម្សាន្ដក្រោយ គ្រីស្ទម៉ាស់ដើម្បីទៅសួរសុខទុក្ខក្រុមគ្រួសាររបស់យើងនៅរដ្ឋផេ្សង ធីមបានប្រាប់កូនៗរបស់យើងអំពីរបៀបរក្សាសុវត្ថិភាពអំឡុងពេលធ្វើដំណើរ ។ យើងស្មុគស្មាញដោយព្រោះអារម្មណ៍ថានឹងបាត់បង់សមាជិកគ្រួសារម្នាក់នៅក្នុងដំណើរកម្សាន្ដរបស់យើង ប៉ុន្តែយើងមានទំនុកចិត្តថាគ្រប់យ៉ាងនឹងមិនអី ។ យើងបានចេញដំណើរ មានពេលវេលាដ៏អស្ចារ្យជួបជាមួយសមាជិកគ្រួសារ ហើយត្រឡប់មកផ្ទះវិញដោយសុវត្ថិភាព ។
មិនយូរប៉ុន្មានដល់ពេលវលា ត្រូវពិនិត្យសុខភាពមុនពេលឆ្លងទន្លេរបស់ខ្ញុំ ។ វេជ្ជបណ្ឌិតបានផ្តលដំណឹងអាក្រក់ ។ ឧបករណ៍វាស់ហ្វ្រេកង់បញ្ជាក់ថា ទារកបានស្លាប់កាលពីពីរសប្តាហ៍មុនការពិនិត្យសុខភាពនោះ ។
ពេលដែលធីម និងខ្ញុំបើកឡានត្រឡប់មកផ្ទះវិញ យើងបានដឹងថា ពីរសប្តាហ៍មុននោះគឺជាពេលនៅល្ងាចមុនថ្ងៃបុណ្យគ្រីស្ទម៉ាស់ ។ យើងពុំដឹងប្រាកដទេថា ពេលណាវិញ្ញាណនឹងចូលក្នុងរូបកាយរបស់យើង ប៉ុន្តែធីម និងខ្ញុំបានមានអារម្មណ៍ថា កូនរបស់យើងបាននៅជាមួយគ្រួសារយើង មួយរយៈពេលខ្លី នៅល្ងាចមុនថ្ងៃបុណ្យគ្រីស្ទម៉ាស់នោះ ជាមួយគ្រប់គ្នាដែលកំពុងរាំកម្សាន្ដពេញក្នុងបន្ទប់ និងកំពុងតែរីករាយនោះ ។ យើងទទួលអារម្មណ៍នៃក្តីអំណរ ហើយយើងមានអារម្មណ៍ថាទារករបស់យើងមានចំណែកមួយក្នុងនោះ ។ មុនពេលគាត់ចាកចេញពីយើង យើងជឿថាគាត់បានក្លាយជាសមាជិកគ្រួសារជាអ្នកដែលនឹងមិននៅជាមួយយើងទេ នៅល្ងាចមុនថ្ងៃបុណ្យគ្រីស្ទម៉ាស់ឆ្នាំក្រោយ ។ ខ្ញុំជឿថានៅថ្ងៃណាមួយ យើងនឹងបានជួបកូនរបស់យើងម្តងទៀត ។ ខ្ញុំមានអំណរចំពោះភាពសុខសាន្តដែលនាំមកឲ្យខ្ញុំ ។ ◼