“Pigpig u dakean e Bitir nge Program nifen e Fal’yangren,” Liahona, October 2020

siasing/Llecheklel

Yalen e Pigpig

Sassing rok Tom Garner, Isaac Darko-Acheampong, Alexander K. Boateng, nge Jonas Rebicki

Yalen e Pigpig, October 2020

Pigpig u dakean e Bitir nge Program nifen e Fal’yangren

Pining e gidii’ min ayuwegraed e rogon kanawo’en e pigpig.

Bay kanaowo’en nrayayg ni ngan pigpig u dakean e Bitir nge Program nifen e Fal’yangren. Bay nbay e bitir rom fa fal’yangren nibay u tabinaew rom. Bay nigur e tiyogang’ ko fare program fa gur e cha’en ni gama pigpig ngak fapi tabinaew nibay e bitir riy nge fal’yangren. Fa bay ni ga manang boech e bitir nge fal’yangren (biney e be yip’fan ngodaed ni gubin). Demuturug ko rogon, bo’or kanawo’en nrayag ni ngan fanay fare program fa rogon yalen ninge tawa’ath nag e yafos ko gidii’.

Ayuweged i Gadaed u Ta’abang

Ayuweg e Bitir nge Fal’yangren ni ngar pired ni yaed be gay rogon ni gubin e rran ni ngar pired ni woed rogon fare Tathapeg, nima pigpig nib polo’. Gidii’ nike un ko biney e program e ke fil ni gelingin ni gabe mo’on’og u yuyang ulan e yafos rom, e arram rogon nib fel’ rogon nrayag ni ngam pigpig ngak boech e gidii’.

Machane Bitir nge Program nifen e Fal’yangren, e dani tu’uf ni ngam son nge mada’ ko ngiyal’ nikam fil banan fa ni irraram e ngiyal’ ni ngam tawa’ath nag wathan bee’. Rogon ni yibe fil rogon banan e arram rogon nrayag ni ngan pigpig.

Bay ba pagal ni fithingan i Prophet nibe’ nu Ghana, ni ayuweg e Bitir nge Fal’yangren ni ngar filed rogon i chubeg e piano. “Ba ga’fan ngog nib tu’uf ni nggu ayuweg e gidii’ ko tin ni gube fil mornga’agen,” ke yoeg Prophet.

Dariy fan ni dawri mang reb e sensey, n’en ni tafney nag e ke mon’og rogon ni n’en ni lemnag. Chiney e bay 50 e bitir nibe fil skul ko piano nib mu’un Prophet. Ma mini’ e be fil ngak Prophet nge pi 50 e bitir ney ni yaedbe fil skul. Alexander M. nge Kelvin M., l’agruw ni 13 e duw rorow. “Gamow ba’adag ni nggu dagew e tu’ufeg ngak e gidii’,” Ke yoeg Kelvin.

Dalip e rran ulan reb e wik ma fagli fal’yangren e yow ma fil e lesson ko piano ngak gubin e gidii’ ni ba’adag ni nge fil rogon e piano ndariy pilwon. Bo’or fel’ngin e re lesson ney ko piano. In u fithik fapi bitir e ra uned ko Galasia ni bachane re lesson ney ko piano ni fil mornga’agen fare gospel me dugliy ningar tawfe gaed.

Napan ni gadaed ra gay rogon ni ngaed mon’og niged e yafos rodaed, rayag ni ngaed pigpig gaed ngak e gidii’ napan ni kad piningedread ni ngar uned ngodaed.

Mami’ingin e tin nib Ga’fan ko Pigpig

Chan’ey ni’ir e Primary president, ni kanoeg i Sabrina Simões Deus Augusto ngak nibe’ nu Curitiba, Brazil, e ke guy rogon e re program ney nibe ayuweg e bitir nge fal’yangren ulan e stake rok. Ma ke guy rogon nib bo’or wo’en nrayag ni nge fanay e tin nike fil rogon ko tin nibe pigpig riy.

“Napan ni gura nang rogon banan,” ke yoeg i Sister Augusto, “ma rayog ni nggu fanay e biney ni nggu pigpig ngak bee’.”

I Sister Augusto e fil rogon ngak reb e sister rogon ni ngongliy e chocolate cake ni kanoeg e truffles ngay. Chiney ma re bpin ney e ma ngongliy e truffle cake nge pii’ ni chuway’ ni nge ayuweg e tabinaew rok. “Boech e pul nga tomuren, reb e bpin e fil rogon ngog i lith e flowa ni kanoeg e honey ngay nrayag ni nggu pii’ ni chuway’,” ke yoeg i Sister Augusto. “Nang rogon min fil rogon banan e rayag ni nge tawa’ath nag boech e yafos ko gidii’ me gelnag e tha’ rodaed ko pi pigpig ni gadaed be rrin e pi’in ni bpin.”

© 2020 ko Intellectual Reserve, Inc. Gubin ma bay mat’won. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Pilyeg ko Yalen e Pigpig, October 2020. Yapese. 16725 905

Uw rogon Nrayag ni nge Ayuwegnem e Bitir nge Program ko Youth ni Ngam Pigpig?

Pining e gidii’ ni nge yib nge un ko Bitir nge program ko Fal’yangren.

Rayag ni ngam pining gathon e tabinaew ko fapi fal’yangren ngar uned ko Bitir nge fare program ko Fal’yangren. Bay ni yaedra adag ni ngar uned ko gosgos, tin ni yibe fil, fa ra uned ko tin ni yibe fil ni mornga’agen e gospel nibay ko fare program. (Ko mornga’agen e pigpig u dakean e Come, Follow Me, muguy ko “Ministering through Come, Follow Me,” ulan e September 2020 ko Liahona.)
Ayuwegread ko fapi goals roraed.

Pumo’on nge bpin nima pigpig ngak e tabinaew nibay e fal’yangren riy, gur e gabay ni ngam pii’ e ayuw ko fapi goal nibay ko fapi Bitir nge Fal’yangren. Goal nibay roraed e kemus nifan ngoraed, fa’anra ga manang ko mang e yaed ba’adag, rayag ni ngam pii’ e ayuw ko rogon nib tu’uf roraed. Biney e rayag ni ngam rrin’ ni ngam gay mami’ingaen babyoren e tin nib tu’uf ko art roraed, fa woed ni ngan ayuwgread napan ni yaed be lith e ggan, fa ayuwegread ko tin ni ga manang rogon. Ga manang rogon ni ngam thilyeg e oil ko karo? Wup’ mad nike mogchoth? Gur bee’ ni gab cheg i duwer nag e gidii’ nibe sapnag e murwel? Rayag ni ngam moeg e tin ni gab cheg riy nge tin ni ga manang ni fa’anra yaed ba’adag ni ngar nanged.
Pining e gidii’ nge mang bang u lane yafas rom.

Mang bang u lane yafos rom e gathi kemus ni fan ko bitir nge fal’yangren. Rayag ni ngam un ko fare program ni demuturug ko ga’angin e duw rom. Napan ni gabe gay rogon ni ngam mon’og nag e tin nib thothup rom, dowef rom, nge llowaen’ rom, ma arram ni gabe fal’ag rogom ni ngam pigpig ngak bee’, ni demuturug ko mini’. Ni woed facha’ u Ghana ni kanoeg i Prophet ngak, rayag ni ngam pining e gidii’ ni ngar uned ngom ko tin ni gabe fil, demuturug ko ulung ni yibe fil rogon e lesson riy ko piano, fa ni yaen ko class ko exercise, fa ni fil reb e thin nib thil u ta’abang.
Fal’ag e goal ko pigpig.

Tafney nag ni gubin e rran ni ngam pigpig. Biney e rayag ni ngam rrin’ ni woed ni ngam text nag bee’ fa mu guy ko mang e be buch fa mu mada’ gow bee’ ngam nangfan salpen. Rayag ni ngam yoloey nga butt’ ko rofen nikan gargelnag fapi gidii’ ni gama pigpig ngoraed fa mu lekraed u social media ngayag ni ngam nang ko mang e yaed ba’adag. Kemus ni ngam gay rogon ni ngam tafney nag bee’ ni gonpa’an laal e minut nge tin nib tu’uf rok ma ran thogthog nag ngom e tin ni gara rrin’ nra ayuweg facha’.