Միայն թվային տարբերակով. Չափահաս երիտասարդներ

Սուրբ գրություններն ուսումնասիրելու ավելի քան մեկ ուղի

Մարիսա Վիդիսոն

Եկեղեցու ամսագրեր

Եթե նույնիսկ դուք չեք սիրում կարդալ, կան շատ ուղիներ սուրբ գրություններն ուսումնասիրելու համար:

Ես սիրում եմ իմ ներկա կոչումը՝ որպես Երեխաների միության դաշնակահար Մի քանի շաբաթ առաջ երեխաները սովորում էին մի երգ: Ես զգացի Հոգին, երբ նրանք երգում էին:

Որոնիր, խորհիր և աղոթիր

Դրանք այն բաներն են, որոնք պետք է անեմ:

Եվ Հոգին սրտիս կհաղորդի,

Ես գիտեմ, որ սուրբ գրությունները ճշմարիտ են:¹

Բայց նաև մի հարց ծագեց իմ գլխում: Իսկ ինչ, եթե ինչպես երգի առաջին տողերն են հուշում, դուք չեք սիրում կարդալ սուրբ գրությունները»: Կարծում եմ, կարդալու թեման իմ մտքում էր վերջերս, որովհետև մեկից ավելի ընկերներ կիսվել էին, որ իրենք մաքառում են կարդալու անկարողության հետ: Եվ ես գիտեմ շատ մարդկանց, ովքեր ուղղակի չեն սիրում կարդալ: Կա արդյո՞ք մի ուղի, որով նրանք կարող են, այնուամենայնիվ, ունենալ իմաստալի փորձառություն սուրբ գրությունների հետ, և զարգացնել «վկայություն, որ դրանք ճշմարիտ են»:

Մարդիկ, կարծես, լավագույն ձևով են յուրացնում, երբ տեղեկատվությունը ներկայացվում է բազմաթիվ տարբեր ձևերով, ինչպես տեսողական, այնպես էլ բանավոր, և դասերը կրկնվում են ժամանակի ընթացքում: Հաշվի առնելով այդ ամենը՝ ես փորձեցի մտածել սուրբ գրություններն ուսումնասիրելու այնքան տարբեր ձևերի մասին, որքան կարող էի: Այժմ, իհարկե այս ցուցակում ամեն ինչ չէ, որ կհամարվի որպես սուրբ գրությունների լուրջ և խորը ուսումնասիրություն, որը մարգարեներն են ուսուցանել՝ որպես մեր վկայությունների համար խիստ կարևոր. սրանցից մի քանիսը պարզապես արագ և զվարճալի գաղափարներ են, բայց ես մտածեցի, որ դրանք առնվազն կհուշեն ձեզ որոշ թարմ սեփական գաղափարներ: Եկեք ավետարանի ուսումնասիրությանը հատկացնենք մեր լավագույն ջանքերը, որպեսզի կարողանանք, ինչպես երգն է ասում, միասին «սկսենք հասկանալ»:

Գաղափարներ սուրբ գրությունների ուսումնասիրության համար

1. Նշեք խոսքերը, որոնք կրկնվում են ձեր հայրապետական օրհնության մեջ, և որոնեք այդ նույն խոսքերը սուրբ գրություններում:

2. Երբ ուսումնասիրեք, նկարեք ձեր մտքերի վերաբերյալ պատկերներ ուսումնասիրության տետրում կամ Եկ հետևիր ինձ ձեռնարկի լուսանցքներում:

3. Կառուցեք սուրբ գրության պատմության մանրանկաչական մոդել:

4. Զանգահարեք հեռու գտնվող ազգականի և միասին կարդացեք հեռախոսով:

5. Գրեք Աստծուն ուղղված հարցերի մի ցուցակ, իսկ հետո փնտրեք պատասխաններ, երբ կարդաք:

6. Դիտեք մի տեսաֆիլմ BookofMormonVideos.org-ից կամ BibleVideos.org-ից:

7. Բացեք սուրբ գրությունների որևէ գլխ և սկսեք կարդալ:

8. Երգեք մի օրհներգ, իսկ հետո նայեք սուրբ գրությունները, որոնք նշված են երգի վերջում:

9. Այցելեք topics.ChurchofJesusChrist.org և ուսումնասիրեք որևէ բան, որը ձեզ կհետաքրքրի:

10. Առցանց աչքի անցկացրեք արվեստի գործերը, որոնք պատկերում են սուրբգրային պատմությունը, որը դուք ուսումնասիրում եք:

11. Կարդացեք միայն գլուխների և բաժինների վերնագրերը:

12. Միացրեք հանգստացնող գործիքային երաժշտություն, երբ բարձրաձայն կարդաք:

13. Փնտրեք ուղիներ, թե սուրբ գրության յուրաքանչյուր գլուխ ինչպես է կապված տաճարի հետ:

14. Եթե դուք սովորաբար թվայնացված սուրբ գրություններ եք կարդում, փորձեք կարդալ տպագրված օրինակը կամ հակառակը:

15. Յուղաներկով կամ մատիտով նկարեք սուրբ գրության հատվածի մի տեսարան կամ պատմություն:

16. Պատկերացրեք, որ ձեզ հանձնարարվել է խոսել մի թեմայով եկեղեցում և ուսումնասիրեք այն:

17. Սուրբ գրության որևէ սիրված գլուխ կարդալուց հետո նորից գրեք այն ձեր խոսքերով:

18. Հետևեք որևէ սիրված հատվածի տողատակի նշումներին, ապա հետևեք տողատակի նշումներին այն հատվածներում, ուր առաջնորդվել եք, ապա հետևեք այդ տողատակի նշումներին, և այլն:

19. Հերթով բարձրաձայն կարդացեք հատվածները ընկերների հետ և խոսեք ձեր կարդացածի մասին:

20. Օգտագործեք Թեմատիկ Ուղեցույցը՝ ուսումնասիրելով մեկ խոսք կամ թեմա:

21. Գերագույն համաժողովի որևէ ելույթի վերջում տրված հղումների մեջ նայեք բոլոր սուրբ գրությունները:

22. Դրեք սուրբ գրության որևէ հատված մի տեղում, որը դուք ամեն օր տեսնում եք, և փորձեք անգիր սովորել այն այս շաբաթ:

23. Բացիկներ գրեք մարդկանց մխիթարող սուրբ գրության հատվածներով:

24. Օգտագործեք Gospel Library-ին և լսեք սուրբ գրությունները, երբ դրանք բարձրաձայն ընթերցվում են:

25. Երբ կարդում եք Մորմոնի Գիրքը, իրադարձությունների ժամանակացույցի սխեմա կազմեք:

26. Գտեք «սուրբ գրությունների մի սիրահարի» և ամեն առավոտ միմյանց մի հատված գրեք:

27. Սկսեք Մորմոնի Գրքի վերջին գլխից և կարդացեք մինչև սկիզբը:

28. Կարդացեք սուրբ գրություններ, որոնք ներառում են վկայություն, ապա գրեք ձեր վկայությունը:

29. Եթե դուք որևէ գործիք եք նվագում, փորձեք մի երգ գրել, որն արտահայտում է այդ հատվածի զգացումը:

30. Հարցրեք ընտանիքի անդամներին կամ ընկերներին իրենց սիրելի սուրբ գրության հատվածների մասին:

31. Երբ կարդում եք, նկարեք առարկաներ, որոնք նկարագրվում են, օրինակ Նեփիի կոտրված աղեղը:

32. Կարդացեք և անգիր սովորեք այն հատվածները, որոնք օգտագործվում են միսիոներական դասեր ուսուցանելիս, որոնք գտնվում են Քարոզիր Իմ Ավետարանըգրքի երրորդ գլխում:

33. Կարդացեք Աստվածաշնչի մի գիրք, որը դուք երբևէ չեք կարդացել:

34. Հետազոտեք սուրբ գրության որևէ հերոսի կյանքը և գրեք մի կենսագրական զեկույց:

35. Սուրբ գրության որևէ պատմության դերակատարում արեք` որպես ընտանեկան երեկոյի կամ Եկեղեցու որևէ այլ միջոցառման մաս:

36. Գտեք մի մեջբերում որևէ Եկեղեցու առաջնորդի կողմից, որը համապատասխանում է ձեր ավարտած յուրաքանչյուր գլխին:

37. Կարդացեք սուրբ գրությունների ուսումնասիրության օժանդակ նյութերը, ինչպես օրինակ Մորմոնի Գրքի ներածությունը կամ Աստվածաշնչյան բառարանը:

38. Ժամանակ անցկացրեք բնության գրկում և մտածեք, ինչպես է ձեր տեսածը կապված ավետարանի հետ, ապա գտեք մի հատված այն մասին, ինչ սովորել եք:

Ունեցեք ձեր սեփական գաղափարները: Կիսվեք դրանցով ձեր ընկերների հետ:

Բացահայտեք ավելին

Բացեք նաև YA Weekly-ն՝ Gospel Library հավելվածի չափահաս երիտասարդների բաժնում, որտեղ ամեն շաբաթ կարող եք տեսնել ոգեշնչված նորություններ և նյութեր չափահաս երիտասարդների համար:

Դուք կարող եք ուղարկել ձեր սեփական պատմությունները, գաղափարները և կարծիքը liahona.ChurchofJesusChrist.orgկայքին: Անհամբեր սպասում ենք ձեր արձագանքներին։

Հղում

1. “Search, Ponder, and Pray,” Children’s Songbook, 109.