“Buambi kupitshila ku Tshisangilu tshia Biadidia bia Tshijila,” Liahona, Ngondo Muisambombo 2020

Bimfuanyi bia Edward McGowan

Nshindamenu ya Buambi, Ngondo Muisambombo 2020

Buambi kupitshila ku Tshisangilu tshia Biadidia bia Tshijila

Tshisangilu tshia biadidia bia tshijila tshidi tshifila mishindu ya dipetangana ne dienza buambi kudi bakuabu.

Tshisangilu tshia biadidia bia tshijila tshidi tshikala tshipolu tshia didia dinsantu ne diela meji dia muntu nkaya bua Mupandishi ne Bupikudi Buende. Patudi tuabanyangana biadidia bia tshijila lubingu lonso, tudi tudishibua pamue (tangila Malongeshi ne Bipungidi 84:110). Kadi bakuabu mu bikongu ne matamba bietu badi balua ne majitu makole anyi bakuabu kabena nansha balua to.

Eyi idi mishindu mikesa idi ituleja mutudi mua kuangata diba dinsantu edi bua kusamba bakuabu ne kutuala dishintuluka mu mioyo yabu.

Enza bua se Tshisangilu tshia Biadidia bia Tshijila Tshikala Tshimpa kudi Aba Baudi Usamba

Tshitupa tshia kumpala mu kumanya kua kuenza kua buambi tshidi tshilomba kumanya muntu ne muntu anyi mêku ne majinga abu. Kudi anu bua kuikala mishindu yudi mua kukudimuna kudia kuabu kua biadidia bia tshijila bua kulua mushindu muimpa wa kutendelela anu pa kubamanya bikola.

Bua Mindy, mamu wa tshitenda uvua ne bana bakesa ba mapasa, kudienzeja kukesa kua mamu muambi wenda kuakafila dishintuluka dinena mu buikadianganyi buenda mu tshisangilu tshia biadidia bia tshijila lubingu lonso.

Mindy udi umvuinja se “Anu bua meba a mudimu a bayanyi, mvua nya ne bana betu ba mapasa bakaji mu ekelezia nkayanyi lubingu lonso.” “Bidi bikala bitatshisha bua kubeja bana bakesa ba mutoyi babidi munkatshi mua tshisangilu tshia biadidia bia tshijila, kadi mamu muambi wanyi wakangata dipangadika dia kungambuluisha.

“Udi usomba netu ne ungambuluisha bua kukuba bana banyi ba bakaji lubingu lonso. Anu buikadianganyi buanyi nenda ku luseka budi ne mushinga wabungi buanyi ne budi buntuyisha didiabakena padibu babangisha dipitshisha tshiji anyi lutoyitoyi. Tshiena mumanya bua se udi mua kuikala mumanya mushindu udi bienzedi bienda binkuatshisha mpidieu mu moyo wanyi. Yeya wakamona dijinga dianyi mema bu mamu wa tshitenda uvua ne didiabakena, ne udi wenza bua se ekelezia ikala muaba wa ditalala ne wa disanka buetu bonso.”

Ngenyi ya Kuambuluisha Nayi Aba badi ne Majinga a Pabuawu

Enza luapolu kudi balombodi ba tshisumbu tshia bakulu ne Kasumbu Kambuluishi bitangila majinga a bidimba.
Balombodi badi balongolola miyuki ya kuenza mu tshisangilu tshia biadidia bia tshijila bua kuandamuna ku majinga a bidimba. Pikala aba baudi usamba bikala bajinga kumvua diyisha kampanda, leja kudi balombodi lungenyi elu.
Pawikala udi mumanya se muntu udi ne bulema anyi lutatu ku tshiadidia ludi lubapangisha bua kusanka ne mabenesha a biadidia bia tshijila, bakonka bua bakumvuija ne bakuleja tshidi mua kuenjibua bua kulengeja kusambila kuabu. Manyisha bualu ebu kudi balombodi beba.
Pikala muntu uudi usamba anyi uudi mumanya kayi ukumbana bua kulopoka mu nzubu, nansha bikala kashidi anyi bua mutantshi mukesa, lomba muepiskopo bua kubatumina biadidia bia tshijila ku nzubu. Udi mua kuangata nansha mifundu diba dia tshisangilu tshia biadidia bia tshijila ne kubatumina ku telefona, ku email, anyi mu buntu.
Pikala muntu uudi usamba muikala ne bana ba bitenda, udi mua kubambuluisha mu tshikondo tshia tshisangilu tshia biadidia bia tshijila.
Pikala aba baudi usamba kabayi batamba kulua mu tshisangilu tshia biadidia bia tshijila, teta kubumvua ne keba mishindu iwudi mua kubambuluisha. Pikalebu dijinga ne tshia kuendela, udi mua kubafutshila njila. Pikalebu badiumvua kabayi batuibua mpanda kudi dîku diabu, udi mua kubabikila bua basomba neba. Udi mua kuenza mabikila a pabuawu bua kubambuluisha bua bumvua bakidibua ne bajingibua mu tshisangilu tshia biadidia bia tshijila.

Vuluka bua se, Tshienzedi Tshikesa Kitshitu Tshifila Dishintuluka

Mu kuakula kua bualu bua buambi, Mamu Jean B. Bingham, Muimanyinyi Mukulu wa Kasumbu Kambuluishi, wakalongesha ne: “Misangu mikuabu tudi tuela meji bua se tudi ne bua kuenza tshintu tshinena ne tshia bulobo bua ‘kubala’ bu diambuluisha kudi bena mutumba betu. Nansha bienzedi bia mushinga mukesa bidi mua kuenza malu manena kudi bakuabu—ne kutudi kabidi.”¹

Mu tshikongu tshikesa ku Belgique, Evita uvua utamba kuambuluisha bua kukudimuna bua benyi ne bidimba bivua biakula muakulu wa Espagnol mu bisangilu bia Ekelezia. Musangu mukuabu, bakalua kudi Evita ne muntu uvua mufuma ku Republique Dominicaine uvua ulonga pa Ekelezia. Uvua mumanya Angele ndambu, kadi Espagnol uvua muikala muakulu wenda wa tshileledi. Nunku Evita wakamukudimuina bimpa mu tshisangilu tshia biadidia bia tshijila ne yeya wakadiumvua bilenga.

Evita udi wamba se: “Kukudimuna kutu kuikala misangu mikuabu ku kepesha Nsabatu wanyi.” “Kadi kulonda kua matumikila bua kukonka bakuabu ne badi dijinga ne mukudimunyi, kudi kungumvuija disanka ne luya bua kumanya kua se Ndi nkumbana bua kubambuluisha bua bapeta Nyuma ne bananga bisangilu.”

Ngenyi ya Kuambuluisha nayi kupitshila ku Bienzedi Bikesa

Akula ne balombodi beba bua kumanya udi dijinga ne diambuluisha dikesa munkatshi mua tshisangilu tshia biadidia bia tshijila. Anyi paudi mumanya umua, enza bua se balombodi beba bikala babamanya.
Somba ne ditalala mu kuindila bua tshisangilu tshituadija. Etshi netshiambuluisha “mioyo mikuabu idi mu tshinyongopelu ne nyuma mibungama idi mitunyunguluka”² ikeba ditalala didi dilua anu ku kanemu mu muaba munsantu.
Mu Dialubingu dia milombu, pangadika bua kuenza milombu ne masambila bua muntu uudi usamba udi dijinga ne bukola bukuabu.
Sambila bua kumanya ne kudi muntu udi mua kusanka kuikala neba ku luseka anyi pabuipi nabu munkatshi mua tshisangilu tshia biadidia bia tshijila anyi pikaleku mushindu mukuabu uudi mua kuambuluisha.

Tshisangilu tshia Biadidia bia Tshijila Tshidi mua kuikala Muaba wa Diakidila bua Bonso.

Muimanyinyi Joseph Fielding Smith (1876–1972) wakalongesha ne: “Tshisangilu tshia biadidia bia tshijila tshidi tshia tshijila tshiabungi, Nyuma wabungi, ku bisangilu bionso bia Ekelezia.”³ Pananku, bidi bikala ne mushinga bua kujadika se bonso badi babuela mu tshisangilu tshia biadidia bia tshijila badiumvua bakidibua ne badisha mu nyuma—nanga nanga bidimba bipiabipia anyi bidimba bivua kabiyi bilua panyima pa matuku to.

Merania wa ku Wales wa Sud, mu Australie, uvua ne bulunda ne mamu uvua ulonga pa Ekelezia mu tshikongu tshienda. Merania udi wamba se: “Ukadi mushala umua wa ku balunda banyi bananga mpindiewu.” “Ndi munanga kusomba nenda mu tshisangilu tshia biadidia bia tshijila lubingu lonso, ne ntu mmukonka mudiye muikalangana ne nekudi tshintu tshindi mua kuenza bua kumuambuluisha.” Panyima pa matuku, mulunda wa Merania wakabatijibua. Kudienzeja kua bidimba bia mu tshikongu, popamua ne ngikadilu wa diakidila mu tshisangilu tshia biadidia bia tshijila, biakamusaka bikola ku dipangadika diende.

Ngenyi bua Kuenza Buambi kudi Bidimba Bipiabipia anyi Bidi Bialukila

Paudi ne bua kuakula mu tshisangilu tshia biadidia bia tshijila, udi mua kubikila balunda, dîku, ne bakuabu bua balua kumvua diyisha dieba.
Udi mua kukeba ne kuakidila aba badi nkayabu anyi badi mua kuikala dijinga ne diambuluisha. Balomba bua kusomba ku luseka luabu anyi babikila bua kusomba ku luseka lueba.
Padi tshisangilu tshijika, udi mua kubikila aba baudi usamba ne bakuabu ku bibilu bia Ekelezia bilualua, ku ntempelo, anyi tshibilu tshia mu nsombelu wa bantu.
Padi muntu uudi usamba bua kulua mu tshisangilu tshia biadidia bia tshijila kadi muikala uvua ushala mu disambila, udi mua kubakonka pikalebu badi ne nkonku pa bivuabu balongesha. Bambila bua se badi anu bua kusemena kuudi pikaleku kuvua muaku, muyuki, anyi tshitupa tshia Malongesha tshivuabu kabayi bumvua. Udi bua kukeba mandamuna pamua nabu pikalebi bikumbana.

© 2020 kudi Intellectual Reserve, Inc. All rights reserved. Mupatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Ministering Principles, June 2020. Tshiluba. 16988 760