2020
Fjórar myndir frá páskaviku
Apríl 2020


Fjórar myndir frá páskaviku

Ljósmynd
A crown of thorns.

„Mitt ríki er ekki af þessum heimi“ (Jóhannes 18:36).

Þyrnikóróna

Sjá Matteus 27:29; Markús 15:17; Jóhannes 19:2.

Rómversku hermennirnir settu þyrnikórónu á höfuð frelsarans. „Ef til vill var þessum grimmilega gjörningi ætlað að vera stæling á því þegar keisari er krýndur með lárviðarsveig. … Hve átakanlegt þetta var, þegar haft er í huga að þyrnar eru táknrænir fyrir vanþóknun Guðs, er hann, Adams vegna, lagði þá bölvun á jörðina að hún leiddi fram þyrna. Jesús snéri þó tákni þyrnanna upp í tákn eigin dýrðar, með því að bera þessa kórónu“ (James E. Faust forseti, aðalráðstefna, apríl 1991).

Skarlatsrauð kápa

Sjá Matteus 27:28; Markús 15:17; Jóhannes 19:2.

Skarlatsrauður var konunglegur litur og hermennirnir settu þessa kápu háðungslega yfir Jesú, því hann hafði sagst vera konungur Gyðinga. Í raun er hann auðvitað miklu meira en það – hann er „konungur konunganna og Drottinn drottnanna“ (1. Tímoteusarbréfið 6:15; Opinberunarbókin 19:16).

Ljósmynd
Oil on canvas painting of Christ standing with hands bound in front, and dressed in a purple robe. Pilate is seated and dressed in gold and white. Artist signed and dated painting in lower left hand corner.

„Blóð drýpur úr hverri svitaholu, svo mikil verður angist hans“ (Mósía 3:7).

Ólífupressa

Sjá Matteus 26:36; Markús 14:32; Lúkas 22:39–40; Jóhannes 18:1.

„Það er átakanlega táknrænt að það var í Getsemane sem Jesús þjáðist, á stað ólífupressunnar, svo að ,blóð draup úr hverri svitaholu‘ [Mósía 3:7]. Á tímum frelsarans var ólífuolía búin til með því að merja fyrst ólífurnar undir stórum veltandi steini. Þannig varð til ,mauk‘ sem sett var í deigar gróffléttaðar körfur, sem staflað var ofan á hver aðra. Þunginn pressaði út fyrstu og bestu olíuna. Stór og þungur bjálki var síðan settur ofan á körfurnar til að ná fram meiri olíu. Steinum var loks staflað ofan á bjálkann, til að ná fram mestri mögulegri pressu og kreista fram síðustu dropana. Já, benda má á að olían er blóðrauð þegar hún fyrst streymir út“ (öldungur D. Todd Christofferson, aðalráðstefna, október 2016).

Ljósmynd
A stone olive press

„Hann er ekki hér, hann er upp risinn“ (Lúkas 24:6).

Tóm gröf

Sjá Matteus 28:1–8; Jóhannes 20:1–18.

„Tóm gröfin þennan fyrsta páskamorgun veitti svarið við spurningu Jobs: ,Þegar maðurinn deyr, lifnar hann þá aftur?‘ [Job 14:14]. Til allra sem heyra rödd mína boða ég, að þegar maðurinn deyr, þá mun hann lifa á ný. Við vitum það, því að við höfum ljós opinberaðs sannleika“ (Thomas S. Monson forseti, „Hann er upp risinn!“ aðalráðstefna, apríl 2010).

Ljósmynd
Jesus Christ's empty tomb - set at Goshen, Utah

Teikning af þyrnikórónu, eftir Dilleen Marsh

Kristur og Pílatus, eftir Marcus Vincent, birt með leyfi Church History Museum

Ljósmynd af olífupressu, frá Getty Images