Կազմակերպչական փոփոխությունները կենտրոնանում են երիտասարդներին զորացնելու վրա

Որպեսզի Եկեղեցու երիտասարդներին հետագայում հնարավորություն տրվի հասնել իրենց աստվածային ներուժին, 2019թ. հոկտեմբերի գերագույն համաժողովին Նախագահ Ռասսել Մ. Նելսոնը հայտարարեց Երիտասարդ Տղամարդկանց և Երիտասարդ Կանանց կազմակերպություններում կատարվող փոփոխությունների մասին (տես էջ 38): Այդ մասին բացատրեց Տասներկու Առաքյալների Քվորումից Երեց Քվենթին Լ. Քուքը (տես էջ 40) և Երիտասարդ Կանանց Գերագույն նախագահ Քույր Բոնի Հ. Քորդոնը (տես էջ 67):

Այս փոփոխությունները շեշտում են, որ եպիսկոպոսի «առաջին և ամենակարևոր պարտականությունն է՝ հոգ տանել իր ծխի երիտասարդ տղամարդկանց և երիտասարդ կանանց մասին»,- ասաց Նախագահ Նելսոնը: Փոփոխություններն ընդգրկում են ծխի Երիտասարդ Տղամարդկանց նախագահությունների գործունեության դադարեցումը: Եպիսկոպոսությունը, որպես Ահարոնյան Քահանայության նախագահություն, կաջակցվի խորհրդատուների քվորումի, իսկ որոշ դեպքերում՝ մասնագետների կողմից: Ծխի Երիտասարդ Կանանց նախագահը հաշվետվություն կտա ուղիղ եպիսկոպոսին:

Քվորումի և դասարանների նախագահությունները կկենտրոնանան փրկության աշխատանքի վրա, ներառյալ՝ անդամների միսիոներական աշխատանքի, նորադարձին Եկեղեցում պահելու, ոչ ակտիվ անդամների ակտիվացման, տաճարային և ընտանեկան պատմության աշխատանքների և ավետարանի ուսուցման վրա: Երիտասարդների քվորումը և դասարանի նախագահները ծրագրում և անցկացնում են կիրակնօրյա ժողովներ, ծառայության ծրագրեր և այլ միջոցառումներ:

Երիտասարդների «Համատեղ միջոցառումներ»-ը այսուհետ կկոչվեն «Երիտասարդ Կանանց միջոցառումներ», «Ահարոնյան Քահանայության քվորումի միջոցառումներ» կամ «երիտասարդների միջոցառումներ»: Բյուջեի հատկացումները երիտասարդների միջոցառումների համար պետք է հավասար բաժանվի յուրաքանչյուր կազմակերպության երիտասարդների թվաքանակի համաձայն:

Երիտասարդ կանանց թեման ևս վերանայվել է, իսկ Երիտասարդ Կանանց դասարանների թիվը պետք է կազմակերպվի երիտասարդ կանանց թվի և կարիքների համաձայն: Դասարանները կկոչվեն «Երիտասարդ կանայք», որին կհետևի դասարանի անդամների տարիքը, օրինակ՝ «Երիտասարդ կանայք 12-14» կամ պարզապես «Երիտասարդ կանայք», երբ բոլորը միասին են, մեկ դասարանում: «Փեթակ», «Համաստեղություն» և «Դափնի» անունները այլևս չեն օգտագործվելու:

Ցցի բարձրագույն խորհրդի անդամը կծառայի որպես ցցի Երիտասարդ Տղամարդկանց նախագահ, իսկ ցցի Երիտասարդ Տղամարդկանց նախագահությունը կծառայի ցցի Ահարոնյան Քահանայություն-Երիտասարդ Կանայք հանձնաժողովում՝ ցցի Երիտասարդ Կանանց նախագահության հետ, բարձրագույն խորհրդականի հետ, ով կցված է Երիտասարդ Կանանց և բարձրագույն խորհրդականի հետ, ով կցված է Երեխաների Միությանը:

Այլ փոփոխություններով Սփոփող Միությունը, Երիտասարդ Կանայք, Երիտասարդ Տղամարդիկ, Երեխաների Միությունը և Կիրակնօրյա դպրոցը կկոչվեն «կազմակերպություններ»՝ «օժանդակ կազմակերպությունների» փոխարեն, իսկ ղեկավարները Եկեղեցու մակարդակում կկոչվեն «Բարձրագույն պաշտոնյաներ» և «ցցի պաշտոնյաներ»՝ տեղական մակարդակում: