An Ritōl ro Kwaļo̧k Kadkad Kijejeto eo Ekāāl n̄an Ajri ro im Jodikdik
Ajri ro im Jodikdik ro naaj bōk jikin ilo Jānode 2020 n̄an jipan̄ armej ro ļoor Rilo̧mo̧o̧r eo ilo aer eddōkļo̧k ilo jetōb, iiao̧, ānbwin, im jeļāļo̧kjeņ. N̄an kōnono ilo māākjin ko me kōnono kōn Ajri ro im Jodikdik ro, lale peij 40 im 53.
“Iien eo em̧ōj an itok, kar āje n̄an jipan̄ ajri ro im jodikdik ro raan kein ipeļaakin laļin,” Būreejtōn Russell M. Nelson eaar ba ilo juon kadiwōjļo̧k imejatoto ilo Jetōm̧ba 29, 2019.
“Ijeļo̧kin lewaj n̄an eok elōn̄ jerbal ko,” eaar ba n̄a ajri ro im jodikdik ro, “kōmij karuwaineneik kom̧ n̄an kapilōk ippān Irooj kōn wāween am̧ maron̄ eddōkļo̧k ilo juon wāween eo ejokon wōt juon. Enaaj menin nōbar im limo, ak enaaj bōk jidik kijejeto ilo m̧ōttan eo am̧. Kwonaaj aikuj pukot revelāsōn eo an juon make. Kwonaaj aikuj in kālet n̄an kwe make elmen jerbale. Jet iien Jetōn emaron̄ im̧we eok n̄an kōm̧m̧ani men ko reppen. Ij jeļā kwoj ioon apan̄. Komaron̄ kōm̧m̧ani men ko reppen.
Būreejtōn Nelson eaar bar ba bwe ro jinen im jemen ewōr ippāer juon jerbal eaorōk. Eaar ba, “Jouj kalōk jemdoon ko rekajoor ippān ajri ro im jodikdik ro.” “Ritōl ro ilo Kabun̄ in remaron̄ jipan̄, ak rein rej nejimi. Ejjeļo̧k juon emaron̄ bōk juon im̧we eļapļo̧k kōn em̧m̧an eo aer ijeļo̧kin kwe. Iakwe er, rōjan̄, im kipel, ak jum̧ae kapo n̄an anjo̧ ioer. Renaaj kōm̧m̧ane ijo em̧m̧antata ilo aer kōjerbal anemkwoj eo aer make.
Būreejtōn Nelson eaar wōnm̧aanļo̧k wōt, “Kipel in ej iokļo̧k bar ritōl rem̧m̧an im rikaki ro an ajri ro im jodikdik ro.” “Jej aikuj in kōtļo̧k bwe armej ro ren tōl, eļaptata ro em̧ōj aer kūr im kōjenoļo̧k n̄an jerbal ilo būreejtōnji ko an kūlaaj im doulul. Mālim eo an priesthood em̧ōj an ilo̧k n̄an er. Renaaj ekkatak elmen bōk im̧we ilo tōl kūlaaj ak doulul eo aer.”
Ilo ejja kōmeļeļein, Būreejtōn M. Russell Ballard, Rijipan̄ Būreejtōn eo an Doulul eo an Jon̄oulruo Rijilōk ro, kar kwaļo̧k kadkadin visōn eo n̄an Ajri ro im Jodikdik ro n̄an “kōkajoorļo̧k diktak in epepen in n̄an tōmak ilo Jisōs Kraist, im jipan̄ ajri ro, jodikdik ro, im baam̧le ko aer eddōkļo̧k ilo iaļen bujen in ilo aer jelm̧ae apan̄ ko an mour in.”1 Eaar ba bwe “jipan̄ ajri ro im jodikdik ro n̄an bōk juon naan in kam̧ool kōn Jisōs Kraist enaaj kōjeraam̧m̧an er im kōj aolep ilo mour ko ad.”
Ālkin an jodikdik ro pād ilo juon kadiwōjļo̧k ilo mejatoto ilo juon m̧akūtkūt n̄an kwaļo̧k kilen kōjerbal Kadkadin Tōl n̄an Ajri ro im Jodikdik ro, Būreejtōn Ballard eaar ba: “Ej kab jino in. Rainin, jej kab jino m̧akūtkūt in. En̄in ej men eo jenaal etal kake ilo baam̧le ko ad im ilo ami jerbal ippān doon. Kōmi kūr kom̧ n̄an etal wōt kōn m̧akūtkūt in. … Mama im baba, jouj etal wōt kōn menin ilo m̧weo.” Eaar kwaļo̧k bwe “en̄in ej juon ijjino ilo m̧weeo, Rie būrookram̧ an Kabun̄” im bwe “baam̧le ko ren ippān doon ilo būrookram̧ in. En̄in ej ta eo bwe en ļap kōm̧m̧ane.”
Ilo elōn̄ eria ko ilo laļin, m̧am̧a im baba ro im ritōl ro raar bar bōk kadkadin tōl eo aer make. Eria ko jet renaaj bōk ukook eo an Ajri ro im Jodidkik ro ilo kajin eo aer make ilo 2020.
Ekkatak gospel, jerbal in jipan̄ im m̧akūtkūt ko, im eddōkļo̧k an juon make (ekoba peek im kadedeļo̧k kōttōbar ko) naaj m̧ōttan jibadbad eo an Ajri ro im Jodikdik ro, im jodikdik ro reaikuj tōl ilo kōm̧m̧an pepe. Ajri ro im Jodikdik ro rej pukot revelāsōn an juon make ilo aer eddōkļo̧k ilo iaļen bujen in, jipan̄ jān baam̧le eo, ritōļ ro, im ro jet. Būreejtōn Ballard eaar kile bwe Ajri ro im Jodikdik ro ej juon kijejeto ilo aolepen peļaakin laļin im kōn menin en ajedeed n̄an “ijo kwoj pād ie im jekjek ko an baam̧le eo am̧.”
Kakkobaba in meļeļe im mennin jipan̄ ko naaj lewaj ilo Jelm̧ae Doon eo ilo kadiwōjļo̧k eo imejatoto n̄an ajri ro im jodikdik ro ilo Nobōm̧ba 17, 2019 , jen Elder Gerrit W. Gong jen Doulul eo an Jon̄oulruo Rijilōk ro. Ajri ro im jodikdik ro 8 iiō ļo̧k n̄an 18 ilo 2020 jineer im jemeer, im ritōl ro an Jiron̄ Ro, rikakpilōklōk ro an Priesthood eo an Aron, im ritōl ro an Būraimere rej ruwainene in kobatok. Jilkinļo̧k kajjitōk ko am̧ kōn būrookram̧ eo an Ajri ro im Jordikdik ro n̄an Elder Gong ilo facetoface.ChurchofJesusChrist.org. Ālkin kadiwōjļo̧k in, eo im enaaj diwōjļo̧k ilo 18 kajin ko, video eo enaaj bar diwōjļo̧k ak kanne jabdewōt iien.