M̧ōttan ko Rem̧m̧an jān M̧ōttan eo Kein Karuo an 189th in Kweilo̧k eo Eļap

Ritōl ro an Kabun̄ in rekar ekōnono ilo iien kweilo̧k eo rekar kajjitōk elōn̄ alen n̄an erom̧—n̄an em̧ōņōņōļo̧k wōt, n̄an ekkwojarjarļo̧k wōt, n̄an erom̧ āinwōt Rilo̧mo̧o̧r, im jipan̄ ro jet n̄an kōm̧m̧an ejja āinwōt wōt.

Ta eļapļo̧k, rekar kōm̧m̧ani bwe oktak eo en tōprak n̄an kōj kajjojo.

“Irooj ekōņaan bwe aolep ajri ro Nejin ren bōk m̧ōttan kōjeraam̧m̧an ko indeeo rej pād ilo tampeļ,” Būreejtōn Russell M. Nelson eaar katakin. “… erreo eo an juon make n̄an deļo̧n̄e m̧weo im̧ōn Irooj ej aikuji eļap m̧aanjabpopo eo ilo jetōb an kajjojo. Bōtaab kōn jipan̄ eo an Irooj, ejjeļok men epen.”

Kappukot M̧ōņōņō im Kōkwojarjar

Būreejtōn Nelson ej kūr kōj kajjojo n̄an karbōb n̄an bōk kōjeram̧m̧an ko an tampeļ (lale peij 120).

Būreejtōn Henry B. Eyring ekar kōmeļeļe kōn ekkeijel eo ikōtaan kōļapļo̧k kōkwojarjar im kōļapļo̧k m̧ōņōņō (lale peij 100).

Elder D. Todd Christofferson ekar katakin kōj wāween n̄an kappukot “lan̄lōn̄ eo an ro rikwojarjar” (lale peij 15).

Juon Kūr n̄an Iakwe im Jeer

Būreejtōn Nelson ekar katakin aorōkin iakwe ro rūtūrūr im tipdik jerbal in jipan̄ eo an Kabun̄ in ipeļaakin laļ in (lale peij 96).

Elder Dieter F. Uchtdorf ekar kōmeļeļeik kajoor eo an karuwaineneik ro jet n̄an “itok im lale” (lale peij 86).

Sister Cristina B. Franco ekar kōmeļeļeik lan̄lōn̄ eo an kwaļo̧k gospel eo (lale peij 83).

Kōkajoorļo̧k Jodikdik ro

Rikanaan eo ekar kwaļo̧k kadkadin oktak ko n̄an doulul eo an jodikdik ro me enaaj kōperan būreejtōnji ko an doulul an jodikdik ro im kūlaaj ko n̄an jutak lōn̄tak im tōl (lale peij 38).

Elder Quentin L. Cook ekar kwaļo̧k wāween an ritōl ro an Priesthood eo an Aron naaj jerbal (lale peij 40).

Sister Bonnie H. Cordon ekar kwaļo̧k oktak ko n̄an Doulul eo an Jiron̄ ro (lale peij 67).

Kalōk Tampeļ ko; Kalōk Kōj

Būreejtōn Nelson ekar kōjeļļā kōn tampeļ ko rualitōk rekāal ilo m̧wen̄an eo an kōrā (lale peij 120).

Ilo ālkin raelep in Jabōt, ekar katakin kōn karbōb n̄an delo̧n̄e tampeļ eo im kar kwaļo̧k kadkadin kajjitōk in etale ko ikkijeen pepa in mālim n̄an delo̧n̄e tampeļ (lale peij 120).