“ʻI he taʻu ʻe 2,000 kuohilí, ne ʻaʻahi mai ai ʻa hotau Fakamoʻui ko Sīsū Kalaisí ki he māmaní, ʻo fokotuʻu Hono Siasí pea mo ʻEne ongoongoleleí. Naʻá Ne ui ha kau ʻAposetolo pea tuku kiate kinautolu ʻa e fekau ʻke ʻalu ʻa kimoutolu ʻo fakalotuʻi ʻa e ngaahi puleʻanga kotoa pē’ [Mātiu 28:19].

“Kuo fakafoki mai ʻa e Siasi ʻo e ʻEikí ʻi hotau kuongá. Ko e Fakamoʻuí ko e ʻulu ia ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. ʻI heʻemau hoko ko e kau ʻAposetolo ʻo Sīsū Kalaisi ʻi he ngaahi ʻaho ní, ʻoku mau vahevahe he ʻahó ni ʻa e pōpoaki tatau mo ia ne vahevahe ʻe he kau ʻAposetoló ʻi he kuohilí—ʻoku moʻui ʻa e ʻOtuá pea ko Sīsū ʻa e Kalaisí.”

—Palesiteni Russell M. Nelson, lolotonga ʻene ʻi ʻĪtali ki hono fakatāpui ʻo e Temipale Rome Italy ʻi Māʻasí.

Ko e Kau Palesitenisī ʻUluakí mo e Kōlomu ʻo e Kau ʻAposetolo ʻe Toko Hongofulu Mā Uá ʻi he Senitā Takimamata ʻo e Temipale Rome Italy