សួស្តី មកពី ប្រទេសហ្វីលីពីន !
ខ្ញុំឈ្មោះប៉ោឡូ ។ហើយខ្ញុំឈ្មោះម៉ាហ្គោ ។ ឆ្នាំនេះយើងកំពុងធ្វើដំណើរជុំវិញពិភពលោកដើម្បីរៀនអំពីបុត្រាបុត្រីរបស់ព្រះ ។ សូមចូលរួមជាមួយពួកយើង ពេលយើងទៅលេងប្រទេសហ្វីលីពីន !
មានប្រជាជនប្រហែលជាមួយរយលាននាក់រស់នៅប្រទេសហ្វីលីពីន ដែលមានសត្វដ៏គួរឲ្យចាប់អារម្មណ៍ជាច្រើន !
មានភាសាធំៗចំនួនប្រាំបីត្រូវបាននិយាយនៅប្រទេសហ្វីលីពីន ។ ព្រះគម្ពីរមរមនត្រូវបានបោះពុម្ពជាភាសាមួយហៅថាសេប៊ូអាណូ ។
តើអ្នកទៅព្រះវិហារដោយរបៀបណា ? នៅប្រទេសហ្វីលីពីនគ្រួសារមួយចំនួនជិះឡានម៉ាកស្ស៊ីបវែងជាយាន្តជំនិះ !
នេះជាចិញ្ជៀន ជ.ផ.ត. ជាភាសាមួយរបស់ហ្វីលីពីនហៅថាតាកាឡុក ។ នេះជារបៀបនិយាយថា « ជ្រើសផ្លូវត្រូវ » ៖ piliin ang tama ។
នេះគឺជាព្រះវិហារបរិសុទ្ធនៅទីក្រុងសេប៊ូ និងម៉ានីល ។ ហើយសូមមើលមានអ្វីទៀត ? ព្រះវិហារបរិសុទ្ធទីពីរកំពុងសាងសង់នៅទីក្រុងម៉ានីល ! ហើយព្រះវិហារបរិសុទ្ធក៏កំពុងត្រូវបានសាងសង់នៅក្នុងទីក្រុងពីរបន្ថែមទៀតគឺទីក្រុងអ៊ូដានេតា និងកាយ៉ាយ៉ាន ឌឺ អូរ៉ូ ។
កុមារហ្វីលីពីនលេងល្បែងកម្សាន្តមួយហៅថា luksong tinik ឬ « ការលោតរំលងបន្លា » ។ កុមារម្នាក់ ឬពីរនាក់អង្គុយលើកម្រាលឥដ្ឋ ហើយដាក់ជើង និងដៃរបស់ពួកគេគរលើគ្នា ។ បន្ទាប់មកកុមារផ្សេងទៀតព្យាយាមលោតរំលងលើវាដោយពុំឲ្យប៉ះដៃ ឬជើងនោះឡើយ ។
សូមជួបជាមួយមិត្តភក្តិមួយចំនួនរបស់យើងមកពីប្រទេសហ្វីលីពីន !
« ខ្ញុំទន្ទឹងចាំការអានព្រះគម្ពីររបស់យើងជាគ្រួសារនៅពេលល្ងាច ។ ខ្ញុំមានអារម្មណ៍ល្អជានិច្ច ពេលខ្ញុំអានព្រះគម្ពីរ » ។ឡាននៀ ឌី អាយុ ១០ ឆ្នាំ ទីក្រុង សេនត្រុល លូស្សូន ប្រទេសហ្វីលីពីន
« នៅគ្រាដំបូងដែលខ្ញុំរៀនអានអក្សរ ខ្ញុំមានអារម្មណ៍កើតទុក្ខ ដោយសារខ្ញុំពុំអាចអានបានលឿនឡើយ ។ ឪពុកម្តាយ និងបងស្រីខ្ញុំបានជួយខ្ញុំ ហើយឥឡូវនេះ ខ្ញុំរំភើបចិត្តនឹងអានព្រះគម្ពីរណាស់ » ។អាគូមែន អាយុ ៧ ឆ្នាំ ទីក្រុង សេនត្រុល លូស្សូន ប្រទេសហ្វីលីពីន
តើប្អូនមកពីប្រទេសហ្វីលីពីនឬ ? សូមសរសេរមកកាន់ពួកយើង ! ពួកយើងចង់ឮពីប្អូនៗ ។
សូមអរគុណចំពោះមកការទស្សនាប្រទេសហ្វីលីពីនជាមួយពួកយើង ! ជួបគ្នាពេលក្រោយទៀត !